انســــان
عدد الضغطات : 18,533
الجمعية الخيرية لتحفيظ القرآن الكريم
عدد الضغطات : 13,031(انسان) الجمعية الخيرية لرعاية الايتام
عدد الضغطات : 18,639استمع إلى القرآن الكريم
عدد الضغطات : 9,847

   
العودة   شبكة القناص - الموقع الرسمي للاعب ياسر القحطاني > المنتديات العامة > المجلــــــس
   

إضافة رد
 
LinkBack أدوات الموضوع انواع عرض الموضوع
قديم 02-07-2012, 01:30 AM   #1
( صخَب المجلس )
 
الصورة الرمزية مـآكِنتُوشٌ
 
قلب ــــــ عندمـا قالت لي : هذي انــا !





*هل فكرت يوما لماذا ترى الأمور بشكل مختلف عن من هم حولك بينما الموضوع نفسه واحد ؟



مـآكِنتُوشٌ غير متواجد حالياً   رد مع اقتباس
قديم 02-07-2012, 01:38 AM   #2
( صخَب المجلس )
 
الصورة الرمزية مـآكِنتُوشٌ
 
قلب



طبعا جواب السؤال بكل اريحيه :
لان لكل شخص سلوكيات ونمط شخصيه تحدد تفكيره وردة فعله بطريقه مختلفه عن الاخرين
..

حاول الإنسان كثيرا بناء تصنيفات للشخصيه
وهالموضوع شخصياً أقدر أسمي نفسي باحثه بسيطه في مجالاته لأنه يجوز لي
يعني من الحين اقول لكم موضوعي طويل شوي فكالعاده اللي عنده شغل
يتوكل يسويه قبل يجي
* لو تفكرنا بسير العظماء بنشوف أنهم يحصلون على مبتغاتهم عن طريق فهم الناس !
ناخذ مثآل : الرسّول صلى الله عليه وسلّم لما دخل مكه جاءه عمه العبّاس
قال
يارسول
الله
إن أبا سفيان رجل يحب الشرف
..
( يعني يحب يكون له سياده وسيطره) !
فقال صلى الله عليه وسلّم " من دخل الحرم فهو آمن , ومن دخل بيته فهو آمن ،
ومن دخل بيت أبا سفيان فهو آمن " ..
ليه الرسول صلى الله عليه وسلّم قال كذآ؟ من عبث ؟ لا طبعا
لأن أبا سفيان يوم سمعها حس بالشرف وبالمكانه ,
هالمقوله ألفت قلبه على الرسول صلى الله عليه وسلّم
وعلى الإسلام وهنا المقصد ..
طيب شوفو أبا سفيان لما رجع لقومه وش قال : "
ياقومي إن محمداً أتاكم بجنود
لاقبل لكم بها فمن دخل يبتي فهو آمن
"
لاحظوا ماقال الحرم والبيت لأنه يبي المكانه يبي الشرف له!
قالوا له " مانفعل في بيتك ! " استبرك وقال من دخل الحرم وهو آمن ومن آغلق عليه داره فهو آمن ..
لآحظوا الرسول صلى الله عليه وسلّم كيف أثّر بقلب أبو سفيان من خلال شي يحبه
*قسمت اخصائية علم النفس رينيه بارون في كتابها "9 شخصيات , 9 طرق للنجاح" .. الشخصيه لـ 9 تصنيفات


والعالم هيرمن قسمها الى A , B , C , D
وهناك من نظر الى فصائل الدم او من خلال الثقافات شمالي , جنوبي , شرقي ,غربي
لكن المدرب "ياسر الحزيمي" اختصر لنا الشخصيات باربع اشكال هندسيه وتحليله يعتبر مختصر اكثر من غيره ..!
المربع الدائره المثلث المتعرج
رغم اني اكره شي عندي الاشكال الهندسيه
لكن نشوف وش يقول ياسر عن هالاشكال


