|
!.. يا بحر .. الليلة .. راح النهار .. لو دامت .. يا شيخة ..!
بسم الله الرحمن الرحيم السلام عليكم و رحمة الله و بركاته حي الله أحبائي أعضاء و زوار منتديات القناص كيف الحال؟ عساكم بخير؟ حقيقة كتبت 5 قصائد أتمنى تعجبكم و تنال على إعجابكم و لا تحرمونا من ردودكم و دعائكم بسم الله نبدأ:- !.. يا بحر ..! يا بحر جيتك و أنا كلي هموم جيتك و كلي أمل في فزعتك جيتك من اللي أشوفه كل يوم زول خلن يشبهك في رقتك راح و ماخلا بعيوني أي نوم راح و ضيعني و جيت لشكوتك أدري إنك صاحبي وقت اللزوم و ما تقصر يا بحر في مدتك هاك همي خلني بليا هموم و إن بغيت العمر كله فدوتك طالبك لا جاك خلي لا يقوم علمه إني شكيت لحظرتك علمه إن الجفا مثل السموم تذبح الرجال لو هي مرتك و علمه إني أحبه موت دوم و أتحرى نجتمع في جيتك يا بحر إنت السند و أصدق كتوم و إنت صاحب من تمنى خوتك لا تلوم اللي يجيلك لا تلوم كل ماضاقت همومه دلتك و يا بحر يا حافظ أسرار النجوم يا جعل ربي يزيد بطيبتك و يا بحر يا حافظ أسرار النجوم يا جعل ربي يزيد بطيبتك !.. الليلة ..! الليلة مابي أحد أبيك بلحالك و بحتفل في رجوعك يا مفرحني بضوي شموع الفرح في طلة هلالك و أقول يا مرحبا باللي سأل عني القلب من فرحته وقف و حيا لك و العين من شوقها راحت تسابقني حتى مكاني على كفوف الغلا شالك ياللي أحبك كثر ماكنت توحشني نسيت من فرحتي أسأل عن أحوالك و نسيت لاعاتبك عن غيبتك عني تفداك كل البشر لاقرب ظلالك و يموت قلب الحسود اللي يعاندني ولو كنت فوق القمر و الله لأرقالك وشلون لاشفتك قبالي تكلمني ياما حلا بسمتك و ياما حلا خصالك و ياما حلا صوتك الناعم يذوبني أموت في جرأتك و أموت في هبالك حتى إذا خطيت في حقك تسامحني و ماترقد عيونك أدري دوم في بالك مثلك حبيبي و طيفك مايفارقني خل العتب يابعدهم قول وش حالك أشغلت بالي عليك أرجوك طمني عساك مرتاح في حلك و ترحالك ياماخذن قلبي و بالي و مشغلني أنت الوحيد اللي إذا غبت أشقالك و أنت الوحيد اللي من الكون يسرقني حتى أبو نوره من الأعماق غنالك و قال الأماكن بدونك ماتونسني تكفى طلبتك أبيك تزيد بوصالك أخاف لاغبت أكثر ماتحصلني أبيك تذكرني إذا جيت في بالك و أنا على العهد باقي يوم تذكرني و الليلة مابي أحد أبيك بلحالك و بحتفل في رجوعك يا مفرحني و الليلة مابي أحد أبيك بلحالك و بحتفل في رجوعك يا مفرحني !.. راح النهار ..! راح النهار و جاني الليل بأحزانه وأقول وينه حبيبي اليوم ماجاني طول علي و عيني اليوم سهرانه و ماله عوايد يخليني و ينساني مرات أقول يتغلى و أحترم شانه و مرات يقسى و يزعل و يتحداني عذبني مابين ذكرانه و نسيانه و زود علي الوله و إن رحت ناداني أشتاق له إن تنرفز و أعشق جنانه و يتشاق لي إن زعلت و زدت بجناني علمني الحب في قربه و هجرانه و علمته شلون يعشقني و يهواني ومن كثر ماحبه درو فيه جيرانه ومن كثر ماحبني دلوه جيراني أغار من صحبته و حتى من أخوانه ويغار هو من عيون الناس و أخواني يزين صوته و هرجاته من لسانه ويزين حتى العتب منه على شاني ودي يجيني قبل لا تنعس جفانه و قبل يجيني النهار و تنعس جفاني وراح النهار و جاني الليل بأحزانه و أقول وينه حبيبي اليوم ماجاني وراح النهار و جاني الليل بأحزانه و أقول وينه حبيبي اليوم ماجاني !.. لو دامت ..! لو دامت لغيرك ما إتصلت إليك و أنا بروح و خاطري مارضيته تزعل علي و تحسب إني براضيك مسكين ماتدري عن اللي نويته راح أتركك عبره لغيرك و أخليك تندم على اللي في المحبه جنيته بعلمك وشلون تقصر خطاويك وشلون تتكبر على اللي هويته غروك عذالي وزدت بتغليك غروك مافادوك و الهم جيته أهديت لك عمري وخاب الرجا فيك و خذيت من قلبي غلا ماعطيته و ياكثر ماتخطي بحقي و أداريك و أسامحك و أقول خلي فديته وياكثر ماصديت عني و أناديك و إنبح صوتي و البلا ماوحيته و اليوم أنا بقول ها روح مابيك و بكتب على رقمك حبيب و نسيته خل ينفعك كبرك حبيبي و تعليك خلاص أنا من باعني ماشريته ولو دامت لغيرك ما إتصلت إليك و أنا بروح و خاطري مارضيته تزعل علي و تحسب إني براضيك مسكين ماتدري عن اللي نويته مسكين ماتدري عن اللي نويته مسكين ماتدري عن اللي نويته !.. يا شيخة ..! يا محمد راض اللي زعل منك بأبيات راضه عشان يعرف قيمة غلاته قصرت في حقه على كل حالات والشاهد الله مانساك بحياته لعندهم أجي و أدوره بس بسكات و أراقبه واميزه من سكاته يفرق عن العالم و فيه إختلافات في طيبته و بهيبته و بصفاته يا بنت يا شيخة جميع الجميلات يا جامعه كل الحلا من شتاته ياللي تميزتي ولا لك شبيهات مثل القمر لاشبهوك بحلاته ــــــــــــــــــــ ـــــــــــ ــــ ـ ملاحظة:- قصيدة يا شيخة كتبتها على السريع أتمنى تعجبكم قصيدة لو دامت الشطر الأول من البيت الأول إقتبسته أنا من قصر السيف العامر بالكويت لأنه مكتوب في واجهة القصر (( لو دامت لغيرك ما إتصلت إليك )) أتمنى إستمتعو بقلمي و أتمنى راق لكم ولا تحرمونا من أرائكم و ردودكم .. THE END .. تحياتي لكم أخوكم:- ABO FAISAL 20 ( محمد ) |
رد: !.. يا بحر .. الليلة .. النهار .. لو دامت .. يا شيخة ..!
