}!{ نجمة سهيل }!{
ياضيقتي والهم والحزن بالدور=وكلن بيأخذ من جروحي نصيبه صفّوا على شباك الأنفاس طابور=وإنتزعوا آهات الجروح العطيبه ويامرحباً بالظلم والغبن والجور=ضيّفكم الخافق مواجيب طيبه وسحايب عيوني سطع نوضها نور=وأطفت ظماكم بالدموع السكيبه البارحه والليل حالك وديجور=ليله من الشهر المبارك غريبه شهر رمضان اللي برى كل مسحور=ولو هو تخلا عن زيارة طبيبه متصفد الشيطان فيها ومدحور="وحي الكتاب" وما بالكتاب ريبه آمنت بالقرآن ناصح ودستور=وكفرت بالثالوث ويّا صليبه والليله اللي لخبطت بعض الأمور=عندي لها حل العقول النجيبه صحيح يمسي خاطري فيك مكسور=وصحيح لحظاتك بطئيه .. كئيبه وصحيح فاقد فيك ياقوتة الحور=أقرب بعيده .. مدري أبعد قريبه "نجمة سهيل" اللي لها موعد ظهور=وإذا ظهرت قلت: أرحبي يالحبيبه وصحيح من ظلماك بالحيل مقهور=لابان في رأسي من الهم شيبه لكن دمعي فيك مخفي ومستور=عن من يقول إن دمعة الرجل عيبه اللي يحط إذنه على صامت السور=يبغى الشماته لاتوحى نحيبه ينطح سواليف القفى نطحة الثور=والله يعين اللي قرونه تصيبه مافي قوامسيه من الخلق معذور=كسّاب ذنب ويجني الذنب خيبه من طبعه إنه يشهد الكذب والزور=ويخوض بأعراض المخاليق غيبه والعبد بإذن الله على الجرح مأجور=مادام يرضى لاتلقى المصيبه ويقول: سلوان الحزن شيء مقدور=وحكم القدر راضي بما لي يجيبه وصلاة ربي عدّ قطرات البحور=على النبي وآله ومن صحيبه |
رد: }!{ نجمة سهيل }!{
اقتباس:
فزاع نجدp30 تسلم يمينك قلم مبدع وانتظر منه المزيد.! |
رد: }!{ نجمة سهيل }!{
على محمد أفضل الصلاة والسلام
فزاع نجد أنت شاعر فذذذذذذ ؛ مدهش ش ش ش ش، قصيدة وافية ، وتستاهل مني حبة الخشم ، والتصويت . |
رد: }!{ نجمة سهيل }!{
-
عليه افضل الصلااه والتسليم <3 شاعر كبير يَ فزآع ومايختلف عليك إثنين صح لسانك , وآعتلىآ شانك يَ ولد نجد pb189 آرويتني كثير pb189 |
رد: }!{ نجمة سهيل }!{
اقتباس:
شبل الزعامه صح كلك ولاهنت ربي يسلمك ويسعدك أشكرك على تشريفك وأبشر بالرضا بإذن الله :f: |
رد: }!{ نجمة سهيل }!{
اقتباس:
عبدالوهاب محيا يستاهلك الطيب ولاهنت وماأدهشك إلا بعض من مالديك يالغالي أشكرك على مرورك اللي أسعدتني به الله يسعدك ويوفقك :f: |
رد: }!{ نجمة سهيل }!{
اقتباس:
روح الأمل شهادتك أعتز فيها وتعني الكثير لأنك قلم شاعري جميل صح كلك ولاهنتي أختي لمياء أشكرك بالقليل الموجود على الكثير الممدود :f: |
رد: }!{ نجمة سهيل }!{
قصيده من العيارالثقيل صح لسانك ياشاعر وفي انتظارجديدك |
رد: }!{ نجمة سهيل }!{
فعلاً شاعر من العيار الثقيل P9
نختال فيه يامحمّد P9 شاعر جزل ورائع حبك وسبك وتصوير P9 ذكاء شِعري وقوة معنى وابيات P9 صح الله لسانك وكلك يابطل ولا هنت P9 |
رد: }!{ نجمة سهيل }!{
,,,عووووووووووووافي |
الساعة الآن 06:35 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0