شبكة القناص - الموقع الرسمي للاعب ياسر القحطاني - [[ كفاكم أحقاد .. يا من تدّعونَ الإنتقاد ]]

- صوت جماهير القنـاص (http://www.alqanas.com.sa/vb/f2/)

[[ كفاكم أحقاد .. يا من تدّعونَ الإنتقاد ]]

السلام عليكم
مساء الخير

كيفكم إن شاء الله طيبين ..

بداية أهني الكابتن ياسر القحطاني بمناسبة مرور عامه الـ 29 وأقول
إن شاء الله طولة العمر لك وسنين وسنين تحتفل بأعوامك يارب ،

كشفت لنا مباراة تايلند بعض العقليات الحاقدة على ياسر واللي ماكانت تتابع مباراة تايلند
بقد ماكانت تتابع زلات ياسر فقط ، وأحب أقول وجهة نظري في مستوى ياسر في المباراة
ياسر كان من أفضل الموجودين ولم أقل أنه أداءه ممتاز لكن مرضي نوعاً ما ،
وأفضل من المباريات السابقة و على الأقل هو أفضل من ناصر ونايف في الهجوم ومستوى
ياسر في تصاعد مستمر ، لكن فيه بعض العقليات اللي إذا قالت كلمة ماتردها أو بمعنى
أوضح مايبون يعترفون بالحقيقة لأنها مرة وليثبتوآ أن نظرتهم على حق وفيه جمهور صغير
سن ويتابع المحللين ويصدقهم وياخذ بكلامهم ويجي يتكلم وكأنه فاهم شيء وهو (( من جنبها ))

*أعطيكم بعض النماذج لبعض الجماهير :

أقتباسأي مندسين وش هالكلام
ياسر فعلا ماقدم شي وحتى ناصر الشمراني ماقدم شي
ولا نايف هزازي (الهجوم السعودي فااااشل)
أتمنى إستدعاء عيسى المحياني للمنتخب

هنا أعتقد إذا عرف السبب بطل العجب ، إستدعاء عيسى هو من جعله يحارب
ياسر فقط لأن عيسى لاعبه المفضل عشان كذا هو مستحيل يمدح ياسر لو إحتسب
الهدف الملغي وفزنا على تايلند ، لأنه ماراح يلقى عيسى فرصة في المنتخب
بوجود ياسر <<< يعني إنتهى من الهلال وطمع بشيء أكبر وهو المنتخب ، مع
أن ياسر قدم مباراة أفضل وياسر أفضل بكثيييير ولايقارن بعيسى أبداَ ، وهذا أي عاقل
راح يقول الكلام هذا ويعرفه بعد ، وللتوضيح فقط عيسى إستدعي للمنتخب في أفضل
فترة مر فيها المنتخب بالجيل الحالي وهو تحت قيادة المدرب أنجوس ، لكن المدرب
أشركه في مباراة ودية واحدة فقط وبعدها إستبعده عن التشكيل لمباريات آسيآ ومع
إحترامي لعيسى لكن لو فيه خير مارماه الطير ويبي يلعب عيسى وهو إحتياط من 4
سنين في نادية وهذي السنة الخامسة بس لأنه يبي عيسى يلعب
وبس << على حساب منتخب كامل ...!! pp13 هنا والله موب حقد
على عيسى أو ما أبيه ينظم لكن أن يحارب المهاجم القدير والفذ الكابتن ياسر
لأجل عيسى ، هنا لازم أقف عندها وأوضح الحقيقة اللي متأكد أن الكل راح
يأيديني عليها ، وخل عيسى ياخذ فرصة في ناديه بعدين إستعديه للمنتخب .. pp13

*وهذا واحد ثاني :

أقتباسياسر ماهو ياسر الأول
تتذكر هدفه اللي بالأهلي ( التاكسي )
تتوقع لو ياسر مستواهـ مثل الآن بيجيبها
اللاعب صار ثقيل
تمركزهـ احياناً خاطيء ( كله تسلل )

يبي ياسر يجيب هدف مثل التاكسي .. طيب لو حاول يجيب
موب راح يقولون إترك عنك الأهداف السينمائية وجيب قول وبس ..؟؟
ومع هذا جاب قول وألغاه الحكم ولا أرضاهم ، لكن إرضاء الناس غاية
لاتدرك ،
بعدين بالله هذا شايف أي مباراة .؟ ليته سكت أفضل .
ياسر في أحد الهجمات كسر تسلل الدفاع التايلندي وشكل
هجمة خطيرة ، لكنه ماراح يشوفها لأنه موب فاضي الا يتابع
زلات ياسر ،، عشان يجي يطقطق في المنتدى حاله حال غيره
لمثل هذا أقول :
((تكفى لاتتكلم مرة ثانية .. لأن المنتخب أكبر منك ))

* وهذا جزء ثاني من كلامه :

أقتباسولاتقدر تحكم على الشمراني او غيرهـ من اللي دخلوا بربع ساعه
وثلث ساعه وتقارنهم بلاعب من اول المباراهـ

