* دقيت على السوبر الماركت القريب منّا , وطلبت كالعاده الاشياء اللي احبها
واحلّي جو المُذاكره بها , بعد مرور ربع ساعه تقريبآ أو اقل على ماأعتقد
عدت الرقم ورد طبعآ
انا : الو السلام عليكم
هو : وعليكم السلام !
انا : وين سومـا ؟
هو : ميـن ؟
انا : ( فطنت للصوت ) ودريت انّ آخر رقم اتصلت عليه مو صديقتي هو السوبر ماركت

الغريب في الامر ليش ماميزت انه صوت باكستاني , وانا اخبر صديقتي مايردون اخوانها ,

لهالدرجه عقلي مايميز الاحداث من اتصال لـَ طلب لـَ نمره غلط !
الاختبارات وماادرانا مالاختبارات , فتره ننسى فيها اطباعنا الطبيعيه لـَ اطباع اشبه باالا شعُور
انا لاحظت اشياء كثيره من الغرابه انها ماتحصل بروتيني اليومي وفترة ماقبل الاختبارات اشوفها وبكثره ,

+ شوفة التي في ومتابعة حتى الاعادات والتدقيق على اتفه اللقطات
+ دخلة المطبخ وهاه يمه ودك اسويلك عشاء اليوم من زمان ماذقتو من يديني !
+ ودي اطلع للشوبنق احس ناقصني اشياء ابي اشتريها ماحبكت الا هالفتره ياسبحان الله
+ ماعرف للفوتو حاليآ ! بس ماحكرت نفسي صرت احمل افلام ومسلسلات ع الاب واشوفها
واي شيء يعجبني اسوي برنت للرسام واجمع عندي
ولاخلصت الاختبارات احذفها ( نفسييييييييه ياربّ لك الحمد )

ماعلينا من ذا كله ! لانّي العام كتبت موضوع ( ابي جح ) وهو داخل من صنف هاللي كتبته ,
نشتـهي اشياء ابد نتوحم عليها وانّ جت قلنا شبعنا مانبيها
قبل كم يوم آشتـهيت تفاح اخضر , واقول لابوي ابي وينط لـَ البخشه ويجيب لي منها
" البخشه " كنايه عن حديقه صغيره مقاسها مترين في 3 هههههههههه
المهم يوم جابه وانا اللي اقول موب ذا اللي اقصده ابي نفس اللي تكلمت عنه الدكتوره بالتي في ’ شكله يغري !
وبدت المناحه اي شيء نجيبه لكم ماتبونه , وانا اللي اقول وشوله اطلب وموب عادتي اكل تفاح ,

نجي للشيء الثاني :
ميش صديقتي الخبله ( نبض محمد بن فيصل )
هذي انحرفت وصارت تتعلم اللغه الفارسيه وتطبقها علي
مدري وش هالطواري ومن هاللي بيفهمها , يعني لمّا اسألها يابنت ذاكرتي
تقول والله انّي اتعلم ( اللغه الفارسيه )
طبقت على امها الضعيّفه المسكينه تبي تلعب عليها , الين قالت تعلمي لغه تفيدك
* دوست دارم => احبك بالفارسي شعوله

يعني آنتبهو اي كلمه تاخذونها شوفو وش معناها لايصير شيء مهوب زين
همن تبلشون بميش تعلمكم للحين مادرست غير الفارسيه
واللي تبي هندي تجيني منب مقصره كوتشا هي => راؤؤله كفففف ض1

نجي للشيء الثالث :
صايره الاسئله تكثر بزيااااااااده مال اومها داعي يعني القاني اروح لوحده اقولها وش العلاج اللي يطول !
او عندك موديلات فساتين موب وقتها اللحين ابد هالامور , ....... الخ
حتى كلمة [ تحبيني ] صرت اسألها لوني اعرف جوابها .. ماذا دهاني ياأنا : |

ختامآ :
ترا كاثره الاهداءات وكاثره المشاعر , واشتغلت مهنة حرفة التصوير
وابتكار اشياء , تصدقون من زمان ماخبرت اننا جالسين انا واخواتي ناكل بوقت واحد
واللحين وش حليلنا كل وحده تعزم الثانيه ع الصحن
وكل وحده تمرر الكام ع الثانيه صوري بس , كننا اول مرّه ناكل
قلت لكم اشياء غريبه يالله الجنه بس

الموضوع اخذ عدة مسارات متداخله في بعض ’ بس بالاخير المضمون واحد
كله تجي ماقبل الاختبارات واشياء اكثر من كذا
والله صدقوني مو هروب له معنى ثاني للحين ماوصلت له .,
لانّ الهروب هو اللي مايخليني افتح حتى الكتاب ! لكن ولله الحمد مابعد وصلنا هالمرحله
هاتو لنا مواقفكم من طيشكم لـَ سنعكم ووش يصير قبل الاختبارات من شطحات

+حتى خيالاتنا تزيد
اجل جالسه اخطط لحفلة التخرج وانا لسه باقي علي , " الله يحيينا "
اشوى اهلي يسلكون لي لانّ هالفتره مأجـوره عليها

قفله أو شطحه للموضوع دامه مختبص في بعض : p

+حتى الوصل يزيد ونشتآق لصديقاتنا القديمات وندق عليهم ,
يالله ذاك اليوم كلمت وحده المشكله انّي ماصدقت اخلص متوسط وثانوي عشان افتك ,
كل هذا بهالفتره انمحنى ماحسينا ,
سبحان اللي مغير الاحوال تقولي اجل " الرياض مرّه مرّه حر "
باللهي وانا في موسكو استحي اقول للناس موسكو حر

يعني بالمختصر المفيد ليه رجعنا الماضي اللي دفناه !
وليه ماذكرناهم إلا بفترة الاختبارات ؟
وليه تضاربت الاشواط برآسي ونسيت انه بيوم انا طويت ذكريات

وبس خلصنا