|
رد: ¬ غنِي لـٌي :" أحسَاسَكْ " قصَايـﮧـدْ !
, سلامة رماحـك اللي جرحها غـالي طعنتني غاضب لين أنكسر رمحك ! لو قلت لي / كان أجرح حالي بحالي لا عاش قلبٍ جزع وارتاع من جرحك "لاجلك" جروحي غدن اليوم عذالي ذميِّت ظلمك وأنا من عادتي مدحك ! ياليت| لي ذنب وألقى علقمك حالي وياليت بك عدل..وأرضى ف الهوى ذبحك ياسيدي وإن نويت تزيـد غربالي قلي وأنا أبعد ظلامي عن "سنا صبحك" ! لو ما يسرك أطو ل الشمس بجبـالي مايكفي إن عشقت جبالك وسفحك كل الهوى بالهـوى يزهى ويختالي وأنا الذي في خسارة عزتي ربحـك ياعل ماتزهرالأشجار في رمـالي لو| أعتذر عن شموخي في رجا صفحك سـلامة رماحك الي جرحها غالي طعنتني غاضب / لين أنكسر رمحك . .pq5 _ بدر بن عبدالمحسن |
مديونه ..
مديونـــه وقــل منـكـ العطا مديونه ولا رديتي الجميل أساــــير الوقت كفاني ما مضى توه فكرى والعمر غادي ضليل صبري معكـ يا منوتي حذاني قصى تالي عمار الحب في بطن المســـيل ما غيري أنسان على جمركـ وطى ليش أختيارك لي ما صــار البديل ترى عاذلي من ســـوء حال أحتفى ما أذوق طعم النوم في ليل الضقيل أنا أسأل الأيام وش رد الوفا لاصار خلي بالعطا أصبح بخيل لِ ملك الفن / خالد عبد الرحمن .. P9 |
ياعذابي كيف انا بقوى عذابك لاصار في بعدك عذاب وفي قربك عذاب ياشبابي زينة ايامي شبابك لك في حياتي احساس ونسيانك احساس ماتصدق لو اقول انك حياتي في كل شي سمعي وشوفي انت دمي واحساسي بأسم الهوى لازلت فكري وهوجاسي تدري علي بعدك عذاب وفي قربك عذاب ياحب مالي فيه غير الشقى ياحب اخذ من حياتي مابقى ياحب مالي فيه غير الشقى ياحب اخذ من حياتي مابقى ياحب مالي فيه غير الشقى ياحب اخذ من حياتي مابقى :(: " خالد عبدالرحمن " P9 |
رد: ¬ غنِي لـٌي :" أحسَاسَكْ " قصَايـﮧـدْ !
من عذابي قلت لعيونك هلا
يا هلا بك يا عذابي يا هلا ما يكفّي لوعتي بك من غلاك رحت تبعد عن عيوني يا غلا تحسب اني سالي مثلك وانا في هواك الله حسيبك مبتلى ما يسليني مكان ولا زمان لا ولا غيرك حبيبِ لا ولا قلبي الي ما يطيع لمن بغاه من نظر عينك تعهّد بالولا صار لك بالقلب مرباع ومصيف يوم غيرك عن مرابيعه جلا فيه لك مقيال عن حرّ الزمان والدفا عن برد شمله بالخلا للامير الشاعر / خالد الفيصل .. |
رد: ¬ غنِي لـٌي :" أحسَاسَكْ " قصَايـﮧـدْ !
الله لا يجيب الزعل بينك وبينـي :( تضحك الدنيا في عيني لا رضيــت لو اقول انك حياتي ما وفيــت وان زعلت ارضيك انا يانور عينــي ! واقبل اعذارك واسامح لو خطيـت كيف انا اضيع حبيبي من يدينــي الله لا يجيب الزعل .. الله لا يحرمني منك ومن حلاك ومن دلالــك ما اتمنى غير شوفك مبتسم مرتاح بالــك انا محتاج لحنانك مهمـا كــان انت في بالي واحبك من زمـــان شوفتك عندي لها قدرٍ وشـــان انت من يقدر يخيب فيك ظنـــي الله لا يجيب الزعل .. لو تخيلك غيابي لا تقول اني نسيتـــك صدق احساسك وقلبك ، انا من قلبي هويتــك وانت في بالي الاول والاخيــر وش اللي ينيسي وانا عاشق واغيـر لو تغيب شوي توحشني كثيـــر وش كثر عانيت حتى اني لقيتــك P9P9 كلمات اغنية : راشد الماجد |
رد: ¬ غنِي لـٌي :" أحسَاسَكْ " قصَايـﮧـدْ !