-حذرين
-يقدسون النظام
-اذا رحتو رحله بريه يصبحون متعبين معكم يعيقون اندفاعكم للمغامره
لاتروحون لاتبعدون لاتطعسون لاتوسخون ملابسكم لاتخلصون الماء "
طيب حنا طالعين بنستانس وبنطلع كل اللي بخواطرنا ليش النكد !!
لكن يصلحون بالحج لان الحج يحتاج لتنظيم في الوقت والاماكن وكل شي
-جادين ولايحبون الهزل والتنكيت لان يعتبرون انه خروج عن النظام
يقول الدكتور من كان مديره من النمط المربع الله يدخله الجنه بغير حساب
لانهم يكونون دقيقين بكل شي وممكن يخليك تعيد بحثك عشان الخط او ممكن ينشبون لك بالهمزات
-يهتمون بالصحه والتغذيه وهذا يسبب كذا وهذا يجيب كذا وماالى ذلك من التعقيد خخخخ
-يهتمون بالوقت والمواعيد
-لديه حده وخصوصيه يعني اكثر كلامه بيني وبينك حتى لو مايسوى " بيني وبينك رحت اليوم للبقاله اليوم " خخخ
- تفكيرهم أما أبيض أو أسود , ماعندهم وسط وماعندهم خيارات كثير ..
- يقدمون النظره التشائوميه قبل التفائوليه
تقدر تحدد الشخصيه من خلال شكل الجزمات عند بوابة المسجد
- بعض الناس يفصَخ جزماته " أعزكم الله " ويرتبهم جنب بعض ويحطهم بعيد , هذولا مربعات
وبعضهم يشوتهن ولا كل وحده بجهه وإذا طلعتوا يجمع البزران اللي يلقى الجزمه له 10 ريال
ومثل اللي يصفون التمر بالعلب حبّه حبّه ما يكبونه التمر فوق بعض


-ودود .. عنده عواطف عاليه وغير طبيعيه
- يصعب عليه ان يقول لا
-يحب الآخرين فيه ليونه جسديه لما يكلمك يقرب منك أو يمسك يدينك
-نيته صافيه لكن دائما يطيح بماآزق ..
-اهم شي عنده راي الناس ورضاهم لو كان على حساب نفسه !
-يشعرك بطفولته لما تقدر ترفع معنوياته بكلمه وتحطمه بكلمه
- مايحب ولا يصلح يكون قائد أو رئيس مايحب يكون ضد أحد
* يقولون كان فيه قاضي من صنف الدائره يحكم بين اثنين
فهذا يصرخ فيقول له انت صح فيبكي الثاني فيقول انت صح فالثاني يتكلم فقال انت صح
فكان فيه مساعد جنبه قال ياشيخ مايصلح هذا صح وهذا صح وهذا صح قال أي انت صح بعد
- مواعيده غير دقيقه .. لانه وان كان مواعد احد بالساعه الفلانيه ومر عليه صديقه
راح يجلس يسولف معه ويضيفه لانه لايحب ان يجرح مشاعر احد او يخسر احد
لكنه بالنهايه يمكن يخسر الاثنين !
-البنت دايم تحلم بزوج دائري حنون يعطي الآخرين ولا يعطي نفسه مايزعلها ويهمه رايه..
الواقع لو إعتبر زوجته نفسه ماراح يريحها وبيتعبها ويوهقها ..
لو إعتبر زوجته ناس يآ سلآم فاللي زوجها دائري تحاول تحسسه أحيانا بشوي رسميه
تحسسه إنه زي الناس ممكن تزعل ممكن تتضايق منه عشان يحطها بباله ويعاملها زي الناس


