http://www.neilshare.com/2012-01/pt104481.bmp



( صفقو لجل الزعيم الي خذا كاس البطوله )

صفقو لجل الزعيم الي خذا كاس البطوله=صفقوله صفقوله صفقوله صفقوله
يستحق المدح من شاعر له احساس ومشاعر=امدحه واشجعه والرجل يثبت عند قوله
الهلال اسمه يكفي لاحضر دايم يوفي=دايمن لاجا مجاله قارنن فعله وقوله
البحر لونه وشكله والسما شكله ولونه=والهلال يصير بدر وفسما محدن بحوله
فوق سته واربعين من البطولات العظيمه=من بطول في بطوله من بطوله في بطوله
نصف الارض الي تزعهما وهو رعا الزعامه=الزعيم الي ايتزعمها وجوله بعد جوله
مايعرف الياس راع الكاس حقق مايريده=مايطوله والبطوله جات له تمشي خجوله
والبطوله ماتبي غير البطل والعشق دايم=دايم الازرق بطل والمجد له عرضه وطوله
والبطل خلفه رجالن جات ووفت في عهدها=كل واحد قال عندي والمواضيع محلوله
كل واحد قال انا في خدمته رهن الاشاره=الزعيم محقق الامجاد في جوله وصوله
والشكر لاعضا الشرف من دون تحديد الاسامي=كلهم والله ونعم وكل شي في وصوله
والنجوم المبدعه لبداع فالمبدع غريزه=كلهم وفو وكفو يوم وقف وقفوله
والجماهير الغفير جات من كل المناطق=موج هادر بحر هايج قابل المقبل قبوله
ولاانسيت الريس الي حقق احلامه وحقق=شي شبه المستحيل وحقق الحلم بسهوله
اشهد انه كاسبن المرجل باول شبابه=بارك الله فيه والرجال تعرفه الرجوله
النهايه والبدايه والبدايه والنهايه=صفقو لجل الزعيم الي خذا كاس البطوله

( نوح الحمام )

قالو وقلت وقلت والصـوت مبحـوح=الصبر غلـق ياعـرب والعـزا بـاح
قالوا علا مك تسهـر الليـل وتنـوح=نوح الحمام الـي يهيـض ليـا نـاح
قلت اتركونـي بتـرك الـدار واروح=لاواهني الطيـر لـه ريـش وجنـاح
كني غريـق فلبحـر صـار مسـدوح=لاهـوب لاماهـر ولاهـوب سـبـاح
الموج تحته راكـب لـه علـى لـوح=الموت حـق وجـاه قصـاف الارواح
جاتـه صواديـف الليالـي بسامـوح=غيب الليالي سـم وسيـوف ورمـاح
او مراحـل حبنـا ضحـك ومــزوح=واخر مراحـل حبنـا حـزن ونيـاح
قلبي من الفرقـى معـذب ومجـروح=ماعـاد ينفـع فيـه جـارح وجـراح
يازين طول الهجر مانمنـه مصلـوح=عرضتني يا زين مـا شـاح مـا لاح
تخطي علي واقـول يازيـن مسمـوح=اسهر عشانـك لجـل ترقـد وترتـاح
من سبتك تحت الخطر صرت مطروح=كني اسير طـاح حضـه وهـو طـاح
لك في ضميري قصر وابراج وصروح=ولك مزرعه ما عـاد تحتـاج فـلاح
انته عديل الروح واغلا مـن الـروح=وانت ازين الخفرات من جاء ومن راح

( الدنيا )

دنيـاك هـاذي يابـن ادم تـراهـا=مثل الهنوف الي لها عدت اصحـاب
الـي تناظرهـم وتقصـر اخطاهـا=تنظر مع الشبـاك وتقفـل البـاب
حتـى لونهـا عالـيٍ مستـواهـا=تشبه لحلـم الليـل والحلـم كـذاب
تمكـر والحـدٍ سالـمٍ مـن بلاهـا=تقرص كما العقرب وتلدغ كما الداب
الرابـح الـي حجتـه مانسـاهـا=صلى الفروض الخمس باحكام واداب
زكاوصـام وحـج مكـه وجـاهـا=لرحام ياصلها معـا حـق القـراب
يصبر ونفسه ردهـا عـن هواهـا=لعمال تحصا بيـن شاهـد وكتـاب
والنفس تسـل قبـل تلقـا جزاهـا=لابـد مايتيلهـا يــوم وحـسـاب
في مبتدا الدعـوي وفـي منتهاهـا=من طاع ربه طاب حضه والا خـاب

( احب الهلال )

