حال الهلال يقول : من لـها غيــري ! -إن شاء الله يا بعد قلبي آسيـا هلاليه-

ألف مبــرووك الفـوز (الحمـد لله) ..
بصراحه الشوط الأول على الفرص الضايعه ما كان مطمئن أبـداا
بس الشوط الثاني كان مبشر بالخير , والحمـد لله صدقت البشارة
بنظري : لو المدرب ماطلع تياقو كان جاب الثالث كان واضح عليه الإصرار
لكن كل شي نصيب , ياسر الشهراني بعد الهجمه الأولى له و إقترابه
من المرمى , أنا قلت حيسجل يعني حيسجل مافيها كلام - سبحان الله
أما عن ناصر الشمراني هذا يا ويله إن ماسجل

يسعد الله مساهم ، بدخل على طول بالموضوع ..
بالنسبه للي مراسليني آسك وطالبين سنابي أكتبه في المدونه عشان يضيفوني
ماعندي مشكلة أضيفكم ، عندي سناب ثاني للي أعرفهم في النت بضيفكم عليه
بس سنابي الشخصي ﻻ عاد هذا ماينفع أحد يعرفه خليه للأهل والأصحاب المقربون
إنتوا إرسلولي سناباتكم على الآسك تبعي وأنا أضيفكم ، ماينفع أكتب السناب هنا

‫ط³ظ†ظٹظˆط±ظٹطھط§ ♥‬ | ask.fm/Danah550

أنا مقتنعه جدا بالفراق ، و إن النصيب بينا إنقطع ..!
ما أبغى رسايل و لا إتصال ، بس أبغاهم يطمنوني عليك ❤

دخيل الله لا تكبر الحكاية وهي قصيرة !
تقول إني أهملت و عنك صديت ..
و أنا اللي تحملت عشانك العيشه المريره !
إنت كذاب قلي أصلا متى حبيت ..؟
تغار علي وإذا جيت تناديني قلت أميرة !
خاين ودمك ملعون و أنا منك يئست ..
يا عديم الإحساس و المشاعر فقيرة ..!
لا تعتذر و لا تبرر خطاك ، خلاص حكيت ..
ما عاد به نفس ، ل زلاتك غفيره ..!
اللي كنت أسامحك عشانه ، يوم أخطيت ..
صار من الوفيات ، مات قلبي و معه ضميره !
لا ترجع بعد يومين تقول: آشتقت و حنيت ..
مايرجع زمن مضى ، و لا غدت المشاعر أسيرة !
خليتني بالنسبه لك هامش ، وأنت اليوم عندي إنتهيت ..

# خربشتي ..

ما شاء الله تبارك الله ، الله رزق محمد الشلهوب ب بنوته
الله يسعده هالإنسان الكل إتفق على محبته ، الله يحفظها له
ويبارك ﻷهلها فيها ، و تتربى بعزه وتكون من الذرية الصالحه
و عقبال يارب عند كل المتزوجين ولا يحرم أحد من هالنعمه

الأطفال المواليد ودك بس تحطه جنبك و تقعد تتأمل فيه ، ماينمل منهم
ياعممري أنا عليهم ما أحلاهم ، طبعا بعد ال 3 شهور ما شاء الله تزداد
حلاوتهم و شقاوتهم ، هنا تتعلق فيهم غصب عنك ، ينشرح صدرك معاهم

ما لا حظتوا شي ..؟ قبل الأباء و الآن الأبناء
توق و البندري الله يحفظهم يارب ويخليهم ﻷهلهم ..

المباراة جمميله ﻷبعد حد ، يشهد التاريخ و الناس تشهد
حرام ينقال لغيرك يا هلال : زعيم ! ، فيها كمية متعه
مستوى و نتيجه تشرح الصدر، اللهم أسألك الثبات حتى نأخذ آسيا
بالنسبه لي الهدف الثالث من سلمان الفرج أجممل هدف
.. الحمد لله اللذي بنعمته تتم الصالحات ..

والله أدري منت راضي عن الحال ، و أدري بقلبك كلام ودك تقوله ..!
يا هلابك بـ أي وقت تعال ، يا حبيبي إن ماحكينا لبعض نحكي لمين ..؟

الحكاية ماهي حكاية , ماقدرت أنساه ..!
بس هو وصاني " إذكريني كلما فاز الهلال "
يلا عاد , هات لي شي يقدر ينسيني هواه ..
إما عن الفوز توقف الهلال ! ولا لنسيانه مابه مجال ..

