فكري تغيّر وقلبي زايدٍ همه = ودموع عيني على الخدين هماله
سبة نهار الخميس العصر يايمه = يومٍ علي اثقل من طويق وجباله
دقيتنا ابغى اتطمن جيت بمطمه = حصّلت علمٍ يهز القلب زلزاله
لابوك يالهاتف الجوال من زمه = يغيّر الحال من دقه الى حاله
ردت علي سسترٍ ماهيب مهتمه = قالت ترا ابوك مات وميّل ظلاله
ساعة وصلت ولقيت الناس ملتمه = ضاقت علي الوسيعة واتحراله
وقّفت محتار مدري وينها اليمه = جوني يعزون كلاً يدعي لحاله
قلت ابعدو عني وخلوني اظمه = لو لحظة تشوف عيني عينه قباله
تكفون خلوني اقرب منه واشمه = وودعه قبل عني تقفي رحاله
قفوبه وقمتنا ادعي كاشف الغمه = الهنا اللي علينا ما احصي افضاله
واقول يارب حرم عظمه ودمه = من لاهب النار واقبل صالح اعماله
واجعل مامره طهور ومانقص تمه = واسالك يارب جعل الخلد منزاله
مرحوم يامبعد الهقوات والهمه = مرحوم ياللي علوم الطيب تثناله
مرحوم ياطيب الاخلاق والذمه = يامغني نفسه ويامرخص رياله
ماهوب بين الرفاقه ينقل النمه = يدفع من اجل التوحد روحه وماله
الفضل للهِ ما اذكر واحد يذمه = يالله يارب جعل الخلد منزاله

-

عظم الله أجرك , الله يجعلهآ آخر الاحزآن . .
والله يرحم الوآلد ويسكنه آلجنه وجميع آلمسلمين . .

المشاركة الأصلية كتبت بواسطة همسآت (المشاركة 3800059) مرثيّه بِ حروف وأوزآن وقآفيه رآئعه جداً مُحزنه خآرجه من الأعمآق رحمه الله وأسكنه فسيح جنآته ومسح الله ع قلبك بِ الصّبر موفّق إن شآء الله . .

كم هو شعور موجع
حين ترثي اعز الخلق لك ..

بن راشد النتيفات
صح لسانك واعتلى شانك

والله يرحمه ويغمد بروحه الجنه
لايسعني
الا الدعاء بِ صمت ..

فَ مَ يحتاجه الان
صادق الدعوات P9


ولكونها مرثيّـه صاخِبـه
تتثبَت P9 ..

المشاركة الأصلية كتبت بواسطة الهلال أنفاسي (المشاركة 3800089) ` * مرثيه يتخلخلها الحزن على أباً يملك آبن بار رحمه آللـه واسكنه فسيح جناته

المشاركة الأصلية كتبت بواسطة أحببك بجنوون (المشاركة 3800355) ابيااااات اليمه ... والله يرحمه يارب ويسكنه فسيح جناته وكلنا ماشين على نفس الطريق .. يعطيك الف عافيه ...

المشاركة الأصلية كتبت بواسطة ŜüŁ6άйάĦ (المشاركة 3801305) - عظم الله أجرك , الله يجعلهآ آخر الاحزآن . . والله يرحم الوآلد ويسكنه آلجنه وجميع آلمسلمين . .