صحيح مباراة الهلال والسد ، كانت ترفع الضغط ! بس يلا عساها خيره
الحمد لله على كل حال ، أول مباراة مع المدرب الجديد يحتاج شوية وقت
بس اللي فعلا ينرفز سماراس ليش مايلعب أساسي ؟ جبناه نتفرج على طوله ؟

أنا في بداية الشتاء زكمت وفي نص الشتاء زكمت و في آخر الشتاء زكمت :/
عيوني ذبلانه وحاسه بخمول ، الزكام لاعب فيني لما قايل بس طب ويكند
خليني أنبسط فيه على الأقل ؟ الله يجعلها تكفير ذنوب ، أيوه حبيت أقولكم
شي لا تنسوا : الوتر ، الله يسعدكم ..

صعوبة البوح تكمن في ، قلب يقول : (أخبره) و عقل يهمس (ستندم) ..!

فعلا ، هذا إحنا ضايعين بين العقل والقلب ..

ليتك تمرّ : أنا عطيتك قلب ، و إحساس ، و عُمر !
[ يمكن تجي ، تعبت واقفه و أرتجي ]
قلبك على سطح الجليد ، و قلبي على سطح : الجمر !

معقول ! ما مريت .. ذاكرتك ؟
ياشين قلبك .. لا بغى يقسى !

لاتقول " آسف ".. ماتذكرتك ؟
أنا اللي أسفه ماقدرت أنسى !

الدمعه : إليامن ذرفتها ، للموت بشويش تاخذني !
.. دخيل الله لاتنزل دموعك بعدها ..

‏ي ليتك صبح ، أعرف إنّه بيجي بكرا
أنام و ما أخاف أصحى و لا ألقاه ..

أحبك : كثر ما أكتب / و لا تقرا
كثر ما هالشعور يجر صوتي : آه !!

سبحان الله ! بقدرة قادر إنقلب الجو فجأة ، جو الرياض الآن ما ألوكوش

تصدقون أمس الصباح بعد ماصليت الفجر ، دخلت الآسك تبعي وشيكت على قائمة
أصدقائي و دخلت على آسك شوق وقريت أجوبتها وأعطيها لايكات من ضمن الأجوبة
كان في جواب عن جمال المطر وتقول الله يرزقنا مطر ، دعيت بنفسي يارب اللهم
آممين ، كان نفسي يجينا مطر ، ولما قمت الظهر فتحت شباك غرفتي وأتفاجأ بالسور
غرقان طلعت يدي من الشباك وأشوفه ينزل " يا الله ما أجمله ، حلو قبل ما تنام تتمنى
شي ولما تصحى تلاقيه موجود ! ي الله ما أحلاه " تصدقون أنا قاعده أكتب شوي أسمع
صوت قطرات تنزل على المكيف ( يعني أنا أحكي عن جمال المطر وينزل مطر )
ياحبيبي ياربي ما أكرمك .. يلا عن إذنكم بروح أدعي ربي / آستغلوا هالفرصة الدعاء مستجاب

من الأفضل عند الدعاء .. حبذا إستقبال القبلة ، إبدأ أول شي بحمد الله على نعمه وفضله
وبعدين الصلاة على النبي محمد ، وبعدها إبدأ بنفسك « نفسك أولى إطلب من الله يرضى
عليك ويرزقك رضا والديك وإسألو الثبات ع الحق والهداية وكل شي نفسك فيه بعدها إدعي
لوالديك بطولة العمر في طاعة الله مع الصحه والعافية وبعدها إدعي لكل من يعز عليك
و الأهم إظهار الذل والإفتقار لله تعالى والإلحاح في الدعاء وحسن الظن بالله في الإستجابه ..

الإستغفار وطن للخائفين ، ضماد للبائسين ، سعاده للتائهين ، فرج للمكروبين ..
غفران للمذنبين " أستغفر الله العظيم و أتوب إليه ..

تزعلني الدنيا ، و يراضيني صوتك ! وبالمناسبة ' آشتقت أنا لصوتك ..

أنت جميل جداً كهدف في الدقيقة 93:45 ..!

الصبح موعد لقى عيونك ، قوم : ترا شمسنا أشرقت و صبحنا قرّب ..!

يسسعد ربي صباحك بالأخص ، وصباحهم

(ببقى معك) حتى لو إن الليالي تدور ، أنا كل يوم .. أحبك أكثر من البارح !

المشكلة في عيوني ، كل ماصديت عنه آشتاقت له ، و رجعت أحبه أكثر من أول ..