احب الفريق الي زها باحسن اللوان=ترا الازرق والابيض عطا الجو تنويره
واحب الفريق الي لياطب في الميدان=لياطب في الميدان صاحت جماهيره
واحب الفريق الي خذا غالي الكيسان=مابين النوادي كن مافي البلد غيره

:

الفريق الي تليقبه البطوله والمنصه=في الخليج وفي اسيا والمملكه مافيه زيه
الزعيم الي جماهيره تعمه ماتخصه=بلمعزه والمحبه والوفا والمقدريه

:

قالو تشجع وقلت اشجع الطيبين=والشجع المحترم والشجع الي حكيم
واتعب على طاعت المولى وحب الثنين=ابوي وامي عساهم وسط جنت نعيم
واغار لجل النبي هوخاتم المرسلين=والله يسلط على العدوان والله كريم
انا رياضي ومتعصب ولي وجهتين=الشجع المنتخب واشجعك يالزعيم

( المراسيل )

ذبحتني بلعيون السود ياخلي= وضيعت مستقبلي ماهيب معقوله
اروح كلي على شانك واجـي كلـي=الحـب ياقـو تاثـيـره ومفعـولـه
اشد وارحل علـى ذكـراك واحلـي=وحبال وصلك مـع الايـام مفتولـه
في سابق الوقت كنت ارسل و ترسلي=اخبـار متبينـه واسـرار مجهولـه
واليوم ماعادترسل وش حصل قلـي=انكانها منـك غلطـه قلـت مقبولـه
امنـول اجيـك واقابلـك وتهـلـي=واليوم من دونـك البيبـان مقفولـه
اروح وارجع علي نفس المكان الـي=لقيتك العـام يلمجمـول مـن حولـه
استغفـر الله قبـل ماقـول وازلـي=واخاف من عقدتن ماهيـب محلولـه
الياذكرتـك وانـا فلمسجـد اصلـي=اروح في دولتن والناس فـي دولـه
الربط يازيـن فـي يمنـاك والحلـي=الناس فـي حبنـا ماهيـب مسولـه
وختامها الـورد والريحـان والفلـي=كثر المجادل وكثر الهـرج وشهولـه

وقد نشرت .. P9
( هُنا )

( المرايه )

يازين احبـك حـب مالـه نهايـه=حبٍ على وضح النقا والخبر جـاك
غلا وقصه حـب وايضـا روايـه=ايو الله احبك ودور علـى رضـاك
انته عديل الـروح وانتـه هوايـه=انسا جميع النـاس لكـن منسـاك
الله عطـاك مـن الجمـال الكفايـه=جميل في شكلك وطبعـك وممشـاك
لك رايه تطلـع علـى كـل رايـه=رايه جمال الحسن في كـف يمنـاك
أنت ازين الـي يلبسـون العبايـه=ومن لامني يازيـن ياجعلـه فـداك
ليتك تطالع صورتك فـي المرايـه=سبحان منهو يريش العيـن سـواك
سواك لين اصبحـت للحسـن ايـه=سواك منهو بمـره يديـر الافـلاك
رميتنـي ياماهـر فـي الرمـايـه=الموت من نظرتك والسحر في شفاك
يازين حبك صـار عنـدي هوايـه=ماغير افكر فيـك وجيـب ذكـراك
يازين حبك صـار مقصـد وغايـه=ياليتنـي ويـاك وعيـش ويــاك
اصبحت في بحر من الشـوق تايـه=غريق في بحر المحبـه والا هـلاك
باقي شوي ادخـل لقسـم العنايـه=الي يبي يودعـك وشلـون يلقـاك
لاقولـك ذنبـي ولاهـو خطـايـه=وتقول زود الشـوق جابـك ووداك
دونك حرس بيبان عسكـر حمايـه=وش لون اجيك الله يحفظك ويرعاك
هـذي بدايـه قصتـي والنهـايـه=هذي علومي كلهـا والخبـر جـاك

( احب ربعي والهلال وياسر )

احب ربعي والهلال وياسر=والمنتخب لالعب ماهو خاسر
ونجد العذيه حبها في قلبي=لانيب متيامن ولامتياسر
والمملكه شعب وحكومه دايم=الصف واحد والعدو متحاسر
انا تراني حر واصلي طيب=وافخر واميز كلٍ حرٍ كاسر
يكفيني اسمي والاسم قحطاني=ا لاسم عبدالله واشجع ياسر

:

يانجم يانجم الفضا يانجم يانجم النجوم=عزالله انك مبدعٍ في لعيتك يالفيلسوف
اطلع على سطح القمر عطنا جديدات العلوم=لاتلتفت لهل الحكي كب المهبل والضعوف
الي عجز عن مجدك المعرف يجلس ومخدوم=يا بو سعيد المحترم حط النقط فوق الحروف

:

