شبكة القناص - الموقع الرسمي للاعب ياسر القحطاني - [[ القناص في مداخله للـ هدف عبر " LINE SPORT " يبارك للهلاليين هذا الأنجاز ]](نصياً)

http://up.alhilalclub.com/uploads/HaMoOoSa/bsm-hil.gif

http://up.alhilalclub.com/uploads/pu...071857_w67.jpg

إعداد :-
ṗiηk qΰeeη
تنسيق :-
Ľā7ŇிẦĻ7ŶầŢ
تصميم :-
وطن داكن ..!

http://up.alhilalclub.com/uploads/pu...071857_w67.jpg

http://up.alhilalclub.com/uploads/pu...071911_f67.jpg

http://up.alhilalclub.com/uploads/Media/tv2010line3.gif

http://up.alhilalclub.com/uploads/pu...071857_w67.jpg

http://up.alqanas.com.sa/download.php?img=2225

عرض في برنامج " الهدف " الذي يعرض في قناة ىين سبورت
اليوم السبت ليلة الأحد الموافق 11 - 2 - 2012م / 19 - 3 - 1433هـ
مداخله مع قائد المنتخب السعودي لاعب نادي العين الأماراتي
الكابتن ياسر القحطاني وتحدث فيه عن فرحته بكأس ولي العهد
والأنجاز الذي حققه نادي الهلال السعودي ووعن حضوض
المنتخب السعودي وأكد بإن لاعبين يتأثرون نفسياً
بمايطرح ووجه الجميع بالألتفاف خلف المنتخب ليظهروا
بصوره مشرفه ويعود بالأنتصار بإذن الله .
ضيوف الحلقه [ عبد الكريم الجاسر ، حسن الناقور ]

الحلقه من تقديم : طارق الحماد .

و يسعدنا نقدم لكم ما يخص الكابتن " ياسر القحطاني "

http://up.alhilalclub.com/uploads/pu...071857_w67.jpg
.: مداخلة الكابتن ياسر القحطاني نصاً :.

المذيع طارق الحماد : التتويج أمس والكاس والأجواء الحلوة ،
طبعاً مع الإحترام والتقدير لكل الموجودين كلهم يستحقون بالتأكيد
لكن إفتقدت خلنا نقول لك واحد من النجوم الكبار الحقيقة في
ملاعبنا السعودية ، الكابتن القدير والعزيز ياسر القحطاني والا لا
يا أبو يزيد .؟

عبدالكريم الجاسر : صحيح مافيه شك .

المذيع طارق الحماد : أكيد ، كابتن ياسر القحطاني النجم السعودي
البارز والمحترف في صفوف العين الإماراتي ، مساء الخير كابتن

الكابتن ياسر : مساكم الله بالخير جميع ،

المذيع طاق الحماد : الله يحييك ، كابتن ..
الكابتن ياسر ( مقاطعاً ) : إحنا عندنا الحين صباح الخير إنتوآ
باقي مساء الخير بس أحنا الحين صباح الخير ..

المذيع طارق الحماد : الله يحييك كابتن أنا سعيد أولاً بمشاركتك
معنا في برنامجنا الهدف عبر قناة لاين سبورت ، أجلس الآن في
الإستديو على يساري الأستاذ عبدالكريم الجاسر وعلى يميني الكاس
الجميل الرائع كأس ولي العهد اللي حققه فريق الهلال ، أولاً كابتن
خليني أقول لك مبروك عودتك الرائعة والمميزة في صفوف فريق
العين الإماراتي والعودة للمستوى المعروف عن ياسر القحطاني ،
ثانياً أقول لك ألف مبروك ايضا لتحقيق الهلال هذا الإنجاز خلينا نقول
لك الرائع والمستحق والغير مستغرب عن الهلاليين .. كيف ممكن
تعلق على الجزئيتين كابتن .؟

الكابتن ياسر : والله في البداية أحب أمسي على الأستاذ عبدالكريم
الجاسر وعلى المستمعين الكرام ، وأبو يزيد يعرف غلاه ومعزته
ونفتخر كثير يعني بوجود أبو يزيد .
الأستاذ عبدالكريم الجاسر : الله يحييك أبو عزوز مشتاقين لك والله .
الكابتن ياسر : والله الشوق لك كله والله يا أبو يزيد .
الأستاذ عبدالكريم الجاسر : الله يسلمك .
الكابتن ياسر : وثاني شيء أحب أمسي على الكاس اللي جنبكم
ذا و ودي تبوسونه لي الله يخليكم ( قالها ضاحكاً ) .

المذيع طارق الحماد : الله يحييك ياكابتن .