- " المثلث شعاره في الحياة اما ان تقود او تقاد او ابعد عن الطريق "
-اناس يبحثون عن مصالحهم وكل شي يخدم اهدافهم
-في نظراتهم حده يطيل النظر اليك يعني يبحلتز
-حركاته مشدوده وهذا يدل ع الشده في التفكير
-اناس لايصدقون الا بالبراهين والارقام كلمة يقولون عنده ماتمشي
-مخططين رائعين لكن فاشلين في التنفيذ :/
-حارين بلهجتنا يعني لو كلفك بشي راح يقلقك بكثر الاتصال عليك والزن
-اصحاب سخريه عاليه
* كآن فيه معلم دائم يتأخر وبايعها وإذا جا وقع جنب 7 وربع ولآ من شاف ولآ من دري
يوم من الآيآم هدآه الله وقرر يتوب وعفا الله عما سلف,
وجا ودخل غرفة المدير وسلم على الحاضرين ووشلونكم ووش آخباركم آخذ حول الدقيقتين
يوم جا يوقع إلتفت على المدير : قال له أوقع بالوقت اللي دخلت فيه ولآ هالحين؟
المدير قال : الله واكبر تاكل بعير وتشرق بريقك يآرآقل وقفت عاليوم يعني مسوي لي زحمه عند دقيقتين
المعلم حس بالمهزله صدق لكنه مشاها وأخذها مزح والحمد لله مادقق
-جدلي وسريع الانفعال
-يحبون السيطره والقياده
-ممكن يئذون من يقف امام اهدافهم
-يحتكون بالمسؤلين واصحاب المكانه لكن مو معناته مصلحجيين لا !
-يشتري الماركات ولايبخل ع نفسه لكن ربما يبخل ع غيره !
-يفرقون بين العواطف وبين مايجب ان يكون
* اذا اخوك مثلا كان مثلث وارسلك تجيب شي وقال لك هاه جبت الغرض ؟
هو مايبي تقول والله رحت ولقيت فلان ومادري ايش هو مايبي القشور يبي النتيجه
راح يقول لك طيب جبته والا لا ؟



- شعاره " أمسكني إن إستطعت" منطلق ومندفع
- يكره الروتين
- مثير , يحب التغيير
- يحب التميز , ويبحث عن الجديد
- مايحب يقعد ببيته يطلع ويشوف ويسافر ويفتش ويدور شي جديد
- ماتهمه أهدافه ولا علاقاته ولا النظام
- يعني شوي إستهتار بكل شي بسبيل أوصل للتميز ..
- أهم شي عنده فكرتي فكره جديده ومثيره ومميزه بذاته اومحد جربها قبلي خلاص

-

بالنهايه حاولو تفهمون شخصيات بعضكم
خصوصا اللي مرتبطين معهم مدى الحياة وبشكل يومي ..
والديكم اخوانكم ازواجكم اصدقائكم
عشان تقدرون تفهمونهم وتتعاملون معهم وتلتمسون العذر لتفكيرهم
وانماطهم اللي ماتعجبكم ..!
وبس
حبيت اكتب هالموضوع بما انه من زمان ببالي ومن زمان عنكم
مع اني عارفه ان ماحولي احد
على قولة بعض الناس ..


تافهين صح
ماعليكم منهم وجاوبو على اسئلة الموضوع :
أي نمط حسيتو نفسكم قريبين له؟
صنفو من حولكم بالنمط اللي حسيتو يناسبهم !


لاانسى الشكر كل الشكر للبرنسيسه :
ĐąหṯёёŁ

التوقيع:


|


مـآكِنتُوشٌ غير متواجد حالياً   رد مع اقتباس
قديم 02-07-2012, 04:30 AM   #3
مشرف قسم الجمهور الهلالي
 
الصورة الرمزية Mohammed.S
 
افتراضي رد: ــــــ عندمـا قالت لي : هذي انــا !

أي نمط حسيتو نفسكم قريبين له؟

أنآ اشوف أني مثلث :(

فمثلاً
أقتباس-مخططين رائعين لكن فاشلين في التنفيذ :/


كثير يجين كذآ

أقتباس
-حارين بلهجتنا يعني لو كلفك بشي راح يقلقك بكثر الاتصال عليك والزن


100% ينطبق علي ض1

أقتباس-اصحاب سخريه عاليه


تقريباً ض1

أقتباس-يحبون السيطره والقياده


نعم ض1





صنفو من حولكم بالنمط اللي حسيتو يناسبهم !

انا ابقول عايلتي

ابوي : مثلي مثلث طآلع عليه ض1

أمي : دآئرة

أخوي الكبير : مثل أمي

أخوي الصغير : متعرج ض1


مآكنتوش .. أبدعتي بمآ كتبتي و صرآحة استمتعت بالقراية


شُكراً

التوقيع:

Mohammed.S غير متواجد حالياً   رد مع اقتباس
قديم 02-07-2012, 05:16 AM   #4
مشرفة منتدى الجمهور الهلالي
 
الصورة الرمزية ŚωєєT ĞiяL
 
افتراضي رد: ــــــ عندمـا قالت لي : هذي انــا !

