|
الشاعِـر : محمـد العتيبـي
لي صاحبٍٍ كل ما اخطي قال لي مرسي=واروح كنـي معمـر منزنـق زنقـا غروٍ عسل شفته سكر علـى ببسـي=يعزف له التوت ويجاوب لـه المنقـا يتل قلبـي معـه بعيونـه الخرسـي=ويتل قلبي بعد مـن ويـن مـا لقـا اليا التقا همسه الدافي معـا همسـي=الكل في همس خلـه غـارقٍ غرقـا واليا تلاقٍ بعد خمسه علـى خمسـي=تبرا جروح الزمـن والهـم والفرقـا نفسي مثل نفسه ونفسه مثل نفسـي=نفسين في نفس وحده ما بهـا فرقـا ما يفهم احساسي ألا مرهف الحسـي=ولا ياصل التمر غير اللي لهـا يرقـا عليه لا اقبـل قرينـا ايـة الكرسـي=وعليه لا اقفى فوادي ينحـرق حرقـا يابو جبيـنٍ يشابـه طلـة الشمسـي=درقت قلبي علـى غفلـه كـذا درقـا ويابو نهودٍ نهـوده ضايـق اللبسـي=ويابو ثمـانٍ كمـا لولـو ليـا نقـا يفداك جمهور من يرفع علـم مسّـي=وجمهور عادل بعـد ومحمـد السقـا وتفداك كل العرب والروم والفرسـي=وذيب الخلا والخيل والنوق والورقـا |
الشاعِـر : محمـد العتيبـي
( لو واق ساعه ) ياذا القمـر طالبـك بلـغ تحياتـي=للي نساني وانـا عاميـن منتظـره وش فايدة دمعي وحزنـي واهاتـي=لا صرت ما اطري على باله ولا مره العام ماغيره انسـانٍ سكـن ذاتـي=واليوم عفته وعفت الحـب بالمـره على طريق الغضي ياكثر روحاتـي=ودموع عيني على الخدين منتثـره والله لو واق ساعـه فـي معاناتـي=ليعيش باق العمر كنه علـى جمـره وياكيف اوصف معاناتـي بالابياتـي=من واحدٍ كف خيره وانطلـق شـره مانيب بحيٍ ولاني ضمن الامواتـي=ماني بحيٍ ولا مرتـاح فـي قبـره بالحب احاكيـه مايفهـم محاكاتـي=وانا مرسيه مـن بحـره ليـا بـره يامن خياله خويـي كـل الاوقاتـي=ويامن سقاني حـلاه وعقبـه مـره ويامن خياله يجيني فـي صلاواتـي=لو باح سري حشى مابحت في سره وياملخبطٍ كـل مارتبـت صفحاتـي=ارحـم محـبٍ بحبـك راح فالجـره ولو قام من مدفنه ياسـر عرفاتـي=ولو الحمامه تعيف الغصن والشجره منساك يامسبـبٍ حزنـي وازماتـي=ياعود ريحانتٍ مالـت مـن الثمـره |
الشاعِـر : محمـد العتيبـي
( هذي قناعة شاعرٍ هامتـه مـن فـوق الغمـام ) لا ياوطنا وانت غالي مـا يشابـه لـك وطـن=تكفى دخيلك لا تعذب مـن بحبـك مـا يـلام قدمت لك يا اغلا وطن روحي علشانـك رهـن=وانا احترمتك وانت ما قدرت ربـع الاحتـرام من فكر انه من ترابك يختلس كبـر الصحـن=اصبحت لك درع وفشق لو كنت عاطل لي عوام يومن حبك ياوطن في وسـط شريانـي سكـن=وشلون ماتخلص معي وشلون ما شوف اهتمام سبعت عوام اسج رجلي من تبوك اليـا عـدن=انطح تهاتيه الخـلا واشـب نـاري فالظـلام اسامر نجوم السما واشكـي عليهـن لا شكـن=ماهي بشكوى واحدٍ يقـول انـا فينـي هيـام واليوم قلي ياوطن وش عاد باقي مـن محـن=انا على اللي راح واللي جاي با قـول السـلام يومن خيرك ياوطن كـل الـدول