كفّنوني . . وادفنُوا شُوقي معاي=وانثروا الذّكرى على أعتاب بيته
كان ما غِيرهـ بهالدنيا . . مُناي=لا ولا غِيره بهالدنيا . . هَويته
كيف بحيى ليلي مِن دُونه غلاي=وكلّ ليلي كَان في حبّه , حيِيته
كِنت أنا في شُوفته أمسح عناي=أنسى أحزاني ليَا مِنّي , لِفيته !
الوصل فيه إرتوى شِدّة , ضمَاي=فيه اندثر شُوقٍ من غيابه خذيته
فيه القِدر وافق بِلحظتها , رجاي=يكتسيني حُب مِن مبطي نسيته
سيّرتني كِيف ما أدري , خِطااي=وِ اجتمعنا دُون مِيعادٍ , لقيته
رد لي من شوفته ماضي هواي=ثمّ داوى قلب من بُعده كويته
قد مسحت الحب من عالي سماي=وقد نهيت القلب عن حبه نهيته
ما دريت إنه سكن خافي حشاي=صَرح : بِاسمه في تفاصيلي بنيته
أعشقه من منعم أظفاري بصباي=عشق لو يطلب عيوني له عطيته
الحبيب . . اللي ب يدينه دواي=عاد في قلبي وكما الماضي حويته
تهت أداري من العرب فرحة شفاي=وغصب عني أنفضح كل ما طريته

( مَ مثل انفاسك جمال )

آتلعثَمـ ، لَــو تِمرّيني خيآل ،=كِيف حآلي لو هي آلـ صدفه إجـمعتنا ؟
غِيرك إنتي ، مَ بقى لْ غيرك مِجال=كنّ رَبي ، ل بعضنا احْبابٍ ، خلقنا
إيه أحبّك . . مَ تبي ايّت . . سؤال=إيه نبض العشق . . يَ قلبِي ، غِمرنا
مِن عرفتِك . . مَ أبي غيرك مُحال=نعمةٍ إنتِ . . وربّي بِك » رِزقنا «
وردةٍ . . مَ مثل أنفآسك . . جَمال=مَ انخلق ، مِن يشبهك والله بْ زمنا
سِكّرهـ . . ذابت على كَف الكَمال=حسنها فِتنه ، بِـ هـالدنيآ طغتنـا
مَا عرفت ، أوصف شعُوري باعتدال=والله إن الحُب ، قَبل احكي فضحنا
والله إني . . أجمعك بِين الظلال=ثمـّ أبعثر . . كِل هالعالمـ » بَعدنا
ثمّ أسكن . . خافقك حتّى : يقال=لا وطن غيرك ، ولا غيرك وِطنا
ولو بغيتي آقف بــ وسط الرجال=وارفع ب صوتي ، ترآ حبّك ذبحنا
والله إنّي . . واصلٍ حـدّ الهبال=وِ خلي اللّي ما درى عنا . . يعرفنا
ولآ يغرك ، مِن يقول آلحُب » زال «=فترةٍ . . ماتت مَع جيلٍ ، سبقنا
ما يمُوت العشق دام إنّه . . حلال=ودام كِل آمالنا . . بِ ليلة ، فَــرحنا
كلّـها أعوام . . لَـو إنها طِوال=وِ نجني اللي من زمَان أوّل زرعنا
معرسين اثنين : وِ شويّة عيال=صبرنا هذا . . وِ هذا هُو ثِمرنـا

( تِخفي بسمَآتِي حِزن |..

آفرشي يا الشمس نورك وامنعي جنح الظلآم=واقطعِي من الوقت قِصه عن حِكَآيات الحَنِين
مِن عرَفتِك يافَلَآنه ضَآعِ مِن قَلبي الكَـلآم=صِرت تَآيه فِي غرَآمِك بِين آشوَآق و أنِين
لِين أصبح فِي حِضُورك يِحصل لِعقلي إنفِصَآم=يِجعلَك صُورَت مَلَآك سَآَكِنَه بـ دَآخِل العِين
فِي وِصَآلِك تَآه فِكري وصِرت سَآهر مَآأنَآم=مدري هُو شُوقٍ مِلكني ولا مِن بعدك حَزِين

