|
الشاعِـر : ABO FAISAL 20
( قمرهُم ) يزينها مهي مثل باقي البنات=الله يحفظها و يستر حالها الحلا ياخذ من حلاوتها حلات=والناس تتمنى وهي يصفالها هي مذهله لاوالله عن مذهلات=من كل زين مجمعة خصالها في عيونها سحر و ركاده مع ثبات=في مشيها كأن الدلع يحلالها العطر والطيب يتبعها من جميع الجهات=الذوق و الرقة تقول ظلالها في قربها حلم و طموح و امنيات=في بعدها كلن تمنى وصالها قمرهم ياقمرهم ياسكر نبات=حتى دلعها غير يا عذالها تقول ربي ماخلق معها بنات=الناس بالدنيا وهي لحالها يزينها مهي مثل باقي البنات=الله يحفظها و يستر حالها |
الشاعِـر : ABO FAISAL 20
( ابعد وروح ) إبعد و روح ولا تجي حتى لو إني قلت أبيك=لأنك أناني و ماتحب إلا الذي يتجاهلك تركض ورى اللي يتعبك حتى لو إنه مايجيك=و اللي يحبك للأسف تقول مايستاهلك مديت لك إيدي غلا و إهديتني جرحي بإيديك=و أنا الذي فارقت هالعالم عشان أواصلك مرة تجي تسأل علي و مليون مرة أسأل عليك=و أدري تجيني مصلحة و أنا أجي مشتاق لك أزعل عليك و أبتعد و أجلس مع الليل أحتريك=و إنت ولا فكرت بي مشغول مع من صار لك و إنت ليا منك زعلت مقدر على بعادك و أجيك=و أضمك بصدري عسى درب الزعل ماياصلك أخطيت أنا في هقوتي و خاب الرجا و الله فيك=و مشره على مثلك أبد أشره على اللي جاملك و مع السلامه و الوعد لا خانك اللي مشتريك=بتحس في نار الغدر يا الله عساها تاكلك |
الشاعِـر : ABO FAISAL 20
( يوم الفراق ) يا صعب يوم الفراق و صعب لحظاته=و ياطول ليله على العشاق مايسري تسيل فيه الدموع بـ كل حزاته=و تضيق فيه الصدور و كل شي يطري و الحب مثل السراب بعيد خطواته=نمشيه من غير لا نعلم ولا ندري بدايته يسعدك في كل حالاته=و نهايته جرح طول العمر مايبري و أصعب من الحب فرقا من عقر ذاته=يبعد و أنا أصيح له و أقول لا بدري وين إنت رايح يا نبض القلب و دواته=يامصدر أفراح قلبي و يا هنا عمري تعال و أدمح خطا قلبي و زلاته=تعال و إخذ العمر من دون لا تشري وش فايدة قلب توقف كل نبضاته=وش فايدة عين ترمش دون ما تدري و إن كان هذا الهجر طالت معاناته=وصيتي لك تلقاها على قبري |
الشاعِـر : ABO FAISAL 20
( يابحر ) يا بحر جيتك و أنا كلي هموم=جيتك و كلي أمل في فزعتك جيتك من اللي أشوفه كل يوم=زول خلن يشبهك في رقتك راح و ماخلا بعيوني أي نوم=راح و ضيعني و جيت لشكوتك أدري إنك صاحبي وقت اللزوم=و ما تقصر يا بحر في مدتك هاك همي خلني بليا هموم=و إن بغيت العمر كله فدوتك طالبك لا جاك خلي لا يقوم=علمه إني شكيت لحظرتك علمه إن الجفا مثل السموم=تذبح الرجال لو هي مرتك و علمه إني أحبه موت دوم=و أتحرى نجتمع في جيتك يا بحر إنت السند و أصدق كتوم=و إنت صاحب من تمنى خوتك لا تلوم اللي يجيلك لا تلوم=كل ماضاقت همومه دلتك و يا بحر يا حافظ أسرار النجوم=يا جعل ربي يزيد بطيبتك و يا بحر يا حافظ أسرار النجوم=يا جعل ربي يزيد بطيبتك |