فيـه يحكـن=وحنا على طول السنه ياوقتـي الدابـر صيـام يا ازكى وطن تجارنا تلعب بنـا لعبـة مجـن=وتبني بيوتٍ فاخره مـن داخـل وبـرا رخـام تجارنا تطحن طحـن والوقـت يطحنـا طحـن=وفقيرنـا رواتبـه ماهـي تكـفـى للطـعـام العام يسكن في سكن واليـوم ماعنـده سكـن=ضيق عليه المحتكر والاحتكـار اكبـر حـرام من يضمنه فالاخره لـو كـان فالدنيـا ضمـن=بعـد القبـر ماينفعـه كثـر التعـذر والكـلام انا طفشت امن القصيد وش عاد عندك يازمـن=هذي قناعة شاعرٍ هامتـه مـن فـوق الغمـام هذا زمانٍ من بطن رجلـه ليـا راسـه فتـن=يالله تخارجنـا وتدفعنـا لتحقـيـق الـمـرام |
الشاعِـر : محمـد العتيبـي
( عطلة الجمعه ) تكفين يا ام الدلع تكفين لا جيتـي=تكفين لا تنطلين الطرحه بسرعـه زينك مسبب متاهاتـي وتشتيتـي=ياريف قلبي وبستانه ويا زرعـه قلبي ترا بيتك وقلبك تـرا بيتـي=يامعذبتني بحـل اللغـز والرمعـه ان كان ما تدرين وش كثر سويتي=من حبكم ما بقى فالعين لو دمعـه ياتل قلبي ليـا بالحـزن غنيتـي=توقد بنارٍ بقلبي تشبـه الشمعـه صيفتي وشتيتي صيفتي وشتيتـي=اربع سنينٍ تشابه عطلة الجمعـه من حقك انك على غيري تغليتـي=ياعنق ريمٍ جمع زينه على طبعـه والله لو يوم عن حبـي تخليتـي=ليطير عقلي ولا يبقى معي ربعـه قلبي خذيتيه قولي ويـن وديتـي=قلبٍ رحل معك ماظنيت له رجعـه |
الشاعِـر : محمـد العتيبـي
( قلـق ) اللـي جمالـه مسـوي للعـذارا قلـق=يبا يذوق الهنا مـن صـار ذا محرمـه اقرى عليه الفلـق سبحـان ربٍ خلـق=بالزين كاسيه من هامتـه ليـن اقدمـه ان رحت دمعي على الخدين طاح وزلق=وان جيت غيرك وجوده صار مثل عدمه ياويـل قلـبٍ بحبـك ياحبيبـي علـق=تصير روحه وشريانـه وتسكـن دمـه جديلك الليـل لامـن كّـد ثـم اندلـق=يتوه فيه الرجل ويضيـع فيـه انسمـه وجبينك الصبح واشراقه ليامـن فلـق=من فضل ربي و واسع مدتـه واكرمـه يفـداك قلـبٍ بحبـك دوم مـا ينغلـق=يا محركٍ شاعـرٍ مبطـي منـام اقلمـه |
الشاعِـر : محمـد العتيبـي
( البارحــه ) البارحـه عديـت راس العـدامـه=يومـن كـلٍ تالـي الليـل نامـي ياوقـت ياوقـت الرخـا والندامـه=مدري علام النـاس والا علامـي ازريت لا افهم ويش معنى كلامـه=عيـا كلامـه لا يوافـق كلامـي تعبت اهـدي خاطـري واهتمامـه=وتعبت اجاوب نايحـات الحمامـي ياقلب لا تطـري عليـك الشهامـه=محـدٍ يقـدر قدرهـا والمقـامـي حتيش لو انـي عصبـت العمامـه=وسريت رجلي مع سواد الظلامـي أن كان تبغى دون شمسك غمامـه=ولا ترقد والا فوق ريش النعامـي وان كان تبغى تعيش عيشة فخامه=ولا تقلط الا عنـد راس السنامـي وان كان يا قلبي تريـد السلامـه=لازم تعلم كيـف تصبـح حرامـي قلته وانـا وقتـي علـي احتدامـه=يخج قلبـي مثـل خـج السهامـي ان قلـت اجاملهـم عليـه ملامـه=وان قلت اخاصمهم