قالو هلالي قلت والراس عالي=انا هلالي واسمعو خمس كلمات
ايوالله اهلالي صعيب المنالي=والخصم نسقيه المرارت لذات
ونقابله والعب فيه اجتوالي=نقرا عليه الفاتحه والتحيات
اتعيش بين الانديه يالهلالي=مثل الهلاي بين كل الهلالات
يامذوق الاخصام مرٍ وحالي=الفوز من قسمك وكل البطولات

يانور عيني كان عـاده بيمديـك=الوصل زيـده والجفـا لاتزيـده
ماهوب في ديني ولاهوب في ديك=الحب في شرعه سلـومٍ وكيـده
يالي تغيب ودايم القلب يطريـك=بفتح معك يازين صفحه جديـده
سكنت في وسطه وهوساكنٍ فيك=مابين شريانه ونبضـة وريـده
تغيب ولياجيـت ربـي يحييـك=خلك معي واقول فرصه سعيـده
طيفك يباريني وطيفـي يباريـك=وذاكره في كـل ساعـه تعيـده
بيت القصيده يريش العين يعنيك=يعنيك يالمجمول بيـت القصيـده
استلهم اشعاري بشوفتك واهديك=المفـردات النـادرات المفيـده
اطلب واقول افداك لعيون مغليـك=اقرب وفك عقـال خلـك وقيـده
اليا بغيت اوصفك كيـف احليـك=وصفن يضم مواصفـاتٍ عديـده
سبحان خلاقك وسبحان معطيـك=مالك شبيه ولك وصوفٍ فريـده
امرتدلل واطلب العمـر ويجيـك=العمـر يفنـا والليالـي مديـده
البحر بحرك والموانـي موانيـك=البيت بيتك واطلب الـي تريـده

( الرحيل )

يالله انـي طالبـك صبـر ٍجميـل=وانك تهديني ايلـى درب النجـات
وانك تعصمنـي لياضـاع الدليـل=واستوت في ناضري كل الجهـات
وشبقـا لصبـر لاطـال الطـويـل=والامل من بعد ضاع الحلـم مـات
التزمت الصمت واعلنـت الرحيـل=اختصرت الوضـع دون مقدمـات
مابقـالـي لاكثـيـر ولاقـلـيـل=الله اكبـر كـل مارحـات وجـات
اتفكـر بيـن يـوم وبيـن لليـل=والمقافـي عارضتهـا المقـبـلات
مابقالي لي حيـل للحمـل الثقيـل=عشر مع عشرين مع عشر اسنوات
بين حر الشمـس والظـل الظليـل=واقـف ٍ للـوارده والـصـادرات
مابخل كفـي لـو ٍ وقتـي بخيـل=منزلـي روس الجبـال الشامخـات
الدهـر حـده مثـل حـد الصقيـل=مامضـا تـذرا عليـه الـذاريـات
مستحيـل ابقـا مكانـي مستحيـل=الصحيـح يصـح والعلـم الثبـات
دام حضي بين عـدل وبيـن ميـل=اباتـحـزم بصـيـام وبـصـلات
واجتهد والله علـى خلقـه وكيـل=والتـزم والباقيـات الصالـحـات
دامني في رحلتـي عابـر سبيـل=لامتـا التفريـط والدنيـا فــوات

ياحبيبي بعد طال المفارق تعال=انتها كل شي بغيبتك وابتدى
كل ماشفت زولك راح همي وزال=وانت مازلت توعدنب بطول المدى
كنك تقول بدري واليالي طوال=ارفع الصوت حتى الصوت جاله صدى
مابقالي جواب ولابقالي سوال=كلها ياحبيب الروح راحت سدى
اعشقك عشق مايطري على كل بال=في عيوني خطاك يصير كله قدى
لايزود النقاش ولايطول الجدال=عنغوان الهوى في خافقي ماهدى
ماذكر الا انت قدمي وانت فوق الخيال=كل شيٍ نسيته وانمسح ماعدى
ذكرياتك ومزحك والدلع والدلال=انتها كل شيٍ بغيبتك وابتدى

ياطول لليلي لوني ماتطاولته=ليلي هواجيس وعيونني مشقيها
لليلٍ سرابي وسراني من اولته=بعض الليلي صعيباتٍ مساريها
حاولت اطول القمر لاكن ماطلته=ولانجوم القريبه ماقدر احصيها
جاني رسول الهوى بلعلم وارسلته=برسالتٍ حن كاتبها لقاريها
دور علي مالقاني يوم حصلته=بين المحاني وقلبي رايحٍ فيها
مدهالك الي بقلبي ليش هملته=ارجع على ذكرياتك لاتخليها
والواقع الي صدمني ماتخيلته=ماداني البعد والفرقا وطاريها
انشد وش الي بقا في القلب ماقلته=لاتبتلش في الكليمات ومعانيها
الهرج بسلوب كثرته وقللته=هاذي تبيها وهاذي ماتدانيها
الشعر والقاف جملني وجملته=ليتك معي في اول الرحله وتاليها

