انســــان
عدد الضغطات : 18,536
الجمعية الخيرية لتحفيظ القرآن الكريم
عدد الضغطات : 13,036(انسان) الجمعية الخيرية لرعاية الايتام
عدد الضغطات : 18,649استمع إلى القرآن الكريم
عدد الضغطات : 9,850

   
العودة   شبكة القناص - الموقع الرسمي للاعب ياسر القحطاني > المنتديات العامة > المجلــــــس > منصة تتويج المجلس
   

إضافة رد
 
LinkBack أدوات الموضوع انواع عرض الموضوع
قديم 17-02-2012, 09:05 AM   #1
..: اصدقاء المجلس :..
 
Red face ►| تَجْربَـتِـك فِيّ الإنتـَرنِت ❤!











× حِوار بين مُدمناتّ النت

نوره / ألوووّ معي سااره ؟
ساره / هوووّ ...!!
أيه سويّر بلحمها وكلها بعد ،
نوره /مرااحب ساره ويا أهلين وسهلين ،
وش الدنيا بك يآختي لاحسَ ولاخبر !
تصدقين خفت عليك قلت عسى ماجاها شيء البنيه :"(
طمنيني عنك تكفيين ريحي قليبي وأنا اختسّ ..
ساره / ياليل الليل يانوره وش جاك !
حسستيني بإن أحد ميت عندنا ولاشيء .. لاقدر الله
أبد منشغله مع طقطقة الكيبورد ،
من موقع لموقع وَ من مقطع لمقطع ،
ومن شطحا لشطحا . . . إلخ ،
إلا تعالي يَ بعدي ،
ورى ماتطيحين فالنت بجد يخليك بعالم آخر !
صح بداياتك بتكون غبيه نوعاً ما ،
بس مع الأيام ولا اقول مع السنين ،
بتصيرين راعية نت مثلي ولا وش خلاني مبعده عنك
نوره / افاا يآذا العلم وأنا اقول جايها شيء وإثرك عَ النت !
خلااص أجل مع الخيل ياشقراء ،
علميني بكل شيء فيه تراني قمة الفهاوه فيه ،
وأشوف هالعالم تطورت ونا هاجده مع نفسي :/
سجلي لي بَ تويتر والفيس وكل الي تطبين فيه ،
ساره / ههههههههههه أبشري بس لاتوصين حريص عليك ،
يلله يلله من هاليوم تبدأ إنطلاقتك في عالم النت . .
نوره / تم تم ان شاء لله اكون فيه وجه خير ان شاء لله
يله سلام بسكر من الجوال وأشوفك فالمسن




( تجربتُك في الإنترنتَ ) !

كل تقنيه في العالم بها طُرق سلبيه وَ إيجابيه !
وعندما نتطرَق إلى[ الشبكَة العنكبوتيَه ] . . .
نجِد العجب العجاب به ،
وكل مِنا له التجارب وَ المواقف الكثيره !
إما فكاهيَه أو جديَه وربما مفيدَه ..
كذلِك من خِلاله كونَا الكثير من العلاقات ولله الحمدّ ،
* هُنا في مجلِسنا . .
حلِقو وَ اطرحو كُل مايحلوّ لكم ذِكره . .

منذُ بدايتكم في عالم الإنترنت إلى يومكم هذّا !


* لكِن لزمكُم التقيَد ببِعض الشروطَ :
لكُم الحريه في التعقيب بِكل إحترام وَ شفافيَه
ابدأوا مشاركاتكُم بِــ الفاصِل الجميَل





*
بِالمُقدمِة وَ الفِكرة :
*بسمَة أمل*
*تنَسِيق الكَلِمة :

ĐąหṯёёŁ
F A T E N ®
* لمساتْ المُصَمِمة :
ĐąหṯёёŁ
* إشْرآف :
F A T E N ®



..: اصدقاء المجلس :.. غير متواجد حالياً   رد مع اقتباس
قديم 17-02-2012, 10:04 AM   #2
أعضاء لجنة نبض الوطن
 
الصورة الرمزية آلندى
 
افتراضي رد: ►| تَجْربَـتِـك فِيّ الإنتـَرنِت ❤!


