أولاً بسم آلله الرحمن الرحيم
مآجورين يالربع وش حآلكم
يآلله حيهم في محلهم

بآدخل في صلب الموضوع بدون لف و دورآن و تسذا

- لآ يعقل ولا يكاد يستوعب العقل كل مايحدث الآن من حملات و إنتقادات غير هادفه و صيحات استهجان ضد الكبتن آلكبير ماجد المرشدي !
في المباراه الأخيره ضد الغرافه و بالتحديد مع بدآية المباراه وفي الدقائق الأولى بعض الجمهور " ما يصدق " إن الكوره تجي مع المرشدي عشان يقعد يصايح و يضغط عليه !
انا مدري وش السبب في مثل هالتصرفات من " بعض " الجمهور الهلالي !
انا اللي اشوفه إن الكبتن ماجد في اخر المباريات مقدم مستويات حلوه فلذلك يجب علينا كـ جمهور وآعي و كبير أن نقول للمحسن أحسنت و للمسيء أسأت
خصوصاً إن الفتره ذي مهيب فترة إنتقادات و حملات ضد بعض اللاعبين
الكبتن ماجد مآزال لديه الكثير لكي يقدمه للشعار يجب علينا مساندته و مساندة جميع اللاعبين و بدون إستثناء

- نأتي لـ " كرستيآنو آلدوري الكوري " كمآ يحب أن يطلق عليه البعض
أستغرب صراحه من كل اللي أشادوا فيه ف المباراه الأخيره !
يعني مهآجم يضيع 3 إلى 5 آهداف محققه و تجي آنت و تقول والله هاللاعب فلتة زمآنه و بيبدع لو آستمر مع آلفريق كم موسم !
على قولتهم " ليآلي العيد تبآن من عصاريها " عشان هالشيء أرجوا من الاداره الهلاليه عدم التجديد لهذا اللاعب لأنه و بكل صراحه يفتقد الموهبه و يفتقد حآسة التسجيل ! يعني مدري وش فايدته في الفريق !
آنا اشوف إن الاداره الهلاليه يجب عليها التخلص من العربي و الكوري و إستقطاب مهآجم على طراز عآلي مع عودة الكبتن يآسر القحطاني إلى الفريق الموسم المقبل و هجومنآ بيكون نآر يآ حبيبي نآر

- سلمان الفرج آنا شخصيا أراهن عليه و آقول لكم من الآن سلمان اذا كان في يومه منطقة الظهير و الجناح الايسر بتكون في قمة العطاء و التألق
أستغرب من الكثير من الجمهور أنهم أثنوا على بعض اللاعبين و سلمآن الفرج هو اللي كان نجم المباراه الاخيره مآحصل إي اشاده منكم !
صراحه لاعب بطل .. إستلام و تسليم و تمرير و مرآوغه كلها مميزه .. يعني وش تبون أكثر من كذا تألق و أكثر من كذا إبداع يآهلاليين ! لله درك يآسلمان و أتمنى إنك تستمر في عطآئاتك و بروزك بشكل مميز مع الفريق

- روح الهلال الشاب نواف العابد .. هآللاعب يوم عن يوم يكبر في عين كل هلالي و لعل كلمته آللي لقطتها كآميرا القناه الرياضيه بعد تسجيل الهدف في المباراه الأخيره ضد الغرافه " لآزم نرضي الجماعه لآزم نرضيهم " هي أكبر دليل على ان اللاعب يلعب بكل وفاء و إخلاص و يحرق الملعب من أجل الشعار
هنيئاً للهلال بوجود نجم عآشق و متيم بحب الأزرق مثلك يآنواف العابد

المبآراه الأخيره ضد الغرآفه كان الجمهور مميز و في قمة التفاعل و الحماس و التشجيع و آنا كنت من ضمن الحضور
آنا دايمم آحضر مباريات الهلال لكن هالمباراه غير غير غير رغم إن الحضور مهوب ذاك الزود لكن صراحه أغلب اللي آحضروا تفاعلوا مع الرابطه بشكل أكثر من رائع و إن شاء الله من حسن إلى آحسن يآ جماهير الهلال يآجن الملاعب

لقطةةَ ختآمم " صورتي " مع أخوياي في مدرجآت الزعيم في مباراتنآ الأخيره
[/URL]
^
آكيد عآرفين انا اي واحد فيهم صح ولآ ؟

