زيدان البديعه وانا واشياء اخرى


مقدمة الموضوع :

كنت في يوم اجيد ركل الكره ولازلت ولله الحمد

كني انا وابويعقوب متدربين في حوش واحد على قولة الاولين >>> ياصبر الاولين عليكم كل شن بتحطونه فيهم ,,,,,,,,

ولكن اللياقه اللياقه من اين لك بلياقه >> وجه واحدان مايلعب خمس دقايق الا دالع لسانه شبر :D
كنت هاك الايام احب شي اسمه كوره (( بغيت احلق شعري واخلي دواوير شعر على شكل كرة قدم )) وجه بيليه وهو
ابوعشر سنين ويلعب مع زيكو :)
p10
وكنت ذيك الايام من من مشجعين أس ميلان الايطالي و فيه من اللاعبين فان باستن >> اقدر هلاعب اول واللاعب خوليت
اللي صار الحين يدرب رونالينهو ورفاقه مع انهم مايحتاجون لمدرب يسد وجود هالافه رونالدينهو p30

وكنت احب لعب الكورة بس كل يوم والثاني احرس يامدمن احرس بس واترك انت مكانك في الحراسه قلت الشكوى لله سياتي اليوم اللذي تكون في مهاجم(( قناص)) وبيطلع واحد عقبك يقال له القناص <<<<<< ((( وجه كاهن شاب له عودين ويحت عليهم بحلتيت )))
واحرس وامل من الحراسه وكان فريقنا مهزوم بفرق هدف والوقت مافيه وقت وتجي ضربة ركنية وانا اللي اتهور واتقدم <<<<< متأثر بالبلاستيشن في نهاية الوقت يتقدم الحارس p3
ويهاوشوني فريقي ارجع ارجع ارجع يالمدمن جعلك تدمن على (( شريفي ))p8

وانا اقول اليا ياراجع (( يعني لاتفكرون )) واشارك واسجل وعقبها صرت احسن مهاجم
ونجيب التعادل وتشوف الملعب ماعاد تعرف اختلط الحابل بالنابل وتطاقوا طراه دوري الحواري ماتنتهي مبارة الا مشالخ ياالله انك تهديهم ياالله p7

وانتهت المباراة بالتعادل وعقبها معاد يسمعون فين هالفريق المغمور >>> وجه لاعب برز ونفخه الاعلام نفخا مبرحا وصرت مدير الفريق وصاحب الكلمه واللي ينفخ اوطا في حوض بطنه <<<< وشذا االعنف في هالمدرب
ويوم صرت مدير للفريق بديت اصفي اللاعبين وكني ارثر جورج مع لاعبين النصر طراه ان الادارة النصراوية اعطته الضوء الاخضر للغربله الله يغربل العدو :D
واخلي لاعبين فريقي المكونين من 7 اشخاص <<<< لايطلع لي احد ويقول وراهم مهوب 11 p3

من عقب صلاة الفجر معاد فيه نوم ادخلوا بس وخذوا الفسحه <<<< قديم مره وتعالوا للمعلب واتركوا التراسه ترا بكره منتب متوظفين <<<< الله من الهبال في هالمدرب p3

العبوا كورة وانسوا التراسه >>> طراه ان محمد نور معه سيارة فخمة ولا ادري وشي pp42

وصاروا يواضبون وتمارين وفرد عضلات وزحمه ولين جاء الضحى ناموا لهم ساعتين ثم قاموا واطلقتهم لبيوتهم الا غازي قلت تعال ياغازي انت لاعب فنان وتجيد الركلات الثابته والالعاب الهوائية وشرايك من نطرد ومن نخلي

قال تبي الصز اطردهم كلهم وولو انك منتب المدرب قلت بس بس خلاص يسد ناوي يطردني معهم
>>> مايلعب غازي هذا p16

قلت طيب نبي نبدا انا وياك في تكوني فريق يليق بفريق الادمان <<<< على كرة القدم قال خلاص وشرايك انت تروح لم طريق المدينة هناك ناس يلعبون كويس :)

وانا ابروح لم ملاعب الملز وبنكون فريق ماينهزم ابد ابد ان شاالله كنه ذاك الفريق اللي يلبسون ابيض وازرق ويفوزون دايم >>> الثقافة الكروية في الانعاش p6

واروح لشارع المدينة وهو يقع في غرب العاصمة الرياض يوجد فيه ملاعب ووناسة ابد كنه شارع الشانزلزيية >>>> سلوم ياسلوم خخخخخخخخخخخخ :D

وادور في هالشارع والقا ذاك الصالون القديم الاحمر ويبيع نعناع المدينه >>>> واشري منه واحط النعناع في كيس واذهب مقبلا على الملعب <<<< متعوب على هالجمله :D


