جديدي . . عن حال العرب . . بصوت باتل ال بريك
البارحه كنـي عـن النـوم محروم=بيني وبيـن النـوم حرب وبـلاوي حالـي مثل حـال الذي بات محكـوم=بإعدام حد السيف والسـيف ضاوي أمه تصيـح من القهر شقت هـدوم=وأخته على الـخدين ضربه رهـاوي وأبـوه في معـكازه يطيـح ويقـوم=مبتورة(ن)ساقه ورجـل(ن) عماوي ماله جدى ياكود عضـه بالإبـهـوم=على ضناه الـلي ورى الشبك هاوي عنده ولد عـمره ثلاثة عـشر يـوم=ما شـافـته عينه يجـر الخـطاوي الحـكم نفـذ صبح الإثنين ياقــوم=مـن كف سياف(ن)على الحكم قاوي حـالي مـثل حاله وبه فرق مـعلوم=هـو إنعدم وإرتـاح وأنا شقــاوي الشام صارت به سواليف وعلوم=علم(ن) يشيب راس راعي الحكاوي بشار متفرعن على الشعب يّ قوم=تكفـون فـزعتكم نـهار الـعزاوي شفـت الثكالى وسط بغداد بـالكـوم=تصرخ بعال الصوت وين المـداوي وشيخ(ن)كبير من الدهر صار مضيوم=تغـصب بناته شوف عيـنه ياراوي وإخواننا فالـقدس لاجـي ومـحروم=مـن خير بستان(ن)زرعه الـرجاوي طفل(ن)صرخ فيه الحزن بات مرسوم=طـاوي على بطنه من الجوع طـاوي تـنخـى المليك اللي ليا قيل زيـزوم=يقـال أبـومتـعب زبـون الجـلاوي خـادم بـيوت الله ذرى كـل مظـلوم=اللـي علـى الصعبات بالعـون قاوي صنـديد ومحنك وقــايد وشغمـوم=زعـيم قـوم(ن)مايهـاب المـناوي ضـرغام صارم وقفته تشفي هـموم=شـخص(ن)على كبده من الهم كاوي له هيبة(ن)لو وصلت الفرس والروم=يخـضـع لها ى وتذكر حكاوي يخشاه حتـى إبليس وإبليس مرجوم=لأنه سـليل المجد جـزل العـطاوي |
جديدي . . عن حال العرب . . بصوت باتل ال بريك
صح الله لسانك واعتلى شانك ــ قصيده من اروع مَ قرأت ياسلام عليك .. بِ الحق ابدعت واجدت بِ التمييز ــ مُقيّم دُمت بخير P9 |
الساعة الآن 06:13 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0