● أي نمط حسيتو نفسكم قريبين له؟

الدائرة
يصعب عليه ان يقول لا < هذا اللي متعبني ومسود عيشتي /
حتى لو كان شي أحبة ة وأحد طلبه مني على طول ومن غيير تفكير أقول أخذية ة
أحيانآ أقول لا وبنفس الوقت يآنبني ضميري وأخاف ه الشخص يزعل ويآخذ بخاطره مني .. يعني كثيير أهتم بمششاعر الآخريين < خفي علينآ

كل النقاط اللي ذكرها تنطبق علي .. فعلاً الحزيمي مبدع

● صنفو من حولكم بالنمط اللي حسيتو يناسبهم !
آمي | والله مدري .. هقوتي ماخذة شوي من الدائرة وشوي ومن المربع
آبوي | المربع
آختي | مثلث
ترفع الضغط والسكر وكل الآمراض أشوى ان عرسها بعد آيام عشان نفتكك منها شوي
(اصحاب سخريه عاليه - اناس يبحثون عن مصالحهم وكل شي يخدم اهدافهم < أنا أشهد
)
أخواني | كلهم مثلث إلا الكبير الدائرة
+
مآكنتوش فديتك انتي و ه الموضوع التحفة ة
تسلم ه اليدين ي رب

التوقيع:


ŚωєєT ĞiяL غير متواجد حالياً   رد مع اقتباس
قديم 02-07-2012, 05:44 AM   #5
عضـو اللجنـة الإعلاميـة
 
افتراضي رد: ــــــ عندمـا قالت لي : هذي انــا !

---

أي نمط حسيتو نفسكم قريبين له؟
الدائرة::
-اهم شي عنده راي الناس ورضاهم لو كان على حساب نفسه !
تماماً /معَ الاسفَ صحَ
يعني عنديَ انا اهم شيء الناسَ اهم شيء مبسوطين لو اضحي بنفسي م عندَي مشكلةة
لو اخدمههم طوول عمريَ برضوا م فيش مشاكَل , ومتضايقةة من هذا الشيء وبعضَ الاحيان
انسى او اتغاضىَ عن احلاميَ مشان النااس .
-يشعرك بطفولته لما تقدر ترفع معنوياته بكلمه وتحطمه بكلمه !
بجدَ بالصمييمَ / كلمةة اتاثر فيهـآآآ...>وحتى لو كانت مزحَ..!!

لكَن هكذآ انا

صنفو من حولكم بالنمط اللي حسيتو يناسبهم !


أمَيَ : مثلي تماماً ....>نسخةة منيَ , الله يحفظهاا لي ياررب
ابؤي: م فيهـآآ كلآمَ مربعَ
اخووي: مثلث, كلها مطابقةة له وخصوصاً-يحبون السيطره والقياده .> عذبنا بهذي الصفةة

+ مآكنتوش: الف شكَر ع المووضووع الرووعةة,
دمتي مبدعهه

αℓ-jαωнαяα غير متواجد حالياً   رد مع اقتباس
قديم 03-07-2012, 01:32 AM   #6
مشرفة قسم المجلس
 
الصورة الرمزية ORKID
 
قلب رد: ــــــ عندمـا قالت لي : هذي انــا !

..



..


يا مرحباا ,

موضوعك بالمقااس
أحب اللي كذا

.. تصنيف الأستاذ ياسر الحزيمي ,مرة بسيط وحلو
لكنه مش دقيق ,ينفع للي بياخذ نظرة عامة عن الشخص ,
أي نمط حسيتو نفسكم قريبين له؟
مم يمكن الدائرة ,
هاا وش يصلح لي زوج

أقتباسالله واكبر تاكل بعير وتشرق بريقك


خلاص ,علق براسي

ماكنتوش ,
يا وحشتك

التوقيع:

I'm afraid ,!
ORKID غير متواجد حالياً   رد مع اقتباس
قديم 03-07-2012, 05:35 AM   #7
صديقـة المجلـس
 
الصورة الرمزية انيـن
 
افتراضي رد: ــــــ عندمـا قالت لي : هذي انــا !

