شبكة القناص - الموقع الرسمي للاعب ياسر القحطاني - وضع الهلال قبل وبعد مشكلة التدريب . ومستقبل الهلال

بسم الله الرحمن الرحيم

انا اليوم بتكلم على وضع الهلال من بداية الموسم مع (كومبواريه)الى اللحظه هذي وبعد أقالة (كومبوارية) وتعيين (زلاتكو)

في وقت كومبوارية كان يلعب وهو شبة تائه او ضائع يدخل المباراة على عماها والغريب ان الهلال واجه مشاكل في المدربين لاكن مثل أخطاء المدرب الفرنسي اللتي جاءت بالتسلسل البسيط الغير واضح ,,للكل,, تلاعب في التشكيلات من مباراة الى مباراة والمشكلة البسيطة لدى المدرب والمهمة للجماهير والادارة والهلال في الاصل , عدم أشراك محمد الشلهوب في أكثر من مباراة اللتي كانت تحتاج لاعبين مثل طراز محمد الشلهوب..

الحين ماراح ننظر الى الخلف وانشاء الله نظرنا الى الامام دائما خسرنا من أفرقة كنا نأكلها بالخمسة الفتح وتعادلنا مع الاتفاق وهزمنا بمرارة النصر القزم.. مع احترامي للجميع,,

وانتوا ياجمهور الهلال مايحتاج اذكركم لانها اشياء واضحة أو كانت واضحة للجميع وهي سيطرة الهلال على الاندية الثلاث اللتي طعمنا الهزيمة منها...

نرجع للنظرة المسقبلية للهلال مع المدرب زلاتكو الداهية الصغيرة...

أعتقد أنه راح يستخدم اللاعب ويحطه بالمكان الصحيح له , وبيخرج بعض اللاعبين اللي ما يأدي للهلال شي.
كلنا نذكر ايش سوا زلاتكو مع الفيصلي وكان الفيصلي منافس قوي لجميع الاندية في موسم مضى..

اللاعبين اللي صراحة حاب اشكرهم واشكر مايقدمونه من جهد.

ياسر الشهراني , ويسلي لوبيز (العقرب) , الكوري يو بيونج مايقصر , سلمان الفرج , سلطان البيشي,سالم الدوسري
والباقين ماعليهم قصور

( ياسر القحطاني , نواف العابد , محمد الشلهوب , عبدالعزيز الدوسري . اوزيا دي باولا , جوستافو بوليفار , المرشدي , الزوري) نقول لهم شدوا حيلكم تراء الجاي أقوى وأقوى

لو تلاحظون مباريات الهلال القادمه راح تكون مبارتان قووية جدا ..

1- السبت 09/2/2013 ( الهلال _ الفيصلي ) نصف كأس ولي العهد
2- الخميس 14/2/2013 (الهلال _ الشعلة ) دوري زين
3- الخميس 21/2/2013 (الهلال_ الشباب ) دوري زين
4- الأربعاء 27/2/2013 (الهلال _ العين ) دوري أبطال أسيا

رسالة نوجهها الى الادارة واللاعبين ترا خلفكم جماهير قلوبها معكم شدوا حيلكم وفرحونا وعقبال البطولات والكوؤس أنشاء الله

كلمة ختام أعذرونا على القصور والاخطاء واتمنى لكم كل التوفيق..

كتب _ راشد الدوسري (الــتورو)