* يحُوول أقسّى من الحرمان الا مني تمنيتك ترى بعّد المدى يقصر ولا يأصلك ما قلته .. رخيت العزم لاجل انسى زمان فيه حبيتك وانا الولهان واشغلني .. عذابٍ ما تحملته :(: ! كتبت آخر " قصيّدة حب " بها الخداع سميتك وأنا العطشان واغراني سراب ً لآح ما طلته .. ! ترى جرح الغدر وإن طآل فيني ما ترجيتك إلا وإن مات حبي لك على كف العزى شلّته .. :(: عن دروُب الغرام أغضيت وعن وقت ً به أغليتك رثيت إحساسي المجروح وفآلك وانت هملته .. !!! لـ شاعرها : عبدالأله المطرف من روائع الملك واللي نزلت دموعي :(:P9 |
رد: ¬ غنِي لـٌي :" أحسَاسَكْ " قصَايـﮧـدْ !
هات من خبز الفراغ الجوع كافر موتنا ياسيـدي مـوت الـولاده نزرع الدنيا قصيده .. والف شاعر وغيرنـا يتعلـق الدنيـا قـلاده ! للشاعر : الحميدي الثقفي |
يَ لايمتني ..
يا لا يمتنـــــي ما بقــــى لـي شفاعـــــه ســـاد الشكـل وتغـيرت كـل الأوضــاع ما عاد لك مني ولا حــــــرف طاعـــــه حـــل الفراق اللي على الوصل قطّــاع في طـــــــيّ لحـظه افترقنـا بساعـــــــه مانـــي على فرقــــاكِ يا بنـت جــــزّاع ما يمنعـك خافق يعـــــرف المنـاعـــــه لـو للهـوى في خاطــري حمل ووضاع أغواكِ ومـن هـو ساعيٍ بالقـطاعـــــه وشلــون تفكيـرك عــلـى الـذم ينصـاع تعطيه للهرجـات وأهل الإشـاعـــــــــه لولا بنـي جنســــك على الغيـرة جيــاع للصدق في نفسي بحفظــه وداعــــــــه وللفـكــر بخصـال المـوازيـــن جمّـــاع أقــــدّم جمــيـل العــــطا باستـطاعـــــه قدمّت ما عــندي ومنـك العـــطا ضـــاع /.. خالد عبد الرحمن |
•..• غافل الهم قلبي •..•
.
. . غافلَ الهـمِ قلبـي والزِمـان استـدار وشوقي الَّلي هويته أصبح اليوم ضدَّي طَـال ليلـي ألا وينـه أبيـه النَّهـار ضاعت خطاي حتَّى الدَّرب عيَّا يودَّي يا الغضي كيف أشوف الحِلم والنَّوم طار والحقيقه تِعلَّ الحيل غصـب وتِهـدِّي كلِ حِزنٍ تلملـم مِـن يميـن ويسـار وإجتمع في خفوقٍ باح سَدَّه وسَـدَّي ناظِر الحالِ والعودَ الخضر كيف صـار الشِقى مِحتوينـي والتعـب مِستِبـدِّي خالفَ الحظِ عُمري واستثـارَ الغُبـار والبيـارق تِهـاوت والهزيمـه بيـدَّي يا الغضي طِحتِ كِلِّي في دِهاليـز نـار واستحالت دموعي جمرةٍ فوق خـدَّي آه واشقوة الَّلي عايـشٍ فـي إنتِظـار مِن كِثير التَّعاسه مـادرى وش يبـدَّي لـ شاعر \ نواف بن فيصل.. |
رد: ¬ غنِي لـٌي :" أحسَاسَكْ " قصَايـﮧـدْ !
