|
مواقف أيام الأمتحانات.................
بسم الله الرحمن الرحيم
السلام عليكم أهلا بأعضاء منتدى القناص هذا أول موضوع لي أتمنى يكون خفيف عليكم بما أنه الأختبارات بدت وطبعا معروف أيام الأختبارات لها أجواء خاصه وكلاً يعيش هذي الاجواء سواء الطلاب اللي طول وقتهم يكونون منهمكين بالمذاكره أو حتى الاباء والامهات اللي يتعبون أكثر من أبنائهم ويشيلون هم أبنائهم وكأن الاختبارات لهم ودائما في هذي الايام بالذات كثير مننا يصادف مواقف وتكون هذه المواقف سواء محزنه او طريفه او مخجله وتكون أما أثناء الأختبار أو أثناء المذاكره وأنا بدوري طرحت هذا الموضوع لكتابة أي موقف صادف أيا منكم وماالاثر اللي تركه هذا الموقف في نفسك أذا كان الموقف صادفك شخصيا أما أن كان الموقف صادف أحد معين ولكن رسخ في ذهنك ماهو الموقف وليش رسخ في ذهنك والاثر اللي تركه في نفسك وأبي كل واحد منكم يذكر بعض من المواقف والفائده اللي كسبها من هالموقف وتقبلوا فائق الود والاحترام أختكم بسمه بريئه |
رد : مواقف أيام الأمتحانات.................
:
مشكوره خيتوو على الموضوووووع وجاء في وقته .. لاني توني منصدمه قاعده من امس اذاكر في الجغرفياا &الحديث ويوم خلص منهج الحديث وادق على صديقاتي ابشرهم اني خلصت واكتشفت انو عليناا جغرفياا & توحيد :( >> الى الان مصدومه :( وهذا قبل ما تبداء الامتحانات وصاري موقف لا احسد عليه اجل اذا بديناا امتحانات وش بسوي الله يعيني بس والله يوفق الجميع .... |
رد : مواقف أيام الأمتحانات.................
8
88 888 الموقف صار لي قبل 3 دقايق من كتابت الرد :( |
رد : مواقف أيام الأمتحانات.................
مشكوره اختي على الموضوع الحلو
7 7 هههههههههههههههههههه اخت مها الله يعينك انا ايام الثانويه رحت لاختبار على انه نحو طلع بلاغه مو انصدمت الا بغيت بس الحمد لله نجحت وتخرجت وراحت الصدمه 7 7 بس الله يوفق اخوواني واخوااتي بالاختبارات واقولهم نحن السابقوون وانتم الاحقوون <<<<عكس الكلمه |
رد : مواقف أيام الأمتحانات.................
هلا أختي مها
الله يعينك ذاكري زين أجل والله يوفقك بس ماقلتي لي وش أستفدتي من هالموقف .................................................. جسر المحبه نورتيني يالغاليه نفس السؤال للأخت مها وش الفائده اللي كسبتيها من الموقف |
رد : مواقف أيام الأمتحانات.................
:
الفائده : امممممممممم اني المره الجايه استلم الجدول واشوفه قبل لا اذاكر >> نصائح القناه امي قبل الامتحانات ( قلب ) |
رد : مواقف أيام الأمتحانات.................
تسلمين اختي
والله يوفقك |
رد : مواقف أيام الأمتحانات.................
والله الحمد خلصت الدراسه وعلى وشك تخرج من الجامعه
بس استفدت انه ثااني مره لازم اهتم اكثر واكثر وماتهووون بالشي حتى لو كاان صغير |
رد : مواقف أيام الأمتحانات.................
يا كثرها المواقف بس للأسف ما يحضرني منها شئ محدد حبيت بس أقول قلبي و دعواتي مع جميع الطلاب و الطالبات اللي بيمتحنون إبتداء من باكر و خاصه أعضاء منتدانا الغالي و كل الدعوات لهم بالتوفيق و مشكورة غاليتي بسمه بريئـــــــــــــه .,,,
و دمتــــــــــــي بخيـــــــــر .,,, |
رد : مواقف أيام الأمتحانات.................
اقتباس:
. . وانا كذلك |
رد : مواقف أيام الأمتحانات.................
