يخسى الذيب , يُومي الرّمضاني .. 21 / 1433 - شبكة القناص

**қвяєэτ** · 10-08-2012, 06:17 AM

بسم الله الرحمن الرحيم ..

أهلاً وسهلاً , نساءً / وِرجالاُ ..
صبّحهم ومسّهم بالخير ..
أخبآركُم عساكم بخير ؟

بالبدايه حجزت هاليُوم وجلست أرسم خُطط مِن بداية الشّهر ..
وش بسوّي ووين بروح ووين كذا ..

ثم قلت خلّها بظروفها وزي ما تجي تجي .. وللأسف ما جت زيّ ما تمنّيت
فكَان يومي عبارهه عن مشاوير ..

قبل نخش بالموضوع , نستفتح بِ مدخل ,

في أحد الأيام الماضيه .. وبينما كُنت مستلقي على ظهري بالـ صاله ..
وِ أتأمّل بِ لمبات سقفنا المحروق نصفها " بسبب حثبرة بزارين اخواتي فيها "
وكنت افكّر .. بِ أحد " أمرين حاليهم مُر " وهما ...
الصدز إني نسيت هالأمرين .. الزبده ,
وانا جالس اتمعّن بهذه اللحظات الـ دراميتيكيه , طبّت أمّي علي وقالت :
" لك ولا للذيب " , وصقعت على صدري وقلت .. افا , يخسى ابو الذيب يا عيوني انتي ..
فقالت كفو ولدي وتربيتي .. : ( !
وحدّدت لي جدول يُومي رقم " 21 " ابتداءً من الثانيه عشر ظهراً وحتى المغرب ..
واردفت آخر كلمه بجملتها , " يَا حبّيله ولدي ما يردّني "

فَ من هالمنطلق , إبتدأ يُومي .. قبل ما يبدأ ..

..
هالحين نجي للأحداث ..

طبعاً بداية اليوم كانت بصلاة الفجر بعد ما رجعت من مباراه ..
صلّيت ورقدت إستعداداً لمشاوير الظّهر ..

قوّمتني امي بتمام الـ 12 و 18 دقيقه ..
صلّيت الظُّهر .. واخذت إنها رحمتني ومافيه الا مشوار للعويس بتشتري " قِدر " :’(

وسمّيت بالله و شغلت السيّاره .. ودربِيت رآسي خلف المِقود متمتماً " إتفل بوجهي ان كان العويس الحاله "

دخلنا , و هذي صُوره لِ محل فيه حافظات ومواعين

عقب ما طلعنا , قالت وش رآيك تِمرّ العزيزيّه بشتري مكرُونه ..
و زادت التمتمه بعد أن قلت ابشري / رُغم انفي ض1 !
وقلت متمتماً .. " افلقني بِ كاس مويه بارد , ان كانت مكرُونه بس ض1 " !!

ناظرُوا المكرُونه : / !

وهذي العزيزيّه

بعد ما خلّصت اشغالها .. رجَعت البيت .. وانا فيني نُوم ومصدّع وحالتي حاله ..
اوّل ما رجعت دخلت الغرفه , طلّعت الفوطه واستعدّيت للترويشه

( السّفن من اليوم اللي قبله بالليل , واللي مو مقتنع فَ خلاص ولا يزعل كنت ابي تصبيره للفطور وشربت لي قاروره 200 ملل , يقولون ما تضر ) !

نرجع لِ محور حديثنا ..
طبعاً , تروّشت و جلست اتمطّق نص ساعه , الين اذّن العصر ..
صلّيت .. ورحت اخذ درآهِم .. واخذ الـ توجيهات الجديدَه ..

فَ جاني بعد مشوارين ..
ورحت قضّيت الأوّل وخلصت ..
والثاني كان اني اخذ وآيت مُويه واروح اعبي خزّان بيت اختي اللي بترجع بكرآ من السفر !
ورحت خذت وآيت و عبّينا الخزّان : / !

وعقب ما خلصت رِجعت قبل اذان المغرب بربع ساعه لِ درعيّتنا الحبيبَه

تخبرون رمضان قرّب يخلص .. وصارت السفره تنقص كل يوم ,

,

,

بعد الفطور ودّيت الشغالات , لِ بيت اختي ينظفونه ..
و قفلت عليهم
ورجعت بيتنا لبست و انطلقت لِ البديعه عِندي مباراه بدوري العائله
لعبنا وتأهّلنا للنهائي السبت , ورجعت لِ الشمال
اخذت الشغالات .. ورجّعتهم بيتنا ..
ثُم اخذت يد السّوني
وانطلقت لِ نايف المصيبيح .. وجلست من 2 لين 5 و ربع ورجعت بيتنا

" جلستنا "

,

وبهذا الحتسي .. ينتهي يُومي اللي اختفت برامجي اليوميّه المُعتاده فيه !
عاد احمدوا ربّكم صوّرت لكم مشاويري بعد وجلست أهذري لكم , !

بالختام ..
لا إله إلا الله .. مُحمداً رسول الله ..