موضوع روووعه وخطير وممتع

و الله يعطيك العافيه ويسلمك

أي نمط حسيتو نفسكم قريبين له؟
تقريبا تقريبا شوي من المثلث وشوي من المربع

صنفو من حولكم بالنمط اللي حسيتو يناسبهم !
امي :دائره

البقيه ماعرفت اصنفهم


التوقيع: استغفر الله واتوب اليه
انيـن غير متواجد حالياً   رد مع اقتباس
قديم 03-07-2012, 06:05 AM   #8
قنــاص مبــدع
 
افتراضي رد: ــــــ عندمـا قالت لي : هذي انــا !

ماعليكم منهم وجاوبو على اسئلة الموضوع :
اي ماعلينا منهم
أي نمط حسيتو نفسكم قريبين له؟
تسني دويّره
صنفو من حولكم بالنمط اللي حسيتو يناسبهم !
امي وابوي مربعات < تخيلوا الحياة
خالتي مثلثه
خيتي مثلثه

"""""""""""""""""""""""""""""""
موضوعك يجنن وثري بالمعلومات ..
اندمجت حيل معه ..
عوووافي كنك عطيتيني مصباح

سَكُوُنْ غير متواجد حالياً   رد مع اقتباس
قديم 03-07-2012, 06:48 AM   #9
عضـو اللجنـة الإعلاميـة
 
الصورة الرمزية افنان الخالد
 
افتراضي رد: ــــــ عندمـا قالت لي : هذي انــا !

*


● أي نمط حسيتوآ نفسكم قريبين له؟

و الله مدري إيش بالضبط بس اللي اقرب لي الدائره ..

● صنفوآ من حولكم بالنمط اللي حسيتو يناسبهم !


آمي ؛ امي جامعه بين المربع والدائره
ابوي؛ اكيييييييد مربع
اختي ؛ مثلث على فكره ترآ هي اكثر وحده ينطمع فيها لانها ماتقول لأي احد لا

..

يعطييكك العآفيةة موضوع مشووق وممتعَ
ننتظر المزيد من إبدآعكك
..

التوقيع:



#القرآن نعمه من الله تريح القلب وتطمئنه


فلا تهجروه !! http://ia601507.us.archive.org/22/it...ick_354/66.mp3

افنان الخالد غير متواجد حالياً   رد مع اقتباس
قديم 03-07-2012, 11:51 AM   #10
قناص مميــز
 
الصورة الرمزية غـريـبـﮧ بطبع’ـي
 
افتراضي رد: ــــــ عندمـا قالت لي : هذي انــا !





أي نمط حسيتو نفسكم قريبين له؟



صنفو من حولكم بالنمط اللي حسيتو يناسبهم !
أبووي :- دائره ,,

أمي وأخواني :- مربع ,,


مشكووورهـ على الموضوع الرائع
+ شكرآ لـ دآنتيل




التوقيع:



غـريـبـﮧ بطبع’ـي غير متواجد حالياً   رد مع اقتباس
قديم 03-07-2012, 05:16 PM   #11
مشرفة قسم بانوراما
 
افتراضي رد: ــــــ عندمـا قالت لي : هذي انــا !


أي نمط حسيتو نفسكم قريبين له؟
الدائره
صنفو من حولكم بالنمط اللي حسيتو يناسبهم !
اخوواني : واحد متعرج والثاني مثلث
اختي : مثلث !
أمي : دائرهه


ماكنتوشَ ,

موضوع جميل ولزيز أويَ ..
وإطلالتك دايم جميله لاتحرمينا منها

التوقيع: .

.

.



https://nosha-999.sarahah.com/


جنّه ! غير متواجد حالياً   رد مع اقتباس
قديم 03-07-2012, 11:35 PM   #12
( حفيف الهداية )
 
الصورة الرمزية "بيبرس"
 
افتراضي رد: ــــــ عندمـا قالت لي : هذي انــا !

أي نمط حسيتو نفسكم قريبين له؟
أشعر إني بين الدائرة والمربع..
وأتفق مع (أوركيد) في إن مقياس الأستاذ ياسر غير دقيق تماماً..

صنفو من حولكم بالنمط اللي حسيتو يناسبهم !

الأشخاص القريبين مني فيهم كل الأصناف..
لكن متعبين بالنسبة لي!.. أكثر من أرتاح لهم
وأفهمهم اللي من نفس النمط..