علي السلامـي ولا انت ياغـروٍ كوانـي غرامـه=بوصفك وصفٍ فيه بصمة بهامـي لك هامةٍ تخضع لهـا كـل هامـه=سبحان من سوا جميـل القوامـي خصرك نحيلٍ مثل عـود الثمامـه=وشلون يثبت فيه وسـع الحزامـي طلـت جبينـك لا لبسـت اللثامـه=كنه قمر خمسـة عشـر بالتمامـي نظرة عيونـك ويـل والابتسامـه=منها نسيت اسمي وكـل الاسامـي مشيتك مشيت من تورث زعامـه=ما يمشي الا فوق زيـن الرخامـي عنقك طويلٍ مثـل ظبـي المحامـه=ما قد رماه ا من البواريـد رامـي نحرك عريضٍ مثـل وادي تهامـه=يمر مـن بيـن الجبـال التوامـي حكيك مثـل طفـلٍ قريـبٍ فطامـه=مااقول شرقاوي ولا اقـول شامـي رمشك معا رمشك ياقـو اصتدامـه=وانا معا رمشـك ياقـو اصتدامـي غمازتين بوسـك خـدك وشامـه=تغيض به من ينقشـن الوشامـي والا جديلـك لمـتـه وانقسـامـه=اظـن يبغـا لـه محلـل درامـي اسلوبك المجنـون محـلا نظامـه=سبحان من يحيي رميـم العظامـي فيك الدلـع كلـه وكـل الوسامـه=في مشيتك في جلستـك فالمقامـي لا يابعـد قلبـي وغايـة مرامـه=جيتك وانا ظامي وعـودت ظامـي ما ترحم اللي عاف لجلـك منامـه=وعاف الشراب وعاف حلو الطعامي وقد عاف من سبتك يومه وعامـه=فيك اربع وعشرين ساعه هيامـي حبك جبر قافي علـى بـدع لامـه=وان كان ما يعجبك غيـرت لامـي شاعرك قافه فـي يدينـه خطامـه=ولا يهمه لـو عطـوه الوسامـي همه يومن القلـب بـان انهزامـه=دبلت جرح القلب والجـرح دامـي |
الشاعِـر : محمـد العتيبـي
( Range Rover ) اترك النيسان وجيـوب التكشـخ والمظاهـر=اخذها مني وباقيهـا علـى مـا قـال كبـه راكب اللي لا كفخ مايلقطه تصويـر ساهـر=يشقح ال بي ام والفكسـار شقحـه للمطبـه كن وجهه وجه ذيبن تو من مخدعـه ظاهـر=وكن جنبه جنب مهره فارقه عـن كـل قبـه وكن شمعات الفرامل لشتغل لمعـة جواهـر=في نحر بنتن غلاها عند ابوهـا مـا يشُبـه وكن شمعاته قدم عينين من بالحزن ساهـر=وصوت سلفه صوت فنجالن بها القهوه تصبه ودي اهديه لصديقة عمري الطرقـا سماهـر=جادلن كوش على كل المزاين وسـط عبـه ايه احبك واسرف بحبي مدام الحـب طاهـر=ولا يهمك هرجت العـذال وعلـوم المسبُـه ياغناتي وانت حبك وسط قلبـي دوم زاهـر=لا سليتـك دق قلبـي مثـل دقـاق المنبـه اقبليلي ياهنوفن شاعـرك بالوصـف ماهـر=انت سجن القلب وافراجه وفي يمنـاك طبـه شاعرك من زي شاهر ياقف ل سبعين شاهر=امر امر واطلب اطلب غيركم وشلون احبـه |
الشاعِـر : محمـد العتيبـي