..




يآ زينكم زينآهه يَ أهل آلمجلس !

+ بدآية في عآلم آلشبكة آلعنكبوتية هي بدآية بسيطة أول
شيء تعلمته هو آلمسن وآللي من خلآله تتطرقت لكل شيء في
آلإنترنت , طربة آلإنترنت بسببهآ مآ خليت منتدى إلآ وسجلة فيه
طبعًا كنت أجهل كثير آلكثير من خبث ومنفعة هذآ آلعآلم آلخآرج
ولآ زلت أجهل فعآلم آلإنترنت مملوء بكل مآ هو > خطر !

آلقنآص هو آلوحيد آللي دخلتة وأنآ عآقلة كآن توآجدي في
آلقنآص أعتقد من عآم 2007 كنت فقط متآبعة بدون تسجيل
وفي عآم 2009 سجلت بآلقنآص لكن كآلعآدة كنت متآبعة فقط
[[ مدري ممكن هيبة آلقنآص منعتني ]]
إلآ قبل سنتين أعتقد بدأت معكم : )


+ لكن بصرآحة وكآمل آلشفآفية أنطلقت بعآلم آلإنترنت
ولفيت درت وسجلت وألغيت ولم أجد روعة بروعة هذآ
آلموقع .. آلقنآص وأهله أصبحوآ أكسجيني ومتنفسي
آلخآص : )

أممم موآقع آلتوآصل آلإجتمآعي كآن لي حسآب بآلفيس
وألغيتهه وعندي حسآب بتويتر لجل يآسر شلينآ عفشنآ من هنآ وأنتقلنآ
هنآك بآلتويتر [ ولجل عين تكرم مدينة زي مآ يقولون ]


أكثرة آلهدرهه ! لكن جمآل موآضيعكم تجبر آلوآحد يكتب ويهذري ..
فآتن وعد بسمة أمل اللي دآيم أنسى
أسمك شكراً من آلقلب لكم دآئماً تتحفوننآ بأجمل
إطلآلة للمجلس : )

آلندى غير متواجد حالياً   رد مع اقتباس
قديم 17-02-2012, 12:15 PM   #3
قناص مميــز
 
الصورة الرمزية انفاس القناص
 
افتراضي رد: ►| تَجْربَـتِـك فِيّ الإنتـَرنِت ❤!





بسم الله الرحمن الرحيم ..]
طبعا اشكركم على الموضوع القميل ده
شي اكيد لازم تكون اول تجربه في النت غبية بقووة
وعدم الاستفده من شي هههههههههه هاذي البداية
انا بالنسبة لي في البداية كنت م ادخل النت الا عشان صور الاعبين
ومقاطع فيديو لاهدافهم طبعا الاعبين اللي افضلهم فقط << متربيه على الكورة ههههه
بعد فترة سويت لي ايميل وادمنت شيء اسمه مسن علقت عليه
بعدين شيء اكيد راح يتطور الوضع وافهم واعرف اشياء اكثر واكثر
انا اككرة شيء اسمه فيس بوك - تويتر - اسك - شات
ماحب الاشياء ذي ابد مع ان فيه ناس قنعوني اجربها
امم وبسس هذا كل اللي عندي





*بِالمُقدمِة وَ الفِكرة :
*بسمَة أمل*
*تنَسِيق الكَلِمة :
ĐąหṯёёŁ
F A T E N ®
* لمساتْ المُصَمِمة :
ĐąหṯёёŁ
* إشْرآف :
F A T E N ®


الله يعافيكم ويديمكم لنا يارب م قصصرتوو

التوقيع: عميد تآج رآسك () ,

يا زعيق

التعديل الأخير تم بواسطة ـالٌفَــاتِـنْ ; 17-02-2012 الساعة 02:00 PM سبب آخر: اظافة الفاصل
انفاس القناص غير متواجد حالياً   رد مع اقتباس
قديم 17-02-2012, 12:17 PM   #4
Yasser Media Team
 
الصورة الرمزية αℓниσf
 
افتراضي رد: ►| تَجْربَـتِـك فِيّ الإنتـَرنِت ❤!











