*> يوم من أيام الطالبة الكويتية <*
 

شلونكم أعضاء منتدى لقناص .. عساكم طيبين ... راح أدخل بالموضوع بسرعة ... اليوم بكتب موضوع
عن يوم من أيامي الدراسية ......
يبدأ اليوم الساعة 6:00 الصبح ...
الخدامة : يالله قومي باس مدرسة الهين يجي . ( لغة الخدم مثل مانتو عارفين )
بنت العدواني : الله ياخذج انتي والمدرسة .. طلعي وبعد 5دقايق راح أقوم .
تمر 5 .. 10 .. 15 دقيقة والأخت ليلحين نايمة . خخخخخ
الخدامة : يالله قومي باس يجي بعدين روح ... منو يودي انتي المدرسة بابا وماما نوم ..
بنت العدواني : استغفر الله .. كاني قايمة ..
طبعا كالعادة قايمة والنفسية بالخشم .. تغسل وجهها .. يبا الحمدلله تعدلت النفسية شوي
تلبس دلاغها اللي كل يوم شكل ولون غير وجوتيها عزكم الله ...
تلبس قميصها الأبيض ومريولها الرمادي ... أكيد طالبة ثانوية شتبي تلبس يعني
المهم عقب ماألبس حجابي أحط شوية مرطب ومسكرة وكحل .. رايحه لعرس مو مدرسة
بيييييييييييييييييييبييييييييييييييب يالله الباص جه خل ألحق لا يروح عني
أركب الباص .. وأسولف وأضحك مع البنات .. لاوصلنا لخط البحر .. بس تعالو وشوفو
أسراب السيارات ورانا .. اللي يشوفنا يقول موكب سمو الأمير ...
نوصل المدرسة .. أسلم على رفيجاتي ... ترررررررن
أفف بدا الطابور القثيث .. تفتيش أظافر وكرنيهات حشى قاعدين بسجن واحنا ماندري
ماان تقول الأبلة انصراف للساعة الأولى .. الا وماتشوفون ولا طالبة بالساحة وينهم قاعدين
يتمشون بالمدرسة قبل الساعة الأولى .. وأكيد آنا من هالطالبات ...
الساعة الأولى ( الأحياء )
أحياء وما أدراك ماالأحياء ... جهاز عصبي ومناعي وتنفسي والخ من الأجهزة
لدرجة أني في هالساعة أحس ان أجهزتي تعطلت من كثر الهذرة ..
ترررررررررررررررررررن
حطي رجلج يابنت
يوووووووو علي رياضيات ... مالي خلق للساعة والأبلة المليقة ... أطلع كتبي .. وفي طريقي
للساعة أصادف رفيجاتي وروح سوالف ..... يالله يالله بسره لا تزفني الأبلة
الساعة الثانية ( رياضيات )
يالله عاد تفرغي حق نظرية واحد واثنين .. + _ * / .. وسالب وموجب ......
وعليكم الحسبة عاد ..... هههههههههه
تررررررررررررررررررن
الحمدلله مابغت تخلص الساعة .. امبي بسرعة خل أطلع كتبي الانجليزي عشان المس ماتزفني
بروحها ماتحب التأخير .........
الساعة الثالثة ( انجليزي )
طبعا آنا والدرج واحد ... والأبلة تهذر على راسي .. مع أني أحب هالساعة ؟؟؟؟
بس مالي خلق صايرة ..........
ترررررررررررررررررررررررن
هيااااااااااااااا خلصت الساعة وجت الفرصة ... يافرحتي أبي أريح شوي من الدراسة
أروح للكفتيريا ؟!؟! شهالزحمه ياربي شسوي الحين بروحي ماأحب الزحمة ..
المهم أتقلقص بين البنات عشان أشتريلي بيبسي وشبس
تررررررررررررررررررررررررن
لااااااااااااااااااااأ ليش تخلص الفرصة ... أقول خل نقعد وبعدين نروح للساعة كلها اقتصاد
الساعة الرابعة ( اقتصاد منزلي )
عاد الأبلة طالبه منا خام عشان نخيط مدري شعبالها وين قاعدين بmission fashion وآنا مادري
وبهالساعة بالذات نبسط تحت الطاولة وناكل حب ونسولف آنا ورفيجاتي ... ولا قربت الأبلة عندنا
طلعنا خامنا وسوينا عمرنا نخيط واحنا مودينها للخياط عشان يخيطها ..
تررررررررررررررررررن
هيااااااااا علي بدنية يافرحتي ... جايبه معاي تي شيرت على صورة ياسر أبتشيحط على البنات
الساعة الخامسة والأخيرة ( بدنية )
لبست ملابسي وسويت شعري .. طلعت مت غرفة التبديل الأبلة منصدمة .. مين ده يابنت
توم كروز ولا براد بيت ...... لا أبلة هذا ياسر القحطاني .. أحسن لاعب يلعب كرة قدم ..
ترررررررررررررررررررررن