# خـربشتـي ..

في داخلي شي ، يقولي : إنت لي لحالي ..! ومصير القدر يجمعنا مع بعض ،
" أقسم بمن حلل القسم به " أني أشعر بذلك حقا و بإستمرار

لا أكتب عبثا ، ولا أخدع أحدا ، و لم أكذب يوما في الأبجديه ..
تلك هي أحاسيسي ، و مصدر كتاباتي هو قلبي ، حينما كتبت
لم يكن بإرادتي ، فالشوق المتزايد في قلبي لا أستطيع تحمله
فلم يكن أمامي سوى منفس واحد للتخفيف عن الحنين المكبوت !
ترجمت أحاسيسي على هيأة حروف ، و يا ليتها أوفت جزءا مما
أشعر ! لا يهمني أن يرضى الجميع عنها ، يكفيني رضا نفسي
وأنها مبعوثه على محمل الجديه ! فالتزييف في المشاعر منبوذ
لن أتوقف عن تدوين أحاسيسي و لحظاتي المفضله لمجرد أنها
لم تعجب ذائقتك ! لا بأس نحن لا نتشابه ، و جميعنا مختلفون
إن وجدت مايسرك هنا ، فأكمل معي المسيرة حتى يأتي أجلي
و إلا لم تجد ، فرحل بصمت ودعني وشأني فلا علاقة لك بي ..!

لا أحد يستطيع ترجمة # خربشة أنثى ، سوى كاتبها و من خرجت ﻷجله ..

طفح الكيل عندي ، أخربها ولا أصبر شوي

الحمد لله إنتهت عاصفة الحزم ، الله يديم الأمن والأمان ، ويحفظ ملكنا سلمان
وكل من أراد بأي دولة إسلامية كيد الله يرد كيده بنحره ، ويتقبل شهداء الوطن
..

تعالوا بتحلطم شوي

لي حوالي فتره عاقله مليت والله ، أمس لما كتبت أخربها ولا أصبر شوي !
أنا فعلا أمس خربتها وخربتها بشكل كبير والله العظيم الكل لاحظ علي قالوا
إنتي فيك شي اليوم منهبله بزياده ، بس ماعليه خل صحباتي على جنب أمي
والله رحمتها ، تقول والله ماتعبت عليك وإنتي صغيرة قد ماتعبت عليك ألحين
كل ما فصلت عليها قالت روحي الله يزوجك اليوم قبل بكرا طبعا خواتي العزيزات
يردون : الله يعينو أمه داعيه عليه ! أنا حفظت الإسطوانه من كثر ما تتكرر
والله غير يفقدوني بكرا ، اليوم بالدوام بعد ماخلصت التيتشر شرح كان باقي
وقت قلت لها يلا نطبق إستراتيجية الكرسي الساخن « عاجبتني بقووة والله
قالت يلا تعالي إقعدي قمت وقعدت عليه أصلا هو عاجبني عشانه يدور قالت
للبنات يلا تولوها ! حسيت إنهم بغزوني المهم سألوني فوق 10 أسئلة وأنا
أجاوب وأشرح وكلها تتعلق بسياسة الدول « عاد حبيبة قلبي السياسة
المشكلة يسألوني الأسئلة وهم مش عارفين الإجابة ردت التيتشر قالت إنتي
يا دانه ما شاء الله عليك بالحوارات مايقدر أحد يغلبك بس بالورق لازم تغلطي
غلط ينقصك نص :/ قلت شي طبيعي ﻷنو الورق فراغات صغيرة بعكس الحوار
بكون فيه أخذ وعطا ونقاشات أكيد بقنعك ﻷنو صوت أسرع بكثير من الكتابه

أقولكم إسحبوا على الحكي كله الي فوق / ترى ماله داعي

من حوالي أسبوع ضافني شخص بالسناب حقي الشخصي إستغربت ﻷنو سنابي
الشخصي مقتصر ع العايله والأقارب المهم دخلت خاص عفوا مين معاي ؟ وكيف
عرفت سنابي ؟ رد قال أحط أكاونتات من راسي وأضيف قلت طيب ثاني يوم قال
تشرفت فيك بس مضطر أحذفك ﻷني متزوج واللي تطلع بنت أحذفها قلت طيب
الله يستر عليك ( أصلا نسيته إنو عندي بالسناب ) بعدها بيوم راسلني وقال إذا
حابه تتواصلي ضيفيني عندك بالبي بي أحسن من السناب أنا حذفتك من عندي
ولا حصلتك بعدين !!! لا ياشيخ يطقطق حضرته ولا إيش يعني هو ضايفني بعدين
حذفني ﻷنو متزوج بعدها يقول تواصلي معاي بالبي بي وش هالثقة الي مقطعه
بعضها على أساس حياتي بتتدمر إذا ما كلمتني أحيانا تجيك عاهات بالسناب ماتعرف
تضحك ولا تبكي الله يعافيهم ولا يبتلينا

تسألني شوق تقول ماأشوفك بتويتر كثير ؟ بالسناب ياقلبي خلاص صار بيتي الثاني
أكثر برنامج أفتحه بجهازي السناب بعدها الواتس بعدين البي بي تويتر إذا وصلني
تنبيه وعجبني دخلت قريته أو أمسح وأسحب عليه

سبحان الله ، الحمد لله ، لا إله إلا الله ، الله أكبر