أول بدايات بالنت
كانت العاب كنت ادور من موقع لموقع العاب
بعدين تطورت الامور وعلمتني اختي على المسن
وبعدها فلت وصرت اعرف كل شى بس ولله وناااسه اول مابدية
+
موضوع مرره جميله بالتوفيق


التعديل الأخير تم بواسطة ـالٌفَــاتِـنْ ; 17-02-2012 الساعة 01:56 PM سبب آخر: اظافة الفاصل
αℓниσf غير متواجد حالياً   رد مع اقتباس
قديم 17-02-2012, 01:38 PM   #5
مشرف alQnas Digital
 
الصورة الرمزية كسر مٍجٍبٍوٍرٍ
 
افتراضي رد: ►| تَجْربَـتِـك فِيّ الإنتـَرنِت ❤!








وآللهَ موضوعّ مرررهَ مرررهَ مرررهَ مرررهَ يجننَ !
طبعآ أوَ شيّ المسنِ وبتَقطعع ْ من الوّنآسسهَ وبعدِهآ سجلتِ في موآقع َ
عد ّوآَغلِط َورَبيَ ششِشَيّ يْضَضِحَك وبَديتِ فيَ اّلتصّميِم ِأول َششيِ
ببرّنآَمج ِالرِسآِممِ ,وبَعدهَا ِتطَورِت َوصرَت ّآخذّ تَصاْميْم جْآهَزهّ
وآأكتب أسمي َمآدَريت إِنههَ ة يَعتبرَ سرقَه الَمهم َوبعدَهآ حبْهه حيّه
وآتّعلم! وآَصير َمصمَم وبَعَدْهآ ًفتحَوآ عَندنَآ عاَلممْ سسَونيّ وَآعجبَتني كّآميرآ
إحترّآفّيه وِقلتَ لآَزم آَششَتريهآ وآّشترِيتهآ وَللهَ الِحمد ووّذلْحينَ مقطوَطه فَي الدَرججج َ
وذلحَين َتويْتر َوآسِك مَي وَشبّكهِ اِلقنْآصصَ ومَسن َيعنَي لّآحدّ يسَتغرَب لْو آْختَرع َتوَيتر ثآِني : ) ،


*بسمَة أمل* : يعطيك آلف آلف عآفيةة ، فكرههه خوقآقيه مآشاء الله عليك !

F A T E N ® : حآبَ آشككرَك .. جزآك آلجنهَ يَ رربّ
من بعد ترقيهَ وآنتي بطلهه ة ومميزهه آكثر من أول "

ĐąหṯёёŁ: مبروك الـترقيهَ وشغلك روعة كثِيييير ،
شغِل بطل ماشالله علِيك ّ / و ديزاينِك فخم ّ !
تسلم يدّينِك

وفِ أمآنَ آللهَ يَ حبآيبيَ ،

التوقيع:
كسر مٍجٍبٍوٍرٍ غير متواجد حالياً   رد مع اقتباس
قديم 17-02-2012, 02:29 PM   #6
مشرفة قسم المجلس
 
الصورة الرمزية ORKID
 
قلب رد: ►| تَجْربَـتِـك فِيّ الإنتـَرنِت ❤!






