السلام عليكم ورحمة الله وبركاته
صباح / مساء الخير يا أحلا منتدى وأحلا أعضاء
حبيت أشاركـ في هذا القسم بقصيده لعل وعسى أن تعجبكم وترتقي لذائقتكم
نويت بالمسرا ويا بعد مسراي
في ظلمة الفرقا وساري بلا نور
أبي أغادر وأعتقد ماني ابجاي
لوكان حبك وسط الأعماق مقبور
لكن لاتنسى مع الوقت ذكراي
عساك تقضي باقي العمر مسرور
وصْلتْك باي فراق.. ماغيرها باي
ماودي أنطقها ولكن مجبور
مجبور أوادع ما بقى للوصل راي
صدتك طالت وأنت مأنته بمعذور
ودي بقربك و أنت ودك بفرقاي
لكن قل ماجور وأقول ماجور
ياصاحبي لك مني أزكى تحاياي
دم التلاقي بيننا صار مهدور
مع السلامه والسلامه هي مناي
حتى ولو دمعي على الخد منثور
أزايم اللوعه من أقصاي لأقصاي
وأضحك.. ونبرات الحزن تلعب الدور
ودعتك الله وأعتذر عن خطاياي
والخاطر المكسور لازال مكسور
يعني فمان اللـه ياداي و دواي
ماظن باقي غير شوري هذا شور
لو كان بَعدك ينطفي نور دنياي
أنا بشر وأعيش باحساس وشعور
لكن فالأحلام لاجيت وياي
سلم على طيفي وأقول (إ)لك مشكور
مابيكـ تنساني ولو كنت نساي
مادام لكـ بيتٍ ورا الصدر معمور
على الأقل تبلّ قلبك بذكراي
لو إن ذنب البعد ماهوب مغفور..!
وسلامتكم
أخـوكـم/سـ(ع)ــود
أمـوت فـ20ـي
14-12-2010, 02:32 AM
ظلمة الفـرقا..!
العرض الشجري
