. : . : ) مسـاء الخير للجميعـ : ) . : .

كانت ايام والله ايام ما تنسي .. ايام قمة في الروعه . : . والله اكتب هالكلمات وعيوني تدمع . : .
سبحان الله والله كم كنت منتظره هاليوم اللي افتك فيه من المدرسة . : .
وجا هاليوم وتمنيت اني مااطلع من المدرسة . : . وشلون اعيش من غير مدرسه . : .
كل يوم الصباح الساعة 7 المريول . : . امشط شعري . : . افطر . : . ويبدأ دوامي . : .
وشلون خلاص . : . صرت كبيره افااااااا



اليوم على قولت صديقاتي 11/5/1427 هـ انتهى مشوارنا الفني . : . اه الله ما احلاه من مشوار . : .
الله يعينك عمر اخوي . : .بتبدأ مسيرته الفنيه السنه الجايه . : . اولى ابتدائي . : .

مشوار 12 سنه من الدراسه .. الجد .. الاجتهاد .. حل الواجبات . : .

وصدق الي قال . : . دوام الحال من المحال . : .



طبعا كثير سألوني انتي في الجامعه ولا في الثانويه .. وانا الحين اقول لكم . : .
انتهت المسيرة . : . انتهت ايامي الدراسيه . : . بخروجي من مدرستي الثانوية . : .
الوالد الله يطول بعمره . : . كان دايم يقول احسن ايام العمر ايام الدراسيه . : .
وانا كنت اقول .. الله يصلحك .. الله يقلع المدرسه وسنينها .. لكن اليوم تأكد لي كلامه . : .
طبعا بقول لكم احداث الاختبارات واخر الايام . : .

بدأت ايام الرعب 29/4 ايام اختبارات الثانويه العامه . : . كنت خايفه .. رعب .. جميع
انواع القلق . : . ثانويه عامه . : . الاسئلة جايه من كوكب اخر . : .
خالتي تدق علي : لا تخافين لا تشدين اعصابك .. خليكي عاديه .. خفت زياده ..
المهم جا اول يوم .. بلاغه وعلم اجتماع .. خوف مو طبيعي دخلت المدرسه بعد دعاوي الوالدين الله يطول
بعمرهم . :. والاقي الناس ويييييين
رايحه فيها .. ياربي استر علينا ووفقنا . : .

دخلت القاعه وانا خلاااااااص انتهيت .. يجيني ذاك الملف الي عندي معلومات من قبل ..

واروح فيها .. استعنت بالله وبدأت اقرأ الاسئله ..


والحمد لله كانت الاسئله سهلة حيل . : .
بس كان في شي غريب كل ما احل سؤال ارجع اناظر في كلمة ثانويه . عامه . فوق الصفحه
مدري هي قراوه ولا وشو . : .
وتجينا المديره وتقول .. بناتي حبيباتي الرجاء الهدوء في الساحه .. واللي ضحكني زياده قالت :
ممنوع تجيبون الجولات للغش .. ليه حنا عيال .. ممنوع استخدام الطراطيع .. واضحك اضحك
ليه وين حنا في حاره . : . المهم : الحمد لله خلصنا من البلاغه ..
جينا لعلم الاجتماع . : . هذا اللي كنت خايفه منه . : .
الحمدلله جت برضها سهله .. ياني عبرت لهم تعبير في سؤال المخدرات تعبير خطير . : .
الحمدلله كانت كل الاختبارات سهله .. ومشينا نحو .. E .. فقه .. ماعدا التاريخ ..
حسبي الله عليهم .. جايبين سؤال اخير مدري من وين .. الله يستر .. طبعا البنات طاحوا
فيهم دعاوي الله يسامحهم ..


السبت كان جغرافيا اه منه حسبي الله .. الكل كان متوقع خريطة الصين او فرنسا ..
رحت الاختبار .. وبسرعه جتني ورقة الاسئلة .. ادور على الخريطه مالقيتها .. قلت شكله مافي ..
إلا والاقيها في النص .. ارسمي خريطة البرازيل وحددي عليها الحدود الشرقيه والعاصمه ونهر الامازون
قلت هلا والله . : . انا مذاكرتها لكن مو زين . : . وارسم لكم مو خريطة البرازيل يعني تقولون ضب . :.
مشينا ولله الحمد . :. توحيد . :. مكتبه لكم عليه . :. ادب .. جاني فيه الهم من المذاكره . : . والحمدلله
كانت الاسئلة دقيقه جدا جدا جدا ومركزه .. بس المشكلة صارت لي فجعه . :.انا احل في الورق بسلام
اقلب الصفحه والاقي حشرة . : . مسكينه خلاااص منتهيه والله اني تخرعت . :. وجت الاستاذه . :.
وانا قاعده اهشها . : . تحسبني اغش . : . مالت على الشيطان : (


