انســــان
عدد الضغطات : 11,807
الجمعية الخيرية لتحفيظ القرآن الكريم
عدد الضغطات : 8,458(انسان) الجمعية الخيرية لرعاية الايتام
عدد الضغطات : 11,859استمع إلى القرآن الكريم
عدد الضغطات : 7,292

   
العودة   شبكة القناص - الموقع الرسمي للاعب ياسر القحطاني > المنتديات العامة > صـدى المشـاعر > صدى المشاعر ( النظم ) > دواووين شعراء النظم
   

إضافة رد
 
LinkBack أدوات الموضوع انواع عرض الموضوع
قديم 20-12-2011, 07:02 AM   #16
اليوزر الاداري لقسم صدى المشاعر ( النظم )
 
افتراضي الشاعِـر : қвяєэτ

( عاد حبك .. دون موعد عاد ! )

كفّنوني . . وادفنُوا شُوقي معاي=وانثروا الذّكرى على أعتاب بيته
كان ما غِيرهـ بهالدنيا . . مُناي=لا ولا غِيره بهالدنيا . . هَويته
كيف بحيى ليلي مِن دُونه غلاي=وكلّ ليلي كَان في حبّه , حيِيته
كِنت أنا في شُوفته أمسح عناي=أنسى أحزاني ليَا مِنّي , لِفيته !
الوصل فيه إرتوى شِدّة , ضمَاي=فيه اندثر شُوقٍ من غيابه خذيته
فيه القِدر وافق بِلحظتها , رجاي=يكتسيني حُب مِن مبطي نسيته
سيّرتني كِيف ما أدري , خِطااي=وِ اجتمعنا دُون مِيعادٍ , لقيته
رد لي من شوفته ماضي هواي=ثمّ داوى قلب من بُعده كويته
قد مسحت الحب من عالي سماي=وقد نهيت القلب عن حبه نهيته
ما دريت إنه سكن خافي حشاي=صَرح : بِاسمه في تفاصيلي بنيته
أعشقه من منعم أظفاري بصباي=عشق لو يطلب عيوني له عطيته
الحبيب . . اللي ب يدينه دواي=عاد في قلبي وكما الماضي حويته
تهت أداري من العرب فرحة شفاي=وغصب عني أنفضح كل ما طريته

صـدى النظم غير متواجد حالياً   رد مع اقتباس
قديم 20-12-2011, 07:04 AM   #17
اليوزر الاداري لقسم صدى المشاعر ( النظم )
 
افتراضي الشاعِـر : қвяєэτ

( مَ مثل انفاسك جمال )



آتلعثَمـ ، لَــو تِمرّيني خيآل ،=كِيف حآلي لو هي آلـ صدفه إجـمعتنا ؟
غِيرك إنتي ، مَ بقى لْ غيرك مِجال=كنّ رَبي ، ل بعضنا احْبابٍ ، خلقنا
إيه أحبّك . . مَ تبي ايّت . . سؤال=إيه نبض العشق . . يَ قلبِي ، غِمرنا
مِن عرفتِك . . مَ أبي غيرك مُحال=نعمةٍ إنتِ . . وربّي بِك » رِزقنا «
وردةٍ . . مَ مثل أنفآسك . . جَمال=مَ انخلق ، مِن يشبهك والله بْ زمنا
سِكّرهـ . . ذابت على كَف الكَمال=حسنها فِتنه ، بِـ هـالدنيآ طغتنـا
مَا عرفت ، أوصف شعُوري باعتدال=والله إن الحُب ، قَبل احكي فضحنا
والله إني . . أجمعك بِين الظلال=ثمـّ أبعثر . . كِل هالعالمـ » بَعدنا
ثمّ أسكن . . خافقك حتّى : يقال=لا وطن غيرك ، ولا غيرك وِطنا
ولو بغيتي آقف بــ وسط الرجال=وارفع ب صوتي ، ترآ حبّك ذبحنا
والله إنّي . . واصلٍ حـدّ الهبال=وِ خلي اللّي ما درى عنا . . يعرفنا
ولآ يغرك ، مِن يقول آلحُب » زال «=فترةٍ . . ماتت مَع جيلٍ ، سبقنا
ما يمُوت العشق دام إنّه . . حلال=ودام كِل آمالنا . . بِ ليلة ، فَــرحنا
كلّـها أعوام . . لَـو إنها طِوال=وِ نجني اللي من زمَان أوّل زرعنا
معرسين اثنين : وِ شويّة عيال=صبرنا هذا . . وِ هذا هُو ثِمرنـا

صـدى النظم غير متواجد حالياً   رد مع اقتباس
قديم 21-12-2011, 10:24 AM   #18
اليوزر الاداري لقسم صدى المشاعر ( النظم )
 
افتراضي الشاعِـر : қвяєэτ


( تِخفي بسمَآتِي حِزن |..



