(( مخالفه مروريه والسبب المسابقه الثقافيه ))
* * * انا يالقهر يكفي آه المخالفات بكل اتجـاه:( وين مايروح حالي الحكومه وراه !!!!p6 من هالعباراتين بددا معانتـي وسببها وليه وكيف ؟p18 تدرون ان كانت فيه مباراة المنتخب مع بلجيكا والانتر وروما والديربي المنتظـر منفوحه وام الحمام (( لاعاده الله من ديربي نكبه )):D كنا جالسين ومبسوطين ونتابع المباراة وفكري في ديربينا هنـا المثير المرتقب المهم والحاصل انه يوم جت الساعه 11 مساءا قلت للعيال يالله استاذن وراي مباراة مهمه ودور اربعه طبعا هم فقو خششهم مايدرون وش السالفه انا قلت بعدين اعلمكم انا اللحين في عجلة من امـري خلوني اروح الا يقنز علي واحد وينشبلي اني اتعشى معهم قلت ياولد يالله يمديني اوصل ويصك هذا الحلف الا اتعشى معهم وعشانا اللحين يجي كلها عشر دقايق عاد انا جويع شوي قلت يالله مهيب شينه لاحقين ان شاءلله المسافه كلها نص ساعه الا واصل البيت . الـزبـده العشى جاء بسرعه 11 وثلث انا في موتري احميه لا تحميه بلاهم هم , طق الكنديشن وادع بس وينك يالدائري وطق ابو نايف بوصالح سرا ليله , وانواع التشطيف وانواع زحلقات الفرامل:D تذكرت حمله (( يكفي )) وارفع رجلي شوي واثبت الدعسه على 140 قلت هالسرعه مناسبه الا ماش الوقت يمشي قلت يارجال وسع صدرك واركب سدرك وادعس بس والله واحط رجلي لـ 180 تقريبـا , كله للمباراة وخصوصا اني لاعب مؤثر في الفريق ولي ثقلي . (( مسوي القناص على غفله )) :D الا مادريت وهالبراقات وراي ويصايح لنبق اقصد لبق اطلع يمين اطلعp17 ياليل وش جاب ذا وين نقز علي معه المشكله موتره يمشي هو يعني مالك مفر واطفي ابو نايف ولا جاء في بالي الا الحجـز والمخالفه اللي بتمحطني محط وكم تهزئيه من رجل الشرطه . والله اني بغيت ادعي على المسابقه واللي حطها واحد يقول اللحين يعني مسوي مادعيت ؟ اقوله دعيت وقلت جعلهم الصلاح المهم لنبقنـا على جنب واطلع الرخصه والأستماره وانزل رافع يدي مستسلم مره مابقى الا اخذ وظعية الانبطاح واكتف يديني ..>>شايف فلم لفاندام لاتلومني ! واجي واسلم شوي واخمه رد وعليكم السلام . قالي وش الهسرعه وش هالتهور قلت أي سرعه وتهور (( جحيد وامرن بعيد )) قال أي سرعه انا اعلمك اللحين رخصتك واستمارتك . قلت سم . ماقال سم الله عدوك . عرفت ان الوضع مدحدر المهم كلم احد السطحات المتواجده على الخطوط اللي ماتصدق خبر الا هي جايه طيران . ممداه يكلمه الاهو موقف عند موتر قلت وش السالفه قال ابد الحجز انت وموترك . اما عاد انا وموتر انا وش تبون فيني الموتر خذوه بس فكني قال افكك وانت مسجله عليك سرعه جنونيه . قلت عندي ظرف والله يابن الحلال قال وش عندك ؟ توهقت اقول في نفسي اقوله عندي مباراة وانا في فريق منفوحه ولاعب مؤثر . ثم يعاد يلزق فيني سرعه . وشي ثاني قبلة راس بالعربي !! قلت ظرف وبس . ضاعت كل التصرايف وانا ابوها . المخزي يبين عليه المهم كتب المخالفه وكتب فيها سرعه جنونيه وحط عليها شخطين !! وقال لراعي السطحه (( الونش )) حمل وللحجز دايركتك . قلت وانا من يوديني قال انت بتشخص معي للحجز بتلحق موترك واحايل فيه الا ان الوضع مافيه فايده . ولا بعد في فعاليات حملة المرور(( يكفي)) عز الله انها يكفي عرفت معناه الحقيقي يوم ذقت الجرعه الكافيه !! حايلت فيه الموتر بكيفه يطس للحجز العله انا لايودوني بين المجرمين >ياعمري قال يالله اركب قلت هاه قال من قال هاه سمع قلت اني سامع بس الله يعافيك فكنا انا رجال أول مره امسك سرعه . وانا صادق فيها . قال تاخذ درس من التوقيف ويحى قلبك . قت حيا من طريت الحجز . وبعدين هالمخالفه تكفي بتمصع قلبي شر مصع . لان السرعه الجنونيه غاليه . قلت عطيني المخالفه واطلق سراحي المهم الرجال لان شوي قال ماباقي الا تقول وموتري نزله من السطحه .. قلت مبتسم انت كريم وحنا نستاهل ! الا انه ابى ورافض قال انت رح الموتر خلاص ركب السطحه .. وقاله حرك ياأيوب سواق السطحه .. ايوب ماصدق على الله ودعس . له فيها 100 ريال مستحيل يفرط فيهـا .. كلهم مشو وانا جالس الحالي في الشارع والمواتر تشطف حزيت اني مسكين وارحم والله واطقها تأشير بأصبع الأبهام لأقرب لموزين واجي ليتنا . وادخل النت .. منفوحه خاسره بـ4 _0 فزاد الهم همـ والضيق .:( هذي سالفتي وسبب غيابي عن الديربي المرتقب والجايات اكثـر وش نطلع به من هالموضوع 1_ العجله ندامه والتأني سلامهp3 2_الديربي مايعطينا فلوس في حالة الفوز اسدد بها مخالفتي واطلع موتري:D 3_ خسارة منفوحه بـ4 مقابل لاشئ تثير الشكوك والاستغرابp22 4_بحكم ماشفته من تصاريح الفريق المنفوحي الأسئله كانت صعبه ولازم اعادة النظـر فيهـاp16 5_ من عنده واسطه يطلع موتري ومن يسلفني اسدد مخالفتي:( واخيرا مو من عوايدي السرعه والله لكن شاء الله وماقدر فعل سلاااااااااامو |
رد : (( مخالفه مروريه والسبب المسابقه الثقافيه ))
عهههههههههههههههههههههههههههههههههههههه
الله يرجك راجع لك لا تندم ترا انهزمنا ههههههههههههههههههه |
رد : (( مخالفه مروريه والسبب المسابقه الثقافيه ))
الحمد لله على سلامتك اخوي حالي الذوق زين اللي جت على مخالفه ولا صار لك شي اسجد سجود شكر وش عليه طاير عاد ..!! عشان منفوحـــــه !! ازيدك ترى تعرضوا لظلم تحكيمي يعني في أمل تستأنف المباراة <---- بتنجلد من لكزس pp11 :D شفت انكم تسرعون على غير سنع بي ربك ستر p16 .. خلها توعظة لك .. الحمد لله على سلامتك ياحالي ولاتتعودهاp3 .. |
رد : (( مخالفه مروريه والسبب المسابقه الثقافيه ))
.
