..أنا وااحد .. مسكين ..



في هذاا الركن الهااادي سوووف اطرح واااقسم ـوااجمعـ
القصص والروااياااااات الى قد صاارت معي
يعني كل شي عني ..

بس

بقولكم مقلب سويته بأخوياي بالشقه والله يخارج منهم

طبعاً انا احب الاكشن يعني المقالب >

كان بليل ووقت العشاء والمكان اللي ساكنين فيه بعيد عن المطاعم شويات

مالكم بالطويله

انا وواحد من العيال اغلب الاوقات نجيب العشاء >> تسذاب

وجاء يوم ووقت مباراه وقالوا مافيه غير أنت

وانا اخذت الشغله عناد قلت مانيب رايح

ولا وشوفوا يقولون انت ولا مره جبت عشاء ينكرون عيني عينك



الموهيم

قلت لهم خلاص اجيب لاتاكلوني >>يقولها بنذاله


قالوا بيض الله وجهك

طلعت وجبت هذاك البروست اللي على كيف كيفك

وبعده رحت للدكان اقصد البقاله واخذ شطة سومطرا>>>الشطه اللي تخلي فمك يدخن تقل شكمان ددسن نار الله الموقده

واشتري لهم ببسي العائله ابو 4 ريال >>اكيد هم مايحبون الببيبسي

وافتح الببسي وانقص منه شوي >>علشان بقول شربت منه قبل اجيكم

والله لايوريكم كل الشطه بالبيبسي

الموهيم

رجعت للشقه وانا تعبان ومنهد حيلي >>

والشباب كسروا الجوال وينك وينك تسطحوا من الجوع

ويووم شافوا البيبسي طنحروا مايبون عائله يبون كل واحد لوحده

قلت لهم طرار وتتشرط انت وياه

خذوا ولايكثر وبدون ليه>>قلتها بعصبيه

بدينا نتعشا وفتحوا البيبسي وكلي شوق بإنتضار اللي بيصير

وشرب اول واحد واطالعه بكل نذاله وانتظره يكب البيبسي على وجهي

واثر الولد يتلذذ
واستنى الثاني ولياه مثله ماقال شي

تعرفون الواحد إذا تعب على شي ولاحصل اللي يبيه كيف بتكون تعابير وجهه


الموهيم انسدت نفسي عن العشاء ولاكملته

واسال واحد قلت له البيبسي حار اقصد الطعم

قالي لا والله ياسلطان بارد وش زينه >>يستهبل

قلت له ضف وجهك تراني طفشان حدي

انتظروا وش بيصير فيهم وش بيسوون لي

(على فكره خبصت بالالوان فوق تحت )

وبعد مااتعشينا تقريباً بساعه وانا جالس اطالع بالتلفزيون

وانا اشوف كل شوي واحد طالع ويرجع ويستلم اللي بعده يطلع ويرجع

انا ماانتبهت ولااخذت ببالي

بعدين انتبهت لمن زودوها كل شوي يطع ويدخل غيره

سألتهم قلت لهم وش فيكم قالوا بطونا تعورنا

يبغون الحمام >>وانتم بكرامه

شوي والصاله كل واحد بطني بطني

انا صرحه خفت قلت لايكون الاكل متسسم

وبعدين عرفت ان الشطه بدأ مفعولها

وقسم فطست ضحك دموعي اربع اربع من الضحك

والمشكله الشقه مافيها غير حمام واحد وشوف انواع الزحمه

قلت لهم روحوا للجيران خخخخخخ

لا ويجوني ويقولون لي الله يلعنك ويلعن المطعم اللي جبت منه >>استغفر الله

وليه بطنك مايعورك مثلنا

قلت لهم المناعه عندي قويه ودايم اشرب ديتول

طبعاً ماعلمتهم لسى


ولسى اخبي عليهم اخاف يطرردوني ولا يلعنون حظي

وبسس خلصت القصه

ودمتم سالمين

مايستفاد من المقلب

لحد يمزح بالاكل ابد انا كان قصدي احرررق السنتهم بس

ماتوقعت توصل تسذا

صدق اللي قال

(تجري الرياح بما لاتشتهي السفن )

وقفــــه ....

كتبت هُنآ لا آريد من آحد آن يتتبع سطوري بحث عن نقد آو مدح
فـ آنا لا آكتب هُنا من آجل البحث عن الآعجاب و الآطراء
ليست إلآ فضفضه لكي آرتــآح..!