يـــــووه فشيلة
كنت بالمتوسط .. و كانت صديقتي تيمو عندها منتدى
أول ما سويت لي ايميل قالت لي سجّلي بـ منتداي وَ أخليك نائبة لي بالإدارة
قلت : لاااا والله تلعبين عليّ والله ما أصير بالإدارة .. أبي أصير مشرفة و إلا ما فيه
كانَ وجهي زي البطريق اللي فوق
و عبالي إن الإشراف سُلطته أعلى من الإدارة



أقتباس
*بِالمُقدمِة وَ الفِكرة :
*بسمَة أمل*
*تنَسِيق الكَلِمة :
ĐąหṯёёŁ
F A T E N ®
* لمساتْ المُصَمِمة :
ĐąหṯёёŁ
* إشْرآف :
F A T E N ®
أقتباس



ما قصرتوا والله
الفعالية من بدايتها ممتعة

ORKID غير متواجد حالياً   رد مع اقتباس
قديم 17-02-2012, 03:42 PM   #7
قناص مميــز
 
الصورة الرمزية الشقاوي
 
افتراضي رد: ►| تَجْربَـتِـك فِيّ الإنتـَرنِت ❤!





مشكورين على الموضوع الرايع

اولا: انا من عشآق النت 24 ساعه عليه
صراحه النت مآتطفش منه اعرف كل شي فيه تصآميم استآيلآت وتصآميم فتوشوب
اي شي (فيه اشيآء في النت مآحب ادخل عليهآ الي هي ) الفيس بوك .
وسويت لي ايميل قبل 3 سنوات
واتهكر مني مع مرور آلآيآم عرفت كل شي في النت رجعت الايميل قبل سنه والحين الهم لك الحمد الله خبره في النت ((والي يحتآج شي في النت مثل تصآميم استآيلات او فتوشوب او اي شي في النت يقوول لي وانا حآضر ))

يعيطكم العاافيه على الموضووع الرايع

التوقيع: للتواصل هوون

https://twitter.com/

التعديل الأخير تم بواسطة ـالٌفَــاتِـنْ ; 17-02-2012 الساعة 10:18 PM
الشقاوي غير متواجد حالياً   رد مع اقتباس
قديم 17-02-2012, 03:56 PM   #8
قنــاص فعــال
 
الصورة الرمزية ابتسم
 
افتراضي رد: ►| تَجْربَـتِـك فِيّ الإنتـَرنِت ❤!



.
.

- البدايه كانت مشكْـلهّ .. بين المنتديات ومواقع الدردشه !
كان اول المنتديات الي سجلت فيه لماجد عبدالله .. لكن وقتها كان باداره النصر الوليد بن بدر
وقفل جميع المنتديات، مثل ما يقول عليها (مو رسميه) !!

- كنت أنتقل بين الشات، والمنتديات ولا اطول كثير لان مافيه منتدى حي
وسجلت بمنتدى القناص وبالفتره نفسها في شي اسمه (مندسين) وحرب ألكترونيه ناس تسب ناس
وحرب وضرب، وقوه باند .. صرت متابع للقناص من دون مشاركه اول شي محافظ على نفسي وثاني شي خايف من الباند !

- اشوف الوقت الي قضيته بالنت زين وشين .. لان ماثبت بمكان واحد : )

- المسن يمكن هو الحلقه الاضعف عندي ما اعطيه اهتمام كثير .. والحمدلله ان انتهى وقته هاللحين خخخ

- متحسف على شي واحد أني كنت أهرب من المدرسه عشان النت ! وهاللحين اتمنى ارجع للمدرسه خخخ
وكلإم كثير .. لكن هذا الي على بالي اللحين، والبدايه بالنت اتوقع من 2005 !

.
.

موضوع كويس ئوي .. تشكرات كبار

التوقيع:
.
.

- الحياه ايام !
والايام .. أحلام

twitter ..

التعديل الأخير تم بواسطة ـالٌفَــاتِـنْ ; 17-02-2012 الساعة 10:17 PM
ابتسم غير متواجد حالياً   رد مع اقتباس
قديم 17-02-2012, 04:05 PM   #9
مشرفة قسم بانوراما
 
افتراضي رد: ►| تَجْربَـتِـك فِيّ الإنتـَرنِت ❤!



