مساء الخير


رجعت بعد غياب طويل ..بعد شوق حرق قلبي ..
رجعت وأنا أسأل نفسي :
(هل فقدوني مثل ما فقدتهم )

* * *


كلكم قريتوا العنوان ..
موضوعي لا يمت للأغنية بصلة ..بس حبيت أمشي على رتم بعض الأعضاء
( عناوينهم في وادي والموضوع في وادي ..والسبب...يبون يجذبون!! )

أهلاً وسهلاً بكم في موضوعي النقاشي الأول ..وأتمنى يعجبكم ...


* * *



د. عبدالله الربيعة
د. سلوى الهزاع

هذولي ثنين والقائمة تطول لو بنعدد المتميزين من الأطباء السعوديين في مختلف التخصصات ...
مراكز متقدمة على مستوى الشرق الأوسط ، وعلى مستوى العالم إن صح التعبير

غير كذا المستشفيات..
عناية كبيرة من قبل الحكومة بالنهضة العمرانية في مجال الصحة ..
مستشفيات متخصصه.. بمرافق ممتازة ..وتحتل مراكز متقدمة في التصانيف العالمية ..

جزء كبير من ميزانية الدولة يصرف على الصحة ..
كل هذا عشان المواطنين والمحافظة على أرواحهم .. (شكراً يا حكومة p9 p9 )p10

* * *

قصص واقعية ..أبطالها وجهوا بموتهم رسالة تنتظر من يقرأها.

** (رزان ..شفتوها أو سمعتوا عنها ..اعتقد اسمها رزان والعتب على السمع ..)
طفلة في الخامسة من عمرها تموت والسبب خطأ طبي ..
في البداية عملية زايدة جرح فيها الطبيب قولون الصغيرة..ثم نسي قطعة ( شاش ) في بطنها ..بعد آلام وعمليات زادت الطين بله ماتت البنية.. و (الطبيب) لازال يمارس عمله بكل تفاني ..


**طفل معاق ابوه شايله ويدور يدَور له على مستشفى يعالجه أو يتابع حالته .. ومالقى !!.
(100طفل ) غير هالطفل معهم نفس الأعاقة ..
(معقولة الكل ما تعالج ..ومعقولة ما فيه مستشفى يقدر يعالجه ..شي عجيب )

**أم بينقطع قلبها تبي ولد..
في غرفة الولادة طاح الولد من يدين الممرضة .. (وكنها ما سوت شي):(
لفت الولد وعطته أمه ..بعد مدة يموت الولد بتأثير الطيحة ..
(الممرضة تمارس عملها والمستشفى يستقبل مرضى مع ان مئات الأطفال ماتوا فيه قبل هالولد )المستشفى في الخرج ..يمكن عشان كذا ما فيه اهتمام


**قريب لنا تعرض لحادث.. كان على خط سفر ..
نقلوه لحريملا يتعالج ..وحريملا قرية صغيرة ماظنيت ان فيها علاج صاحي ..
غير كذا الرياض ما كانت بعيدة ..
كان معه نزيف داخلي..وبسبب التقدم الطبي الهائل في تلك القرية لم يكتشفوا ذلك ..مات بعدها وما نقدر نقول غير الله يرحمه ..


**رجل ..ماتت زوجته في حادث وتركت له مسؤلية الأطفال ..أهل الزوجة زوجوه أختها ..وبعد أكثر من سنة الزوجة الثانية في المستشفى بتولد..الولادة كانت بعملية ..
عطاها الطبيب المناوب ابرة البنج وطلع لأن مناوبته انتهت ..
جاء المناوب الثاني وعطاها ابرة بنج ثانية ..ماتت بعدها الحومة ..والسبب متابعة المناوبين الممتازة..




نجي للمهم ولشي اللي يبرد شوي من حرتنا ..

تحكي لي صديقتي عن خالتها اللي تنومت بمستشفى من مستشفيات القصيم (بالرس تحديداً)
الطبيب المشرف عليها كان مصري ..فتح بطنها و(حاسه حوس) .. وبعدها سكره ..على باله بطون الناس لعبه..
الحرمه شافت الويل ، وبدل ما تتعالج زاد ألمها ألم ..ومرضها مرض ..

نقلت للرياض وتعالجت ..والحمد لله طابت .
ابو صديقتي موظف بوزارة الصحة ، قدم شكوى ضد المصري ..
(المصري أنفصل من شغله ..ودفع غرامه .. وعساه من ذا وأردىp3 )



* * *

كل هالقصص وما خفي كان أعظم يطمس كل انجازات المملكة ..
والسؤال ليه هالاقصص وغيرها تتكرر .. نترحم على من مات .. وندعي للي ما طاب

* * *

نصف أو ثلاث ارباع الأطباء السعوديين يبحثون عن التخصص والدراسة المتقدمة ..عشان يترقون لوظائف إدارية ..
( والعذر : ملينا من مقابل ذا المرضى )
طيب ليه تدرس طب من الأول ؟!!



* * *
آلاف من خريجين الثانوية يكون حلم حياتهم دراسة الطب ..
ويرفضون لسبب غالباً ما يكون تافه يحطم كل طموحاتهم ..
ما يدرون أن السعوديين إذا أشتهوا صاروا أذكى ناس وأحسن ناس ..
(ما يقبلون السعوديين عشان يركزون لنا قطعة مصري والا شامي يستغلنا بطرق تقهر ...)


* * *

المستوصفات الأهلية ...شي يجيب المرض .. والصاحي منها أسعاره مهبوله !!


* * *

الطب البديل ..الي هبوا فيه هالعالم ..صفقوني إذا هالمعالجين يدرون وش الطبخة (في الغالب)

اندونيسي يدعي انه يعالج بالحمية ، منع ابوي من كل خير وقال خلك على البطاطس المسلوق ..
ابوي ومثل غيره من السعوديين صدّق ومنع نفسه من الكل الزين ..
الاندونيسي للحين وهو يدور عالبيوت ويلعب على خلق الله ..

(كيف الحال يا رقابة ..وكيف الحال يا وزارة الصحة )



* * *

الكلام اللي عندي خلص
ابي اشوف كلامكم ..
وتذكروا اننا لا نبحث عن الحلول ..
فقط نناقش أو بالأحرى نحش ..ونحاول تحديد الطرف المسؤول



p9 تحياتيp9