وعليكم السلام ورحمه الله وبركاتـه ياهلا بك منورهـ يالغاليـه آنشاء الله آنه راح يكونـ خفيف خصوصا عن الآختبآراتـ هـووpp42 هههههههههههاااي والله المواقف يالغاليـه كثيرهـ مرتن من المرارير تآخـرتـ عن آختبآر حوالي نص سآعـه نايـم الوالد والوالدهـ الكل معتمد آنه صحانـي من النوم وهم والله مايدرون آن ولدهم ولا يدري وين الله حآطه ,’ وصحى شووف الساعه 8 وآختباري الساعه 8 الصبح وعلى ماقمت وبدلتـ ولبستـ الشماغ على جنب وحاط في بالي بكشخ بحكم آول يوم في الآختبآراتـ وين تكشخ رح بس اللحق لو بثوب نوم بس آختبرر المهم آول ماجيت عرفتي شكي واضح آن الآختبار فاتني يعني الكل يشوف شكلي يقوول هذا مدري وش فيـه عرفتي الي ماغسل وجهه جايك على ربكه يبي بس يلحق على الآختبار وعلى مارحت ودورتـ آسمي آي قآعـه المهم وجيك عند باب القاعـه وطق الباب قد العالم بتسلم الآورق بتخلص ونا رازن طرف خشمي توني جآي وقوهـ النحاسـه آن الي يراقب عليهم آنذل دكتور في الجامعه قالي عسى ماشر جاي كزنو يابو الشبآب مدري وش جاب الكزنوو على باله الساعه 9 الا ربـع آخبرهـ باليل قلت آبد رقعتا بشي مكشورفـ الكفر تعطل على ونا جآي هههههههه قام يضحك وشاف شكلي واضح آني توني صاحي من النوم ورفق على قال مدري وش فيكم ياسعودين تصريفاتكم بـ ودي آمي مستوصف ومثلك آنت الكفر متعطل على وقالي آدخل لا حد يشووفـك ..,.. بس آحسن شي آني آستلمت الورقـه وكل شي حليته بعكس آول لـ من جيت آول صبح ومسوي فيها مراجع تشوفيني آجيب العيـد حتى فكرتـ آني آتآخر ثانيــه خخخخ ... والفايدهـ من الموقف هذا آنه علمني دررس آنـي ماتآخـررر دمتي بخيــررر .,. |
رد : مواقف أيام الأمتحانات.................
يـــووووووووووووـوه المــــــــواقف كثيـــــــره وخصوصا مع
الغــــــــــــــــــــش في الامتحانات؟ راح أقولكم وحده من مليووووووووووووووووون 1/في أختبارات الثانويه العامه معي ورقه صغيره مكتوب فيها عناوين مستحيل أحد يفهمها غيري<<يقول البعض أنها تسمى البرشامه ولاادري مامعناها<<ألاصدق أيش معنى برشامه ؟؟؟؟؟؟؟؟قوقلت لكن بدون نتيجه....<<<هههههههههههههههههههههههاي حلوه قوقلت صح المهم ماأبغي أطول بالسالفه بعدين تبرد صــــــــــــــــــــــح؟؟؟!!! دخلت غرفة الامتحان وفي جيبي تلك الورقه الصغيــــــــــرة وما أخذنا بضع دقائق ألاوالمدرسه محتاسه والمديره خايفه مرررررررررررره ودخلت علينا وهي خايفه وتغمز لنا بعويناتها>>ياحرام عيونها صغار من الشيخوخه كانت تغمز لنا لان السلطات العليا <<أقصد الموجهات ورااااها وأنا طبعا ماخفت لأني كنت اقرا أذكارالصباح يوميا المهم طلعت تلك الورقه الصغيره وطبعت ماهو مكتوب فيها في دفتر الاجابه والموجهه واقفه عند زميلتي بالسطر الثاني طبعا المراقبه ماكنت أحسب لها أي حساب لأن عندها ضعف نظر>>الله لايبلانا بعد ماكتب وخلصت سلمت الورقه للمراقبه ولما طلعت من غرفة الامتحان فوجئت أني نسيت تلك الورقه الصغيره في الطاوله ولما خرجن جميع الطالبات ذهبت للغرفه واخذت الورقه من درج الطاوله وطلعت شافتني احد المعلمات من غرفة الاداره ونادتني قالتلي اشقاعده تسوين بغرفة الامتحان ؟؟؟؟؟؟؟ قلت لها وبكل برود نسيت قلمي!!! قالتلي خلاص روحي للدور الثاني وقولي لمنيره تعطيك الحمص>>أثاريها كانت بترسلنيالمهم رحت وجتلها حمصها من عند منيره>>>كش عليه ماأحبها عصبيه مرره ومغروره الحمدلله على كل حـــــال وسلامتكم طبعا بس أنصحكم لاتغشون اناحـــــــــــــرّمـــــــت أغـــــــش |
رد : مواقف أيام الأمتحانات.................
هذا هو عيبنا الأعتماد على الأهل >>خبــــــــــرك مدلـــــــــــعيـــــــن
المهم أخذت فائده من هالمــــــــــــــــــوقف |
رد : مواقف أيام الأمتحانات.................
تسلمين اختي
|
رد : مواقف أيام الأمتحانات.................
انسرق كتابي التوحيد قبل اختبار المادة بيوم :$ لاني من لقافتي اخذته للمدرسه احدد من زود الحرص:D
الموهم ماكان فيه وقت ادبر كتاب غيره والمدير قال لاتحلم الموت اقرب لك ولا نعطيك كتاب... مع أن مخزن المدرسه مليان كتب مغبره .. والربع كلن جحدني يعني النذاله اشتغلت من كل جهه .. قمت اقلب الدفتر لين احولت عيوني لاني ماعرف اقرأ خطي والحمدلله نجحت p3 |
| الساعة الآن 03:29 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0