وأخييييييييييييرا راح أرد البيت .. أركب الباص ونفس الايقاع لاوصلنا لخط البحر يصير
مثل مايصير الصبح ...... وعقب ما أرد للبيت الا راسي مصدع أدور الفراش عشان أناااااام وأرتاح

هذي المواقف تصير معاي يوميا بالمدرسة ... عاد لاتحرموني من ردودكم .. ورايكم في يومي الدراسي

رد : *> يوم من أيام الطالبة الكويتية <*
 

.هلا بنت العدواني ما كنك زوتيها شوي
وإنتي عارفه شنو أقصد أكيد عرفتيني
من النك مالي، أكيد تعبتي شوي من كتابة
الموضوع ،على العموم على الله يعجب أعضاء
المنتدى مع أني ما أضن ههههههههههه
الداعية لكم بطول
العمر نوراا

رد : *> يوم من أيام الطالبة الكويتية <*
 

مشكوووره اختي على الموضوع

وفي شبه كبير من يومي الدراسي

من جد روتين يملل

تقبلي تحياتي :)

رد : *> يوم من أيام الطالبة الكويتية <*
 

.
.
.
الله يعطيك العافيه أختي و اليوميات لكل ( طلاب ) الخليج تكاد تكون متشابهة
تسلم يمينك لا هنتي : )

رد : *> يوم من أيام الطالبة الكويتية <*
 

ألله يعطيك العافيه

حبيبتي مشكوره ايامك نفس ايامي

رد : *> يوم من أيام الطالبة الكويتية <*
 

لبست ملابسي وسويت شعري .. طلعت مت غرفة التبديل الأبلة منصدمة .. مين ده يابنت
توم كروز ولا براد بيت ...... لا أبلة هذا ياسر القحطاني .. أحسن لاعب يلعب كرة قدم ..
7
7
7
7
7
7
7
7
خخخخخخخخخخخخخخخخخ

رد : *> يوم من أيام الطالبة الكويتية <*
 

تسلمييييييييييييييين يابنت العدواني تراني مازعلت انك قلدتيني بالعكس اعطيتني دافع قوي علشان احس ان موضوعي ناجح ...............
عالعموم كل وحده كتبت الموضوع بطريقتها
تقبلي مروري اختك لميااااء

رد : *> يوم من أيام الطالبة الكويتية <*
 

الله يعطيك العافية بنت العدوانيييييييييييييي نفس الحالة .

رد : *> يوم من أيام الطالبة الكويتية <*
 

يسلمو على هالروايه الحلوه بس عندي كم نقطه حبيت اعلق عليها
1_فيه بعض المصطلحات يبيلهامترجم بصراحه مثل ((دلاغها))؟!
2_مشاء الله عليكم وشذا الشباب الي رايقين يلاحقونكم عالصبحيه والظهريه؟!
3_ياحليل ياسر شعبيته تعدت حدود السعوديه.. اعجابك به وانتي كويتيه وغيرك ناس كثير من الكويت والامارات وغيره عبروا عن اعجابهم بياسر والهلال..هذي شهاده نعتز بها احنا الهلاليين في انجاز غير مسبوق بان تتعدى جماهيرية النادي حدود الوطن
4_ياحظكم عندكم بدنيه... هههههههههههههههه
5_ليش تسمون الحصص ساعاات؟!
6_ياسلاام ليش انتو عندكم خمس ساعات بس واحنا سبع حصص((هذا في الحكومي ولا الملاقيف الي زيي داخلين اهليه ينكرفوون في تسع حصص))
7_شفتوا الفيديو كلييب الي سووه الشباب خطيير صح..
8_لا بس سلامتكم..
9_طولت علييكم صح ..خخخخخخخخخ
10_لابس مصره اوصل لعشره.. ابشركم خلااص هذا اخر شي

رد : *> يوم من أيام الطالبة الكويتية <*
 

يعطيك العافيه يا الكويتيه وهلابك بينا نورتينا

رد : *> يوم من أيام الطالبة الكويتية <*
 

مشكوره يا بنت العدواني كفيتي ووفيتي.....ويا حلاتهم بنات الكوت عسل والله عسل

رد : *> يوم من أيام الطالبة الكويتية <*
 

ياكثر البنات في المنتدي ماشاء الله ،،

رد : *> يوم من أيام الطالبة الكويتية <*
 

مافي يوم من ايام الطالب السعودي ههههههههههههههههه

رد : *> يوم من أيام الطالبة الكويتية <*
 

من جد حصه البدنيه فللللللله
تسلمين ياقلبي


http://www.cooolgirls.com/images/smilies/019244.gif http://www.cooolgirls.com/images/smilies/019244.gif

رد : *> يوم من أيام الطالبة الكويتية <*
 

لوووووووووووووول

شقرن..

تحياتي لك ..,