ومضة : موضوعي كتبته في شبكة الهلال و في شبكة القناص

أوافقك في كل م قولتهـ عدآآ الكوري

صرآآحهـ أششوفهـآآ أفضضل مباراة له صح ضضضيع اهدآآف لـكن أكثثر لآآعب متحرك هو الكوري

لأول مرآآ اشششوفه يسسحب

الاعب هذا صرآآحهه مششاغبب ومزعج لـ دفآآعات الخصم لكـن ينقصصه القليل فققط

أنا م أقول جددوا لهـ لكـن لانظظلمه في هذه المباراة

والجمههور أقول لهههم من الققلب ششكرا لكم واتمنى كل مباراة مثل هذا الحضضور وأكثثر

يعطيك للعافيه كلام في قمة الروووعه لازم نوقف مع الفريق في الفتره هذي بذات لانه محتاج لنا اكثر من قبل

^
نورتوآ الموضوع

بـ إختصار لـ بعض الجمهور ..
يسكتهم هدف .. ويزعلهم هدف ,
البعض ينقد لسوء مستوى لاعب في مباراه او اكثر ..
لاننسا ان الدوري طويل .. والجهدء يكون صعب فيه ليكون مستمر "
مستحيل الا ما اقل منهم إن يون بنفس المستوى باي مباراه كانت ..

نواف .. وسلمان ,
لاعبين شباب ويبون يثبتون تواجدهم للعب إساسياًَ ..
ويارب لك الحمد كان تواجدهم إكبر اثبيت ..

الكوري "
لاعب مهاري ولكن لا يدل المرمى لكي يسجل هدف .
ويخدمه باللعب السرعه . يعني إبرك من غيره ,
امام المرمى والا يسحب الدفاع كله ,,


هلالي ..
سلمت يابعدي على هالموضوع ,

-

هلآ بكـ .


المرشـدي .

والله انه مدعي له

بأختـصـآر .. ^ لايستحق لبس شعآر الهلال ^



الكـوري ..

وش نقول وش نخلي ..
لايدل المرمى ولكن تحركاته رآئعة



الفرج ..

افضل لاعب هلالي هذا الموسم



تحياتي لكـ + قلم مميز ...


-

هلالي يعطيكك الف عافيهةة

ابد تسنك قارين افكاري قلت كل الكلام اللي بقوله <<سبحان الله

والله الحق ينقال العربي والكوري اتمنى طلعتهم من الهلال اليوم قبل بكره ووراهم المدرب بعد هاسيك مدري هاشيك الله يسامحه بس لحس مخنا,,,

وودي برجعت ابو عزوووز ومهاجم بجانبه جديد منتاز وعلى قولتك يصير الهجوم الهلالي نار ياحبيبي نار

وفديت نواف العابد اللي يبي يرضينا والله انه كفوو

>>ماتسني قاعده انسخ كلامك

امممممممم>> ايه شسمه بالنسبه للصوره اكيد انت هذاك اللي يتتتمغط تف تف ماشاءالله عليكم رايقين

يالله ماطول عليكم في امان الله

عووو وو ووافي

أنا أشوف بصراحه الزعيم هالسنه كله ع بعضه الامور فيه مؤ ماشيه كويس بغض النظر ع المرشدي او غيره الفريق ككل من الرئيس لين إحنا ك جماهير مرورا بالجهاز الاداري والفني ولاعبين اتمنى يكون التصحيح السنه الجايه لمصلحة الزعيم فقط فقط فقط بعيدا عن الامور والاستراتجيات اللي ورطتنا هالسنه بداية من انتقال ياسر و رادوي حتى استمرار هاسك الله يوفق الزعيم

الله يعطيك العافيه يابعدي ,,
ههههه اكيد عارفين هع

^
شكراً لـ آلكون كليآتكون
نورتوآ آبو آلموضوع

الله يعطيك العافيه
ههههه اكيد عارفين ههههههههههههه مشكؤؤؤؤؤؤؤؤؤؤؤؤؤؤؤر

ماجد المرشدي ماعنده ماعند جدتي ولا يستاهل انه يلعب للهلال (عاله على الفريق)

الكوري مانقول الا حسبي الله ونعم الوكيل

سلمان الفرج ليت كل اللاعبين مثله