فِي حِضُورِك [ يِبتدي فصل الرّبيع ]=وفِي غِيَآبِـــك تِنتِهي قِصّة زِمن!!
مِن حِنَآنِك [ أشتِري عَآلَم وأبيـع ]=, وِمن جِمَآلِك نِرتوي عَذب الفِتن !!
فِي وِصَآلِك تَآيِهٍ فِكـري وأضِيع |=واليَآ مِن شَآفَتْـكِ عِيني [ تِنـفِتن ]
كَآمِل الأوصَآف [ مِن يُومِك رِضيع ]=حِر طِيرٍ فِي حَيَآتِــه [ مَآنسِجَن ] ..
مِبتلَى فِي الزِّين والفِتْنَه جِمــِيع |=جَآمِع الأنْظَآر مِن شّتى الـوَطن
يامِجيبٍ للدعى يَآ سَمــــــيع=ابن مابينِه وبِين الفِتنه [ حِصــن ]
خلّه فِي دَرب الهِدَآيَه مَآ يِضِـــيع=وابعَده يَآرب عَن كِل الـــ ( مِحَن )

كِفَآنِي بعزّتِي شَيّن خَسِيت وِمَآ وِصَلتَه يُوم=كِفَآنِي بِعزّتِي أجعَل حِشُود النّآس تِسمعنِي
كِفَآنِي وَآثِق الخِطوَه أسِير ومَآ عَليّه لُووم=أسِير ورَآفِعن رَآسِي ومهمَآ النّآس تِلمِزنِي
كفَآنِي بِدنيتِي صَآحِب يِسَآوِي بنظرِتِي هـ القوم=كِفَآنِي مِعَآشِرٍ رَبْعِن يَبُون اللّي يِزَعّلنِـــي
بِنُو مَآبِيننَآ حَآجِز مِنيعٍ بالحِقد مَرمُوم=بِنُو مَآبِيننَآ قَصْرٍ يِجمّع مِن هُو يِكرهنِي
صَحِيح إكثَآر هُم كَآنُو وعَددهُم مَآهُو إبمعلُوم=ولكِن هِيبتي خلّت عِيُون عِذّآلِي [ تِحسدنِي ]
سِهرت بليلِةٍ غَبرهـ عِيُونِي مَآ تِذُوق النّوم=سَهرت بليلِتي وَحدِي ولحدِن دَآرِيِن عَنِّي

جِلست بغرفتي وحدِي اقلب فِكري بـِ رآسي !=سِمَعت بطرقها للكعب / وهي تقرب على بَآبي
أنَآظِر مِير أنَآظِرهَآ / وفجأه ضَآعَت أنفَآسِــي !=وأقُوم ألهَث وَأنَآدِيهَآ / ألَآ يَآ خِيرة أحبَآبــِي
ألَآ يَآ حُبي الأوّل / ألَآ ياخِلِّي ونَآســـــي !=ألَآ يَآدِنيتي إنتِي / ألَآ يَآ ( شُوقي ) في غِيَآبي
تَعبت أخبِّي مِن حُبك وأعِيش بدِنيتِي قَآسـِي=زرَعنَآ حُبّنَآ بقلبِـيـن/ زرَعنَآ عِشق { جَذّآبـِي } ..

تعيش بداخلي هالبنت وانا مِن حسنها مفتون=تعيش بداخلي والجوف وهي للقلبِ هي ظيّه
فداها عيني وقلبي فداها دِنيتي وِ الكُــون ..=صبيّه غِير عَن كل الصّبايا واحلَى حُوريّه
اعيش اليوم ما ادري ( انا مِن دُونهَا مجنُون ) !=انا وان كِنت انجنّيت ترا في ( حقّها شويّه ) !
ترا قلبي وهو قلبي ليَا مِن شافها ( مَغبون ) !=يشوف الزين بعيونه ولا لِه فِيه احقــيّه
مِدام البنت بنت بنوت اناظرها كذا وشلون ؟!=ابنصى بيتهم هالحين واخطبها انا ليّه
تشوف الناس من حسن البنيّه كلّهم لاهُون !=جمال الكون في نظرة عيون البِنت ( خرافيّه ) !
الا ياليتها ملكي واهديها قصـر قَـارُون=لجل ترتاح بِه هالعِمر وتِصبح فيه ( مرضيّه )

منتب بشايف حالتي من دُون عينك=يومك تغيب وتبعدك عنّي المسافه
يُومِك تزيد الدّين وتزِيد بي دِينك !=دِين القطَاع اللّي بحبّك حَسـافه
كنّي طفل مِشتاق انشد انا وينك !=واثرِك سراب بدنيتي واحلى خُرافه

