إعداد وتنسيق:
Mi manchi
تصميم :
Sara_20
عرض في برنامج " صدى الملاعب " الذي يعرض في قناة Mbc
اليوم الأحد ليلة الأثنين الموافق 28-12-2010 / 20 -1- 1432
ثُنائية على طريقة صدى الملاعب مع الكابتن ياسر القحطاني ومحمد الشلهوب
قبل التوجه إلى الدمام للإلتحاق بمعسكر المنتخب .
و الحلقة كانت من تقديم : مصطفى الآغا .
و يسعدنا نقدم لكم ما يخص الكابتن
" ياسر القحطاني "
:: نص اللقاء::
المذيع ماجد التويجري : ياسر شايف نفسه ؟
محمد الشلهوب : لا بالعكس ..
المذيع ماجد التويجري: لاتقول لي بالعكس ؟
محمد الشلهوب: لا ياسر والله متواضع صراحه ..
المذيع ماجد التويجري : متواضع كيف ؟
محمد الشلهوب : متواضع ماشاء الله عليه يعني , متواضع صدق .
المذيع ماجد التويجري: أحس إنه الرجال صدق, شال "الكبتنيه" في كأس الخليج
ودقها بكوه بعد المباراه ؟
ياسر القحطاني : أبو حميد كابتنا كلنا, لاعب كبير واللي حصل في كأس الخليج
صراحةً بكانا إحنا وإحنا برى فما بالك باللي داخل الملعب.
المذيع ماجد التويجري: طيب وش الطريقه ذي اللي طايح فيها "يلخم" الناس, لاجاب
أحد قول سوا فرحه معينه يبي يحسس الناس كأنه هو اللي جايب القول , ماشفته
أنت بالذات في مباراه .... (يسئل الشلهوب).. أي مباره ؟
محمد الشلهوب : المباراه اللي سجل فيها تياغو ومباراه هنا كانت في كأس الامير
فيصل ..
يقاطعه ياسر : بالعكس هذا إن دل على شي دل على ثقافة محمد إنه أهم شي نفوز.
يقاطعه ماجد التويجري: وش ذا الثقافة ؟
ياسر : إيه اهم شي عنده الفوز , فرحته فرحة الهدف , فرحته فرحه الفوز , يعني
موب شرط إنه هو يسجل .
يقاطعه الشلهوب: وألخم ياسر بعد في بعض الأهداف ألاحقه .
ماجد التويجري: طيب رائيك بالقول اللي جابه في المجمعه هناك, بالرأس ماادري
شلون لف راسه ماادري , إحس انه مايعرف له إلا هو وإلا لا ؟
محمد الشلهوب : والله شف ياسر كل أهدافه حلوه والله موب يعني اقولها كذا , لكن
كل أهدافه حلوه صراحه .
يقاطعه ماجد التويجري : تنقص ؟
محمد الشلهوب : لا لا والله ماانقص هذي والله صح ياسر كل أهدافه حلوه .
يقاطعه ماجد التويجري : يبي يعيش الرجال على آخر عمره ..؟
ياسر :لا هو يقول كذا عشان أنا الحين أجي أقول لا والله أهداف محمد هي اللي حلوه
وكلها حلوه .
ماجد التويجري: لا الرجال يبي يعيش على آخر عمره , ماتحس إن هم مجاملينه
وحاطينه في المنتخب في هالقائمه ؟
ياسر : محمد .. محمد إذا ماجاء المنتخب من اللي يجي المنتخب أجل, أنا وياك ؟
ماجد التويجري: أنا وياك ممكن .. صدق ماتحس مجاملينه رجال كبير يااخي من أيام
الدعيع ومن أيام الهكسوس ؟
ياسر : محمد بالعكس قاعد يقوم بأدوار, يمكن حتى الحين مركزه في الهلال
مركزجديد وصعب بصراحه , إحنا فاجئنا محمد في الادوار اللي قاعد يسويها في
المباريات والحمدلله يعني ماشاء الله تبارك الله نجح .
ماجد التويجري: كيف لما يجيك واحد مثلا يقول الشلهوب كان الكابتن , بعدين
عبداللطيف الغنام صار الكابتن وإنه حكر على لاعبين الهلال , وشرايك ؟
محمد الشلهوب : والله ماادري وش اقول لك لكن أنا يعني ماصرت كابتن
إلا بإتفاق من زملائي اللاعبين وغير كذا لو بتجي بالإستحقاق
يعني كنت أستحقها ..
ماجد التويجري : بتآخذها من ياسر ؟
محمد الشلهوب : لاهو حالياً يعني ياسر هو الكابتن .
المذيع ماجد : تتوقع لو أخذتها منه يقلب عليك ؟
ياسر : باأطقه .
"الحديث في محور آخر "
محمد الشلهوب : أتوقع في محللين كثيرين يعني ونشكرهم كانوا يعني مع
اللاعبين وبالعكس يعني حنا ترى نحتاج لمحللين يعني يكونون معنا , هم
مايدرون يعني إننا نسمع منهم , فيه يعني مثل المحللين اللي يقول
عنهم ياسر يعني هذولاء حتى مانطالعهم حقيقه يعني ..
يقاطعه ماجد : كيف يعني تغمضون عيونكم ؟
ياسر : لا والله نضحك .. اقسم لك بالله يعني ترى اللاعب السعودي
وصل لدرجه وعي كبير جميع لعيبه المملكة يعني وصل لدرجه انه
صار يعرف هذا الشخص يبحث عن ظهور فـ نضحك , بالعكس
يعني يونسونا ويفرحونا ..
يقاطعه ماجد : على حسابكم يعني , الشلهوب ليش يشوت ضربه الجزاء ,
الشلهوب قد ضيع , الشلهوب يبغى مجد شخصي ....على حسابكم يعني ؟
الشلهوب : لا هو ضربه الجزاء كانت محدده اصلن من المدرب ..
يقاطعه ياسر : أنا أتكلم لك على "بعض "( يقصد المحللين) على شان ينجح برنامجه
لآنه جرت العاده إنه محمد يشوت بلنتي , كل الناس تعرف انه محمد يشوت
بلنتي , كل الناس تعرف إنه محمد من أفضل اللعيبه في ضربات
الجزاء فـ ليش إنت لازم تخالف .. "خالف تُعرف ".
ماجد التويجري: أقولك تقدر تعيد الكلام , ماتقدر تحكي مثل ياسر ؟
محمد الشلهوب: لا ياسر ماشاء الله مااقدر عليه ..
يقاطعه ماجد : ماتقدر عليه
محمد الشلهوب: مره مره ماأقدر عليه
ماجد التويجري : أنا أحس إنه بالع رادو يااخوي ؟
محمد الشلهوب : لا..لا ماشاء اله عليه إلا هو مثقف وهو المتحدث الرسمي
يقاطعه ماجد : وإنت ماأنت مثقف؟
محمد الشلهوب: لاانا ماعندي ثقافه زي ياسر ماعندي .
لمتابعة التغطيه المصوره [ اضغط هنا ] قريباً
تقبلوا تحيات فريق العمل
Yasser Media
27-12-2010, 05:25 AM
ياسر لـ صدى الملاعب: إذا الشلهوب ماجاء المنتخب من اللي يجي أجل "التصريح نصاً"
العرض الشجري
