|
رد : داء الفكر المتخلف قياده المراءه
اوكي اوكي .. حلو .. لحظه لحظه .. فيه فرق بين الحجاب و السواقه .. ليه مثلا الامارات مثلا يسوقون و ماعندهم مشاكل مع الحجاب .. لانهم ماخلطوا المفاهيم .ز هذ1 شي وذ1ك شي ثاني .. واي علمانيه .. بعدين ملاحظه هينا اي احد يجيب فكره قالوا علمانيه .. لاتحطين بذمتك .. اوكي .. قبل قلتها وارجع اعيدها .. اي فضايح تزيد و ماتزيد . وانا يومي قلت كيذ1 لا ابيها تزيد ولا شي !! اكثر فايده للسواقه انها بتشيل هالسواقيــن .. صح ..! وبعدين باي ذ1 واي .. موب انا اللي ابي الفضايح تزيد .. حطيها دايمن ببالتس عشانهم 1% خلااااص .. الشي يصير ع الكل .. ومافيه تحديد .. شكرن .. حتى انا نفس الشي !! الله يعافيتس / \ طيب .. هالكلام فيه شي محيرني .. ليه مثلا .. الي بدول الخليج ماجاهم اللفساد اللي تقولون !! ؟؟ ممكن توضيح عشان تكمل الصوره وابي رأي مقنع .. مهوب وش دراتس و مادراتس .. p11 |
رد : داء الفكر المتخلف قياده المراءه
الأخت بيبسية حينما يريد أي شخص تعديل أي شي (واقع ) ومتعارف عليه فيجب عليه أن يسوق مبررات وأعذار مقنعة من أجل التغيير يعني مو تقولين ليه مانسوق؟؟ وانتي ماجبتي سبب عشان ليه نسوق p13 أتمنى إنك تكونين فاهمة كلامي وأتمنى برضه إنك تعطينا عذر غير الإستغناء عن السواقين بسبب تأثير العمالة الأجنبية على المجتمع لأنه يجب أن نضع بدال كل سواق نستغني عنه شغالة ومربية يقومون بدور المرأة المتفرغة للفرارة في الشوارع.. إذا بدون سواقة وفيه ناس يشتكون من تقصير الوالدين في تربية الأبناء أجل كيف بيكون الوضع بعد السواقة |
رد : داء الفكر المتخلف قياده المراءه
حلو حلو .. من ناحيه اني اجيب سبب مقنع .. انا مأيده لهالموضوع .. لانو وببساطه مافيه سبب ( شرعي ) يخليكم تحكمون انه حرام او مايجوز .. صح ...!! فـ طرحت الفكره كـ نوع من حقوق المرأه .. مااارى فيها شي ..! عادي .. ليه عاد بعد تحجرون بالقضيه .. جيبوا لي دليل واحد بس انها بتنشر الفساد .. دليل واقع و فعلي .. عشان اعرف وشو نوع الفساد .. اخلاقي .. موجود و قاضين منه .. و مهوب سبب السواقه .. والسواقه مهيب تزيد الفساد .. كلن عقله براسه يعرف خلاصه .. الوحده اللي بتعرف طريقها و مربيه صح .. لكن اللي نص ونص ذي لو يمنعون العيال من السواقه .. بتفسد و تفسد اللي معها !! صح ...!! من ناحيه انو سبب مقنع .. جب لي سبب يعارض .. واشوف ساعتها حلول اللي المعارضات |
رد : داء الفكر المتخلف قياده المراءه
بعدين سين سؤال للي يقول مانبي الحريم يسوقون .. انت وش رايك في شغل الحرمه ... الظاهر الظاهر انكم نسيتوا ان السياره اداه تنقل .. من مكان لـ مكان !! صح ..!!! و اللي بيقولي شغل الحرمه عادي بس السواقه لا .. هذا هو الكر المتخلف !! اجل ماتبيها تسوق و تبيها تطلع عادي. .. القضيتين مرتبطتين ببعض .. اللي مايبينا نسوق .. لازم يكون معارض للشغل .. اتمنى تكون فكرتي واضحه |
رد : داء الفكر المتخلف قياده المراءه
بــــــسم الله الرحمن الرحيم
بصراحه انا اول مشاركه لي هذي فحبيت اقول ان قيادة المرأه ماهيب شينه اذا بتقدر تتجرا وتتحمل مايجيها تروح وتسوق وهي تعرف نفسها:D واول من يقدم على المرور انا:D |
رد : داء الفكر المتخلف قياده المراءه
