مساء الخير للي في الليل وصباح الخير للي في الصباح

بعد انقطاع دام......لا أعرف المده باالضبط

حبيت اني اسولف معكم وافضفض عن مافي جعبتي من حتسي وهذره

أنا فتاة أدرس في الصف الثالث ثانوي (الادبي) في ريعان شبابي ونشاطي طموحه أحب الوناسه وسعه الصدر<<يمديكم كنها ناويه على شيp3

المهم أنا من طبعي الهبال والصرقعه يعني با العربي مستحيل يضرب بي المثل في الرزانه أبداً ومن سابع وعشر طعش المستحيلات

مررت بحياة جميله لا تخلوا من الصديقات المهبل اللي زيي

بس يوم جيت ثالث ثانوي غير والله غير ياناس حسيت من جد با الفرق أحنا في الفصل (15)طالبه كلنا سعوديات (ولا فخر)
أغلبهم صديقاتي والباقي جاين من بره المدرسه المهم

كلنا صديقات يعني شله وحده تخيلوا(15) طالبه شله وحده تخيلوا شكلنا واحنا نمشي واحنا جالسين يسمونا في المدرسه فصل متنقل

شلتنا المصونه مهبووووله بمعنى الكلمه طوول الوقت اوقات الفراغ بين الحصتين واحنا راجعين من البريك واحنا في الطلعه طق ورقص وناسه حتى انا قايلين اذا تخرجنا بنسوي فرقه طقاقات <<وش رايكم با الطموح

وفالين أم ابوها ودايم علينا الانظار ومهبلين حتى في المديره تخيلوا متوعده لنا والغريب اننا الفصل المثالي وحتى حصص النشاط المعلمات متطاقين علينا يبونا يقلون مميزات عندهم كل المواهب (اصوات رنانه-رسم-تمثيل- فن في الديكور وتصميم الكمبيوتر - والاهم راعين فزعات) p10
تخليوا ماخذين كل الجوائز من ضمنها

1- الفصل الجميل <<<هههه حلوه الجميل

2- الفصل النظيف

غير المدحات اللي تجينا لا وفي جائزه حذفوها يقولون كل شي انتو مكومين عليه احنا وش ذبنا لا وكل شي كوم والبزارين المتوسط كوم مو كلهم بس أغلبهم انواع الاعجاب والمصاله حتى انهم فصلوا فسحتنا عنهم سخافهفي ها البزران صح

الحين احنا نجهز لحفل تخرجنا انشاء الله يكون من احلى الحفلات بنسوي مفجاءت يمكن جديد شو وغريبه عن روتين مدرستنا ماراح أقول لان فيه ناس مابيهم يعرفون عشان يجون لحفل التخرج

أنا أدري اني قعدت أخربط واجد عليكم ومدري وش مصير موضوعي بس اهم شي افرغت مابي جعبتي