آفرشي يا الشمس نورك وامنعي جنح الظلآم=واقطعِي من الوقت قِصه عن حِكَآيات الحَنِين
مِن عرَفتِك يافَلَآنه ضَآعِ مِن قَلبي الكَـلآم=صِرت تَآيه فِي غرَآمِك بِين آشوَآق و أنِين
لِين أصبح فِي حِضُورك يِحصل لِعقلي إنفِصَآم=يِجعلَك صُورَت مَلَآك سَآَكِنَه بـ دَآخِل العِين
فِي وِصَآلِك تَآه فِكري وصِرت سَآهر مَآأنَآم=مدري هُو شُوقٍ مِلكني ولا مِن بعدك حَزِين


فِي حِضُورِك [ يِبتدي فصل الرّبيع ]=وفِي غِيَآبِـــك تِنتِهي قِصّة زِمن!!
مِن حِنَآنِك [ أشتِري عَآلَم وأبيـع ]=, وِمن جِمَآلِك نِرتوي عَذب الفِتن !!
فِي وِصَآلِك تَآيِهٍ فِكـري وأضِيع |=واليَآ مِن شَآفَتْـكِ عِيني [ تِنـفِتن ]
كَآمِل الأوصَآف [ مِن يُومِك رِضيع ]=حِر طِيرٍ فِي حَيَآتِــه [ مَآنسِجَن ] ..
مِبتلَى فِي الزِّين والفِتْنَه جِمــِيع |=جَآمِع الأنْظَآر مِن شّتى الـوَطن
يامِجيبٍ للدعى يَآ سَمــــــيع=ابن مابينِه وبِين الفِتنه [ حِصــن ]
خلّه فِي دَرب الهِدَآيَه مَآ يِضِـــيع=وابعَده يَآرب عَن كِل الـــ ( مِحَن )


كِفَآنِي بعزّتِي شَيّن خَسِيت وِمَآ وِصَلتَه يُوم=كِفَآنِي بِعزّتِي أجعَل حِشُود النّآس تِسمعنِي
كِفَآنِي وَآثِق الخِطوَه أسِير ومَآ عَليّه لُووم=أسِير ورَآفِعن رَآسِي ومهمَآ النّآس تِلمِزنِي
كفَآنِي بِدنيتِي صَآحِب يِسَآوِي بنظرِتِي هـ القوم=كِفَآنِي مِعَآشِرٍ رَبْعِن يَبُون اللّي يِزَعّلنِـــي
بِنُو مَآبِيننَآ حَآجِز مِنيعٍ بالحِقد مَرمُوم=بِنُو مَآبِيننَآ قَصْرٍ يِجمّع مِن هُو يِكرهنِي
صَحِيح إكثَآر هُم كَآنُو وعَددهُم مَآهُو إبمعلُوم=ولكِن هِيبتي خلّت عِيُون عِذّآلِي [ تِحسدنِي ]
سِهرت بليلِةٍ غَبرهـ عِيُونِي مَآ تِذُوق النّوم=سَهرت بليلِتي وَحدِي ولحدِن دَآرِيِن عَنِّي

جِلست بغرفتي وحدِي اقلب فِكري بـِ رآسي !=سِمَعت بطرقها للكعب / وهي تقرب على بَآبي
أنَآظِر مِير أنَآظِرهَآ / وفجأه ضَآعَت أنفَآسِــي !=وأقُوم ألهَث وَأنَآدِيهَآ / ألَآ يَآ خِيرة أحبَآبــِي
ألَآ يَآ حُبي الأوّل / ألَآ ياخِلِّي ونَآســـــي !=ألَآ يَآدِنيتي إنتِي / ألَآ يَآ ( شُوقي ) في غِيَآبي
تَعبت أخبِّي مِن حُبك وأعِيش بدِنيتِي قَآسـِي=زرَعنَآ حُبّنَآ بقلبِـيـن/ زرَعنَآ عِشق { جَذّآبـِي } ..

