الشعر نقض وضد نقضه فتلي=وانا دخلته مادخلته ختلي
اعبر بما في ضميري وادرا=هرج هزيل منه ماينصتلي
وهرج يجمل صاحبه لاقاله=والله لقوله لو يسبب قتلي
مانيب من يرمي ولايازنها=بشوتلك وانته مثل شوتلي
واليوم صغته في لزوم لازم=واجب علي والواجبه نادتلي
في موقف ما انساه لين اودع=ساعة نخيت الذايره فزتلي
واقول ردا للجماله مني=الله يبيض وجه من صوتلي
من ربعي اهل الوقفة المعروفه=وخلاني اللي يحتمون المتلي
ما احدا تعذر يوم جيته داعي=ربوعي اللي في الوعد ردتلي
جاوك كما سيل حدر واديه=شاش الفكر من عقب ماصكتلي
ما انسا جمايلكم وانا باردد=الله يبيض وجه من صوتلي