السلام عليكم ورحمة الله وبركاته
كيف حالكم يا أعضاء القناص
لان هذا المنتدى غالي علي كثير حبيت اكتب واشكي همي فيه بعد الله رغم غيابي عنه عام كامل بسبب زواجي
أصعب موقف أشوفه واعيشه بحياتي اني اشوف جدتي تموت قدامي ولا اقدر اسوي شي
كانت لحظه صعبه كثير لدرجة اني ماقدر اتخيل هاللحظه
جدتي رحمة الله مرضت فجأه رغم انها لم تكن تشكي من اي شي ولم تنتظر طويلا وهذه رحمة من الله سبحانه وتعالي جلست في المستشفى ثلاث اسابيع بسبب مويه في الرئه سحبوه منها حوالي اربع او خمس علب وبعدها توقفوا والماء يزداد يوم بعد يوم حتى امتلى جسمها كله ماء واصبح الجسم منتفخ من الماء وبعدها فارقت الحياه لحظة زيارتي لها في المستشفى في هذه اللحظه وبعد جلوسي عندها ثلاث ساعات ونصف إلا والجهاز يتوقف عن التشغيل جهاز الضغظ وتخظيط القلب يتوقف تماما وانا انظر له غير مصدقه انظر وانا اقول لا اكيد الجهاز تعطل فيه شي لالا جدتي ماماتت لم اكن اصدق الا بعد ماقالوا الاطباء انها ماتت بعد ماجلست هالفتره وهم يقولون مالها علاج عندنا حتى العلاج اللي كانوا يعطونها اياه وقفوه بحجة انها لاتحتاج حتى النقل لاي مستشفى تخصصي يردون بالرفض معقوله هذا حال مستشفياتنا ليه خصوصا كبار السن اشوف ان مالهم عنايه ليه ؟ هل السبب انهم كبار سن مايتحملون اي شي حتى المنظار رغم انه عادي الا ان جدتي رحمه الله قالوا ماتتحمله ومو على كذا وبس انا لحظت انهم ماكانوا يتابعون جدتي في اي شي لا غيار ولا غيره رغم منادات امي اطال الله في عمرها لسسترات الا انهم لايجيبون لـ ندأها او يقومون بتصريفها بالمجي بعد شوي ولا يأتون .
اعلم انا هذا كان يومها حتى لو قاموا بنقلها لاي مستشفى متخصص ولكن انا اتكلم عن العنايه بالمرضى لماذا وصلوا الى هذا الأمر الاستهتار بمتابعة المرضى والعنايه بهم .
واللي مصبرني ومهون علي مصيبتي انها ماتت بهدوء من غير صوت وماتت في ليله فضيله ليلة الجمعة .
رحمك الله ياجدتي وادخلك فسيح جناته وجعل الله قبرك روض من رياض الجنه . لن أنساك ياجدتي بدعواتي الصادقه لكِ بالرحمة والمغفره .
هذا ماأردت انا افضفض مافي قلبي لمنتديات القناص وأعضاءه الأعزاء .
أختكم / ريـــم الهلاليـه
02-02-2011, 10:18 PM
أصعب موقف مر علي في حياتي أبوحه لكم
العرض الشجري
