سيشهد التاريخ وصمة عار !=قريباً .. ومدري لمن بتكون ؟!
" الظاهر" ان الروس معْ بشّار="والظاهر" امريكا معَ غليون
أو انهم يتبادلون ادوار=على العرب واليعربي مفتون !
آهٍ على كلْ شيّ فينا صار=وان كانو الحكّام ما يدرون
مابينهم خوّة وحسنْ جوار=يا طاري النخوة على المسجون !
يستنجدون .. بعصبةَ الاشرار=في وقت كنّ المعضلات ديون !
يدّوونها فالمجتمع .. أحرار=ماعاد يرضون الحياة بهون
ملكهم .. الإيمان والإصرار=ملّوا يشوفون الأمل محزون
توكلوا بالله .. على الغدّار=والرب يعلم كل ما تخفون
ياربّ .. يالمتفرّد .. الجبّار=يا مدبّرَ الأقدار قبل تكون
ما غرّني اللي قال ذولا كبار=وانت الكبير .. وكلنا لك دوووون
في سوريا .. والموت له اسرار=وكم سرّ في شام الشِيم مدفون
في سوريا .. والشوف رقصة نار=والدمع ما يطفي لهيب عيون
ألطف بهم يارب .. يا ستّار=والنصر بامرك .. بين كاف ونون
وسخّر لأمتنا رجال اخيار=اللي تمدّ لكل مسلم عون

قصيده للشاعر : ابراهيم القرني
وتم طرح القصيده بِ يوزر القسم
بناءآ على طلب الشاعر
لِ عدم امكانية التواجد بِ الصرح
P9 .. الفتـره الحاليـه

صح لسانك يَ القرني
قصيده مُعبِره للغايه ..
وفِ غاية الابداع
ــ والحبكه الشعريه P9

مَ كتبت بِ الصميم
لِ تلك الاوضاع الموجعه
فِ اراضي سوريا ..



ولن استطع القول
سوى بِ إنّ الله يُمهِل ولايُهمِل


دُمت بخير
ورائعه كَ هذه لاتستحق
سوى التثبيت P9