صـدى النظم غير متواجد حالياً   رد مع اقتباس
قديم 21-12-2011, 10:38 AM   #19
اليوزر الاداري لقسم صدى المشاعر ( النظم )
 
افتراضي الشاعِـر : қвяєэτ

( يَ كحل هالعين قلّبت المواجع -

تعيش بداخلي هالبنت وانا مِن حسنها مفتون=تعيش بداخلي والجوف وهي للقلبِ هي ظيّه
فداها عيني وقلبي فداها دِنيتي وِ الكُــون ..=صبيّه غِير عَن كل الصّبايا واحلَى حُوريّه
اعيش اليوم ما ادري ( انا مِن دُونهَا مجنُون ) !=انا وان كِنت انجنّيت ترا في ( حقّها شويّه ) !
ترا قلبي وهو قلبي ليَا مِن شافها ( مَغبون ) !=يشوف الزين بعيونه ولا لِه فِيه احقــيّه
مِدام البنت بنت بنوت اناظرها كذا وشلون ؟!=ابنصى بيتهم هالحين واخطبها انا ليّه
تشوف الناس من حسن البنيّه كلّهم لاهُون !=جمال الكون في نظرة عيون البِنت ( خرافيّه ) !
الا ياليتها ملكي واهديها قصـر قَـارُون=لجل ترتاح بِه هالعِمر وتِصبح فيه ( مرضيّه )

::

منتب بشايف حالتي من دُون عينك=يومك تغيب وتبعدك عنّي المسافه
يُومِك تزيد الدّين وتزِيد بي دِينك !=دِين القطَاع اللّي بحبّك حَسـافه
كنّي طفل مِشتاق انشد انا وينك !=واثرِك سراب بدنيتي واحلى خُرافه

::

لا نطق لي ايه احبك ارتعش منّه واقول=ما سمعت الكلمه زين لا عدمتِك عيدها
لعن ابو حي المواجع خلها تكفى تطول=فيك انا حتى القصايد ماعرفت لقيدها
في حديث الحُب تهنىآ وتاهت أفكَآر العقول=لِين ضاعت هالمسَآفه وصارت إيدِي بـ إيدهَآ

::

مدري وِش سر العِيُون تسحَر قليبي بـ نظره !=ومدري وش هُو اللي بقلبي يُوم تسحرني العيُون !
يومهَآ تنظر لِـ عيني ضَاعت افكَاري بـ حَسره !=واحرقَت قلبِي بكحل العِين والنّظرهـ الفِتُون !
كانها بنظره تخلي القلب يفقد كلّ صبره=وكان صبره قد تلاشى بنظرةٍ مِنهَا بجنون
ضيّعت بالزين حرفي وضيّعت للبِيت شَطره=وامطرت قلبي بصوت الحِسن والحَرف الحنون !
غرّقتني بكل كلمه غرّقتني قطرهـ قطره ..=لحظَه تِمدح لحظَه تِشتم عَادي يَاقلبي تِمون ..
وكانها بمره تمَآدت وانْقِصت للقلب قدرَه !=فدوةٍ للي بكحل العِين سوّت بي مِجُون !
ارحميني يَابنيّه وارحمي للقلب عِمره !=وابعدي عِينك عَن اللّي بالكِحل هُم مغرمُون !

صـدى النظم غير متواجد حالياً   رد مع اقتباس
قديم 26-02-2012, 05:09 AM   #20
اليوزر الاداري لقسم صدى المشاعر ( النظم )
 
افتراضي الشاعِـر : қвяєэτ


( ثلاث حْروف .. | كساها مِن جفاك الـ خُوف .. )