من هاجس مايحضر غيـر فوقاتـه=كنه يقول ازهم اسمي واحتزم فيـه
وان قلت له هات علمك قال لي هاته=ابشر بعزك تولـم واصلـح النيـه
الشعر لامن بغيتـه جتنـي ابياتـه=اما تجي طـوع ولاجـات جبريـه
تعبيـر والشعريامزيـن عباراتـه=من بدع فكـري حقيقـه لاخياليـه
قصيدةٍتفرض الواقـع مـن اثباتـه=اسمي عليها ثبت ماهيـب عاريـه
عبـدالله العاطفـي قـدم تحيـاتـه=في وقتها جات مـن العمـاق عفويـه
يامشككٍ في الهلال وفـي بطولاتـه=ماتدري انه فخـر كـل السعوديـه
مافيه نادي عظيم يسـوي اسواتـه=فشرق الاوسط لحاله ماطلـع زيـه
زعيم وان كان تنشـد عن زعاماتـه=خمس50ين عامٍ بميلادي وهجريـه
عمره بطولات يعنـي مابعـد فاتـه=فـي كـل عـامٍ يعدلـه بعيـديـه
هو نادي القرن والعقـد وزياداتـه=سبب لكل الخصوم امراض نفسيـه
نـاسٍ ملاقيـف هـراج وشماتـه=ماتوقهر وانديتهم صارت اضحيـه
راع المقـالات يامقشـر مقالاتـه=ولامذيـع القـنـوات الفضـايـه
الكل منهم يعاني من معاناته=يبون شهـرت كتابـاتٍ سبوعيـه
ولي تكلـم ياليتـه طـول اسكاتـه=قولٍ بـلا فعـل لاهـاذي ولاذيـه
وختامهاوالبطل تعـرف بطولالتـه=عزالله انـه فخـر كـل السعوديـه

حبيبي صبرت وطال صبري وصدري ضاق=وروحـي تبيـك وبعـد فرقـاك مرهقهـا
انا دارين الحـب طـوقِ علـى الاعنـاق=سفبنـت هوانـا خايـف المـوج يغرقهـا
على ذكرات العـام جيتـك وانـا مشتـاق=عسـى احلامنـا بعـد المفـارق نحققهـا
عسى شمس حبِ غاب يكتبلهـا الاشـراق=ولاترجـع غيـوم التجـافـي تطوقـهـا
ترا البعـد مثـل المـر والمـر ماينـذاق=يقولـون مـن ذاق المـراره يصدقـهـا
ترا السالفه ماهيـب حبـر وقلـم واوراق=لايامـن كتبنـاهـا رجعـنـا نشققـهـا
ولاكن يجي من بعد جمع القلـوب فـراق=قلـوب تحـب واهـج البعـد محرقـهـا
ترا اهجـر والحرمـان وصـد ماينطـاق=واهـذي علـى نفسـك لعلـك تتطبقهـا
وناسِ تحفـظ الحـب والعهـد والميثـاق=((عسى الله يجمـع شملهـا مايفرقهـا))

مشتاق اشوفك واستمع في ترانيم=صوتك لاكنك صرت تبخل عليـه
صوتك حلـو ولايبيلـه تقاسيـم=وصورتك حلوه وانته اغلا هديه
الفرصه الي جابتـم دون تقييـم=احلاصباح ويوم واحـلا عشيـه
اقلط هنيا وانته اغـلا المعازيـم=بيـن المحانـي دلـه ِ شاذليـه
تقهو واخذ العلـم ياقايـد الريـم=واخذ علومـك والليالـي مديـه
انما شفا جرحك علـى الملازيـم=مكتب قصيد ولاالعب السامريـه

اصحيح افضل اعيـش وحدانـي=قبل تطرحني بكيفـك وتقسمنـي
لاتعلقنـي معـك ثـم تنسانـي=لاتجاهلنـي وترجـع تكلمـنـي
عادتي مطرد ورا فلان وفلانـي=استلمني صح بيـدك وسلمنـي
يمكن اتـدور ولاعـاد تلقانـي=قلتها وحساسـي الـي يعلمنـي
اعتبرها واعتبرها علـى شانـي=مشها واعدل بحكمك لاتظلمنـي
يستريح البال طيفـك لياجانـي=هو علاج القلب ونغبت يولمنـي
ونهايـه واصلـك لاتباطـانـي=اعرف اني ضيف والحب يعزمني