الشاعِـر : ABO FAISAL 20
( الليله ) الليلة مابي أحد أبيك بلحالك=و بحتفل في رجوعك يا مفرحني بضوي شموع الفرح في طلة هلالك=و أقول يا مرحبا باللي سأل عني القلب من فرحته وقف و حيا لك=و العين من شوقها راحت تسابقني حتى مكاني على كفوف الغلا شالك=ياللي أحبك كثر ماكنت توحشني نسيت من فرحتي أسأل عن أحوالك=و نسيت لاعاتبك عن غيبتك عني تفداك كل البشر لاقرب ظلالك=و يموت قلب الحسود اللي يعاندني ولو كنت فوق القمر و الله لأرقالك=وشلون لاشفتك قبالي تكلمني ياما حلا بسمتك و ياما حلا خصالك=و ياما حلا صوتك الناعم يذوبني أموت في جرأتك و أموت في هبالك=حتى إذا خطيت في حقك تسامحني و ماترقد عيونك أدري دوم في بالك=مثلك حبيبي و طيفك مايفارقني خل العتب يابعدهم قول وش حالك=أشغلت بالي عليك أرجوك طمني عساك مرتاح في حلك و ترحالك=ياماخذن قلبي و بالي و مشغلني أنت الوحيد اللي إذا غبت أشقالك=و أنت الوحيد اللي من الكون يسرقني حتى أبو نوره من الأعماق غنالك=و قال الأماكن بدونك ماتونسني تكفى طلبتك أبيك تزيد بوصالك=أخاف لاغبت أكثر ماتحصلني أبيك تذكرني إذا جيت في بالك=و أنا على العهد باقي يوم تذكرني و الليلة مابي أحد أبيك بلحالك=و بحتفل في رجوعك يا مفرحني و الليلة مابي أحد أبيك بلحالك=و بحتفل في رجوعك يا مفرحني |
الشاعِـر : ABO FAISAL 20
( راح النهار ) راح النهار و جاني الليل بأحزانه=وأقول وينه حبيبي اليوم ماجاني طول علي و عيني اليوم سهرانه=و ماله عوايد يخليني و ينساني مرات أقول يتغلى و أحترم شانه=و مرات يقسى و يزعل و يتحداني عذبني مابين ذكرانه و نسيانه=و زود علي الوله و إن رحت ناداني أشتاق له إن تنرفز و أعشق جنانه=و يتشاق لي إن زعلت و زدت بجناني علمني الحب في قربه و هجرانه=و علمته شلون يعشقني و يهواني ومن كثر ماحبه درو فيه جيرانه=ومن كثر ماحبني دلوه جيراني أغار من صحبته و حتى من أخوانه=ويغار هو من عيون الناس و أخواني يزين صوته و هرجاته من لسانه=ويزين حتى العتب منه على شاني ودي يجيني قبل لا تنعس جفانه=و قبل يجيني النهار و تنعس جفاني وراح النهار و جاني الليل بأحزانه=و أقول وينه حبيبي اليوم ماجاني وراح النهار و جاني الليل بأحزانه=و أقول وينه حبيبي اليوم ماجاني |
الشاعِـر : ABO FAISAL 20
( لو دامت ) لو دامت لغيرك ما إتصلت إليك=و أنا بروح و خاطري مارضيته تزعل علي و تحسب إني براضيك=مسكين ماتدري عن اللي نويته راح أتركك عبره لغيرك و أخليك=تندم على اللي في المحبه جنيته بعلمك وشلون تقصر خطاويك=وشلون تتكبر على اللي هويته غروك عذالي وزدت بتغليك=غروك مافادوك و الهم جيته أهديت لك عمري وخاب الرجا فيك=و خذيت من قلبي غلا ماعطيته و ياكثر ماتخطي بحقي و أداريك=و أسامحك و أقول خلي فديته وياكثر ماصديت عني و أناديك=و إنبح صوتي و البلا ماوحيته و اليوم أنا بقول ها روح مابيك=و بكتب على رقمك حبيب و نسيته خل ينفعك كبرك حبيبي و تعليك=خلاص أنا من باعني ماشريته ولو دامت لغيرك ما إتصلت إليك=و أنا بروح و خاطري مارضيته تزعل علي و تحسب إني براضيك=مسكين ماتدري عن اللي نويته |