وبعده اللي هو اليـــــــــ L ــــــــوم . : . اسهل اختبار
وهو حديث . : . حليت وخلصت . : . وشلت استيكر اسمي ورقم الجلوس . :.
وجت ورقة التوقيع . : . والله دموعي لا شعوريا اهف تنزل ..
اخر يوم . : . يا قلبي لا تحزن : ( واناظر نظره اخيره للفصل وقلبي
يتقطع . : .
وانزل الساحه جميع انواع البكى . : . كان اليوم هذا . : . والله مره محزن . : .
انقلبت مرايل البنات جرايد ومجلات . : . جايبين اقلام سبورة ويكتبون لبعض في
المرايل . : .
واشوف الدنيا كل ابوها هدايا .. ياسلام . : .

انا وصديقتي رحنا مع بعض . : . خلاص نادى علينا والبس العبايه . : . ومدري كيف اسلم . :.

لبست . : . وجا السلام على وحده وحده . :. لكن صديقاتي الروح بروح . :. هاذي اللحظه
اللي حزنتني . : . سامحينا وسامحوني . : .
وخرجت حسيت روحي خرجت . :. كانت صارت مشكلة كنت نسيت كيس الهدايا . :. : )
ربي ستر علي . :. رجعت واخذته . : .

الحمد لله عدت السنه على خير . : . ودعواتكم اطلع بنسبه زينه . : .



انتهت المسيره .. وسلمنا الرايه .. للخلف .. وانشاء الله يكونون خير خلف لخير سلف . : .

. : . : . : . : . : . : . : . : . : . : .: .:

ربي يوفقنا ويوفقكم .. هاذي ايام اصايل ملخصه تلخيص شديد جدا . : . من 29/4 إلى 11/5
. :. ربي يسلمكم . : . واجازه سعيده . : .:


لا تنسوا . :: .السعوديه احلى صيفيه . :: .

فقط حجز مكان .. ولي عوده مع الكم الهائل من الإبداع المنثور

...

أهلين أصايل : (

الله يهديك ضيقتي صـدورنا


أول شي مبروك التخرج وعقـبال ماتفرحين وتفرحينـّـا بشهادتك : )



::



وش أصعب من الفراق : (

( فـ كم من محب يعاني الفراقى .. وبعد الفراقي يزيد اشتياقي )


أصـعب شي الفرااق .. خصوصاً لين كانت آخر سنه لك في الدراسه
شي طبيعي تحزنين .. يظيق صـدرك .. أو حتى تدمـعين !!

لاكن صدقيني لين بدت أيامك في الجامعه ..
وتأقلمتي مع جوها ..

راح تتعودين وتنسيـن أيــام الـــدرسهـ ...


واذا عن صديقاتك ..
اذا كانـت علاقتكمـ مع بعض قويـّـه .. p9
صدقيني ماراح يفرّق بينكم لادراسـه ولا غيرها ؟!
ماتدريــن ..يمكن علاقتكم تقوى بعد هالمرحله ؟!
غـلااااك يكبر يكون شي ثاني ..!

تعرفنا على بنات من طفولتنا .. كبرنا ومرينا بمراحل كـثيره ..
من الابتدائي .. للثانوي !!
وماتغيـّـر شي .. بالعـكس غلاهم في القلب يزيــد ..! p9

تذكري .. الوفي ّ طوول عمره وفي ّ ..
مايهزه فراق ولا شي !!
وانشاء الله مايفرّق بينكم الا القدر " بعـد عمر طويل " ..


واذا عن المدرسهـ ..

متى ماحنيتي للمدرسه وأيامها .. تعالي وخذي مكاني

بس السنه الجايه أنا ثالث وأسئلة وزاره
ماأظن ودك تعيدين هالرعب مرّه ثانيه ؟!



.. / ..



يعطيك العافيه ( أصايل )
طرح ولا أروع !!
و سوري ع الاطالهـ ..!

( F )

...

آآآآآآآآآآآآآآآآآآهـ يا أصايل .. الله حسيبك كانك روعتيني :( .. مدري وشلون بـمر بهذا اليوم .. كلن يقول هم وغم .. وناس يقولون صياح ودموع :( ...


اصايل .. بنكون خير خلف لخير سلف .. وإنكانك أبدعتي بالوصف عن المخدرات في إحدى الإختبارات .. فأنتي أبدعتي في نقل الصوره لنا في آخر الأيام ..

