|
أعجبني ذاك الشاب{ادري ماراح تردونبس لازم نصحح النظريه}
ادري بتستغربون من الموضوع بس حبيت انقل لكم هالموقف وخاصة اللي يتهمون الشباب السعودي بالكسل وانهم مايبون يشتغلون وانهم مايشوفون ابعد من طرف خشومهم>>>>>ماانكر فيه ناس كذا بس مانعمم
الموقف زي ماصار: في سوبر ماركت شفت هالشاب اعجبني اعترف ماكان وسيم ولاانيق بس اعجبني ماكان يشتري اغراض للبيت ولاكان مدير للمحل بس اعجبني كان عامل عادي يعيد تصفيف البضائع ويرتب هالمكان ويروح لذاك المكان ودخل واحد كبير في السن صح انه نشيط بس واضح عليه انه ماييعرف يتسوق في هالاماكن اذا كانت زحمه وشكله اول مره يدخل هالسوبر ماركت>>>>مشتغله المحقق كونانp21 سال واحد من اصحاب الصفات اللي فوق عن مكان الزيت وطبعا الاخ السخيف>>>حقدت عليه قال مدري وطلع جلس هالرجال يدور في المحل وزي ماقلت لكم الشاب اللي اعجبني كان يتنقل من مكان لمكان لما شافه بالسله محتار خذها عنه وقل:عنك ياخال{لاحظواالفرق} ساله وش بغيت من المحل؟؟؟ وصار الرجال يقول وهذا يروح ويجيب له والرجال زي ماقلت لكم كبير انحرج منه قال له اعذرني وانا اخوك انا قروي وفي هذي الحظه تمنيت ان الاخ اللي كان رافع خشته لين وصلت السماء يجي ويشوف حط الشاب السله ومسك راس الرجال وحبه وقال له لاياخال لاتقول كذا اذا انت قروي فانا قروي اكثر منك وطلع الرجال بعد ماشال له اغراضه لحد سيارته لاحظتوا الفرق يعني مو كلهم زي بعض فيه ناس اهم شي عندهم انه يشتغل و يادي شغله باتقان واخلاقه عاليه وناس الله بالخير اكله ومرعه وقلة صنعه واتمنى ان الشباب السعودي على الاقل اغلبهم من الصنف الاول تحـــــــــــيــــــــــــاتــــــــــــــــــي |
رد : أعجبني ذاك الشاب{ادري ماراح تردونبس لازم نصحح النظريه}
0 0 0 الحمدالله لسا الدنيا بخير قصتك توحي ليه بموقف لما تسافرين راح تشوفين كثير نماذج لشباب سعوديين يمتازون بأخلاق وشهامه خاصه الطلبه يعطون صوره مشرفه عن الشاب والشعب السعودي شي يدعوا للمفخره لكن اللي يسافرون بغرض السياحه ولبلاد عربيه دائما اخلاقياتهم تعبانه للاسف ومغرورين يعني اللي شايف نفسه با الموقف الي ذكرتيه شاكلته انشاء الله تكون قليله 000 والله يكثر من الخيرين اللي من شاكله الصنف الاول:D ملتاعه على الملتاع دمتي بود |
رد : أعجبني ذاك الشاب{ادري ماراح تردونبس لازم نصحح النظريه}
اقتباس:
7 7 كـفـى وفــى |
رد : أعجبني ذاك الشاب{ادري ماراح تردونبس لازم نصحح النظريه}
وإنتي وش عندك قاعده تتابعين الولد وغريبه ماحس فيك وإنتي تطالعينه
بس والله الولد يعجبني اسلوبه اسلوب رجال وترى بيني وبينك ولاتعلمين احد ترى أغلب الشباب يبي وظيفه على مكتب ولا فوق كذا يبي راتبه 5 الآف وهذا اللي سبب العطاله وعلى فكره أنا اعرف ناس فتحوا محلات وإشتغلو فيها والحين في خير ونعمه . |
رد : أعجبني ذاك الشاب{ادري ماراح تردونبس لازم نصحح النظريه}
