خثاريدز [ أبومشاري ] 2 - شبكة القناص

**BO7** · 20-12-2012, 05:08 AM

السلام عليكم

[ يا برد البرد بردااااه ... أثر البرد باارد !! ]

..

الأهل مجتمعين على الدفايه تقل ( حلقة تحفيظ قرآن ) .. وأنا أدور على الأفياش بشحن جوالي , ولفيت على كل الأفيثاش ومارضت تشتغل يا أن الفيش خربان أو الشاحن خربان .. وآخر شي رحت بأشبك الشاحن في الفيش حق الدفايه تصايحوا يقولون ( لا تفصله ) .. لاهم اللي تدفوا زين .. ولا أنا اللي شبكة جوالي >> يناظر جواله

وبالأخير شبيت النار وناديتهم ثم رحت أعدي للدفايه وفصلتها وشبكت جوالي >> مخ ياحبيبي مخ

..

مره كنت أمشي في الشارع ولابسن تسع ثياب وفروه وشايلن الدفايه معي

.. شوي إلا شاطفني باص مدرسة وهو يدعس على المويه اللي في الارض .. وهي تجيك " شلالات الأمازون "" في وجهي

الثياب راحت فيها والدفايه انحرقت .. أهم شي إني أخذت لي " ترويشة بالمجان "

.. يومنه راح رفعت يدي للسماء ودعيت علاه دعوه أقوى من دعوتي لبشار

.. خله يستاهل مع إنه ماقصر وخلاني أتروش مجاناً !

..

مره دخلت بقاله أنا و واحد من الجماعه .. المهم قلت له والله ماتحاسب أشتر اللي تبغى لين تنكسر يدك وهو يروح يعبي من هالأكياس .. وأنا أروح أعبي كيسين .. المهم اجتمعنا الكاشير ( وياليتنا ما اجتمعنا

) ......
قال المحاسب : الحساب كذا وكذا .. وأنا أدخل يدي في جيبي يقال إني بدفع .. أدور أدور .. يمين يسار .. فوق تحت والله البلشه وأناظر في خويي وهو يناظر فيني وقال : أخلص ادفع ..

الليل والله المصيبه .. قلت له : أدفع أنت ... قال : وش ... قلت : اللي سمعته ... وهو يدفع ويوم طلعنا من البقاله وأنا أشوف خشمي طايحن بالأرض وأشيله .. ( دا أنا بنحط في مواقف بااااااااااااااااايخه )

..

( الشماغ - البزر ) أهم سببين لعدم الخشوع في الصلاه :

- الشماغ : إذا ركعت تخرب الشخصيه .. وتروح تعدلها .. إذا سجدت تطيح بالأرض .. وتقوم تشيلها .. مافيه حل إلا أنك تربطها على راسك كنك " يمني مهرب قات "

- البزر : أحذر أخي المسلم تصلي جمب بزر والله أنه بينكد علاك .. مره صليت جمب بزر عمره 3 مدري 4 مدري 5 المهم أنه بزر .. إذا جيت بركع يحط رجله فوق رجلي ويناظر فيني ويضحك

.. وإذا سجدت دخل راسه عندي وقام يوزع إبتسامات .. وإذا وصلنا للتشهد الأخير قام يناظر فيني لمدة ساعه كامله بدون مايتلفت .. لذلك إذا صليت جمب بزر وخلصت الصلاه قم و عد صلاتك لأنك ماكنت خاشع أصلاً

..

..

الحريم في الواتس آب يحشون في خلق الله .. وفلان فيه كذا وفلان فيه كذا .. وياليتهم يسمعون لبعض لا تلقى وحده تجيب خبر والثاني تلحقها بخبر .. والشيطان جالسن بينهم يقول "" وش السالفه ""

!!
وإذا خلصوا حش .. قالوا " الله يستر علينا وعليه " .. أنتي خليتي شيء أصلاً .

..

دخلت التويتر من اللاب توب وخربطت في كلمة السر وعطوني سؤال ( نريد نتأكد أنك إنسان ) < وش ذا الدلاخة يعني معقول تبي تجي فارة وتدخل حسابي .. كمية غباء لامحدوده !!

..

فيه لعبة بالايباد فكرته انك تسوي محل وتبيع ملابس واكسسوارات، عاد امي توصي اختي تقوله يا بنيتي لا تبيعين شي موب ساتر ما يجوز .. إنا لله وإنا إليه لراجعون ..

..

والآن مع فقرة [ أثبتت الدراسات ] مع المقدم اللي لابسن كرفته " أبو مشاري "

:

1) اثبتت الدراسات البريطانيه ان السعوديين هم اللي يخترعون الدراسات البريطانيه !
2) أثبتت الدراسات أنه إذا جاء مطر أول شيء يسويه الطالب السعودي البحث عن إجازه !
3) أثبتت الدراسات أن المشاريع في السعوديه " شد لي و أقطع لك " !
4) اثبتت الدراسات أنه في كل كيس سكر يوجد " فنجال أو بياله " !
5) اثبتت الدراسات أن السعودي أول مايسجل في تويتر يتابع الشيخ محمد العريفي !

..

