|
رد: خـربشــة ♥ أنثـــى
حبني ، مثل حب الهلالي للهلال ..!
و بصير لك بعدها وطن ، يكفيك عنهم كلهم ، ولا أسألك بعدها وش كثر تحبني ..؟ p30 |
رد: خـربشــة ♥ أنثـــى
حنيت للقرب ، يا صاحب الذكرى القديمه ..! الله يهديك أصلا أنا متى نسيتك ؟
P9 |
رد: خـربشــة ♥ أنثـــى
أنا مثل ما أنا ، من قال إني تغيرت ؟
أنا ياحبيبي كنت و مازلت ، و ببقى ﻷخر يوم بعمري " أحبكك " إيه صح فعلا أنا صديت ، حاولت أبعد ، بس ماقدرت ! تدري وأنا بعز صدتي عنك ، بالحيل لك " آشتقت " الحكاية ماهي حكاية (حب عاديه ! أنا حبيتك بجد ، وتعلقت فيك ﻷبعد حد ، ما أستغنى عنك ! كذابه .. إيه أنا كذابه ، إن قلت لك إني نسيتك ، أو ماقمت تهمني و رب السماء و الأرض ، في كل دقيقة يزداد حبك أكثر من الدقيقة اللي قبلها ، حبك يكفيني ! عن العالم ( أنا بك آكتفيت ) دعيت الله بليله يديمك لي إن كنت خير ، و إن كنت شر يزيل الشر و يجيبك ! بنفس الليله حنيت لك فوق العاده ! إيه والله ، الله وكيلك ، أنا ما أحبك حب عادي ، أنا مجنونه فيك كذاب من قال : الزمن تكفل بالنسيان ؟ شوفوه (لعنبو حيه) ! له زمن بعيد ، و أموت فيه كل مرة أكثر من المرة اللي قبلها مدري إنت ( بلوه ، ولا دعوه ) بس يسعد الله من نطقها ..! أنا مؤمنه بالقدر خيره وشره .. مالي غيرك حبيب سبحان من كتبها ..! # خربشتي .. ( عاد شوق الليل من يقدر يقاومه ) P9 |
رد: خـربشــة ♥ أنثـــى
و ملامحي ذابت خجل ؛ من نظرات عيونك المجنونه :$P9
|
رد: خـربشــة ♥ أنثـــى
|
رد: خـربشــة ♥ أنثـــى
سبحان الله ، الحمد لله ، لا إله إلا الله ، الله أكبر ، لا حول ولا قوة إلا بالله ..
رطب لسانك بذكر الله ي # عزيزي .. |
رد: خـربشــة ♥ أنثـــى
معروف عني ما أنام قبل الساعة 2 الليل ، سواء كان فيه دوام أو ويكند ..
مسستحيل أنام قبل ال2 هو بإمكاني أنام قبل ، بس خلص طبع مايتغير ! أيام الدوام مايمديني أمسك الجوال وأقلب بين صفحات برامج جوالي إلا الساعة صارت 2 و أنا لسا ماخلصت أشغالي وأضطر أواصل نص ساعة زيادة ، مع إنو في دوام والصباح بالعافيه أقوم وأقول خلص عاد اليوم نوم بدري بس كالعاده كلام جرايد ! و بيوم الويكند أفتح جوالي وأخلص أشغالي كلها وأشوف الساعة لسا 1 و ربع ! الوقت يمشي على بيض ياليت بس كذا إلا بعد ما أصلي الفجر أرجع أنام أتقلب يمين يسار ، أقلب المخده ، أشيك ع الساعة ، أألف لي فيلم قصير لحد ما الله يفرجها و حضرة جناب النوم يشرف :/ وينكد و صباح ، و أجواء تفتح النفس ، ونفسية عال العال .. الله لو نقوم نسوي لنا فنجال قهوة ونطلع نتلذذ بها بالسور ، مع هالأجواء الجميله ، تخلينا مروقين طول اليوم ومبسوطين بس عاد النوم غلاب ، يابخت من راح و سواها :( يسعد الله صباحي و صباحكم :d P9 |
رد: خـربشــة ♥ أنثـــى
الأجواء جمميله جدا جدا جدا ، و عندكم إجازة أسبوع كامل ، آستغلوها صح
لاتقعدون في البيت أبدا ، إطلعوا و غيروا جو ، صلوا أرحامكم ، غيروا من نفسياتكم الكئيبه ، الدولة ماقصرت السعودية مليانه منتجعات ، تأملوا في الطبيعه ، طلعوا الطاقات السلبيه ، خليكم إجابيين ، إحمدوا الله على النعمه .. فرحانين بالمطر ، و مبسوطين فيه كثير / الحمد لله على نعمه التي لاتعد ولا تحصى ، زي ما إنتوا عارفين من أوقات إستجابة الدعاء ، وقت نزول المطر .. إدعوا قد ماتقدروا طول ما المطر ينزل خلي لسانك شغال بالدعاء والذكر و خليها طالعه من قلبك ، يمكن دعوة تغير مجرى حياتك للأحسن و الأجمل ولا تنسوا : الدعاء يغير القضاء ، و أهم شي إجعلوا للموتى نصيب من دعائكم .. مرحومه -إن شاء الله- يا روح غاليه ، راحت و راحت معاها الفرحه ! الله يوسع عليك قبرك يا أخوي ، إنت و خوالي ويسكنكم الجنه .. آممين P9P9 |
رد: خـربشــة ♥ أنثـــى
طال بنا العمر أو قصر ، يبقى الحب ( حب ) ..!