على ربي عسى ربي يفرّج ضيقة المهمُوم=على ربي عسى ربي يسهّل كل خطواتي
سِهرت الليل طول الليل أفكر فيك انا مانوم=عذابي والعذاب إني هَويتك كِثر سجداتي
عيوني قلبي واحساسي ونبضٍ بالهوى مزحُوم=يعيشك يعشقك يهوى طيوفك وسطها ذاتي
أنا المُغرم وأنا الهايم وانا اللي بالهجر مرحُوم=وانا اللي لا طرى ذِكرك بكت بالشوق أبياتي ..
هجرني الشعر من بعدك وصاحبني الشقا واللوم=وزاد الدّمع بي حسره وزادت بي .. مُعاناتي ..
غديت أكتب على ظَهر السعاده .. مِنّها مَحرُوم=زمَانٍ ماضيٍ عدّا وماتت فيه . . بسماتي
رسمت بصوتي لك قصه كِتبها حظّي المشؤوم=نثرها بوحي العاشق على ساحل .. متاهاتي
وست شهور بي مرّت وانا ردد ألين اليُــوم ..=عسى مِن قفّت أقدامه , يعوّد ثاني ويَاتي
ثلاث حْروف يا قلبي تضيّع في خفاها نجُوم=تخلي الساكن الجَامد ليا غابت بها يحاتي ..

صـدى النظم غير متواجد حالياً   رد مع اقتباس
قديم 30-04-2012, 10:05 AM   #21
اليوزر الاداري لقسم صدى المشاعر ( النظم )
 
افتراضي الشاعِـر : қвяєэτ

( الثّواني .. بُوحها / وِ نزف الأماني .. )


للثواني صُوت وِ احساس وِ حنين=وللدقايق فِي غيابك ألف " نَبره "
وللشعر أحوال مَا ظنِّي . . تِزين=من فرَاقك تِرثي الماضي .. وِتشره
كَم سِهرت اللّيل والهاجِس حزين=وكم تعشّمت اللّقى ولا صار .. مَرّه
بِك جعلت العقل .. يِتربّع ألـيــن=صِرت أشُوفك َيالهوى في كِل نظره ..
وين ماحطّت عيًوني بِكل .. حِين=مَا تشُوف إلّاك يَ نبضِي وِ عمره ..
يا هَوى شعري ويا بُوح .. السّنين=ويا ضِيا أمسي , علَى يُومي وبكره ..
اسمحي لي .. قبل حتّى , " تِسألين "=بكتب اللي ما قوى قلبي .. بِ نثره ,
زُود ما حِبّك . . تِخيّلتك , تِجــــين=تطلبين الوَصل في .. حِلوه وِمرّه
إيه أنا .. في دافي اهدابك , رهين=إيه أنا اللي ضَآع بِك عقلهه وِشعره
إيه أنا اللي لَو عيوني . . تَطلبيين=شلتها لِك دُون لا أشعر .. بِ حسره
مكسب الدّنيا لَو وِصالي : تَبين=بكتفي بِه عن بِقى العَالم .. بِ أسره
اوعديني .. بالوفا , كِلّ السّنين=وانّك معي حتّى ليا قالو .. بقبره ..
أحباب نبقى .. لو تفارقنا اليدين=ولو تجرّعنا العَنى قَطرهه .. بِ قطره
في وَسْط عيني .. كِلّ ما رفّ الحَنين=لِك صُورةٍ تِسعد الخافي .. وِ تسرّه

صـدى النظم غير متواجد حالياً   رد مع اقتباس
قديم 30-09-2012, 07:47 PM   #22
اليوزر الاداري لقسم صدى المشاعر ( النظم )
 
افتراضي الشاعِـر : қвяєэτ


( ذكرى مكان )



جيت المكان اللي هجرته من اعوام=نفس المباني ونفس صُوت العصافير
هز اشتياقي خافقي بضعـة أيّـام ..=سِر القطاعه ، وِش له اليوم تبريـر
أوّل جهلت الدّمع من طِيب الأحـلام=واليُوم عندي من دمُوعي صنابير ..
كِل الذي عدّا بِـهالوقت " أرقـام "=وكل الدقايق فَانيه وِعمري قصيـر
لِيت الخليقه تِفهـم بْيـوم وِ تنـام=وتصبح مِثل ماهـي بْـدُون تَغييـر
نبقى ب وفانا لباقي النـاس أعـلام=مَع بعضنـا نِبقـى بكـل التباشيـر
نرمي ورانا الهم ، والفَـرح قِـدام=ونعيـش دِنيانـا بليّـا تقاصـيـر
خلّان نِبقـى وِلـو تِباعدنـا لِعـام=تبقى القلُوب أحباب ولو فِيه تقصير

صـدى النظم غير متواجد حالياً   رد مع اقتباس
قديم 24-12-2012, 11:04 PM   #23
اليوزر الاداري لقسم صدى المشاعر ( النظم )
 