وليـه ياكافي مانرد؟ : $ لمّـا تشوفيـن مثل هالشباب تقوليـن يازيـن هالدنيـا بس لمن تشوفيـن الجهه الثانيـه من شباب أوبنات تقولين إتفييييه عليتس يادنيـا ! شي طبيعـي بنلقـى شباب كويسيـن مثل إلي قلتي عنـه وبنلقـى الشسمه الثانيـن :| بس البلـى بالكثره ! الله يكثر من أمثال هالشاب إلي قلتـي عنـه : $ ويهدي الباقيـن تسلميـن ملتاعه .. |
رد : أعجبني ذاك الشاب{ادري ماراح تردونبس لازم نصحح النظريه}
في كل مكان الناس أنواع
وخطأ كبير انا نعمم على الكل قصة رائعة ويعطيك العافية |
رد : أعجبني ذاك الشاب{ادري ماراح تردونبس لازم نصحح النظريه}
حبيته ودخـــل قلبي واللهp9 p9 p9 <<<على الحفه على اي احد تخق عليه الحمدالله والشكر
|
رد : أعجبني ذاك الشاب{ادري ماراح تردونبس لازم نصحح النظريه}
اختي ملتاعة على الملتاع اشكرك على هذي القصة الحلوة
الله يكثر من امثال هذا الولد وعلى فكرة كثير شباب سعودي من الصنفين بنات واولاد كويسين واخلاقهم رائعة وشوفي عندنا بالمستشفى فيه شباب سعودي اخلاق وعلم وفهم شيء يرفع الراس الي شايفين نفسهم الله يهيدهم واكيد بيجيهم يوم ويعرفوا ان شوفة النفس ما تأكل عيش وانا احترم الولد الي يشتغل اي شغلانة المهم يهتم بحياته حتى لو مو مهتم بمظهره اكثر من الولد الي بس منبطح وفي اخر اليوم يروح يئذي خلق الله او يدج في الشوارع |
رد : أعجبني ذاك الشاب{ادري ماراح تردونبس لازم نصحح النظريه}
هلا فيـــــكـ ملتاعه موضووعكـ حلوو وقصتكـ حلووهـ
وهـ الشااب اللي في هـ القصه يأكدلي هـ المقووله (أصابعكـ مو سوى ) وكـــــل مكان فيه الزين والشين وهـ الشاب دلاله على انه في عندنا اكثر من واحد مثله وأحسن وحلوو تعامــــل الشااب مع الرجاال الله يحفظه وويوفقه ويكثر من أمثـــــاله عو111111في ملتاعه |
رد : أعجبني ذاك الشاب{ادري ماراح تردونبس لازم نصحح النظريه}
|
رد : أعجبني ذاك الشاب{ادري ماراح تردونبس لازم نصحح النظريه}
الله يعطيك العافيه أختي على نقلك الواقع الذي شاهدتيه والقصة الجميلة
وشبابنا فطرتهم خيره والله يكثر من أمثال هذا الشاب وتقبلي تحيات أختك |
رد : أعجبني ذاك الشاب{ادري ماراح تردونبس لازم نصحح النظريه}
هي فضحتينا هذا انا بس يمكن انتي ما شفتين زين انا مملوح >>> واضح
الحمد لله أخلاق عاليه أكيد طالعه مني >>> ولا رياء الف شكررر خيتي على القصه ولا تصدقين انا طالب منتف ؟؟؟؟ . |
رد : أعجبني ذاك الشاب{ادري ماراح تردونبس لازم نصحح النظريه}
نادرين الي مثل كذا يالله نلاقي مثلهم ...
وشباب الحمد لله على العافية ولا ودك تمحيهم من الوجود .. لكن دايم نقول اصابعنا ماهي سوا ... سلمتي ودمتي لو رحتي مرة ثانية سلميلي علية .. اصايل .. |
رد : أعجبني ذاك الشاب{ادري ماراح تردونبس لازم نصحح النظريه}
مثل ما ذكر أخوي " ملينا البعد " أغلب الشباب الخليجي بشكل عام يفضل الوظيفة المريحة و براتب و مميزات جيدة لذلك قلما ّ نجد شباب سعودي يعمل في مثل هذه ِ الأمكنة ::
. . . . بالتوفيق إن شاء الله :) |
رد : أعجبني ذاك الشاب{ادري ماراح تردونبس لازم نصحح النظريه}
قصة رائعة ويعطيك العافية
بالتوفيق إن شاء الله pp55 |
| الساعة الآن 03:39 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0