أموت بعيونك , ولا هان باقيـك ..
كلك حـلا بس البــلا بـ عيـونـك

الحكـايه ماهي حكايـة .. عجزت أنساه
بس هو وصاني "إذكريني كلما فاز الهلال"
يلا عاد .. هات لي شي ينسيني هواه
إما توقف الزعيم ! ولا لنسيانه مابه مجال

# خـربشتــي

يا أهل الرجيم اللي تبون (النحافه)
واللي بوصفاته على جسمه أجحف ..
بقول له وصفه (ولا به كلافه)
جرب مفارق من تحبه وتنحف ..!

إي والله صادق

من حبك لي الورد إنحنى , شي أكيد ما أحبك قـدك
إنت كثيـر والله كثيـر علي , الله لا يحرمني منك

إحسـاس غيـــر

تخلق فيني حُب الحياة ، وأنت الحياة اللي أحبها ياهلال ..
حبنا العظيم لك ، و إنجازاتك الكبيرة ، و بطولاتك الأسيوية
ما تنهيها (صافرة ظالم) و على الدوري السلام !

إخطي ليمي خطوة وبخطيلك عشر ، تبقى بعيد ولو قربت !
مليت أشوفك حلم بحياتي ، ياما عانيت و تحملت وصبرت ..
صديت وقلت أنساه ذنب وبيغفر ، ويشهد الله عنك ماتبت !
بالحيل تعشقك ذاتي ، أدعي عسى أشوفه بحلمي ونمت ..
عسى باكر مع بعض نسهر ، ويجي باكر حتى ظله ماشفت !

# خربشتي

فلا الدّنيا بباقيه لحيّ ، ولا حيٌ على الدنيا بباقي ..

غصب عن عيونهم كلهم ( أنـا حبيبـتك ) !

صباح الحـب لك إنت ، و صباح الخير لـ الناس ..

طبعا كلنا عارفين إنو أمس الجمعه كانت بطولة القناص للحواري ..

خلي البطوله كلها بس عندي شي حابه أوريكم إياه ، طبعا مع الحضور الكبير
من الجماهير كان لازم الكابتن يجيب معه حارس شخصي له ﻷنو بلا شك الكل
يبغى يسلم ع الكابتن ويتصور معه ، لقيت فيدو باليوتيوب لسعيد الشهراني
نجم قناة بداية طبعا هو كان حاضر البطولة .. أتركم مع الفيديو

https://youtu.be/wYgGTDRYOYQ

والله العظيم ماينلامون الجمهور ، ضخامته وطوله يخوف بشكل ياعمي أصلا
ماهو باين إنو في كرسي قدامه من الأساس عشان يبان ياسر

يمي يمي يمي ! أصعب شي إنك تسوي شي حاولت قد ماتقدر ماتسويه
جبت العيد من شوي إهيء إي والله مدري كيف صار أنا قاعده أحاول أستوعب
هالمره غصب عني صارت والله أنا قاعدة أتحلطم هنا ﻷنو شايله هم ماني عارفه
نتيجة اللي سويته كيف حتكون ياويلي يارب مايصير شي أمانه إدعولي الله يسترها
معاي تصدقون شلت همه ألحين أكثر من هم إختباري النهائي اللي بعد كم ساعة

# حلطمه ع السريع

شايلين همي ولا مادريتوا عني ؟ تبغون تعرفون وش صار معاي
والله نيتي سليمه "على نياتكم ترزقون" الحمدلله اللي كنت خايفه منه
ربي سهلها علي و جاني أحسن مما كنت متوقعه والله أمس كنت فرحانه
بشكل ماهو طبيعي فعلا فصلت عليهم فصله بنت كلب ! حظي أمس كان
ميه ميه من الفرحه ماخليت أحد بحاله أمس لدرجه قعدت مع ناس ماأعرفهم
وسولفت معاهم وكأنو أعرفهم من سنة الكل قالي إنتي منتي بعقلك أكيد
شاربه شي والله ما أنلام بس ياخي كان شي مره جميل و فرحني بقوة
عساها تكمل معاي باقي الأيام وما يقلب علي حظي :/ نقول يارب ..

خلوني أتحلطم براحتي وسلكوا لي

يا صباح الهنا و الفل

أسبوع و شوي وأنا غايبه عن المدونه والله آشتقت لها بس عاد
فترة إختبارات زي ما إنتوا عارفين ، وكنت مشغوله مع الحبايب
أحد عنده القمر يخليه ويجي المدونه ؟ ﻷ طبعا يا الله والله
كان أسبوع جميل جدا و اللي يحليه أكثر شوفة الزعيم و إنتصاراته
يلا عاد بدينا العطله الكبيره ، ﻷ مارح أقول ويكند أو إجازه يع
تخلص بسرعه حلاتها لما أسميها العطله الكبيره هنا فعلا تحس
نفسك عطلت بجد و تنبسط فيها ، الله يجعلها عطلة فيها كل خير .

سبحان الله ، الحمد لله ، لا إله إلا الله ، الله أكبر

- رطب لسانك بذكر الله

تعالوا نرجع لموضوع حارس ياسر ! معلقه ع السالفه بس ما عليه

طبعا أنا من شفته وأنا مستغربه معقول في ناس كذا أنا عبالي إنو أمريكي
والله إنصدمت يوم قالوا إنو سعودي ماصدقت في البدايه ، إذا ما خاب ضني
أنا شفته قبل في مره من زمان يوه لها سنين ولا 5 سنين كان حاضر الكابتن
لإستديو mbc في صدى الملاعب مع التويجري وكان الحارس موجود بس
ما كان نفس ألحين طول و ضخامه ! ما شاء الله عليه الله يحفظه ويخليه ﻷهله
عاد نورة مرسله لي تويتره وانستقرامه وسنابه تقول يلا ملي عيونك بطوله
مزعجتنا فيه من يوم شفتيه قلت نعم إيش والله ما أضيفه أنا من شفته بالمقطع
وأنا قامطه تبين بعد أضيفه وأشوفه كل يوم ﻷ حبيبتي خليه بعيد أحسن أنا يوم
تكلمت عنه المقصد أنا إنصدمت لما شفته ﻷنو ماتوقعت إنو فيه بالسعوديه كذا
لا و طلع سعودي بعد غصب عني مارح أصدق ﻷنو بالعاده أنا أشوفهم بأفلام
الأكشن الأمريكيه خلاص آخر مره بتكلم عنه ، الله يحفظه ويحميه خلص بسكت