الشاعِـر : ABO FAISAL 20
( يَ شيخه ) يا محمد راض اللي زعل منك بأبيات=راضه عشان يعرف قيمة غلاته قصرت في حقه على كل حالات=والشاهد الله مانساك بحياته لعندهم أجي و أدوره بس بسكات=و أراقبه واميزه من سكاته يفرق عن العالم و فيه إختلافات=في طيبته و بهيبته و بصفاته يا بنت يا شيخة جميع الجميلات=يا جامعه كل الحلا من شتاته ياللي تميزتي ولا لك شبيهات=مثل القمر لاشبهوك بحلاته |
الشاعِـر : ABO FAISAL 20
( كان الفرح ) كان الفرح في دنيتي يشبه الجار=يومن أجيه و يوم مثله يجيني وإذا التقينا تسمع تسمع أبيات و أشعار=وكل السعادة في كلامه و فيني لكن تركني وراح من شين الأخبار=و خلاني في همي أصفق يديني زفولي الضيقة و أنا داخلي نار=والحزن من شين الخبر يحتريني قالو صاحبك ياولد مات محتار=من ضيقة الدنيا وهموم السنيني راح و تركني للشقا صاير جدار=تصفق بي الونات في كل حيني عزاه يا اللي معتلي فوق الأقمار=ياماخذن قلبي ولو ماتجيني أنا أشهد إنك حافظن كل الأسرار=و إنت الوحيد اللي أبيه و يبيني عسى السحاب اللي معه مزن و أمطار=تمطر على قبرك و تسقي ونيني ويغفر لك الله ذنوبك صغار و كبار=ويكفيك شر النار يا مشتريني |
الشاعِـر : ABO FAISAL 20
( فيها الدلع زايد ) ماجد خَلْني أجي القناص=عندي قصيده تستحق الجيه سميتها أحلى بنت بـ العالم=كتبتها في بنت رومنسيه كتبتها فيها عشان تلاحظ=كل البشر أوصافها السحريه إحترت من وين أبتدي و أعبر=مثل القمر بـ أوصافه اليوميه لو ببتدي بعيونها ورموشها=تزعل علي خدودها الورديه ولو ببتدي بـ أنفاسها وضحكتها=ثارت علي أطباعها العفويه ولو ببتدي بـ أخلاقها و أدبها=من ذوقها تتسابق القافيه يازينها وياملحها وياطيبها=و ياحساسها وهي مصدر الحنيه فيها الدلع زايد على إسمها=وربي خلقها للحسن ماريه ماودي أوصفها كثير و أشرح=خايف عليها من الحسد والنيه و إلا الحقيقه لو بغيت أوصفها=أبختصر وأقول لك حوريه |
الشاعِـر : ABO FAISAL 20
( وين العيون اللي هدبها مسايير ..!! ) الله يصبح بعض الوجيه بالخير=وبعض الوجيه أطلب عسى يهداها صحيح بعض الناس تحتاج تغيير=وبعض البشر كل يوم زايد غلاها من جيت للدنيا وأنا قلبي كبير=وأسامح صغارن تكاثر خطاها ماجيت أدور للمشاكل معاذير=جيت بقصايد تبهر اللي قراها نبيل وإن كان الشعر لذته غير=ترى السبب إعجابك يزود بهاها وين العيون اللي هدبها مسايير=اللي سحرت كل البشر من حلاها اللي تصف الناس مثل الطوابير=وكلن تمنى في حياته لقاها الله عليها لا قبلت كنها الخير=تفرح قلوبن تكدر هواها هذي ملامح والشعر لجلها يصير=مثل الخواتم لابغت ماعصاها وان كان شعري فيه يازين تقصير=بعوضك بـ أحلى قصايد وراها |