تجربة جداَ عادية ماتعرفت ع الانترنت الا متأخر شويُ
في النصف الثاني من ثاني ثانوي يمكن
اول شيَ أدمنت الإيميل + صور قوقل ض1 والروايات +
الالعاب كنت بس احب العب
وبالاخير بدأت حبه حبه مع صديقتي بكذا منتدى اخرها
ثبتت رحاليَ بالقناص وبمنتدى اخر بس تقفل :( !

-

كادر العملُ ومن معهمُ منْ خلف الكواليس
شُكرا ولاتكفيَ , مذهلين

جنّه ! غير متواجد حالياً   رد مع اقتباس
قديم 17-02-2012, 04:36 PM   #10
مشرفة قسم نبـض الوطـن
 
الصورة الرمزية (عزتي بديني)
 
افتراضي رد: ►| تَجْربَـتِـك فِيّ الإنتـَرنِت ❤!








بدآآيآآتي كنت قبل 3 سنوات تقريبا
وكانت بدايتي ع آلمسسن كنت مجنونة مسسن 24 سآعه وآنآ ع آلمسسن
آآتوقع صآآآر المسسن آآلحين من آلمآآضي كح كح
وآلايميل سسوته بنت عمو لي وهي آاصغر ع فكره ومن هنآآ آشكرهآ وبعده صرنآآآ متصفحين لنت فقط من غير مشآآآركه وبعدين تطورنآ وصرنآآ نعرف نسجل ونطقطق ع الموضيع سجلنآآ بعدد كبير من منتدآآيآآت
وكل آبو يوم أنقز من منتدي الى منتدي
حتى رسسينآآآ بر وثبتنآآآ ع آلقنآآآًص مع آلتوبتر وآلفيس

آلـ مجلس وع رآسكم فتونهآ شكرآآ من آآآلقلب

التوقيع: لآإله إلآ الله محمد رسول الله ..
(عزتي بديني) غير متواجد حالياً   رد مع اقتباس
قديم 17-02-2012, 05:00 PM   #11
. . : زعيم القناصين : . .
 
الصورة الرمزية GivenChy
 
قلب رد: ►| تَجْربَـتِـك فِيّ الإنتـَرنِت ❤!

..









..
موضوع جميل ,
بدايتي في الانترنت بشكل عام كانت وأنا تقريبا بأولى ثانوي , قبل تقريبا 7 سنوات !
احاول اتذكر اول شيء كنت أدخله –أو بوابتي لـ عالم النتّ- , كان موقع الزعيم وأتذكر كتبت موضوع قبل مباراة مصيرية , والموضوع ضرب ضربته وجتني اضافات كثير وتعرفت على ناس كثير من بعد هالموضوع ,
كنت اتابع روايات –فعلا ماادري شلون كانت تستهويني لانها كانت بالعامية- , وأتابع اخبار الهلال , وكان المسن هو اللي ماخذ وقتي برضو ..
القناص سجلت فيه عام 2006 من دعوة وصلتني من أحد الاشخاص , صارت لي فيه مشاكل كثير ماكان لي يدّ فيها للأسف , ومنه تعرفت على ناس أتشرّف بمعرفتهم بعد ..
ماعادت تستهويني الروايات العامية ولا الاشياء اللي كانت تستهويني قبل , اتجهت للكتابة و حاولت صقل موهبتي-إن صح التعبير- ..
المنتديات الأدبية والاقسام الادبية صارت تستهويني أكثر , مواقع الشعر الفصيح برضو ..
حالياً انحصرت دائرة متابعتي في عالم الانترنت إلى 3 مواقع تقريبا : الاقلاع-القناص-تويتر ..


مااحد ينكر فضل الإنترنت , انا اعتبرهـ ثورة الزمن الجديد ..


و سلامتكم = )





GivenChy غير متواجد حالياً   رد مع اقتباس
قديم 17-02-2012, 07:05 PM   #12
( صخَب المجلس )
 
الصورة الرمزية مـآكِنتُوشٌ
 
افتراضي رد: ►| تَجْربَـتِـك فِيّ الإنتـَرنِت ❤!