والقا فيه ناس منتازين وفنانين مره واروح والقا واحد فنااااااااااان مره مره مره مره وعنده مهارات ويسوي حركة المروحه مهوب عاقل (( زيدان البديعه )) p10
قلت انا لازم اتفاوض مع هاللاعب واعطيه مقدم عقد لو يبي 22 مليون مهوب ياسر اطيب من زيدان البديعه >>>>>>>>>>>>>>>> بينطططططططططططططططططططق


واروح له واقول انت لاعب ونبيك معنا الا ماتعرفنا عليك قال انا فيصل قلت فيصل اللي يكتب في منتديات النمر والقناص مشاالله عليك وفنان بعد في الكورة ماشاالله طيب فيصل نبيك تعلب معنا كورة قال لا انا العب سله >>>> وشعنده فيصل فلاته المهم قلتله تكفا وشقلت قال اصبر ابرد لك <<<< طراه ان فيصل هالايام كابر راسه وودك ترفعه وتمحطبه >>> المدمن معصب p16

المهم مالكم بالطويله وقلت ميد = لم وليست دعاية لميد السوبرماركت خخخخخخخخخخخخ :D
غازي ياغازي لقيت ضالة الفريق لاعب منتاز اسمه فيصل وفنان ويعرف يسوي حركة المروحه وطويل وغبي >>>> متحمس

http://upload.wikimedia.org/wikipedi...ine_Zidane.jpg


وبيلعب معنا النهائي الكبير قال خلاص فله جبه معك وانا بعد رحت لعتيقه لقيت فيها لاعبين اطيب من فيصل ولايبون دراهم ابد ابد يكفيهم اللعب على النهائي الكبير والتشرف برفع الكاس الغالي من عمدة الحارة ابوجلمبو p13

قلت زين خلاص وادق على فيصل ولا هوب يرد وشعنده (( زيدان البديعه )) المهم واروح لبيتهم قبل بداية المبارة واطق الباب ويطلع لي اخوه الصغير عباس <<<< تحسون انه فيه عرق مصري قلت رح ياولد ناد اخوك فيصل المهم ولا فيصل توه قايم واسحبه ولاه بسروال السنه والفنيله العلاقي واركبه معي وادز به لارض الملعب قال فيصل اصبر انا لاعب كبير وبيشوفوني كذا بيقولون وش جاه فيصل انهبل قلت انطم بس (( وجه هوق هوقن وهو يشقق الفنيله )) قلت اسمع اذا فزنا شريت لك طقم لريال مدريد واطبع لك رقم سبعه طراه ان فيصل يحب راؤؤل (( بالمناسبه راؤول هذا يلعب بالواسطه ولا من جنبها هو )) p14

المهم ماعلينا من راؤول جعله الله يفتح على قلبه p7
اسمع يافيصل المباراة هذي فيها حياة او موت انا مالعبتا زين لاشنعبك في الملعب (( وجه فيصل يقول وش ذا الغثاء اللي انا فيه )) قال العب حافي قلت مهوب عاجبك يعني قال الا p3
((( يحب السلامه فيصل )))المهم وتبدا المبارة الحاسمه ولا فيصل ذاك اللي مايبي يلعب بس انه يبي السلامه ويبدا فيصل في نثر ابداعه وسط الملعب في حين ان الكشافه تتابع هذا الفتى الاسمر اللذي يداعب الكره بشكل عجيب مشاالله عليه وتاتي الكره بين اقدام فيصل ويتلاعب بالكره ايما تلاعب وياتي الصوت من بعيد
(( اعلق واصفق ماكانت هدف ماكانت قول شوف شوف شوف تاتي الابتسامه )) وجه يوسف سيف البديعه


المهم وتنتهي ذيك المبارة وناخذ الكاس
ويسلم من الطق ويصير صديقنا :D

مايستفاد من الموضوع
1 : الدارسه هي الزينه وهي المستقبل ويلعب عليك اللي يقول اترك الدراسه >>> وجه واحدن مجرب

2 : مقدم هالعقود والصجه عليها طراه انك ممكن تلقا لاعبين حواري يفوقون بكثير لاعبين الاندية

3 : انصحك بنعناع المدينه مع شاهي عقب العصر تراه منتاز

4 : الادمان انواع هناك ادمان على الكبتاجون والهيروين وهذا محرم شرعا ومهلكة أي مهلكه
وهناك ادمان كروي بان تحب لك لاعب معين مثل يوسف الثنيان ولا رئيس نادي مثل ابوسلطان وابوخالد الله يرحمه كنت من كبار المعجبين في شخصه الكريم رحمه الله
وممكن تدمن على قراءة مواضيع لفيصل مثلا وهذا شي طيب في بعض الاحيان وقد تدمن على مواضيع لقلم اسوأ من فيصل <<<<< خربها فلاتسمتع بطرحه اذن لماذا تدمنه


انتهى