( ابيات لم تكتمل ) ( 1 ) يالوف قلبي لوف لوفن على لوف=وياتل قلبي تل تلن من الجوف سبة زمانن تل قلبي وانا اشوف=تقول محطوطن على متني النير ( 2 ) البارحه جفني تعذب ولا بات=وانثر دموع العين بسكات بسكات لو لا يسلي خاطري بدع الابيات=لشق ثوبي من علو الازارير ( 3 ) الله ولا همن سكن داخل الروح=معي معي من وين ياناس ماروح اشكي من اسبابه وانا اصيح وانوح=اثر على حالي من العام تاثير ( 4 ) ان نمت صحاني ثلاثين كابوس=وان قمت كني عن ملا الناس محبوس اضحك وكن القلب مقطوع بالموس=ضحكن يعبر نظرة الحزن تعبير ( 5 ) مالوم دمعي لو على الخد ينساب=اصبحت انا والهم خلان واصحاب الحزن باصي وازرق الدمع ركاب=والياس ماجلان كل المشاوير ( 6 ) قلبي حزين وعلتي داخليه=لاكن على الخلاق رب البريه ما يترك المخلوق فالمهمهيه=قلته وانا عندي على القول تبرير ( 7 ) يفداك ياشعري فوادي ودمي=تو ابتدا هاجوسي شعري يحمي تعال ابا اضمك على الصدر ضمي=واعانقك في جو الابداع واطير ( 8 ) وين القلم هاتوه بكتب وصاتي=وين انت ياغرون مشتت حياتي تكفى دخيلك لا تسبب مماتي=ياللي تجر القلب جر المناشير ( 9 ) القاف قافي وافتل القاف لرضاك=احب انا طاريك واعشقك واهواك منساك لا والله منساك منساك=منساك ياسيد البنات الغنادير ( 10 ) حبك ملك قلبي وصار الكونتر=حبن يشابه حب عبلا وعنتر تلعب بقلبي مثل برشا معا انتر=انثر عليك الدمع فالصبح وعصير ( 11 ) متى نشوفك يادعج العين قلي=ليتك على الاوجاع ساعه تطلي ماعاد لي فالصبر لو كان ملي=مال الهجر والبعد يازين تبرير ( 12 ) ليتك تحس بلوعتي والحنيني=وليتك تعوض فايتات السنيني وليتك بكل اسبوع مره تجيني=يامخدر ن قلبي من الحب تخدير ( 13 ) سبحان من كمل فيك كل المزايا=من زود زينك كن وجهك مرايا تعال احطك ياحبيبي ورايا=وانطح علشانك صفوف الطوابير ( 14 ) عندي من الافكار خمسة مواضيع=اخاف لا اسرف فيك واتوه واضيع لاكن بودع مجمل الحب توديع=واكتب على كل المواضيع تقرير |
الشاعِـر : محمـد العتيبـي
( كيلـو صبـر ) ياللي تبيعون الصبر ماعندكم كيلـو صبـر=جروح قلبي مرمسه وازريت اخيط فتوقهـا ياخالقٍ ليـل ونهـار ياخالـقٍ بـر وبحـر=تعلم وش اللي تحتها تعلم وش اللي فوقهـا تفرج لقلبٍ دامره كثـر التوجـد والسهـر=وتفرج لعينٍ همهـا قـام ايتمثنـى موقهـا الطيب قفى مع هله والمقبلات ادهى وامـر=وشمس الرجوله غايبه لا تحترون شروقهـا مبطى نفرق في عيال البطن وعيال الظهـر=واليوم مانقدر نفـرق حـت فـي منطوقهـا ما عاد نلقا صاحبٍ يافي ليـا شـان الدهـر=تافي معي لا صار ابه حاجه تبـل حلوقهـا لا خاب ظني فالقريب اللي نفاخربـه فخـر=ما الوم نفسي لو تعيف الزاد فـي طابوقهـا الناس صايبها بلا والوقت من تالـي غبـر=قامت تزاين بالبقـر قامـت تهجـن نوقهـا قد قالو ان الحنظله لو هي على جال النهـر=زادة مرارتها ليـا طالـت جميـع عروقهـا واخير من مجلس هل النمات واضعاف البشر=اللي ليا حان الطلب قامت تعـض شدوقهـا اضرب تهاتيه الخلا والخيـر كلـه فالسفـر=مادام رجلي سالمـه مافيـه شـي يعوقهـا لو كان ماشفنا ثمان سنيـن همـال المطـر=ولا لقينـا عبلـةٍ ترهـي علـى رقروقهـا ابا تمشى فالخلا واشب نـاري مـن سمـر=مع صاحبٍ يعطي جميع الناس كل حقوقهـا ما اغبطك ياللي راس مالك جايبه سمن البقر=اللي يجيبه سمنها دايركـت فـي صندوقهـا |