أنتهت خثاريدزي الماصله والمارجه .. على الأمل اللقاء بكم في مواضيع قادمه

قريباً جداً بينزل إعلان لموضوع " شقران وقشران " بتكلم عن القصه والمواضيع وكل شيء فيها
وبعد الإعلان بأسبوعين بنزل قصة [ شقران و قشران ] عارف إني تأخرت علاكم لكن كل تأخيره فيها خيره

اللي عنده سؤال أو يبغى توقيعي

يتفضل هُنا https://twitter.com/abo_msharry

20-12-2012, 05:08 AM	#1
BO7 عضـو اللجنـة الإعلاميـة ولجنة اصدقاء المجلس	خثاريدز [ أبومشاري ] 2 السلام عليكم [ يا برد البرد بردااااه ... أثر البرد باارد !! ] .. الأهل مجتمعين على الدفايه تقل ( حلقة تحفيظ قرآن ) .. وأنا أدور على الأفياش بشحن جوالي , ولفيت على كل الأفيثاش ومارضت تشتغل يا أن الفيش خربان أو الشاحن خربان .. وآخر شي رحت بأشبك الشاحن في الفيش حق الدفايه تصايحوا يقولون ( لا تفصله ) .. لاهم اللي تدفوا زين .. ولا أنا اللي شبكة جوالي >> يناظر جواله وبالأخير شبيت النار وناديتهم ثم رحت أعدي للدفايه وفصلتها وشبكت جوالي >> مخ ياحبيبي مخ .. مره كنت أمشي في الشارع ولابسن تسع ثياب وفروه وشايلن الدفايه معي .. شوي إلا شاطفني باص مدرسة وهو يدعس على المويه اللي في الارض .. وهي تجيك " شلالات الأمازون "" في وجهي الثياب راحت فيها والدفايه انحرقت .. أهم شي إني أخذت لي " ترويشة بالمجان " .. يومنه راح رفعت يدي للسماء ودعيت علاه دعوه أقوى من دعوتي لبشار .. خله يستاهل مع إنه ماقصر وخلاني أتروش مجاناً ! .. مره دخلت بقاله أنا و واحد من الجماعه .. المهم قلت له والله ماتحاسب أشتر اللي تبغى لين تنكسر يدك وهو يروح يعبي من هالأكياس .. وأنا أروح أعبي كيسين .. المهم اجتمعنا الكاشير ( وياليتنا ما اجتمعنا ) ...... قال المحاسب : الحساب كذا وكذا .. وأنا أدخل يدي في جيبي يقال إني بدفع .. أدور أدور .. يمين يسار .. فوق تحت والله البلشه وأناظر في خويي وهو يناظر فيني وقال : أخلص ادفع .. الليل والله المصيبه .. قلت له : أدفع أنت ... قال : وش ... قلت : اللي سمعته ... وهو يدفع ويوم طلعنا من البقاله وأنا أشوف خشمي طايحن بالأرض وأشيله .. ( دا أنا بنحط في مواقف بااااااااااااااااايخه ) .. ( الشماغ - البزر ) أهم سببين لعدم الخشوع في الصلاه : - الشماغ : إذا ركعت تخرب الشخصيه .. وتروح تعدلها .. إذا سجدت تطيح بالأرض .. وتقوم تشيلها .. مافيه حل إلا أنك تربطها على راسك كنك " يمني مهرب قات " - البزر : أحذر أخي المسلم تصلي جمب بزر والله أنه بينكد علاك .. مره صليت جمب بزر عمره 3 مدري 4 مدري 5 المهم أنه بزر .. إذا جيت بركع يحط رجله فوق رجلي ويناظر فيني ويضحك .. وإذا سجدت دخل راسه عندي وقام يوزع إبتسامات .. وإذا وصلنا للتشهد الأخير قام يناظر فيني لمدة ساعه كامله بدون مايتلفت .. لذلك إذا صليت جمب بزر وخلصت الصلاه قم و عد صلاتك لأنك ماكنت خاشع أصلاً .. .. الحريم في الواتس آب يحشون في خلق الله .. وفلان فيه كذا وفلان فيه كذا .. وياليتهم يسمعون لبعض لا تلقى وحده تجيب خبر والثاني تلحقها بخبر .. والشيطان جالسن بينهم يقول "" وش السالفه "" !! وإذا خلصوا حش .. قالوا " الله يستر علينا وعليه " .. أنتي خليتي شيء أصلاً . .. دخلت التويتر من اللاب توب وخربطت في كلمة السر وعطوني سؤال ( نريد نتأكد أنك إنسان ) < وش ذا الدلاخة يعني معقول تبي تجي فارة وتدخل حسابي .. كمية غباء لامحدوده !! .. فيه لعبة بالايباد فكرته انك تسوي محل وتبيع ملابس واكسسوارات، عاد امي توصي اختي تقوله يا بنيتي لا تبيعين شي موب ساتر ما يجوز .. إنا لله وإنا إليه لراجعون .. .. والآن مع فقرة [ أثبتت الدراسات ] مع المقدم اللي لابسن كرفته " أبو مشاري " : 1) اثبتت الدراسات البريطانيه ان السعوديين هم اللي يخترعون الدراسات البريطانيه ! 2) أثبتت الدراسات أنه إذا جاء مطر أول شيء يسويه الطالب السعودي البحث عن إجازه ! 3) أثبتت الدراسات أن المشاريع في السعوديه " شد لي و أقطع لك " ! 4) اثبتت الدراسات أنه في كل كيس سكر يوجد " فنجال أو بياله " ! 5) اثبتت الدراسات أن السعودي أول مايسجل في تويتر يتابع الشيخ محمد العريفي ! .. أنتهت خثاريدزي الماصله والمارجه .. على الأمل اللقاء بكم في مواضيع قادمه قريباً جداً بينزل إعلان لموضوع " شقران وقشران " بتكلم عن القصه والمواضيع وكل شيء فيها وبعد الإعلان بأسبوعين بنزل قصة [ شقران و قشران ] عارف إني تأخرت علاكم لكن كل تأخيره فيها خيره اللي عنده سؤال أو يبغى توقيعي يتفضل هُنا https://twitter.com/abo_msharry التوقيع: تابعني في تويتر , عشان تصير صديقي "" مدونتي ""