لا نطق لي ايه احبك ارتعش منّه واقول=ما سمعت الكلمه زين لا عدمتِك عيدها
لعن ابو حي المواجع خلها تكفى تطول=فيك انا حتى القصايد ماعرفت لقيدها
في حديث الحُب تهنىآ وتاهت أفكَآر العقول=لِين ضاعت هالمسَآفه وصارت إيدِي بـ إيدهَآ

مدري وِش سر العِيُون تسحَر قليبي بـ نظره !=ومدري وش هُو اللي بقلبي يُوم تسحرني العيُون !
يومهَآ تنظر لِـ عيني ضَاعت افكَاري بـ حَسره !=واحرقَت قلبِي بكحل العِين والنّظرهـ الفِتُون !
كانها بنظره تخلي القلب يفقد كلّ صبره=وكان صبره قد تلاشى بنظرةٍ مِنهَا بجنون
ضيّعت بالزين حرفي وضيّعت للبِيت شَطره=وامطرت قلبي بصوت الحِسن والحَرف الحنون !
غرّقتني بكل كلمه غرّقتني قطرهـ قطره ..=لحظَه تِمدح لحظَه تِشتم عَادي يَاقلبي تِمون ..
وكانها بمره تمَآدت وانْقِصت للقلب قدرَه !=فدوةٍ للي بكحل العِين سوّت بي مِجُون !
ارحميني يَابنيّه وارحمي للقلب عِمره !=وابعدي عِينك عَن اللّي بالكِحل هُم مغرمُون !

( ثلاث حْروف .. | كساها مِن جفاك الـ خُوف .. )

على ربي عسى ربي يفرّج ضيقة المهمُوم=على ربي عسى ربي يسهّل كل خطواتي
سِهرت الليل طول الليل أفكر فيك انا مانوم=عذابي والعذاب إني هَويتك كِثر سجداتي
عيوني قلبي واحساسي ونبضٍ بالهوى مزحُوم=يعيشك يعشقك يهوى طيوفك وسطها ذاتي
أنا المُغرم وأنا الهايم وانا اللي بالهجر مرحُوم=وانا اللي لا طرى ذِكرك بكت بالشوق أبياتي ..
هجرني الشعر من بعدك وصاحبني الشقا واللوم=وزاد الدّمع بي حسره وزادت بي .. مُعاناتي ..
غديت أكتب على ظَهر السعاده .. مِنّها مَحرُوم=زمَانٍ ماضيٍ عدّا وماتت فيه . . بسماتي
رسمت بصوتي لك قصه كِتبها حظّي المشؤوم=نثرها بوحي العاشق على ساحل .. متاهاتي
وست شهور بي مرّت وانا ردد ألين اليُــوم ..=عسى مِن قفّت أقدامه , يعوّد ثاني ويَاتي
ثلاث حْروف يا قلبي تضيّع في خفاها نجُوم=تخلي الساكن الجَامد ليا غابت بها يحاتي ..

للثواني صُوت وِ احساس وِ حنين=وللدقايق فِي غيابك ألف " نَبره "
وللشعر أحوال مَا ظنِّي . . تِزين=من فرَاقك تِرثي الماضي .. وِتشره
كَم سِهرت اللّيل والهاجِس حزين=وكم تعشّمت اللّقى ولا صار .. مَرّه
بِك جعلت العقل .. يِتربّع ألـيــن=صِرت أشُوفك َيالهوى في كِل نظره ..
وين ماحطّت عيًوني بِكل .. حِين=مَا تشُوف إلّاك يَ نبضِي وِ عمره ..
يا هَوى شعري ويا بُوح .. السّنين=ويا ضِيا أمسي , علَى يُومي وبكره ..
اسمحي لي .. قبل حتّى , " تِسألين "=بكتب اللي ما قوى قلبي .. بِ نثره ,
زُود ما حِبّك . . تِخيّلتك , تِجــــين=تطلبين الوَصل في .. حِلوه وِمرّه
إيه أنا .. في دافي اهدابك , رهين=إيه أنا اللي ضَآع بِك عقلهه وِشعره
إيه أنا اللي لَو عيوني . . تَطلبيين=شلتها لِك دُون لا أشعر .. بِ حسره
مكسب الدّنيا لَو وِصالي : تَبين=بكتفي بِه عن بِقى العَالم .. بِ أسره
اوعديني .. بالوفا , كِلّ السّنين=وانّك معي حتّى ليا قالو .. بقبره ..
أحباب نبقى .. لو تفارقنا اليدين=ولو تجرّعنا العَنى قَطرهه .. بِ قطره
في وَسْط عيني .. كِلّ ما رفّ الحَنين=لِك صُورةٍ تِسعد الخافي .. وِ تسرّه