الحقيقة كثر الكلام حول قيادة المرأة وزاد عن حده وصار ابو المشاكل اللي عندنا وكل ما خلصنا منه رجع لنا من جديد وهو موضوع قال فيه العلماء والمسئولين كلمتهم في هذا الأمر وانتهت القضية، ولكن لما كل هذه الصجة واللجة في قيادة المرأة فهو امر ليس بالحرام في الاسلام وليس هو الطريق الوحيد للفساد فالهادي الله سبحانه وتعالى ومن يريد الفساد فلن يتوقف عند القيادة او عدمها فهناك امر وادهى منها وهناك مليون طريقة وطريقة.. اذن لماذا نكبر الموضوع ونعطيه فوق حجمه من اصوات وهالة اعلامية تعدت الحدود واكثر من ينادي بهذا الامر هم من الرجال وليس من صاحبات الشأن النساء ولكن...!! اتركوا الامر عادي فليسقن النساء وما المانع فالسيارات كثر والشوارع واسعة ومن يعترض على ذلك فلا يصايح ويكثر من الكلام ويجادل فعنده امه واخته وزوجته وقريباته يمنعهن من ذلك الشر ولايسمح لهن بالقيادة ان كانه رجل وعنده غيره ويخشى عليهن من الفساد فهنا يقف ويعترض ويفرض حكمه وهكذا مع كل رجل يعترض ولديه القدرة على ذلك اما من ليس له قدرة على اهل بيته فسواء ساقت او لم تسق فستفعل ما يحلو لها ان لم يمنعها ايمانها وتمسكها بتعاليم دينها فقيادة المرأة امر عادي وارى بأن تعلم المرأة للقيادة شئ ضروري وكم من امرأة في حاجة الى ذلك وكم من رجل كبير في السن وليس عنده ابناء او يملك تكلفة سائق وبحاجة الى ابنته لتفي بالغرض من خلال قيادتها ... والحقيقة هناك الكثير من اللواتي يقدن السيارات في البادية وفي اغلب المناطق القريبة من المدن وفي بعض المدن وخاصة في الجنوب ووادي الدواسر وتثليث والمناطق القريبة منها والامر طبيعي والنساء محتشمات وبحجابهن وليس هناك مايدعو للقلق او الخوف فأهم شئ الثقة فإن انعدمت فلا تدعها تخرج من البيت حتى تموت فكيف تثق بذهابها للسوق او المستشفى او مع السايق لوحدها ولاتثق بقيادتها للسيارة ... ما ابي اطول اكثر من كذا ولكن ليس في قيادتها ما يدعو الى هذا الهرج والمرج وامر عادي ولكل الحرية في اهل بيته ان شاء يسمح او لايسمح ولا عليه في خلق الله ... وادعوا الله تعالى ان يفعل ما فيه خير لنا ويمنع ما هو شر لنا .... وهنااااااك فوائد من سياقة المرأة واهم فائدة بتقل البطالة عندنا من خلال سعودة محلات البنشر ومحطات البنزين واللي بيشتري سطحة ويجلس يمتر الخطوط للاسعافات الاوليه ....<<خارج النص>> ومشكور يا صديق نواااف العتيبي ويعطيك العافية انت وجميع من رد هنا على الموضوع وايضا جميع من قرأ ومر من هنا ليه نحرمهم وهي دعوة ببلاش وعسى الله ان يقبلها سبحانه هو المستجيب لمن دعاه .... |
رد : داء الفكر المتخلف قياده المراءه
اقتباس:
بجيبها لك بطريقه ثانيه .. هل الان مقاهي الشيش والمعسل ميلانه بالشباب والبنات او الشباب فقط :) 0 0 ثاني شي هل الخليج اللي يستر علينا وعليهم ،، عندهم اشياء اكبر من اللي عندنا بكثييير من (( شراب وصالات دعاره وكنائيس يصلون ويعبدون عندها )) وهذي غير موجوده في بلاد الحرمين :) هذا هو الفساد اللي عندهم ،، فهل تريدين ان يكون بلادك المثل الاعلى بالاسلام مثلهم !!!!!!!!!!!!! او الاكتفاء بما عندنا من فساد لا يصل الى فسادهم .. اي بمعنى اخر فساد لا يجرء الى ماهو اكبر منه :) 0 0 اتمنى انك كنتي بالصوره p8 واذا ما كنتي بالصوره عادي نعيد التصوير مره ثانيه هههههههه:D :D |
رد : داء الفكر المتخلف قياده المراءه
اخوي نواف بصراحة انا من اشد اشد اشد مشجعات قيادة المرأة للسيارة
