• • محد أحسن من أحد يا كيت :P ‘ و مريم أحسن منك ق1ض1 - شبكة القناص

**بيلســــــــان** · 09-05-2011, 06:51 AM

مـحد أحسن من أحد يا كيت

و حبيتِ ويليام .

.
و جمــعتِ صورة .

.
ودخلتِ نفس الجامعة اللي هو فيها ..
و أحتكيتِ فيه

<- لأن موب حاصلن لي

و تركتيـه سنـة علشان مليتِ من انتظار الأمير ..
و رضخ لك وجعه

<-خلف الله علينا بس

× كل ذا لأنك [ بــريطانية مسيحيـة ] ،
وحبيتِ واحد (ن) يقدّر مشاعرك

والأهم منتب [ شرقيّــة ، عربيّــة ]
و إلا كنتِ في خبر كــان وأخواتها .

يعني ترى بنــاتنا يملكون نفس إحساسك
و لباقتك ، و أسلوبك في كسب * قلب الرجل

بس قد تخيلتِ يـ البرنسـة أنه أخ ،أب ، ممكن عم و خال
يقتل بنت عشان ( قصة حب ) !!
× اصبــري ..
قبل ما تقولين هي خربت شرف العائلـة !
لالالالا
هي تزوجــته ترى ..وهو راضي فيها بعد .
يعني القتــل [بعد الزواج]
تخيلتِ بس معي ؟!

خليــنا من هذا كله
ممكن نقول تجازت الحدود هذي البنت ..
وأنا من الناس اللي ما يعجبني هـ الشيء ،

لكن!
لو قدر الله وبنت حبّت ولد خالتها ، جيرانهم
أيا كان ..
ولمحت لأخته .. بـ حكم انه صعب تلمح له مثلك ـ
تعتقدين أن الولد بـ يحترمها حتى لو ما بادلها الشعور ؟
إلا أخته بـ تحتقرها قبله وبتقول جريئـة ..
و بـ تنقل المشاعر لأخوها بس علشان تقول : شفت فلانـة جرييييييييئة!
وهو عاد حسب أخلاقـــه
يا يتلاعب بـ مشاعرها ويطقطق عليها
و إلا يحقرها وما يسكت وكل العائلــة تدري .

طيب البنت سوت جريمـة تهقين يا [ كيت ] ؟
تدرين ليه أسألك ؟
لان عيالنا خلوك مثال / للسنع و الحب و الذوق .
مثال للدلع والغنج وكله ،
وهم لو جتهم بنت مثلك وسوت اللي سويتيه مع [ويليام]
كان محطوا بها الأرض .

لا تحسبيني غيرانـة منك
لالالالا يجي الشيطان بيــننا

بس كنت بـ تكلم بـ لسان كل ‘ بنت سعوديـة
و أوضح لـ المماليح اللي عندنا ان عندنا مشاعر ترانا موب أقل من غيرنا !

×ليه / عندكم عقدة الأجنبيـة !!
ليه / تحسون أن البنت السعوديـة ما تعرف تحب
ما همها إلا الأسواق وبس ما تعرف تهتم بـ نفسها وجمالها !
ما تشوفون كيف تعاملكم انتم ؟
ما تشوفون كيف تنازلكم عن المسؤوليات :/

+ زمان كانت فترة الفتور بـ الزواج تجي بعد ( 20سنـة و فوقها )
والحين أبد حدكم ( 6 شهور ) إذا إنكم مــره حلوين .

الموضوع مو إلقاء - اللوم على الرجال بس - !
لكن إذا تطلبون من الفتاة السعوديـة تُساير الأجنبية بـ إهتمامها
ومشاعرها للرجل
أنتم فكوووها شوي

!!

أجل مبدأ
(أحبك بس ما أتزوجك) من بدا فيه ؟
مو انتم ؟
الغرب ما عندهم المبدأ .. !!
أنتم عندكم بدددددع ما الله بها عليم !
وبـ حجة [المجتمع ] !!
انتم مو أفراده هذا المـجتمع ؟
×غيروا أفكاركم .. بما يتناسب مع الديـن !

مو يجي واحد و يراسل بنت الجيران من ورى أهلها ومكالمات
وعاد يحطها فيني إني دعيت لهـ الشـيء

لكن [احترم] البنت اللي حبتك ,, وصارحتك
وقبل كل شيء حافظ عليها
لا تفكر تستغلها وتضرها ...و لا تنشــر سرها

و قبل كل شيء ـ
فيه مقارنات غير مقبولــة
فلا تحرجون أنفسكم فيها ..
و إذا واجهناكم قلتوا المجتمع : )

الموضوع كله جاء على إثر ..
[ أصداء الزواج الملكي ] من خلال المنتديات
وهـ الشيء تقريباً استــفز غيرتي على جنس بنات حواء
و أنا انسااانه كثيرررررة التحفظ على مشاعري تجاه الناس فما بالكم تجاه الرجل !
أدوووس على قلبي ولا أصارح الحبيب

لكن ما يمنع إني أوضح الفرق للي يبون بناتنا مثل [ كيت ] : )

- أتمنى يكون الحوار والنقاش صادق وصريح
بعيد عن الأنانيــة و المثاليــة ،

+أشكر كل من تعبتــه معي بهذه الفضفضــة ،

نبع الحـنان ـ تصميــــــــــــــــم
راؤولتــــــي ـ تحميل الخلفيـة
مرام القلب ـ تنســـــــــــــــــــيق
وحفظاَ للحقوق ،
الأبيات الموجودة في التصاميم اقتبستها من
عنفوان و هلالي ماركــة
في الفيس بوك.. ولا اعرف من كتّابها ،

- انتهى