ماحبيتك عشان أكرهك ، ولا آشتقت لك عشان أنساك ، ولا قلقت عليك عشان أتجاهلك .. ماتحملت التعب و الهم و صبرت كثير عشان بالأخير أتنازل عنك أو أرضى بغيرك .. أنا إخترتك إنت ، يعني إنت خلاص مافيها رجعه ،.مشاعري ماينلعب معها جديه فعلا .. ما تغليت ولا تفكيري كذا ، أنا آشتقت و رحت و سألت و آطمنت ، ﻷني فعلا حبيت .. صرت أحسن منك و أظهرت إهتمامي ، يخسى من قال : الحب يخدش حياء أو كرامه .. الدين و هو الدين قال : حبوا بعض (لا تأمنوا حتى تحابوا) وش الناس ؟ لعنبو الناس ، اللي تلومني فيك ! أنا (حره) وش عليهم دامك معجبني ، عيوبك أعشقها عيوبك .. إخترتك و أنا قد إختياري ، أبيك و هذا قراري ، مافي رجعه فيه الزمن مايرجع لورا .. مخفي عني إعجابك ، ماتبيني أعرف إنك تعشق ! الله على كبريائك :/ لو تخفي و تخفي و تخفي ، كله يبان بفضولك ..؟ بتركها على النيه ، و الله على النيه يرزقني .. - فيس يتكلم بثقه و رافع خشمه P10 ! |
رد: خـربشــة ♥ أنثـــى
ما شاء الله ، زواج سالم الدوسري اليوم ، الله يوفقه يارب و يهنيه و يسعده ..
و يتمم له على خير و يرزقه بالذرية الصالحه ، و عقبال عند كل العزوبيين .. إدارة الهلال معطينه 3 أيام بس إجازة !! طيب كملوها أسبوع ، ليش ماتكون شهر ؟ معليش بس ليلة العممر " خليه يستانس و يروق يمكن يرجع أفضل من أول .. إعطوه شههر إجازة ، و هاتوا لنا ياسر ، آشتقنا له ياخي ♥ |
رد: خـربشــة ♥ أنثـــى
تشرق الشمس على الدنيا و يبتدا الصباح ..
و أنا إذا ما آبتسمت حضرتك .. تو صباحي ما آبتدأ في ليلي و في صباحي , في حاضري و في أمسي في منامي و في واقعي , في همسي و صمتي في صوتي و ضحكتي , حتى في نظرة عيوني .. مــوجــود أنــــــــــت .. عظيـم , والله عظيـم " حبـي لـك " .. ولا تضاهيه عظمـة , غيــر !! ( عظمة رب السما و الأرض ) من يقـدر يوقف حبي لك ؟ طيب خوفي عليك و إشتيـاقي و حنـيني و غـرامي .. طيب فهـاوتي في صـورتك و تركيزي في .. حكـاية تضـم إسمـك .. ولا إدمـاني عليـك , أو حتى تفكيري فيـك حتـى دعـائي , واقف معـك ضــدي !! أدعي بالمساء أنساك , و أصبح كلي وله عليك كبيـر إنـت فـي عيـني , و الله كبيــر ما مثلـك بـ البشـر أحـد .. حـتى أشبـاهك ماهم أشباهك إلا بالإســم كان الله بعون قلـب مايعشق إلا إنـت و عين ما تشوف غيرك , كان الله بعون إنسـانه قبل ماتدعي لنفسها تذكر بالصلاه إسمـك لفي يا دنيـا و دوري , جيبيه لي لو مـره .. # خـربشتـي .. |
رد: خـربشــة ♥ أنثـــى
أدري كثير يدعون : يخليك الله لهم ! قولهم أنا لدانه ، و إنتم الله يخليكم ﻷهلكم :$
|
رد: خـربشــة ♥ أنثـــى
( عاصفـة الحـزم ) أمر فيـها رجـال , و نفذوها رجـال " و إن شاء الله يرجعوا بالنصـر
اللهم سدد رميهم , و كن معهم , و مدهم بجند من السماء , و أضعف عدوهم وشتت شمله هم إن شاء الله منصورين لا محال (الحق دائما منصور) لكن الخوف من إستشهاد أحد منهم الله يرجعهم لأهاليهم سالمين معافين , ولا ييتم أحد من عيالهم .. |
رد: خـربشــة ♥ أنثـــى
كل شخص فينا يسعى للكمال ، و زي ما إحنا عارفين مافي أحد كامل سوى الله
في ناس تجاهد نفسها عشان تطور حياتها للأفضل ، و ناس تتمنى وهي قاعده ! و للأسف ضررها ما آقتصر على نفسها فقط ، تبدأ بالحسد حتى لو كان غير مقصود ! فالحسد قمة الوقاحه مع الله سبحانه و تعالى عن ذلك ، و كأن الحاسد يحاسب الله ليش تعطي فلان و ماتعطيني ؟! الأرزاق مقسمه آستغفر ربك حتى يأتيك رزقك ، و آذكر الله على كل شيء أعجبك من تلقاء نفسك ، حرام تخرب حياة شخص بسبة عينك ! تعب فعلا على نفسه حس بتأنيب الضمير ياخي :/ "اللهم أبطل عيني ، وحسدي ، وتعلق نفسي ، ممن أصبتهم بها بقصد أو بغير قصد" |
رد: خـربشــة ♥ أنثـــى
إن لله و إن إليه راجعون ..
اللهم أرحمه برحمتك و أنزل صبرك على أهله و ذويه ، و عوضهم بما هو خير لهم ، وثبت قلوبهم .. #استشهاد_العريف_سليمان_المالكي في عاصفة الحزم |
| الساعة الآن 12:26 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0