شكراً جزيلاً لكِ على الموضوع المفيد..
[ جاري كسر العدد - المحبط - المذكور عشان نحسن صورة الموقع ]

"بيبرس" غير متواجد حالياً   رد مع اقتباس
قديم 04-07-2012, 12:19 AM   #13
Qnas messenger
 
الصورة الرمزية {..هلاليه..}
 
افتراضي رد: ــــــ عندمـا قالت لي : هذي انــا !

.

مافي شيء انطبق على شخصيتي تماماً
بس يمكن الأقرب المثلث
الموضوع جداً مهم ، وطريقة سردك بسيطة وممتعة
ربي يعافييك
+ ماعليك منهم : $، هو صحيح الموقع تغير مره
بس راح يرجع بفضلك بعد الله إن شاء الله : $

{..هلاليه..} غير متواجد حالياً   رد مع اقتباس
قديم 04-07-2012, 04:13 AM   #14
قناص مميــز
 
الصورة الرمزية غيمة وفاء
 
افتراضي رد: ــــــ عندمـا قالت لي : هذي انــا !



الموضوع جداً جدأً رائع .
وبصراحه انا احب المواضيع اللي كذا فيها تحليل شخصيات ونفسيات وكلام فلسفه ...ووالخ
وبسوي نفسي محللة شخصيات وببدا بنفسي اولاً
انا واعوذ بالله من كلمة انا اقرب وحده لي هي :

الدائره

. عنده عواطف عاليه وغير طبيعيه
- يصعب عليه ان يقول لا
وخصوصاً الناس اللي احبهم كثير ما اقدر انطق الكلمه اصلاً
-نيته صافيه لكن دائما يطيح بماآزق ..(وياكثرالماآزق اللي طحت فيها )
-اهم شي عنده راي الناس ورضاهم لو كان على حساب نفسه !
لدرجة ان اختي اللي اكبر مني دايم تهاوشني وتقول لي انتي ما عندك شخصيه
بس ما علي فيها
-يشعرك بطفولته لما تقدر ترفع معنوياته بكلمه وتحطمه بكلمه
- مايحب ولا يصلح يكون قائد أو رئيس مايحب يكون ضد أحد
حاولت كثير اغير من شخصيتي لكن ما قدرت فديتني

اما اللي عندي :
امي اقرب للدائره فديتها بس لما تعصب ......؟؟؟
ابوي مربع واحيان يكون مثلث
اخواتي وحده مربع ووحده مربع مع دائره (امحق تحليل )
واخوي مثلث واحيان يجمع بين كل الاشكال يعني متوازي الاظلاع

ادري طولتها ...
بس الموضوع اعجبني كثييييييييييييييييييييييييييييييييير وانسجمت ..

ماكنتوش مشكوووووووووووره حبيبتي على الموضوع المتميز والاكثر من رائع

غيمة وفاء غير متواجد حالياً   رد مع اقتباس
قديم 04-07-2012, 12:19 PM   #15
لاعب قناص
 
الصورة الرمزية جمالي اناني
 
افتراضي رد: ــــــ عندمـا قالت لي : هذي انــا !

السلام عليكم ورحمة الله وبركاته


أي نمط حسيتو نفسكم قريبين له؟
أنا أحس نفسي أخذ شوي من المثلث وشوي من الدائرة
صنفو من حولكم بالنمط اللي حسيتو يناسبهم !


أبوي : الدائرة
امي:مربع
أخواني ثالث: متعرجين
أخوي المتوسط : شوي من المثلث وشوي من الدائرة
أخوي ضغير : الدائرة
أختي الكبير : مثلث
أخواتي ثنتين : الدائرة
أختي صغير: الدائرة

ان شااء الله أني حللت صح



الموضوع صارت ردود اكثر من 10 ردود حر نقهري

ماكنتوشَ

موضوعج جداً رااائع جميل
من الكلمات و تصميم و اخراج و..إلخ
مميزه
صصراحة استفد من كثير
ربي لا يحرمنا منج
مشككككككوره قلبي


التوقيع:
,

نِّمُّوّتُّ لَّكّْنِّ مُّاٍّ تُّمُّوّتُّ اٍّلَّكّْرًّاٍّمُّهّْ ..!
جمالي اناني غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 06:43 AM.

Designed by: BAA
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0
Ads Management Version 3.0.1 by Saeed Al-Atwi