الشاعِـر : شاكـر عمّـاش
ظلام الليل وانسام الشمال ونايحـات الـدووح=تسوق النفس في درب القصايد ليـن تغرينـي واغنيها على الناي الحزين بصوتي المبحـوح=وتطري لي مشاوير الغـرام ولوعـة سنينـي وارددها وانا ادري بالنتيجه سهر عين ونـوح=محطات الشقاء في رحلة الذكـرى عناوينـي اكن الغيض وبروق العنا خلف الضلوع تلـوح=وعزة نفسي بدرب الخظاء ترفـض تمشينـي غريبٍ في زماني عشت غربة ذات غربة روح=عطيبٍ مابقـى لـي بالزمـن شـيٍ يسلينـي جريحٍ في زمـانٍ قاسـيٍ مايرحـم المجـروح=صريحٍ واشهد ان لولا الصراحه مابكت عينـي انا ماكنت اصدق من يقول ان الصدور تفـوح=الين النار شبـت فالحنايـا واسرفـت فينـي الا ياهم يكفي ماحصل مالـك معـي مصلـوح=يكفًـي ماوصـل مانـي بصيـدك لاتعنيـنـي انا من لي بدرب اهل الوفاء واهل المعزه شوح=خطايه يوم مع درب الهوى سجيـت رجلينـي عزايه هو شقايه ذكريات المتـرف المملـوح=جميل الوصف حبه عن جميع الغيـد معمينـي وليف القلب انا فشباك حبـه بالغـلا مطـروح=موسيقى الشوق تعزف له من ابياتي وتلحيني تسميني غلا الدنيـا ومـرات بنديـم البـوح=واسميهـا بمملكـتـي معـذبـة المزاييـنـي هذاك اول يوم ان الوصل مع كل الغلا مسموح=ولكـن دارت الدنيـا علينـا وينـه ووينـي سقااك الله يادربٍ معه كم كنـت اجـي واروح=ورعاك الله يادارن سكن بـك كامـل الزينـي الا يالي تعرفونـه مـدام ان الغـلا مفضـوح=ابي لا من لفاكـم تنصحونـه لجـل ثنتينـي الاولى لجل دمعٍ من سبب بعده غدا مسفـوح=بعد مامت مـن سبـة جفـاه ابيـه يحيينـي وترى الثاني سبق قاله سعد علووش يوم يبوح=اقولـه بدبـل ابـه كبـود ناسـن ماتدانينـي |
الشاعِـر : شاكـر عمّـاش
( رغبة الممنوع ) على ذكرى الغياب ونار شوقٍ بالحشا مكبـوت=يكفًي ما مضى من صمت سبة قسـوة أيامـي ألا يالجرح خاويتك وطوَلنـا جميـع سكـوت=ألا ويش آخر المشوار دامك جرحـي الدامـي أنا منهو يجر الصوت لجلك والعبـاد خفـوت=أنا منهو على دربك تعبـت أسـوق الأقدامـي أنا منهو غدا من سبًتك لهمـوم وقتـه قـوت=أنا اللي بسألك وش تستفيد بشوفـة حطامـي أنا اللي جيت اغني لك على لحن الهوى ببيوت=احسب أن الشقا خلفي ولكـن صـار قدامـي أنادي رغبة الممنوع ردت يـا هـلا بالصـوت=وسرَتني على درب الحنين ومصـدر إلهامـي أقول أنتي كما الدر الثميـن وغالـي الياقـوت=وتقول انته منى كل السنيـن وبهجـة أيامـي غرقنا والغرق قالوا شهيد اللي سببـه يمـوت=وأنا ما مت في وسطه وأنـا مانـي بعوامـي أماني والأماني شفتها قدمـي تجـي وتفـوت=يصًرفها ردى حظي عن الباقي مـن أحلامـي وأنا لا من ذكرت عقاب وأفعاله لخاطـر نـوت=اعزي خاطري دام الحقيقـه مثـل الأوهامـي ومدام أن البحر في هيبته ما ألغى وجود الحوت=صدق من قال:وقتك لا صفالك عـل ياضامـي |
الساعة الآن 07:30 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0