الكابتن ياسر : أنا والله للأمانة مباراة أمس ، أول شيء مبروك
لكل الهلاليين يعني وعلى رأسهم صاحب السمو الملكي عبدالرحمن
بن مساعد وسمو نائبه الأمير نواف وكافة أعضاء شرف الهلال و
الجماهير الهلالية أولاً وأخيراً ومبروك ، ألف مليون مبروك لنجومنا
اللي شرفونا مثل عادتهم ، أثبتنوآ أن الهلال مهما تغيرت الأسماء
يبقى يعني حاضر وموجود وهذي ميزة العظماء دائماً ، مباراة للأمانة ،
فريق الإتفاق يعني صراحة أسعدنا بالمستوى اللي قدمه وكان ند لنا
صراحة في المباراة وكان .. وقدم يمكن أتوقع من أجمل المستويات
له في الموسم هذا ويمكن من فترات بمواسم سابقة ، كان نهائي جميل
حضور سيدي ولي العهد أضفى على المباراة النهائية يعني وزادها
يعني جمال وإشراق ، كانت المباراة للأمانة ماينقصها الا أنه الزعيم
يكون البطل والحمدلله رب العالمين ماخاب رجانا .

المذيع طارق الحماد : طبعاً ، كابتن أنت رجل يعني تعودت أيضاً على
صعود المنصات مع فريقك الهلال وأيضا مع المنتخب السعودي ، بطولة
مثل هذي بطولة غالية ، وأنت قاعد ببيتك كابتن وتشوف التتويج
واللاعبين كل واحد يجر الكاس من الثاني ، وش الشعور اللي جاك .؟

الكابتن ياسر : والله شعور أول شيء حسيت أنه ، أني متواجد يعني
أنا من بداية المباراة وأنا من الناس يعني مكن القريبين يعني من ياسر
سواء كانوآ زملائي في الفريق أو حتى من الموجودين في النادي
والمنتمين للنادي يعرفون أني أنا وضعي صعب دايماً إذا كنت خارج الملعب
وضعي صعب دايماً في متابعة المباراة ، أنا للأمانة ما أعرف أتابع
المباراة متعصب كثير ، يعني بشكل ماتتصور ، ماقدرت صراحة إني
يعني أتخلى عن هالعادة السيئة ولكن عاد هذا طبعي ولكن فرحتي
كانت ما توصف لأنه في النهاية زي ماقلت لك إنجاز مو مجرد
تحقيق الإنجاز ، أولاً الإنجاز هذا فيه أكثر من إنجاز ، الإنجاز الأول
أنه أول كأس تحت مسمى سمو سيدي ولي العهد، والأمر الآخر أنه
الهلال أضاف إلى أرقامه القياسية رقم قياسي آخر بتحقيقه خمس
مرات متتالية أثتب أنه الهلال مهما تكلموآ عليه الغير إنجازاته تثبت
أنه هو الأفضل دائماً .

المذيع طارق الحماد : صحيح ، نعم .. كابتن قبل ما أودعك الحقيقة
الأستاذ حسن النقور عضو مجلس إدارة نادي الهلال وأحد الرجال
الحقيقة الـ يعني الداعمين الآن بشكل جيد في الهلال .. أيش ممكن
نصف هذا الرجل أيضاً بوجوده في الهلال .؟

الكابتن ياسر : والله الأخ حسن الناقور مثال للمشجع الهلالي الملخص
يعني بغض النظر عن أنه ينتمي للإدارة الهلالية وهو مشجع محب
للنادي واللي قاعد يقدمه أبو علي صراحة أنا أعتقد هو ، هو في
وجهة نظره أنه أنه قليل لنادي الهلال وأمر يعني مفروض ولكن
نتمنى إن شاء الله أنه المنتمين للهلال أو المخلصين أنهم يعني يتخذون
أبو علي قدوة حسنة ، اللي قاعد يقدمه أخوي حسن يعني أمر صراحة
مشرف .

المذيع طارق الحماد : طيب ، كابتن إستحقاق مهم جداً جداً 29
فبراير الكل حقيقة قاعد ينتظر منكم أشياء كثيرة في المنتخب السعودي
مع أستراليا .

الكابتن ياسر : زي ماقلت أنت مهم جداً جداً ، يعني مباراة مصيرية
يعني إحنا كنا يعني نتمنى أن يكون ، كان بالإمكان أفضل مما كان ولكن
إحنا خلاص فيها ، مباراة مصيرية كنا نتمنى أن يكون وضعنا أفضل
ولكن قدر الله وماشاء فعل .أنا أعتقد أنه الخطوات اللي يتخذها الإتحاد
السعودي في التجهيز للمباراة وصولا للمعسكر إيجابية وأن شاء الله
أنه تأتي ثمارها إن شاء الله ونقدر نحقق الإنتصار ولكن أتمنى أتمنى أكثر
أنه الجميه يتكاتف في هذي اللحظة ونتناسى كل ماقد يعني يؤثر على
المنتخب سواء كان نفسياً أو حتى فنياً يعني ينعكس تأثير الخارجي لأنه
الفريق في النهاية المنتخب واللعيبة هم بشر فيتأثرون بالمحيط الخارجي
نتمنى إنه الجميع يتكاتف ويوحدون الصفوف علشان نظهر إن شاء الله
بالمظهر المظهر المشرف اللي هو عادة المنتخب السعودي ونقدر نحقق
الفوز إن شاء الله .