الله شو هاظ

فكرة أليمه دانتيل
بدايتي بالانترنت كانت تقريبا بـ اولى متوسط
كنت انطرب على نغمة الاتصال هذي اللي بالتلفون
ونجلس عليه بالساعات ويالله نصحى الصبح للمدارس
عشان كذا بابا الغى افياش التلفون اللي بالغرفه فوق
لكن شرينا سلك طوييييييل مرررررره وصرنا اذا نام نوصله من الشباك للفيش اللي تحت<ماتعوق
وطبعا كل مااتصل احد يقطع علينا او اي احد يمر مسرع يتخطرف له وينفصل
بس كنا صامدين
ومع هذا ماكنت اسجل بمنتدى الا انطرد
اغلب المنتديات اتركهم من اول طرده لكن القناص انغسل وجهي الظاهر
قبل كنت 24 ساعه عليه مع صعوبة الاتصال
من القناص للاقلاع للمسن وقروبات المسن اللي نجلس عليها بالساعات
لكن الحين دي اس ال وكونكت واتصال اسرع لكن اسبوع ماادخله عادي ..
وان دخلت المسن والمنتدى فاضي


اصدقاء المجلس استنشقو

التوقيع:


|


مـآكِنتُوشٌ غير متواجد حالياً   رد مع اقتباس
قديم 17-02-2012, 09:13 PM   #13
مشرفة منتدى الجمهور الهلالي
 
الصورة الرمزية ŚωєєT ĞiяL
 
افتراضي رد: ►| تَجْربَـتِـك فِيّ الإنتـَرنِت ❤!




أول تجربة لي بالنت كنت وقتها ب سادس إبتدائي
وهي أول سنة ندخله عندنا
وكان مايتسكر أبداً وكنا نمشي بالدور لأن العائلة الكريمة كثيييرة
كان كمبيوتر مكتبي ما أخلص منه إلا وظهري متكسر
ووو كنت أجلس عليه بالصباح والعصر بس
بالبداية ع الألعاب والصور وكنت مدمنة الرسام
وبعدها بكم سنه جاني هوس بالموضة < يعني مع بداية فترة المراهقة
يعني مواقع تخص الموضــة
لكن مع مرور الوقت سجلت بكذا منتدى اللي ماتعد ولا تحصى ودخلت المسن عشان صحباتي
وبرضو ع الفيس بوك لكن ألغيت حسابي
وكان آخرها تويتر ومثل ما قالت إنكسار ما فتحت لي حساب بتويتر إلا من شان الكابتن ياسر
لكن هالفترة كرهت النت بشكل عام / وما ادخل إلا القناص ومنتدى ثاني
هذ تجربتي

كل من خلف هذا الابداع
ششكرا كبيرة ولاتكفي

التوقيع:


ŚωєєT ĞiяL غير متواجد حالياً   رد مع اقتباس
قديم 18-02-2012, 09:22 PM   #14
. . : زعيم القناصين : . .
 
افتراضي رد: ►| تَجْربَـتِـك فِيّ الإنتـَرنِت ❤!

.

.

.


+ موضوع حلو رجعنا للمجلس

+ بداياتي مع النت تقريبا من 2004
طبعًا وقتها اللي عنده خط التلفون - اللي ينفصل بكل دقيقة - ما أحد قده
كنت أدخل موقع جريدة الرياضية أغلب الوقت وبعض المواقع الثانية
وأحفظ في صور اللاعبين والاداريين على الجهاز وبس

وأحيانا أحمل أهداف هلالية:
أتذكر حملت فيديو هدف سامي الجابر الشهير في الشباب عام 1418
التحميل وقتها جلس أكثر من 20 دقيقة والله
لا وكنت مبسوط