وتمت مناقشة هذا الموضوع بأكثر من موضوع واكثر من طريقة ولن ازيد عن ردوردي السابقة شيء لحظة لحظة من قال ان قيادة المرأة السعودية هو اللذي سوف يؤدي بها الي هاوية ومزالق التبرج والسفور بعض النساءكما نرى لم تنظرت قيادة السيارة لكي يتبرجن وانتي ترينهن طبعاً في الاسواق والاماكن العامة والشباب هم هم لم يتغيروا ومنذ قديم الازل وهم يعاكسون في بنات خلق الله وما خلوا احد في حاله تقدر المرأة تسوق السيارة وهي في قمة احتشامها واحترامها لنفسها الدنيا اتغيرت الالتزامات كثرت وصارت المرأة لها وجودها في مجال العمل ولها احتياجاتها واوقات دواماتها مع عدم وجود شخص متفرغ لها سواقة السيارة ما راح تكون السبب في المهلكة كل انسان وتربيته وطريقة تفكيره هي السبب والتلفزيون كفى ووفى دوره بسبب القنوات الخلاعية والهابطة انا مع قيادة المرأة للسيارة مع الحفاظ على الاحتشام وعدم التبرج وثاني شي اذا المرأة مشت في الشارع يعتبر امر معتاد عليه اذن عادي انها تسوق بالعكس تبعد عنها الضرر في المعاكسات اذا كانت تشمي اذا بالامكان اي احد يخطفها اذا كانت بمكان منعزل شوي او يئذيها غير كده الصحابيات والنساء قديما كانوا يركبن الحمير ويسقن العربات ولم يكن في الامر حرج انتي ممكن تتكلمي عن وجهة نظر مجتمع وطبيعته لكن قيادة السيارة بحد ذاتها ما راح يكون لها اي اثر في اخلاق البنت اذا كانت متربية صح لان الاخلاق هي نتيجة تربية ونتيجة اعتقادات البنت نفسها اذا البنات عندهم تصريح قيادة دولي واذا سافرت برى تسوق اذن في بلدها اولى وفي في الكويت والامارات والبحرين وقطر نساء قمة في الاحترام ويقدن السيارات ولم يضرهن شيء انا عارفة ان الموضوع جديد واي شيء جديد اكيد بيلاقي استنكار ولكن الضرورة لها احكام واذا كان على خروج البنت بدون محرم فزي مني شايفة البنات كثيرات الي يخرجوا بدون محرم والتكاسي تشهد فالاولى تكون لها سيارتها المستقلة وهي تتكفل بنفسها مع اشراف الاهل والمراقبة طبعاً هذي وجهة نظري واختلاف الرأي لا يفسد للود قضية |
رد : داء الفكر المتخلف قياده المراءه
بيبسيه بنت كولا
حطيها دايمن ببالتس << احس انك تخاطبيني علي اني بنت انا نواف العتيبي يعني رجال الله يعافيك وشو لاتحطين وبالتس شكلك مكثره من الببسي واجد دمتى بوووود ولاهنتي علي ابدااء رايك |
رد : داء الفكر المتخلف قياده المراءه
قلبي يااسر
ياهلا وغلا والله (علشان اجيب بدال السواق _سواقه_ توديني اي مكان ابيه بدون هالمحرم اللي ناشبلنا و مانقدر نطلع إلا معه ) حلوه سواقه بالحيل هههههههه لكن عندى لك فكره حلوه علمووو شغالتكم علي السواقه منهاا تفتكين من المحرم علي قولتك ومنها توفرون راتب السواق وانا احس ان كل مقصدك يدور حول موضوع التوفير ..... بس تفكير سليم ( اشكرك نواف واعذرني علي الاسلوب ) حتى انا اشكرك جزيل الشكر واسلوبك ممتاز جداا جمع بين الجديه والمداااعبه وهذا المطلووووب ودمتى بوووود نواف العتيبي |
رد : داء الفكر المتخلف قياده المراءه
الاســـطــوره
بصراحه انا اول مشاركه لي هذي فحبيت اقول ان قيادة المرأه ماهيب شينه ياهلا وغلا فيك يشرفنا وجووودك واول من يقدم على المرور انا ابد قدمي والددسن ازهليها عندي اشكرك علي مرورك |
رد : داء الفكر المتخلف قياده المراءه
رامي السهاااام
ياهلا وغلاااااااااااا والله كلامك كله حلووووو ابد زيك بالظبط سبحان اللي خلق من الشبه اربعين لكن لي تعلي علي جزء من كلامك االلي قلت فيه وهنااااااك فوائد من سياقة المرأة واهم فائدة بتقل البطالة عندنا من خلال سعودة محلات البنشر ومحطات البنزين واللي بيشتري سطحة ويجلس يمتر الخطوط للاسعافات الاوليه ....<<خارج النص>> أنا اعتقد أن هالتا ييد كله لاجل مصلحه ماااديه لكن ماقول الا الله يرزقنا ويرزقك اشكرك علي مرورك |