( ذكرى مكان )

جيت المكان اللي هجرته من اعوام=نفس المباني ونفس صُوت العصافير
هز اشتياقي خافقي بضعـة أيّـام ..=سِر القطاعه ، وِش له اليوم تبريـر
أوّل جهلت الدّمع من طِيب الأحـلام=واليُوم عندي من دمُوعي صنابير ..
كِل الذي عدّا بِـهالوقت " أرقـام "=وكل الدقايق فَانيه وِعمري قصيـر
لِيت الخليقه تِفهـم بْيـوم وِ تنـام=وتصبح مِثل ماهـي بْـدُون تَغييـر
نبقى ب وفانا لباقي النـاس أعـلام=مَع بعضنـا نِبقـى بكـل التباشيـر
نرمي ورانا الهم ، والفَـرح قِـدام=ونعيـش دِنيانـا بليّـا تقاصـيـر
خلّان نِبقـى وِلـو تِباعدنـا لِعـام=تبقى القلُوب أحباب ولو فِيه تقصير

لا مِن غدا كل الحكِي : صَمت !=وكل الدقايق و الثواني / سنين ..
ولا من غدا ليلي ونهاري إنت=لابُد لي أذبل ويقتلني ( الحَنين )

بعثريني بصمت ثُمّ اجمعيني=واسرقي كل الثواني من شغفكِ ..
واكسري ثقل العطايا واحضنيني=بين اهداب افتتاني / وخاصرتكِ !
يا عذابي كلّ ما قلتي تبيني ..=قبل لآ أنطق عيُوني : جاوبتكِ ..
رعشةٍ كِل ما طريتك تكتسيني ..=لعن ابو حيّ المفاتن طاغيتكِ ..
اكذبي ليله وروحي لا تجيني ..=وادري بخطاكِ بتجيني سابقتكِ ..
مثل ما حبك تراكِ تعشقيني ..=وعن بقى ناسك تفاصيلي خذتكِ ..
جنّة الدّنيا بعينك شوف عيني ,=سلهمة عينٍ لمحتي / واشغلتكِ !
هايمٍ كل الهوى " بينك و بيني " ,=إنفتان الشّعر تاه بْ مملكتكِ () !

( ألف عام )

رَوّحي عن شوق عينك لِ اللّقى ..=واحضني كفّ التمنّي , والغرامم
والله انه ما ل شاعركِ " بقى " !=من رحلتي ما غفت عينه ونامم ,
والله إنّه لابسٍ ثُوب الـ شقى ..=مِتّخذ سُود اللّيالي لِه .. لثام !
غير سِم الشّوق مآقِد إنسقى ..=حظّه المِسكين دايم فِي ظلام ..
في نزُولِ ما خبرتِه قِد رقى ..=ولو رقَى صِدفه يِتوّه الغَمام ..
لاوطن له لا صحاب واصدقى ,=ما صَديقه غير قِلّ الإهتمام "(
هايمٍ يبحث ب أبياته لقى ..=ومالقى إلّا أماني ألْف عام !
صُورتك ذكرى بعيني مفرّقى ..=لملميها بجيّتك , ودِّي أنام !!

مرّت على بالي و مـن شوقي بكيـت=والعالم الله من طرت لي وش جرالـي
كنـت اكــذب يــــوم قلت إنّي إنتهيــــت=كان قـصدي : تــــوّه الحـب ابتدا لـي
مرّت وانا من دون لا أشعـر حكيـــت=مشتاق واتعبني هـوى من هي ببالي
اكـذب على نفسي واقول إني نسيـت=ومــــاشــــوف إلاهـــا يـراودني بخيالي
كــــلّ مــــا حــاولت أبعـد مـــــــا قويت=أقـــــــرب أكثر كــلّ ما أبعدت حــالــي
تدرون بانّه من على الدنيآ صحيت=قربهـا وبس قـربها هـو راس مـالي
إن حكــيـت العمر كــلّـه مـــــا وفـيت=وان شكيت الحال من يسمع سـؤالي
هــي تــــرا أسباب شعري ، بيت بيت=يـــا انفتاني في هـواها ويا انشغالي
أكتب و أكـتب و أكـتـب مـا اكتفيت=فــــي محبّة مـــن فــــداها كل غألي
مرّت على بالي ومن شوقي بكيت=وانكســر قـلـبـي وهـذا مــا جــرالـي