كل عام وانت بخير ومن العايدين جمبعااااااااً



طبعاً الموضوع مثل ماهو باين تغطية لحفل ليالي دبي اللي كان في العيد وكان اخر يوم في الحفل مخصص للكبار , ديانا حدادوكاظم الساهر , طبعاً وبحكم اني من جمهور ديانا حداد من اول ماطلعت للحين قلت لابد اني احضر مهما صار , ولكن المشكلة اللي واجهتني اني انا وثلاثة من الزملاء في العمل متفقين على سفرة في اول يوم في العيد وحاجزين وكل شي , وكل الامور تمام لكن فجأة كذا سمعت ان فيه حفلة لديانا حداد في رابع ايام العيد وانا من تعرفت على نفسي وانا اتمنى اني احضر حفلة لديانا حداد والحين الحفلة جت على طبق من ذهب اجازة وعيد .. رحت قلت لاخوياي ترانا بنأجل سفرتنا ياشباب يقولون ان اوربا فيها فيضانات .. بنخليها في عيد الاضحى عشان تزين الاوضاع < صارت سوق اسهم مهوب احوال جويه .. طبعاً مايحتاج اقولكم انهم اولاد حلال وصدقوا كلهم وقالوا ايه والله خل ناجلها احسن .. ولكن المشكلة الاكبر اني سمعت واحد من اخوياي يقول ايه حتى انا سمعت ان فيه فياضانات pb192 .. بعد مازان الوضع على طول حجزت على دبي لي انا وخويي ونسقت مع الاخوان هناك عشان يتوفر تكت للحفل ( تعرفون كاذب على الشباب وزحمة صعبه في الاخير تجي وماتحصل مقعد ) .. وخويي مدري وش سالفته طول الرحلة وهو يقول اما لو يصير صدق ونقابل ديانا وكاظم .. ياخي والله اني متحمس .. من جد ياخي بنشوف ديانا .. قلت ياخي وش دعوه مهوب لهذي الدرجة اكذب عليك يعني .. ترا لو مافيه حفله لديانا ماحجزنا لدبي .. قال يعني انت متأكد انت شفت اعلان ديانا حداد وكذا وحفل .. قلت عزيز يرحم امك خلاص انت مالك الا تدخل الحفل قسم بالله حسستني بسعود ولد اختي ياكثر اسئلتكم .. خلاص خلك عاقل وخل نستمتع بالرحلة pb071


الاربعاء 22 / اوقست .. موعد الحفلة

طبعاً من الحماس قايم من 6 الصبح ونازل للنادي حق الاوتيل وبحكم ان دبي مول قدام الفندق اللي ساكنين رحت وتمشيت فيه وتفرجت على الفلم وفليتها وخويي طبعاً نايم .. المهم رجعت للاوتيل احاول اقوم خويي ماش خوينا نااااايم مهوب حولي وكنت متوقع لان يوم انا قمت الصبح كان هو توه مابعد نام .. شوي الا يجيني اتصال من رقم امارتي من واحد اسمه احمد

انا : هلا
احمد : ( بعد السلام والتحيه ) الاخ فلان
انا : تفضل
احمد : انا احمد معي تكتين مقدمة لك من الفنانة ديانا حداد لحفل اليوم في دبي سنتر الساعة 9
انا : ديانا حداد بشحمها ولحمها

مالكم في الطويلة هو قال تعال الساعة تسع .. انا من قفلت منه رحت للمركز واخذت التكت ودخلت للصالة واخذت موقعي بين الكراسي انتظر ديانا شوي الا يبتدي الحفل وتدخل ديانا :sm3:



انا يوم شفتها قلت وش دعوه اما هذي ديانا وراها سمنت كذا .. وبعد تصفيق الناس صارت هذي مقدمة الحفل
قدمت الحفل وبعده ماخلصت تقدمت ديانا










لافتات حملوها جمهور ديانا في الحفل





اطربيني ياديانا









راعي الطبله رقصص العالم



هنا قمة الطرب وانواع المقاوم ( المقاوم = التحدي )
























صور من تفاعل الجمهور




























تحيه من ديانا للجمهور الرائع ..



بدريه احمد كانت من ضمن الحضور



صور من المؤتمر الصحفي















توقيع للجمهور


ابرز ماذكر في المؤتمر

* ديانا بتتواجد في دبي بعد الحفلة بثلاث ايام لتصوير فديو كليب جديد لها
* راح يكون فيه تعاون سعودي قادم بعد غياب
* بظل ادعم الشباب على المستوى الكلمة واللحن
* مافيه زعل على اللجنة المنظمة لـ ليالي دبي ولكن كان هناك فيه عتب محبة
* البومي القادم جاهز وانتظر الوقت المناسب لطرحه
*الالقاب اللي جتني واللي رفعها الجمهور اليوم محل فخر واهتمام لي
* اتواصل مع الجمهور في الفيس بوك وتويتر بشكل مباشر لان هم لهم الفضل بعد الله لما وصلت له
* بيكون هناك اغنية للاطفال قريب
* كنت مرتبكه شوي في الحفل اليوم لبعض الظروف اللي حصلت قبل الحفل


في الاخير من لايشكر الناس لايشكره الله .. اشكر اخوي حلمي بشير مدير اعمال الفنانة ديانا حداد
على اهتمامه في الكل وحرصه وانا واحد من الناس اللي اهتمي فيني وحرص على تواجدي في المؤتمر مثلي مثل باقي الناس .. ادري انه مايبي اذكر هالشي ولايحب .. بس شي غصب عني مو بيدي ولا انسى اشكر الفنانة ديانا حداد على اهتمامها ايضاً ولطافتها .. وكلمة سلمني على الاهل كان
لها واقع كبير في قلبي يدل على الاحترام الكبير لجمهورها . في المرة الاولى توقعت قالتها بالغلط في
المرة الثانية عرفت ان هذا اصلها .. من القلب شكراً ام صوفي

قفلة

سـارة ، ديانا غنت اغاني كثيرة كنّا نحبها , يوم من الايام بنكون اثنينا بين الحضور
وبننبسط كلنا وبنغني معها اغانينا اللي نحبها .. الله يردك بالسلامة

ديانا حداد
أول مطربة سمعت لها وكان عمري وقتها 6 سنوات مع أول ألبوم لها " ساكن "
أختي تشغل الكاست والبيت كله يسمع لها غصب يعني مش بالطيب لأن كانت تعلي عليه ..
بعدين حولت على نجوى كرم أو بالأحرى أسمع لهم كلهم
ووو الله على ايام أمانيةة ويا أهل العششق ولو يسألوني عنكك
ورجعت بقوة بعد أغنية ياعيبو < أحب ه الأغنية كثير مع إن صار فيها جدل.

+ تغطيةة مميزة خيو
يعطيك الف عافيةة ..

يعطيك الف عافيةة ..

يعطيك العافية ياليت اروح لدبي قريب

+

تغطيه مميزه جدا ..
ديانا حداد فنانة من أجمل الأصوات

أول حضور و مبهر , كن بالقربُ

_



فنإنةة جمـيلةة وصووتهـإآ رؤوُعةة،
يعٌطٍيٰك إلف ععإفيةة تغطيةة مميزة #

فنانه رائعه و صور اروع