+ أول منتدى سجلت فيه كان مدمي الشباك، وكان بيوزر نسيته ؛ لأن حصل
اختراق للمنتدى وتغير الباسوورد أو ما عاد يفتح .. فاضطريت أسجل بيوزر جديد
ومن وقتها بديت مرحلة المنتديات إلى الحمد لله الوضع الحالي
وبصراحة المنتديات المشارك ومسجل فيها لا تعد ولا تحصى
أشرفت على منتديات كثير، ومسكت إدارة، وأسست موقعين
والفائدة اللي لقيتها عرفت أشخاص لا يقدرون بثمن بدون مبالغة

+ أما حاليًا تواجدي في تويتر والقناص فقط، مع تصفح نادر لشبكة الزعيم
وبس

،،

بسمة أمل..
فكرة جميلة أجبرتني على التواجد لا انحرمنا هالأفكار

دانتيل و فاتن..
شكرًا على التنسيق واللمسات الجمالية اللي أضافت للموضوع الكثير





صاخـب !

..

التوقيع:
ضعفُ الذاكرة: مرضٌ مُحزِن
وقوة الذاكرة: حزنٌ مُمرِض!
__ أحمد
|
صاحــ السمو ــب غير متواجد حالياً   رد مع اقتباس
قديم 19-02-2012, 12:17 AM   #15
عضـو اللجنـة الإعلاميـة و [هلالي مميز]
 
الصورة الرمزية فرحتي يوم لقياك
 
افتراضي رد: ►| تَجْربَـتِـك فِيّ الإنتـَرنِت ❤!











+ موضوع لزيييز ورايق
انا بدايتى بالنت متأخرهـ كثيييير يعنى بديت تقريبا وانا بالثانوى بمكن 2 ثانوى
كنت ادخل بس اقرا اشعار وخواطر واخرج مااطول طبعا اتصال التلفون يطفش وكنت وقتها اشوف وااااااااااااو مافيه احلى منه
بعدها جيت على ثالث ثانوى وتركت النت ووقتى كله على الدراسه
رجعت للنت عام 2007 كنت اتابع الهلال وياسر وقلت لازم ادخل موقع القناص كنت ادخل من دون تسجيل حبيت الموقع كان وقتها يجنن روعه سجلت الحمدلله ومااتفلت إلا بعد فوز ياسر بالإجازهـ الاسيويه
صرت اقرأ واقرأ من دون مشاركه ، وكنت اشوف تواجد اعضاء كثير مشتركين مابين القناص والنمر ، رحت سجلت بالنمر والبدايه الفعليه من منتدى الثنيان يوسف وصرت اشارك ومواضيع وكذا وعرفت بنات كثير وكنا نجلس بالساعات على المسن ، والقناص فقط مجرد مشاهده واحيانا اشارك ، بس من العام الماضى بديت اشارك بفعاليه واتعرفت على ناس ذوووق واخلاق واتشرف فيهم

وبالأخير صرت افهم عالم النت والناس الى فيه عالم جميل ومسلى وفيه الصالح والطالح واستفدت كثييييييير من التجارب الى مريت فيها
بالأخير تواجدى محصور بين ( القناص - تويتر - اسك مى - اقلاع - شبكة الزعيم للأخبار فقط )


أقتباس
طبعًا وقتها اللي عنده خط التلفون - اللي ينفصل بكل دقيقة - ما أحد قده



بليييييييز لاتذكرنى اعوذبالله كنا وين وصرنا وييييييييين الحمدلله بس



اصدقاء المجلس |
وخاصه امل شكراً من القلب على الفكره الرائعه

التوقيع: :















+ أستغفر الله العظيم الذي لاإله إلاهو الحي القيوم ..

التعديل الأخير تم بواسطة ـالٌفَــاتِـنْ ; 19-02-2012 الساعة 04:24 PM
فرحتي يوم لقياك غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 07:14 PM.

Designed by: BAA
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0
Ads Management Version 3.0.1 by Saeed Al-Atwi