المذيع طارق الحماد : هالمرة عاد جد آخر سؤال كابتن إذا سمحت لي
أول ما أعلنت قائمة المنتخب السعودي أعلنت أو كتبت أنت في التويتر
أن القائمة تنقص الكابتن محمد نور ، كابتن قلتها عن عاطفة والا لك
مغزى آخر ؟

الكابتن ياسر : والله شوف إحنا ، أنا ذكرت حتى في تويتر ليتك تذكرها
أننا للأسف نعاني في الوسط البعض عنده مشكلة في الفهم يعني ، يعني
لازم أنك تقعد تشرح انا يمكن أفتح حسابين ، حساب وجهة نظري
وحساب آخر لمعالجة أو شرح مفصل للي عنده مشكلة في قلة الفهم
، هذي وجهة نظر أنا الوحيد اللي أملك الحق فيها أنا أشوف أن
الكابتن محمد نور تواجده حتى لو ماكان داخل الملعب واجده مهم
يعني لدعم الفريق ، البعض وأنا ذكرت أيضاً ي تويتر أن البعض
عدها تدخل في قرارات المدرب ، أنا ذكرت أيضاً في كلامي أنه هذا
أنه المدرب من حقه الإختيار والبعض الآخر وضعها أنه ياسر يعني
ذكر أنه يتمنى وجود محمد نور علشان لايتحمل مسئولية الخسارة
فقط وكأنه تناسى أنه أني الحمدلله أنا رصيدي أكثر من 110
مباراة دولية فما أتوقع أنه توصل للدرجة هذي .

المذيع طارق الحماد : عرفنا مفتاحك الآن عبدالرحمن الحميدي
هو مفتاحك إذا بغيناك ندق على عبدالرحمن الحميدي .. ها .؟

الكابتن ياسر : والله عبدالرحمن الحميدي أخ عزيز وانت أخوي
طارق ، الكل ، الكل له معزة وتقدير وأنتو عارفين أنت ياطارق
عارف أنك من الناس اللي أنا أحبهم وأغليهم .

المذيع طارق الحماد : الله يخليك ياكابتن ياسر وإن شاء الله
عبدالرحمن الحميدي سيكون أيضا في أستراليا إن شاء الله معاكم
هناك وبإذن الله تعالى ينقل لنا أبرز أحداث المنتخب السعودي ،
إن شاء الله ترجعون بالتأهل بإذن الله تعالى ، شكرا لك كابتن
ياسر القحطاني اللاعب القدير ، لاعب فريق العين الإماراتي ..
شكرا كابتن .

المذيع طارق لعبدالكريم الجاسر: كنت بتسأل ياسر أنت سؤال
وسامحني ماقدرت ..

عبدالكريم الجاسر :لا لا الحقيقة كنت أبمسي عليه بالخير وأؤكد له
أنه في هذا النهائي بالتأكيد أن أحنا إفتقدنا ياسر لكن هو لازال يعني
محل تقدير وإحترام الجميع .

المذيع طارق الحماد : تتكلم بثقة .

عبدالكريم الجاسر : ومتابعين لنجاحاته وإنجازاته إن شاء الله نتمنى
تتوج ببطولة الدوري الإماراتي مع فريق العين لكن كنت أبأكد على
أنه هو خارج الملعب يختلف عنه داخل الملعب ، خارج الملعب دائماً
يكون في عصبية وأنا جربت يمكن في دوري أبطال آسيآ لأني كنت
أجلس معهم في الإحتياط فلما يطلع خارج التشكيلة يعني يتم تغييره
من المدرب تلاقيه يعني على أعصابه طول الوقت المتبقي ويوجه
اللاعبين فكان فعلا اللي يجلس جنب ياسر الله يعينه خلال المباراة

المذيع طارق الحماد : أكيد الكابتن ياسر له ثقل وله وزن وهذي
التجربة الإحترافية أنا متأكد مية في المية بإذن الله تعالى راح
يرجع هو يفيد ويستفيد ..

عبدالكريم الجاسر : بالتأكيد

المذيع طارق الحماد : يعني صدقني هذي التجربة صدقني لم
تأتي من فراغ حتى الناس العاطفيين لما راح ياسر القحطاني
وإحترف خارج السعودية أو في الإمارات تحديداً فيه ناس
تضايقت وزعلت وقالك ياسر ترى إحنا متعودين عليه و. و
ولكن هي تجربة مفيدة لجميع الأطراف صراحة .

عبدالكريم الجاسر : بلاشك يعني هو الكابتن ياسر له جماهيرية
كبيرة والهلالية يعني يقدرونه ويحترمونه ويحبونه أيضا بشكل
غير يعني عادي ولكن كرة القدم هيا يعني كل شيء يعني متاح
فيها ووجوده في الإمارات هي تجربه إن شاء الله يستفيد منها
ويعود إن شاء الله أفضل مما كان كما صرح في بداية إحترافه
بالعين

http://up.alhilalclub.com/uploads/pu...071857_w67.jpg

http://up.alhilalclub.com/uploads/Media/2yoyo.jpg

لمتابعة لقاء الكابتن ياسر فيديو [ إضغط هنا ]

http://up.alhilalclub.com/uploads/pu...071857_w67.jpg

تقبلوا تحيات فريق عمل :-
Yasser Media

http://up.alhilalclub.com/uploads/pu...071857_w67.jpg