افتراضي الشاعِـر : қвяєэτ

( صمت الحنين )




مَدخل ,


لا مِن غدا كل الحكِي : صَمت !=وكل الدقايق و الثواني / سنين ..
ولا من غدا ليلي ونهاري إنت=لابُد لي أذبل ويقتلني ( الحَنين )


بعثريني بصمت ثُمّ اجمعيني=واسرقي كل الثواني من شغفكِ ..
واكسري ثقل العطايا واحضنيني=بين اهداب افتتاني / وخاصرتكِ !
يا عذابي كلّ ما قلتي تبيني ..=قبل لآ أنطق عيُوني : جاوبتكِ ..
رعشةٍ كِل ما طريتك تكتسيني ..=لعن ابو حيّ المفاتن طاغيتكِ ..
اكذبي ليله وروحي لا تجيني ..=وادري بخطاكِ بتجيني سابقتكِ ..
مثل ما حبك تراكِ تعشقيني ..=وعن بقى ناسك تفاصيلي خذتكِ ..
جنّة الدّنيا بعينك شوف عيني ,=سلهمة عينٍ لمحتي / واشغلتكِ !
هايمٍ كل الهوى " بينك و بيني " ,=إنفتان الشّعر تاه بْ مملكتكِ () !

صـدى النظم غير متواجد حالياً   رد مع اقتباس
قديم 25-01-2013, 03:21 AM   #24
اليوزر الاداري لقسم صدى المشاعر ( النظم )
 
افتراضي الشاعِـر : қвяєэτ

( ألف عام )



رَوّحي عن شوق عينك لِ اللّقى ..=واحضني كفّ التمنّي , والغرامم
والله انه ما ل شاعركِ " بقى " !=من رحلتي ما غفت عينه ونامم ,
والله إنّه لابسٍ ثُوب الـ شقى ..=مِتّخذ سُود اللّيالي لِه .. لثام !
غير سِم الشّوق مآقِد إنسقى ..=حظّه المِسكين دايم فِي ظلام ..
في نزُولِ ما خبرتِه قِد رقى ..=ولو رقَى صِدفه يِتوّه الغَمام ..
لاوطن له لا صحاب واصدقى ,=ما صَديقه غير قِلّ الإهتمام "(
هايمٍ يبحث ب أبياته لقى ..=ومالقى إلّا أماني ألْف عام !
صُورتك ذكرى بعيني مفرّقى ..=لملميها بجيّتك , ودِّي أنام !!

صـدى النظم غير متواجد حالياً   رد مع اقتباس
قديم 14-04-2013, 02:44 AM   #25
اليوزر الاداري لقسم صدى المشاعر ( النظم )
 
افتراضي الشاعِـر : қвяєэτ

( الحاضر الغايب ..


مرّت على بالي و مـن شوقي بكيـت=والعالم الله من طرت لي وش جرالـي
كنـت اكــذب يــــوم قلت إنّي إنتهيــــت=كان قـصدي : تــــوّه الحـب ابتدا لـي
مرّت وانا من دون لا أشعـر حكيـــت=مشتاق واتعبني هـوى من هي ببالي
اكـذب على نفسي واقول إني نسيـت=ومــــاشــــوف إلاهـــا يـراودني بخيالي
كــــلّ مــــا حــاولت أبعـد مـــــــا قويت=أقـــــــرب أكثر كــلّ ما أبعدت حــالــي
تدرون بانّه من على الدنيآ صحيت=قربهـا وبس قـربها هـو راس مـالي
إن حكــيـت العمر كــلّـه مـــــا وفـيت=وان شكيت الحال من يسمع سـؤالي
هــي تــــرا أسباب شعري ، بيت بيت=يـــا انفتاني في هـواها ويا انشغالي
أكتب و أكـتب و أكـتـب مـا اكتفيت=فــــي محبّة مـــن فــــداها كل غألي
مرّت على بالي ومن شوقي بكيت=وانكســر قـلـبـي وهـذا مــا جــرالـي

صـدى النظم غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:02 AM.

Designed by: BAA
Powered by vBulletin® Version 3.8.7
Copyright ©2000 - 2019, vBulletin Solutions, Inc.
SEO by vBSEO 3.6.0
Ads Management Version 3.0.1 by Saeed Al-Atwi