. . صباح الورد يالغالي بس إنتبه مرة ثانية لا تسرع و المخالفات الحين أكثر من أول يمكن يوقفونك ناهيك عن المخالفة الماليه الله لا يهينك و عساك على القوة إن شاء الله : ) |
رد : (( مخالفه مروريه والسبب المسابقه الثقافيه ))
السلام
خخخخخخخخخخخخخخخخخخخ تعيش وتاكل غيرها خخخخخخخخخخخخخخخخخ الله يرجك ابد والله بيعطيك مخالفه والوضع مب مدحدر والله مجديم فيكم خلهم يمسكونكم شوي صايره عندنا الحوادث بالهبل كله من هالسرعه اللي مب صاحيه هذا اخوي كل ما ساق يده تحكه يبي يسرع بس يذكر الخالفه ويهجد ابد مايمسكم الا كذا |
رد : (( مخالفه مروريه والسبب المسابقه الثقافيه ))
كله هذا عشان منفوحه لو قايل عشان حراج بن قاسم يمكن عذرناك امزح لا والله الف الحمد الله على السلامه ترى السرعه موب زينه <<< يقاله قالت كلام جديد لا من جد انتبه واستفيد من هاالدرس وبعدين ترى الفلوس تروح وتجي اما الروح اذا راحت ما تجي << اقسم اني اقوطر درر اسم الله علي الف الحمد الله على السلامه مره ثانيه والله يعطيك العافيه |
رد : (( مخالفه مروريه والسبب المسابقه الثقافيه ))
حالي الذوق
حمدلله على السلامه وزين انك ماانحجزت وااااااااجد اجل تستاهل هالمخالفه وليتهم قاطينك بالنظاره بعد >>>> امزح ترا ماتنعطا وجه انت خخخخخخخخخخخخخخخخ ياحبيلك يابونواف الحمدلله على كل شيء وهذا درس لك ان شاالله |
رد : (( مخالفه مروريه والسبب المسابقه الثقافيه ))
هـهههههههههههههههههههههههههههههههههههههههههههههههه ـه
يــامــا ويــامــا جـتـنـا الـمـخـالفـات مابقى الا نعبدهم عشان يمشوننا .. لكن القانون قـانون .. الحمدلله على سلامتك حالي .. والله يعينك على المخالفه بتقعد من دون سيارهـ حوالي شهر:D :D وهـارد لك على الهزيمه .. تـعـوضون إن شـاء الـلـه .. قدر الله ماشاء فعل .. والله يعينك يالغالي .. |
رد : (( مخالفه مروريه والسبب المسابقه الثقافيه ))
اخوي حالي احسن تتساهل المخالفة اذا كنت مسرع
لا تسرع يا أبي فنحن بانتظارك <+============ جابتها بالغلط خخخخخخخخخخخخخخخخ وكل هذا علشان مسابقة للتسلية اجل لو مبارة المنتخب السعودية مع البرازيل في نهائيات كأس العالم ايش بتسوي تركب صاروخ هههههههههههههههههههههههههههههههههه |
رد : (( مخالفه مروريه والسبب المسابقه الثقافيه ))
حبيبي تعيش وتآكل غيرهاp3 :D
وإنتبــه عاد المره الثانيــه..:D يعطيــك العافيــه.. |
رد : (( مخالفه مروريه والسبب المسابقه الثقافيه ))
تستاهل اخوي والله لو اني انا الشرطي كان سجن اربعين سنه ومخالفه مليون ريال اخوي تسرع وتعرض ارواح للخطر علشان مسابقه شوف كيف حاسك الشرطي ولا لحقت المسابقه الله يهديك اخوي
بس على كل حاااااال الحمدلله على السلامه ولا عاد تعودها |
رد : (( مخالفه مروريه والسبب المسابقه الثقافيه ))
شوي شوي ع الولد .., والله لو أنه قاتل واحد من أهــــلك .., كل انســـــــان يخطي وهو ان شاء الله ماراح يعوودها الحمد الله ع السلامه حالي الذووق.., ومو كل مرهـ تسلم الجرهـ . |
رد : (( مخالفه مروريه والسبب المسابقه الثقافيه ))
خخخخخخخخخخخخخخخخخخخخخخخخخخخخخخخخخخخخخخخخخخخخخ خ
والله يا حالي أن وضعك لا يحسد عليه ولا صرصور < == يلعن أم التشبيه :) بس تبي الجد .. قمه الوفاء يا بطل .. وكبرت بعيني والله < == شيطان pp26 حالي .. عمي مدير مرور الرياض .. راسلني على الخاص وأنا أحول المخالفه والسياره تجيك بحول الله اليوم .. اتمنى أقدر أفيدك .. وترى لكزس كان متحيز على فريقكم وغش معهم < == يا هو بيندعس من لكزس :) وبس :) .. |
رد : (( مخالفه مروريه والسبب المسابقه الثقافيه ))
حالي الذوق والله ليته نطرك في الحجز بين المجرمين علشان تدري ان الله حق هههههههههههه موترك في الحجز منفوحه مهزومه مخالفه وش تبي اكثـر , ومشغل ابو صالح سرا ليله . عز الله انهم بغو يسرونك للحجز مشكور على القصه الظريفه والمسليه ويمكن فيها درس للشباب هنا |
رد : (( مخالفه مروريه والسبب المسابقه الثقافيه ))
خخخخخخخخخخخخخخخخخخخ
تسلم أخوي على الموضوع |
الساعة الآن 03:23 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0