وانا اشوف النظم منور اثر ابو فيصل منزل قصيده P9CC2 ي البييييييييييييييييه بسسP9P9 P9p18P9 ارررحب يا بوحميد تراحيب المطر وصح الله لسانك واعتلا شانك على هذه القصيدهP9 الحقيقه حبيت اقتبس احد ابيات هذه الدرر P9 ووجدت انها جميعا تستحق الاقتباس P9 تحياتي لك ي امير القصيدP9:f: ونترقب جديدك p18P9:f: |
رد: !.. يا بحر .. الليلة .. النهار .. لو دامت .. يا شيخة ..!
ما ازيد على كلام اخوي الامبراطور كفى ووفاءCC2P9P9 مع ان الردودنا لا توازي مشاعرك بالقصائد:$P9 دمت بكل P9 |
رد: !.. يا بحر .. الليلة .. النهار .. لو دامت .. يا شيخة ..!
كالمطر , نصوص زاخرة بسحابة فياضة بغيث المشاعر والاحاسيس الجميلة جميل , وجميل جدا ما قرأت وأنت من خلفها , اجمل وأجمل صح لسانك تحياتي لك |
رد: !.. يا بحر .. الليلة .. النهار .. لو دامت .. يا شيخة ..!
يعطيك العافية محمد P9:d
ماشاء عليك يالغالي قصائد ولا اروع pp13 صح لسانك وعلا شانك P9 pq16 كل التوفيق لك يامبدع وفي انتظار جديدك :$ |
رد: !.. يا بحر .. الليلة .. النهار .. لو دامت .. يا شيخة ..!
* ما شاء الله عليك يا محمد ||~.. قصــأئد أكثر من رآئعه .. أحتــأر وربي لمــأ أدور عن بيت حلو .. دمت مبدع اخوي محمد .. |
رد: !.. يا بحر .. الليلة .. النهار .. لو دامت .. يا شيخة ..!
يعطيك العافية محمد
كلهن الخمس إبداع موفق P9 |
رد: !.. يا بحر .. الليلة .. راح النهار .. لو دامت .. يا شيخة ..!
يعطيك االعاااافيه ...
آبدعت .. |
رد: !.. يا بحر .. الليلة .. راح النهار .. لو دامت .. يا شيخة ..!
صح لسانك على القصايد الدرر ياحلو
شاعر مميز يابوفيصل تحياتي لك |
رد: !.. يا بحر .. الليلة .. راح النهار .. لو دامت .. يا شيخة ..!
جميل اخوي محمد صح لسانك
|
رد: !.. يا بحر .. الليلة .. راح النهار .. لو دامت .. يا شيخة ..!
**
P9نصوص زاخرة بسحابة فياضة بغيث المشاعر والاحاسيس الجميلة P9 P9 والله روعه يعطيك الف عااافيه p30 p30 صح لسانك واعتلا شانك P9 :$ تحياتي.. al maestro |
رد: !.. يا بحر .. الليلة .. راح النهار .. لو دامت .. يا شيخة ..!
أوووووب وش ذآ الإبدآع CC2pq19P9
قصآئد مميزه من شآعر مميــز كل قصيده لهآ رونق خآص P9 " أبـــو فيصصل " متأللللق كثيير دمت شآعر مميــز لآحُرمنآ جديدك |
رد: !.. يا بحر .. الليلة .. راح النهار .. لو دامت .. يا شيخة ..!
,’ P9 مشاعِـر وآفـره صـح لسانك وَ طابَ بنانُك ,’ تحية بيضاء pq5 |
رد: !.. يا بحر .. الليلة .. راح النهار .. لو دامت .. يا شيخة ..!
صح لسانك
القصيده روعهCC2 |
فاتن أنـت : )
|
| الساعة الآن 05:12 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0