العلاقه القويه مثل ماقالت no way مستحيل تفترق بمجرد خروج من المدرسه .. بس المكان .. الفصل .. الفسحه .. تضييع حصص .. فصفص بحصه التعبير .. مطاقات آخر الدوام .. يوووووووووووووووووووه الله يعينك < == نذل



دمتي لمن تحبين ذخرا ..

مبروك يا أصايل خلصتي الثانوية العامة

وعقبال النسبة الرائعة ان شاء الله بشرينا ان شاء الله خير

تعرفي يا اختي أصايل الثانوية صحيح خلصت بأيامها الحلوة والمرة ولكن صدقيني الايام الجاية

وسنوات الجامعة أجمل بكثيييييييييييييييييييييييييير وراح تجربيها ان شاء الله

وكل مرحلة بحياتنا لها أيامها الحلوة ولها أيامها المرة

صحيح الفراق صعب ولكن يهون اذا كان على خير

الله لا يفرقك عن حبايبك ويحرمك منهم

آمين

الله يعطيك العافيه آختي آصآيل ع الطرح الرائـع .,.,.


بصراحه بـ نسبه لـ آيام المدرسـه وربي ونآسـه عليهآ ذكريآتـ حلوهـ .,


وراح تذكري كلامـي اذا سجلتي بالجامعه بآذن الله .,.


تحسين آن آيام المدرسـه آيآم حلوهـ ومواقف كثيرهـ .,.


بعكس الجآمعه كلها رسميه وخوف من الدكـآترهـ .,.


من آول يآزين النوم في المدرسـه لـ كن في الجامعه لو تنام وحطك في باله الدكتور .,


راحت عليك خلاص لا تحظر المآدهـ آهـ يالمدرسـه وربي فيهآ مواقف .,


وووقفه


ليت المدارس تعود يومآ لآخبرها مآ فعلت الجآمعآتـ .,

[CENTER][B]مساء النور و الخير يامبدعتنا
الحمد لله على الإفراج من سجن الإمتحانات

شي جميل ان الانسان ينتقل في حياته لمرحله جديده
مرحله مختلفه تماماً عن سابقها

و ما أصعب شعور الإنسان عند فراق من أحبهم:(
و لكن هذه الدنيا و هذا قدرنا جميعاً

لكن الأهم حبيبتي إكمال الدراسة الجامعيه
في تخصص يليق بقدراتك و ميولك


(( انقلبت مرايل البنات جرايد ومجلات . : . جايبين اقلام سبورة ويكتبون لبعض في
المرايل ))

أجمل اللحظات و التي لا يمكن أن تمحى من الذاكره


دعوه من القلب :
[ يارب ماتضيع تعب أصايل و تجيب نسبه حلوه مرررره
و كل اللي بثالث ثانوي بدون استثناء ]


إجازه صيفيه مميزه أتمناها لك يامبدعتنا



.... طابت ليلتك ...

مرحبـــاً الـــف اختـي اصــايل كيف الحال انشاء الله بـخير .. فقدناك والله وفقدنا مواضـيعك الرائـعة .. يحقلك صآيرهـ قنـاص مصممـ من قدها .. الله يوفقـك انشاء الله ويسعدك .. الدراسـة محد يمـل منها ذكريات رائـعة ماتنعاد من اولى ابتدائي الى ثالث ثانوي كلها حلـوهـ .. عقبال الجــامعة ولا الكـلية انشاء الله .. بالتـوفيـق لك ولكل البنـات 0

تقبلي تحياتي "

مشكوور اخوي على الموضوع

السلام
اهلين اصايل اخبارك
الف مبروك على التخرج وعقبال النسبه الزينه لي ولك وكل ثالث قولي آمين
تدرين انا يوم السبت كنت اقول ما ادري وشلون ذا الاسبوعين بيمرون
وسبحان الله اهوا الرياضيات العله راح الاسبوعين طاروا
ماتوقعت اني بافقد المدرسه بس يوم جا يوم الاربعاء افففففففف والله حسيت اني بفقد صديقاتي والمدرسه والحوسه كلها
الله يعين وان شاء الله الجامعه تصير احلى

مشكور اخوي على الموضوع

أهلين اختي الف الف الف الف مبرووووووووووك التخرج وعقبااااااال انشالله النسبة الزييييينة حبيبتي

وصح ان المدرسة لها ذكرياتها الحلوة واللي ماتنسى لكن برضو الجامعة بتنبسطين فيها

وانشالله انتي وصحباتك منتو متفرقين إذا كانت علاقتكم قوية

ومبروووووووووووك مرة ثانية

إختك/ارفع راسك انت هلالي

وهذي زغروطة التخرج لولولولولولولولولولولولولولولولولولولولولولولولولو لولولولولولولولولولولولولوللولولولولولوووولووووليي يييي