الشاعِـر : ABO FAISAL 20
( ماصار لك ساعه وقلتِي تحبيني!!؟ ) توي عرفتك و قلتي لي تحبيني=وشلون قلبك يحب إنسان في ساعه إن كان لك حاجتن عندي و جيتيني=مايشبعك لو عطيت لنفس طماعه بس إتركيني و روحي لا تغثيني=غيرك شرى قلبي المسكين ثم باعه مانيب ناقص رجاءً لاتزيديني=صعبه تداوين قلبن زادت أوجاعه إخترت قبلك حبيب و ضمته عيني=والظاهر إني جهلت الحب و أنواعه عندي سؤال أطلبك ردي و فيديني=حلم العمر لو يموت شلون مرجاعه ماصار لك ساعه و قلتي تحبيني=والحين أبي تكرهيني في ربع ساعه |
الشاعِـر : ABO FAISAL 20
( اليوم يوم المملكه ) اليوم هذا غير عن كل الأيام=فيه الفرح غطا على الكون كله اليوم يوم المملكه وكل الأعوام=ويالله تحفظها من الشر يالله هي ديرة السنه وهي دار الإسلام=وهي وجهة المسلم ليا قام صلا وهي مزبن اللي حدته كثر الآلام=وليا زبن يصعب قبيله يذله واليا بغاها حاسدن طاح ماقام=يطيح من خوفه وتبليه عله رجال أبو متعب لها ذخر و حزام=ترد كيد الظالمين و تشله مالوم منهو يعشق ترابها وهام=وفيها يتفاخر والفخر فيه وأصله يادار مامثلك وطن لو بالأحلام=وياشعب مانلقا أبد فيه مثله |
الشاعِـر : ABO FAISAL 20
( كيف ابنسى ..!!؟ ياحبيبي لاتقول إني نسيتك=ولا تقول إني جفيتك ما أبيك يشهد الله إني عشقتك من لقيتك=وإني أغار من الهوى حتى عليك ياحلاة السالفه لامن طريتك=وأبتسم لا جابوا إسمك وأفتديك وأفتخر في حبك الغالي وصيتك=وأرخص الدنيا عشانك وشتريك لكن ظروفي صعيبه وإن بغيتك=أنا أدري مقدر أتقرب وأجيك كل خلق الله تبعدني فديتك=ومقدر أتحمل كلام الناس فيك إسأل دموعي وكم مره بكيتك=وكم عيني تسهر وتسأل تبيك حتى قلبي يرتجف لامن لقيتك=ماهو خوف إلا من اللهفه عليك وياحبيبي لا تقول إني نسيتك=كيف أبنسى وطيفك يذكرني فيك |
الشاعِـر : ABO FAISAL 20
( غلطتي ..! غلطتي في حبك إني تسرعت=وغلطتك تعشق لك إنسان ثاني عشمتني حتى قدرت و تمكنت=وسرقتني من دنيتي يا أناني خليت خلق الله عشانك و جنبت=عن درب منهو بالمحبة بغاني جيتك بصدق إحساس و إنته تصعنت=وأنا على الله سقت لك من حناني لقيت في عيني غرام و تشبعت=ولقيت في عينك ضياع الأماني وإحتجت لك مرات لكن تعذرت=وتحتاجني و أجيك قبل الثواني وقصرت في حقي و أنا ما تأخرت=وكم بعت من شانك غلا من شراني أدري خطاي إني على الجرح كابرت=وأدري خطاك إنك تصاغرت شاني وأدري إنصحوني ربعي و ماتراجعت=خليتهم لعيونك و جيت عاني أدري على شوفك أنا حيل أدمنت=وأدري على صوتك كرهت الأغاني وأدري تغيرتي و أنا ماتغيرت=كذبك رفعك و صدقك اللي رماني أدري و أدري و البلا ماتعلمت=كملت في درب الغرام و نهاني تدري وش اللي يذبحك و إنت ماخنت=إنك تحب إنسان و يحب ثاني حسبي عليك الله من وين مارحت=يبليك ربي في غرام(ن) بلاني |
| الساعة الآن 11:14 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0