ادرى من زمان عن هالقسم
لكن مشاغله بالدراسه بالخارج
قلت انزل قصيدتي
وهي مخاطبة اهلي بما اني بعيييد عنهم
منطقتي تمبي في اميركا

أنا وسط tempe جالسٍه والصبر معدوم=هو عزي لمن هو غاب عن ديره احبابـه
انا راضيه عند قـدرة الله والمقسـوم=لكن الصدر ولع مـن البعـد مشهابـه
باوصيك ياطير السما لا قلبت الحـوم=سلام على الشايـب والربـع واللابـه
وأخص السلام لشايبٍ لي عـداه اللـوم=وقف لزمن يوم الزمن كشـر انيابـه
انا في حسن ظنه وإذا هو يريد اعلـوم=ترى كل شئ زيـن والشيـن يدرابـه
ترى فرخ ذاك الحر ماهو بمثل البـوم=وكل(ن) على درب الوفا يتعب ركابـه
يالله ياللـي تسمـع لدعـوه المظلـوم=إذا اظلم عليه الليـل واكثـر تطلابـه
عسى الله يلم الشمل لامر يـوم ويـوم=ويشفي غريب عايـف مـن تغرابـه
واواجه عجوزن أحبها من زمان ودوم=إلي من طرت بالقلب تنزهد به أعشابه
غلاها بوسط الصدر بين الضلوع يحوم=عسى الله يشافيها من البـأس واسبابـه
انا وسط tempe جالسه والعلوم علـوم=تعديت حـد الصبـر والعيـن هذابـه