الشاعِـر : محمـد العتيبـي
( لابـاس ) ياعتيبه الهيلا بكـم نرفـع الـراس=دوكم بليه واكثر القـاف مدسـوس حساس انا ياناس حسـاس حسـاس=احس انا بأحساس ماهوب محسوس في شاعرٍ قافـه منومسـه نومـاس=ما عس روضٍ كل من جاه معسوس شاعر وأله ضربٍ مثل ضربة الفاس=واحد من شفرة هل السيف والموس شاعر وجوده غير عن مجمل الناس=له موقفٍ بالطيب واضح وملمـوس شاعر حمسه الوقت من دون محماس=حتى غدا شعره عن الناس محبـوس ياكليب لو خانك من الخلف جسـاس=لو مت موتت عز مامـت جاسـوس مجنون ياللي تغرف البحـر بالكـاس=غاوي ومتغطرس وضايع وملحـوس لا باس يبن الشيخ لا باس لا بـاس=الليث يبقى ليث ماهـوب جامـوس اصخر لك الابيات مع كـل نسنـاس=وشكري وتقديري من القوس للقوس بديتها بأول دخولي مـع (ا) نكـاس=وانهيتها بنهايتـه دون مـا حـوس |
الشاعِـر : محمـد العتيبـي
ابيات لم تكتمل ( 1x5 ) ( 1 ) ياوجودي كل ماجيـت استريـح=زاد هم القلب وامسى ما استراح وياوجودي كل ماوقفـت اطيـح=طيحت اللي طاح من جرح الرماح كلما مريـت لـي ورقٍ يصيـح=فز قلبي مـن معاليقـه وصـاح ويش اسوي فيك يالقلب الجريح=شاربٍ كاسين مـن سـمٍ ذحـاح سبت المزيون والوجـه المليـح=كلما يطري علـي الدمـع سـاح ( 2 ) يامن كويت القلب هـدي وحاسـب=الوقت ضده وانت يالتـرف ضـده فالهجر يابن الناس ويش انت كاسب=الصـد والهجـران مانيـب قــده دقيت فـي قلـب المعنـا مناسـب=علـى الـردا يازيـن لالا تـحـده انت الوحيد اللـي لقلبـي يناسـب=ياغايتـه ومنـاه يــا كــل وده غيرك لو اخطا معي يلقـا محاسـب=وانته خطاك ان صار محـدً يـرده ( 3 ) ياذا الحمام اللي على الغصن ساجع=حسبي عليك الله ونعـم الوكيلـي صحيت كل جروحنـا والمواجـع=وخليـت ليلـي عـن 30 ليلـي كرهتني حلـو الكـرا والمهاجـع=مغير احط امن المشاكل واشيلـي ذكرتني من قـال مانيـب راجـع=واصبح لقاه اصعب من المستحيلي ( 4 ) لي صاحبٍ لا اقبل بعد كان مبطي=اصير مثل اللي من الشرب فاقـد لولا الغضي ما شافت الناس خطي=اسهر وغيري تالي الليـل راقـد يابو جديلٍ كل ما ارضيـه يخطـي=اوقدت في قلبي من النـار واقـد سبحان من كل الحلا فيـك حطـي=سكر خفيف ان قلت وان قلت عاقد لا ياقمر ليلـي وبحـري وشطـي=كلمة هلا تسـوى ثمانيـن ناقـد ( 5 ) الشعر ياهل الشعر مثـل البنـادق=فيـه الهوائيـه وفيـه البلاجيـك قلته وانـا والله يانـاس صـادق=والصدق من كل المشاكل ينجيـك شعَارنا كثـر الشقـق والفنـادق=لكن وين اللـي بقافـه يناجيـك يالشعر جوك اهل البقر والصنادق=ولا اظن عيني بعد ما شفت ترجيك من بعد بندر راح وسط الخنـادق=طالبـك لالالا تجينـي ولا اجيـك |
