أبتدى التفكير في رأسي وشاب=وماذهلني غير تفكير المنيه
ياهجوس الشعر ياكل الصعاب=والله أن الموت ما أثر عليه
راضين بالموت ودفنات التراب=وحكم ربي جارياً والنفس حيه
ياوجودي وجد تلعات الرقاب=بعد ماحنت لهم صبح وعشيه
تنتظر منهو مطول بالغياب=ما درت أن الولد أصبح هديه
أرزمت تسعين يومً بالحساب=لين ملت من أملها الخلجويه
درهمت بالساق من فوق الهضاب=لين جآها الموت في أرضً خليه
وجد من قفى زمانه لذهاب=والعمر يمضي ولا دق التحيه
آه ياموتي عسى مابه عذاب=والله أن الرب ماقصر وليه
لاكن الشيطان جاب إلنا الخراب=وزين أفعوله ولا شفنا لزيه
ليت عمري مثل قطرات السحاب=تنتهي بالقاع وتحيآ به شويه
شاب رأسي والعمر توه شباب=والسبب موتً يدور كل نيه
آه ياموتي عساني ما إهآب=أخذ روحي ورؤض النفس الدنيه
وقلها يانفس في كلمة عتآب=ظاع عمرك بالليالي السرمديه
فنتهئ التفكير في رأسي وجاب=هم زايد حزن وًبليساً خويه

المشاركة الأصلية كتبت بواسطة حرّه ماتنقاد (المشاركة 3870672) معانقة اولى للنظم رائعه جدا جدا جدا P9 قد يقال لاي نص شاعر جزل وكفى لكن لايقال لِ هذه الرائعه سوى قصيده رائعه بما تعنيها الكلمه صح لسانك وصح حضورك ونطمح منك المزيد والمزيد .. دُمت بخير P9