رد : داء الفكر المتخلف قياده المراءه
خــــــــالديني
عقليتك اشبه ماتكون بمحيط يكتنز في مغباته الدرر والألئ وانا من اشد المعجبين بك وبمن هم في شاكلتك أسال الله ان يكثر منهم في اوساط مجتمعنااا الذي هو فعلااا بحاجه اليهم اشكرك جزيل الشكر ولاتحرمني من ردودك الفعاله اخووك نواف العتيبي |
رد : داء الفكر المتخلف قياده المراءه
شهرزاد
ياهلا ومرحبا يالله حيهااااا كلامك حلو وجميل ينم عن عقليه واعيه تدعو الي التطور مع الاحتفاظ بالقيم والتقاليد ولكن هل كل من يدعو الي قياده المراه يطالب بالتقاليد والاحتفاظ بها ؟ هذا الكلام اتمنى تحطينه في بالك زين مقتطفاااااااااااااات علي بعض ماكتبتيه : اخوي نواف بصراحة انا من اشد اشد اشد مشجعات قيادة المرأة للسيارة والله وانا اخوك مادرينا والا كان مانعارض ابد لعيوونك لحظة لحظة << مطلع اغنيه حلوه للفنان عبدالله الرويشد واختيارها يدل علي ذوقك الرائع من قال ان قيادة المرأة السعودية هو اللذي سوف يؤدي بها الي هاوية ومزالق التبرج والسفور << أنا والا ماني مالي عينك ؟ وانتي ترينهن طبعاً في الاسواق والاماكن العامة << تراك رفعتي ظغطي انتي وبيبسيه يابنت انا ولد وتكتبين انتي غير كده الصحابيات والنساء قديما كانوا يركبن الحمير ويسقن العربات ولم يكن في الامر حرج << أنا معك في هاذذي بس ماكان فيه حمير 745 تلفت الانتباااهـ وفي في الكويت والامارات والبحرين وقطر نساء قمة في الاحترام ويقدن السيارات ولم يضرهن شيء << لاتقارنين شباااب هالدول بالعرابجه اللي عندنا وش جاب لجااب هذي وجهة نظري واختلاف الرأي لا يفسد للود قضية وانا بعد ابديت وجهت نظري وتسلمين علي المرور المشررررف وكل الكلام اللي قلتيه حلوووو يدل علي وعيك والاحتفاظ بالتقاليد اللي ذكرتيها تدل علي سمو اخلاقك لك خالص تحياتي وتقديري نواف العتيبي << بين قفص التنسيق الذهبي وزنزانه نواف الهيلا الفضيه دمتم بوووود |
رد : داء الفكر المتخلف قياده المراءه
هل ايجابيات قياده المراهاو بالاصح الفتاه اكثر من سلبياتها ؟؟
هل ان مجتمعنا فعلااا بحاجه الي هذا الشي ام انها افكار علمانيه بحته اكثر مماهي افكار تطويريه ؟؟ لماذ يصرون علي قيادتها ويحتجون بوقت الدوام !!؟ مراسلكم من صنعاء نواف العتيبي.. خخخخخخخخخ شوف أخوي أنا مع قيادة المرأه مو لأني بنت ..فأنا متأكده لو إني رجل بظل من المشجعين لهذاالشيء لأن المشاكل اللي الكل يتكلم عنها أكثر الناس بتحصل في أول خمس شهور تقريبآ .. وماأظن أن الدوله مافيها رجال يمسكون نفسهم ويخافون على بنات الناس فيمنعون اللي ممكن يصير بعدين إحنا ما نتكلم عن أن الوحده تطلع وتتمشى من البدايه ناخذها خطوه خطوه إلا ما يصير الوظع طبيعي .. بعدين عندي ملاحظه مهممممممممممممممممممممممممممممممممممممه ممكن إنتو ما تنتبهولها ..اللي هي: مو كل عائله فيها رجل كثيير حالات العوانس واللي زوجها مسافر اللي ماعندها الا عيالها.. وأهلها مو مسؤولين عنهاأو متوفين .. هذي ما تحتاج أحد يعيلها يطلعلها ويدخلها ماأظن إنه ممكن تروح تخطب واحد عشان يسوق لها السياره تروح تقظي حاجتها .. إنتو تفكرون في نفسكم وفأخواتكم وبس لا فكرو في الغير ولو كانو الأقليه لانهم يحتاجون هذي الاشياء ظعفنا.. هذي وجهة نظري وشكرآ.. |
| الساعة الآن 02:18 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0