الشاعِـر : محمـد العتيبـي
( بعد الرحيل ) يا تل قلبي تل صقر ن مـن الجـوع=من حطة البرقع له اسبوع مـا صـاد وغير السبوع اسبوع وسبوع وسبوع=مـا رف بجناحـه ليـا خاطـره راد خـلاه فـي ماكـره راعيـه ملطـوع=ولا جاب له مما يريـده مـن الـزاد دبل حبـال الوكـر مثنـي ومربـوع=ولا عاد يوم ن صار به صقر لا عـاد يقوع لامن سـج مـن ماكـره فـوع=واليـا انتبـه قـام ايتوجـد توجـاد كفه من اسبـاب المسابيـق مخلـوع=وقلبه عليـه اليـاس سـرداد مـرداد على وليف ن مـن سبايبـه مفجـوع=بعد الرحيل. ولا حصـل منـه ميعـاد وشلون اعيش وحبل والاحباب مقطوع=وشلون اعيش وتالي الصبر مـا فـاد صوت ن مهو صوته فلا هوب مسموع=لو كان ارق امـن الرياحيـن والكـاد يوم اذكر اني منـه حصلـت قرطـوع=واخذت انـا ويـاه مصـدر وميـراد في موقع ن ما خططو فيـه مشـروع=ولا يعرفونـه كـل واوي وحـسـاد |
الشاعِـر : محمـد العتيبـي
( شاعـر تكلّـم ) شاعر تكلم بعد مـا طـول سكاتـه=وشلون يسلا وروحه كيف يقنعهـا الله على الوقت وصدوفه وميلاتـه=والله على علـةٍ بالقلـب موقعهـا يالله عبدك طويل الليـل مـا باتـه=تسوق نفسه على الخيره وتدفعهـا عبدك يناجيك دايم فـي صلاواتـه=يا خالق النـاس تامرهـا وتمنعهـا تـرد حـظٍ تشوقـنـا لرجعـاتـه=ستت سنينٍ مضت واليوم سابعهـا وان كان عندك حزن ياوقت لي هاته=صاحبك الأحزان ما يقدر يودعهـا اليا ضحك ضحكته ماهيب من ذاتـه=بيّن عليه التصنـع يـوم يصنعهـا الحزن واضح على صوته ونظراته=لو كان يضحك وبسماتـه يوزعهـا واليا بغى يشتكـي سبـة معاناتـه=يخاف محـدٍ يواسيهـا ويسمعهـا ويضيـع مابيـن وناتـه واهاتـه=ولا عاد يقـدر يفرقهـا ويجمعهـا واليا طراله مـن الايـام مـا فاتـه=تقول روحه من الاضلاع تنزعهـا واليوم ماهوب شاكي غير لابياتـه=لو الدموع الزرق جفـت مدامعهـا عسى الزمن بس يصفيلي علاقاتـه=لاقدم على حاجةٍ محـد ا يتوقعهـا لعوض قلـبٍ تعنـى فـي بداياتـه=وارد له ضحكـةٍ مبطـي مضيعهـا |
الشاعِـر : محمـد العتيبـي
( لو يملك النار ) يامل قلبٍ همومه تطرقـه طرقـي=طرق الهبايب لغصنٍ ليـن حتنـه من كان راعي محل ثم انقلب طرقي=لايشتكي من كلام النـاس والمنـه من لامني مايعرف الغرب والشرقي=ولااظن قلبه سهوم الوقت صابنـه مااظن قلبه من الايـام محترقـي=ولا جرب الضيم والاوجاع والونـه ماظن هل الدموع الحمر والزرقـي=ولااظن الايـام شالنـه و وطنـه هذا وانا مرهيٍ همي على عرقـي=وكبدي لهدها الزمان ولاهب الكنه والذيب من لا شي يصنع لك الفرقي=لو الزمن فيه لو انـه ولـو انـه والا الردي ياعسى ماطرقه بطرقي=لو يملك النـار مادخلـك فالجنـه |
الشاعِـر : محمـد العتيبـي
|
| الساعة الآن 05:40 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0