شبكة القناص - الموقع الرسمي للاعب ياسر القحطاني - رد على شاعر نصراوي يتمنى أن يرى التمياط بقميص النصر .., احلم علي قدك هههههه؟

- الجمـهور الهــلالي (http://www.alqanas.com.sa/vb/f34/)

رد على شاعر نصراوي يتمنى أن يرى التمياط بقميص النصر .., احلم علي قدك هههههه؟

بسم الله الرحمن الرررررحيم

نشر في جريدة الرياض يوم لخميس 22 ربيع الأول 1427هـ - 20 أبريل 2006م
العدد 13814

قصيدة للشاعر سعود الشبرمي راق له أداء نجمنا الدولي نواف التمياط
في نهائي كأس ولي العهد
فكتب هذه الأبيات التي تمنى من خلالها ان يرتدي التمياط قميص النصر
ولو على سبيل الاعارة..

كانك تحب الفن تابع لنواف --- حتى تمتع في فنون المهاره

إبداع في الميدان تسديد وأهداف --- خلق ورجوله وانتماء وطهاره

أذكره واذكر قول من بعد خطاف --- علق به الحارس بشوته يساره

نواف لا جنح وسحب بالأطراف --- فعلاً تحس اللعب ذوق وجداره

لا داعب الكورة وفكر بالاسراف --- يطربك بالتكتيك.. فكر وشطاره

ان فاز عادي.. امتواضع ولا شاف --- نفسه ولا قلل لخصمه خساره

قالوا عظيم وقلت معدوم الاوصاف --- قالوا خلوق وقلت نص العباره

قالوا تمنى في الملاعب لنواف --- قلت النصر في يوم يلبس شعاره

قالوا محال وقلت هالحلم لا طاف --- على الأقل يلعب معاهم اعاره

فتحركت مشاعر ( شاعر هلالي )

فررررررد عليه شووفو الررد

(( أنا هلالي ))

يا الشبرمي ياللي تمنيت نواف --- يلبس شعار النصر لو بالأعـــاره
ما ألومكم يا اخوي في مدح نواف --- كل تمنى شوفته في شعاره
هذا الهلال اللي تعلى بالأوصاف --- فوق النجوم إتشوف موقع مداره
كل الهلال إنجوم والنجم نواف --- في رغبته ورضـــــاه وقع قراره
أنا أشهد أن الفن في لعب نواف --- يعجبك في لعبه بكل العباره
إذا إستلم كوره على طول نواف --- يمنى تعدلها لشوتة يساره
يا اللي تحاور في قصيدتك نواف --- ما هو خفيف تحركه بالإشاره
اللي يعرف الغوص وللدر عراف --- يغوص بالغبه يدور المحاره
هون على نفسك ترى الناس عراف --- ما تقبل التفريط بعد الصداره
ترى الذي مثلك إلى شاف ما شاف --- يرجع يعدل في حياته مساره
الموج الأزرق والزعامه والأوصاف --- من غاب عنها راح عمره خساره

للشاعر / الشعيفان

والله انه كفووووووو
قالو ايش نبي نواف
يا بن الحلال تسمعوووووووون
وتحيااااتي

p15