شبكة القناص - الموقع الرسمي للاعب ياسر القحطاني

- صدى المشاعر ( النظم ) (http://www.alqanas.com.sa/vb/f71/)

- - الحزن باصي والطواريق ركاب (http://www.alqanas.com.sa/vb/t188894/)

الحزن باصي والطواريق ركاب

يالوف قلبي لوف لوفن على لوف
وياتل قلبي تل تلن من الجوف
سبة زمانن تل قلبي وانا اشوف
تقول محطوطن على متني النير

البارحه جفني تعذب ولا بات
وانثر دموع العين بسكات بسكات
لو لا يسلي خاطري بدع الابيات
لشق ثوبي من علو الازارير

الله ولا همن سكن داخل الروح
معي معي من وين ياناس ماروح
اشكي من اسبابه وانا اصيح وانوح
اثر على حالي من العام تاثير

ان نمت صحاني ثلاثين كابوس
وان قمت كني عن ملا الناس محبوس
اضحك وكن القلب مقطوع بالموس
ضحكن يعبر نظرة الحزن تعبير

مالوم دمعي لو على الخد ينساب
اصبحت انا والهم خلان واصحاب
الحزن باصي وازرق الدمع ركاب
والياس ماجلان كل المشاوير

قلبي حزين وعلتي داخليه
لاكن على الخلاق رب البريه
ما يترك المخلوق فالمهمهيه
قلته وانا عندي على القول تبرير

يفداك ياشعري فوادي ودمي
تو ابتدا هاجوسي شعري يحمي
تعال ابا اضمك على الصدر ضمي
واعانقك في جو الابداع واطير

وين القلم هاتوه بكتب وصاتي
وين انت ياغرون مشتت حياتي
تكفى دخيلك لا تسبب مماتي
ياللي تجر القلب جر المناشير

القاف قافي وافتل القاف لرضاك
احب انا طاريك واعشقك واهواك
منساك لا والله منساك منساك
منساك ياسيد البنات الغنادير

حبك ملك قلبي وصار الكونتر
حبن يشابه حب عبلا وعنتر
تلعب بقلبي مثل برشا معا انتر
انثر عليك الدمع فالصبح وعصير

متى نشوفك يادعج العين قلي
ليتك على الاوجاع ساعه تطلي
ماعاد لي فالصبر لو كان ملي
مال الهجر والبعد يازين تبرير

ليتك تحس بلوعتي والحنيني
وليتك تعوض فايتات السنيني
وليتك بكل اسبوع مره تجيني
يامخدر ن قلبي من الحب تخدير

سبحان من كمل فيك كل المزايا
من زود زينك كن وجهك مرايا
تعال احطك ياحبيبي ورايا
وانطح علشانك صفوف الطوابير

عندي من الافكار خمسة مواضيع
اخاف لا اسرف فيك واتوه واضيع
لاكن بودع مجمل الحب توديع
واكتب على كل المواضيع تقرير