بانت النظرة وإتضح الحقد على ياسر .. أشوف طلع لسانهم الحين .
وينهم في مباراة إسترليا اللي إنهزم فيها المنتخب ولاشفنا ولا هجمة صاحية ..؟؟
ولو دخل ياسر في إستراليا في آخر 10 دقايق لحملوه المسئولية وماقالوآ
لاعب بـربع ساعة .. بس والله كلام (( ....)) .
ليش ماقال الكل كان سيء لأنهم ماقدموآ مايشفع لهم في مباراة إستراليا اللي
لو متعادلين فيها ماكان هذا حال المنتخب ولا مركزه ..موب يجلس يدافع عن
اللي يبي ويهاجم اللي يبي ..p7 مشكلة اللي مايعرف ينقد والله .. pp13

*وهذا واحد ثاني مسمي نفسه الناقد الفنان << pp13:

أقتباسكيف يجي افضل لاعب
مهاجم انتهى خلاااااص اتمنى اعتزاله الدولي والتركيز مع ناديه
والله لو يلعب هزازي بالمنتخب كان ماصار كل هذا

هههههههه صحيح لو نايف يلعب كان إنهزمنا مثل مباراة إستراليا .. ويقول ناقد
فنان ههههههه ..!!p6 وأنا اعتقد أن الناقد الفنان هذا إتحادي .. المشكلة
أن ياسر سجل هدف في مباراة تايلند .. pp13 ،، أعتقد أنه يشوف
الدنيا بالمقلوب ،

والله ماضيع المنتخب الا جماهير بالعقليات هذي ليتهم يكتفون
بتشجيع المنتخب ومؤازرته فقط حتى والمنتخب بهذا السوء ، لاينقدون
ولايتكلمون ، والله أفضل يشجعون فقط ،
ياسر أكبر من العقليات هذي والمنتخب أكبر ، إذا الهلال إستطاعت تحكمه
عقليات مثل هذي فالمنتخب أكبر بكثير من نادي الهلال ، وأنا والله ما
أقصد كلمة سوء لنادي الهلال أو لأي مسئول فيه كلهم لهم كل الإحترام والتقدير،
لكن أتكلم عن عقليات تحكمها العاطفة ومثل العقليات أعلاه لو ياسر جاب
هاتريك بيسكتون ، لكن موب معترفين أن ياسر لاعب كبير ويلعب مع
مجموعة موب لوحده وكما قال (( نظرية اللاعب الواحد إنتهت فالكل
للواحد والواحد للكل )) لكن ياسر قال الكلمات هذي للناس اللي تفهم وش
معنى الجملة هذي .. وأحب أفسر معناها للأطفال أعلاه أن الآن إذا لم تؤدي
المجموعة فماراح يأدي اللاعب لوحده ، وهذا ماحصل في مباراة إستراليا وليس
تايلند لأن المنتخب ظهر في المبارة الأخيرة بمستوى جيد وأفضل مباراة قدمها
المنتخب حتى في كأس آسيآ هي أفضل مباراة له ، وقدم فيها الكابتن ياسر
أداء جيد وأفضل من البقية ،

نقطة ثانية :

في إحصائية للاعبي الهلال العام الماضي ومن ضمنهم الكابتن ياسر :
أن الكابتن ياسر القحطاني لعب 29 مباراة سجل فيها 18 هدف
بينما نجمهم الفذ والهداف p6..!!! عيسى المحياني لعب
30 مباراة وسجل 10 أهداف فقط .
هنا دليل لكل من يقول عيسى أفضل من ياسر ويبيه للمنتخب كمان ..!!
وتوضيح للقاريء بالأدلة والإثباتات لكل من يدعي أفضلية عيسى
والإحصائية تثبت أيضاً أن عيسى مع كامل الإحترام له لايقارن بالكابتن
ياسر أبداً وفرق كبير جداً وشاسع بينهم ، وأيضاً أن لاننسى أن الموسم اللي
راح كان ياسر يصاب بين فترة وأخرى غير إنضمامه للمنتخب بعكس
عيسى اللي مرتاح ولا إرهاق ولا ((ينكرف)) ، ومع هذا ياسر معدله أعلى
من عيسى ، ربي يوفق الكابتن ياسر ويمتعه بالصحة والعافية ،،

((وهنا الإحصائية لكل من يريد يتأكد ))

نقطة أخيرة :
ياسر حتى لو نزل مستواه على الأقل في وجوده بيكون فيه هيبة للمنتخب
وشفنا كيف الهيبة إختفت في مباراة ستراليا والضياع اللي عليه اللاعبين بعد أن
كان ياسر في الإحتياط ،

هذي كلمة حق ولازم علي أقولها للاعب بحجم الكابتن ياسر ،،
وأهمس في أذنه (( لاتلتفت لهم لأنهم لن ينصفوك لو جلبت لهم كأس
العالم ، فالحقد تمكن منهم والآن هم يحاربوك فقط ولا ينتقدون لمصلحتك
أبداً )) .. وأيضاً حبيت أقول شوفوآ توقيعي فيه كلمة لأحد الكتاب ماذا
قال عن ياسر . .؟!

أعتذر ع الإطالة :$
وأتمنى كلامي يرقى
لذوقكم ولكم أرق تحياتي .
P9pq5