كل عام وانتُم بخير / وصحّه وسلامَه ..
وتقبّل الله صيامكم , وقيامكم , وصالح أعمالكم يَ رب

مُحبّكم , محمّد الغريبي ..
@kbree_t

,

10-08-2012, 06:17 AM	#1
қвяєэτ مشرف صدى المشاعر ( نظم )	يخسى الذيب , يُومي الرّمضاني .. 21 / 1433 بسم الله الرحمن الرحيم .. أهلاً وسهلاً , نساءً / وِرجالاُ .. صبّحهم ومسّهم بالخير .. أخبآركُم عساكم بخير ؟ بالبدايه حجزت هاليُوم وجلست أرسم خُطط مِن بداية الشّهر .. وش بسوّي ووين بروح ووين كذا .. ثم قلت خلّها بظروفها وزي ما تجي تجي .. وللأسف ما جت زيّ ما تمنّيت فكَان يومي عبارهه عن مشاوير .. قبل نخش بالموضوع , نستفتح بِ مدخل , في أحد الأيام الماضيه .. وبينما كُنت مستلقي على ظهري بالـ صاله .. وِ أتأمّل بِ لمبات سقفنا المحروق نصفها " بسبب حثبرة بزارين اخواتي فيها " وكنت افكّر .. بِ أحد " أمرين حاليهم مُر " وهما ... الصدز إني نسيت هالأمرين .. الزبده , وانا جالس اتمعّن بهذه اللحظات الـ دراميتيكيه , طبّت أمّي علي وقالت : " لك ولا للذيب " , وصقعت على صدري وقلت .. افا , يخسى ابو الذيب يا عيوني انتي .. فقالت كفو ولدي وتربيتي .. : ( ! وحدّدت لي جدول يُومي رقم " 21 " ابتداءً من الثانيه عشر ظهراً وحتى المغرب .. واردفت آخر كلمه بجملتها , " يَا حبّيله ولدي ما يردّني " فَ من هالمنطلق , إبتدأ يُومي .. قبل ما يبدأ .. .. هالحين نجي للأحداث .. طبعاً بداية اليوم كانت بصلاة الفجر بعد ما رجعت من مباراه .. صلّيت ورقدت إستعداداً لمشاوير الظّهر .. قوّمتني امي بتمام الـ 12 و 18 دقيقه .. صلّيت الظُّهر .. واخذت إنها رحمتني ومافيه الا مشوار للعويس بتشتري " قِدر " :’( وسمّيت بالله و شغلت السيّاره .. ودربِيت رآسي خلف المِقود متمتماً " إتفل بوجهي ان كان العويس الحاله " دخلنا , و هذي صُوره لِ محل فيه حافظات ومواعين عقب ما طلعنا , قالت وش رآيك تِمرّ العزيزيّه بشتري مكرُونه .. و زادت التمتمه بعد أن قلت ابشري / رُغم انفي ض1 ! وقلت متمتماً .. " افلقني بِ كاس مويه بارد , ان كانت مكرُونه بس ض1 " !! ناظرُوا المكرُونه : / ! وهذي العزيزيّه بعد ما خلّصت اشغالها .. رجَعت البيت .. وانا فيني نُوم ومصدّع وحالتي حاله .. اوّل ما رجعت دخلت الغرفه , طلّعت الفوطه واستعدّيت للترويشه ( السّفن من اليوم اللي قبله بالليل , واللي مو مقتنع فَ خلاص ولا يزعل كنت ابي تصبيره للفطور وشربت لي قاروره 200 ملل , يقولون ما تضر ) ! نرجع لِ محور حديثنا .. طبعاً , تروّشت و جلست اتمطّق نص ساعه , الين اذّن العصر .. صلّيت .. ورحت اخذ درآهِم .. واخذ الـ توجيهات الجديدَه .. فَ جاني بعد مشوارين .. ورحت قضّيت الأوّل وخلصت .. والثاني كان اني اخذ وآيت مُويه واروح اعبي خزّان بيت اختي اللي بترجع بكرآ من السفر ! ورحت خذت وآيت و عبّينا الخزّان : / ! وعقب ما خلصت رِجعت قبل اذان المغرب بربع ساعه لِ درعيّتنا الحبيبَه تخبرون رمضان قرّب يخلص .. وصارت السفره تنقص كل يوم , , , بعد الفطور ودّيت الشغالات , لِ بيت اختي ينظفونه .. و قفلت عليهم ورجعت بيتنا لبست و انطلقت لِ البديعه عِندي مباراه بدوري العائله لعبنا وتأهّلنا للنهائي السبت , ورجعت لِ الشمال اخذت الشغالات .. ورجّعتهم بيتنا .. ثُم اخذت يد السّوني وانطلقت لِ نايف المصيبيح .. وجلست من 2 لين 5 و ربع ورجعت بيتنا " جلستنا " , وبهذا الحتسي .. ينتهي يُومي اللي اختفت برامجي اليوميّه المُعتاده فيه ! عاد احمدوا ربّكم صوّرت لكم مشاويري بعد وجلست أهذري لكم , ! بالختام .. لا إله إلا الله .. مُحمداً رسول الله .. كل عام وانتُم بخير / وصحّه وسلامَه .. وتقبّل الله صيامكم , وقيامكم , وصالح أعمالكم يَ رب مُحبّكم , محمّد الغريبي .. @kbree_t ,