.





بسم الله الرحمن الرحيم








السلام عليكم ورحمة الله وبركاته





مسـآء آلخير






شن محلل قناة الجزيرة سامي الجابر هجوما كاسحا على اتحاد الكرة السعودية
بعد هزيمة المنتخب السعودي امام منتخب الأردن بهدف وحيد اخرجه من سباق بطولة أسيا 2011م
وقال الأسطوره أن الشق أكبر من الرقعة
وأن مشاكل الكرة السعودية أصبحت تحتاج لوقفة حازمة جدا وليس لمهدئات

وتهكم الأسطوره بسخرية عندما قال : بعد الهزيمة هل سيقيلون الجوهر ويعيدوا بوسيرو من جديد..!!

وأوضح سامي أن الكرة السورية والأردنية أصبحت افضل من الكرة السعودية
مستشهدا بتعاقد الفرق السعودية مع لاعبين من تلك الدولتين لإضفاء القوة على الدوري السعودي

وقال الجابر أن الجميع يعرف الخلل وخاصة الإعلاميين
لكنهم لايوجهون نقدهم لهذا الخلل ( يقصد الأمير سلطان بن فهد والأمير نواف بن فيصل)

وأكد أن بعض الملاعب السعودية لاتوجد بالمدارس وهي من اسباب التخلف الكروي
وقال : حضرت اجتماعين للجنة المنتخبات ولم نتكلم بالتطوير أو التحضيرات بل كان الكلام عاما فقط..!

في السياق نفسه أكد المحلل نواف التمياط أن عقليات اللاعبين تحتاج إلى إعادة صياغة
وأن الكرة السعودية تحتاج لدعم حكومي أكبر من الحالي
معتبرا أن طريقة المسكنات يجب ان تنهي للأبد ويعود المسؤولين لعمل منهجية صحيحة وليست وقتية




آلمصدر؛
شبكة آلزعيم


هذآ جزء من حديث سـآمي بعد آلخروج من آسيـآ



http://www.youtube.com/watch?v=0r2Ap6ptDtc






وأنـآ أتفق مع سـآمي إلى متى آلصمت وآلسكوت ،،





لكم مني كل آلود
:f::f::f:

سآمي أنت سآمي
كفو يآبطل كفو كفو كفو pp35

وهذا الصح من يوم ما اخذ الرئاسه والكره السعوديه الله اعلم فيها
ويضحك علينا يجيب مدريبن وهو اللي يسوي الخطه
مانبغااااااااااااااااااااااااااااااه بالعربي

بس للاسف مافيه اعلام يقدر يقول هالكلام
كل مايقال سم .. وطال عمرك .. وابشر ..وبس
الرياضه هي متنفس الشعووووب عند كل العالم الا السعوديه عندنا الرياضه مجاملات
هل يعقل ان كل المدربين اللي مروا علينا بعد تولي الامير سلطان الرئاسه العامه فاشلين
وهو الوحيد الناجح !!
شلنا مدربين كثر التراب ولافاد ( الجهاز الفني تغير ) متى يتغير ( الجهاز الاداري ) ؟؟
تولى الرئاسه من منتصف عام 99 تقريبا يعني 12سنه تقريبا .. وش الانجازات اللي صارت ولا شي
لا انجازات ولا استمرينا على حالنا الا صار تدهور وشي يفشل
وضاعت هيبة الاخضر
كان صاحب السمو يقول طال عمره بننافس على كأس العالم عام 2010 .. واحنا اليوم سوريا والاردن تهزمنا وتفوز علينا
بكره بتفوز علينا الهند

واذا صار هزيمه حطوا الحره في المدرب
واذا صار فوز قالوا جهود الامير سلطان ونواف

انا استغربت من قرار الاقاله .. ذكروا انه تم بعد عقد اجتماع والتناقش مع اللجان تم اتخاذ القرار .. ماامداكم اصلا تجتمعون
الا كان اجتمعتوا في الباص هذا شي ثاني
واللجان هذي وينها بالله عليكم
يقول الامير ان التشكيله مو كويسه والغريب قبل المباراه يقول ناقشت المدرب في التشكيله وهي تشكيله ممتازه << وش هالتناقض اللي في يومين
وليش اصلا يناقش المدرب اتركوا له حريه الاختيار
وبتناقشونه في التشكيله .. ليه تجيبونه اساسا ؟؟

وناصر الجوهر مسكين :(
احس انه حبوب بنادول كل ماطق عودن حصاة حطوه ههههههههههههههه
يشيلونه ويحطونه يشيلونه ويحطونه

عذرا طال عمرك بس ماضيعنا الا خططك المدرو سه المهروسه واللجان حقتك
خلاص جربت لك 12 سنه وماقصرت بذلت جهدك بس فشلت
ارحل ارحل ارجوووك
فكنا تكفى
واترك غيرك يصلح مايمكن اصلاحه
اذا طلعنا من الدور الاول ارحل وقل ماعندي شي اقدمه
واذا صارت معجزه وفزنا ارحل وقل بختتم طريقي وانا زعيم اسيا
المهم انك ترحل
الامير المرحوم فيصل بن فهد
رحلت ورحلت معك هيبه الكره السعوديه
افتقدناك ياابو نواف