شبكة القناص - الموقع الرسمي للاعب ياسر القحطاني

- صدى المشاعر ( النظم ) (http://www.alqanas.com.sa/vb/f71/)

- - إلبس الثوب ياللي كل عمرك وهم (http://www.alqanas.com.sa/vb/t198974/)

إلبس الثوب ياللي كل عمرك وهم

كل الاحـــــــلام كذبة لي نسجها الخيال
إلبس الثوب ياللي كل عمــــــــرك وهم

عبرتي فوق خـــــــــــدي خلدتها الليال
والشقــــــى سَم روحي وارتويت الندم

أشـــــــرب الهم واتنا من سرابي زلال
الأســــــــــــــــــى يعتبرني للمعاني قلم

والحــــــــياة تركتني والممات استحال
وش تبي يا عـــــذابي .. يا قياد العشم

ياغشيم .. المشاعـــر .. ما بكينا دلال
ولا هجــــــــــرني حبيب ولا حبيبٍ ظلم

ليت بوحــــــي مغـنّـه لابسات الجلال
كان شيِفت جروحي ما حواها العدم !

غـابت الشمس يالله يالغصون النحال
هـــــــاك سرب العباير والقهر والألم

عمر بن عبدالمحسن

رد: إلبس الثوب ياللي كل عمرك وهم

عبرتي فوق خـــــــــــدي خلدتها الليال
والشقــــــى سَم روحي وارتويت الندم
..
غـابت الشمس يالله يالغصون النحال
هـــــــاك سرب العباير والقهر والألم
....
صح لسانك ..
كلمات جميله ..وأحساس أجمل ..
قصيده رائعة ..
أستمر أخ عمر ..الله يعطيك العافية

رد: إلبس الثوب ياللي كل عمرك وهم

رائع استمر اخ عمر

رد: إلبس الثوب ياللي كل عمرك وهم

أقتباسأشـــــــرب الهم واتنا من سرابي زلال
الأســــــــــــــــــى يعتبرني للمعاني قلم

والحــــــــياة تركتني والممات استحال
وش تبي يا عـــــذابي .. يا قياد العشم

الله عليك الله عليك ..
شي جميل جداً .. استمتعت ب الاحساس بكل بيت ..
صح لسانك مليون ..

لا تحرمنا من هالجمال ..

رد: إلبس الثوب ياللي كل عمرك وهم

الله ع المصافحه الرائعه
صح الله لسانك ..

إبداع إبداع
واحساس جدا جميل