تفنن في طروق الحب شرقني وغربنــــي معك يا زين دوخات الهوى ويا حلو مشــواره وغرد في سما سمعي ابي تحكي وتطربنــــي سواليفك مطر عمري .. ربيعي ضحكة ازهـــاره حبيبي يا بعد كلي وكلك صدق تعجبنــي بغيباتك وصداتك وتلويعك وتكـــراره تجنن كل ما اشوفك احس انك تذوبنــي وتضيعني من الدنيا .. وتشب بخافقي نــاره جمالك ناهب قلبي وتفكيري وناهبنـــي دلالك يارقيق العود .. عود تعزف اوتــاره تولعت بتصانيفك .. وتعذيبك يولعنـــي وعلى اي حال راضي بك شمس العمر وانــواره لـ راشدالماجد |
رد: ¬ غنِي لـٌي :" أحسَاسَكْ " قصَايـﮧـدْ !
عين تشربك شوف وعين تظماك لاذبحني ظماك ولا رويتك قمت اخيلك هنا ... وهناك .. وهناك وين ترحل بي النظره نصيتك ان تبسمت قلت الموعد شفاك وان تمنعت بانفاسي دعيتك وان طلبت الغلا قلت الغلا جاك وان سكنت الخفوق البيت بيتك وان نثرت القصيد بدرب لاماك ذاع صيت القصيد وذاع صيتك يارجا العمر لو حفتك الأشواك ليتك اول طريق القلب ليتك ودع البرد كف ضم يمناك صافح الود قلبي يوم جيتك حي هالشوف رغم هموم فرقاك لو تناسيت جرحي مانسيتك بـين فرحة لقاك وهم فرقاك لاتذكرت جرح ولا نسيتك حي هالشوف ماتنمل دنياك شف سواة العيون ليا لقيتك كلمات الشاعر مساعد الرشيدي من روائع أمير الطرّب P9 |
رد: ¬ غنِي لـٌي :" أحسَاسَكْ " قصَايـﮧـدْ !
قـــالت قصيدك لـــيـــل ســـودٍ معــانيه
رويـــانـــةٍ بـــالـــدمـــع.. وامــدادهـــا دم الـــى متى ياشـــاعـــر الـــهـــم تـخـفـيـــه والى متى تحنى ضلوعك على هم قـــلت البكـــا صعبٍ علــيه وأنــا بيه لاواهـــني اللي بـــكـــى ومـــا تـــنـــدم لي عــبــرةٍ يلعب بهــا الــحزن والتيه ولي صرخةٍ واتعبت ابلقى لهـا فـم لا مــاكـتبت الشــعــر لحــدٍ بسـليــه ولانـــيــــب مـــــــــداحٍ ولا بـــــاتــــــرنـــم إحســـاس لابيعـــه ولانيب شـــاريـــه مـــرٍ يــجــي شــهــدٍ ومــرات عــلقــم الى لمحتي دم جـــوفي فـــ خــليــه على الورق لاصار روحـــك تــألــم قلت الشعر يـــوم إن لي راحةٍ فيه وحـــزيـــن أنـــا إلى متى الله يعـــلــــم {صرخه بلا فم....... مهندس الكلمه P9{ الـــبـــدر }P9 |
رد: ¬ غنِي لـٌي :" أحسَاسَكْ " قصَايـﮧـدْ !
قوم من الحزن حطت خاطري ديره ربّع بها الضيق يوم العيد جنبها يالله عسى الهم لادمت دمعته خيره ويالله عسى القوم ما تبطي مضاربها عادات الايام ما تبقى على سيره لوساعفت يوم ما تصفي مشاربها قالوا: ردي الاصل ما جيرته جيره! والناس وش فرقها لولا مذاهبها؟ لوزل سهم الفصيح بقوس تعبيره عن صايب القول ما يمديه فازبها ماكل رجل يسدك فالدهر غيره عوج المصايب لها رجل يقوم بها اللي ليابان دون الطيب تقصيره ضاقت به الارض ما اوسعته مناكبها ما همه الفعل لوطالت مشاويره غير الليالي موريته عجايبها والرجل وش قيمته لاضاع تقديره؟ إن كان ماعز نفسه لا يعيش بها ول يا رجالي ملو وجه الردى حيره ما تكره الذل لو تنتف شواربها لعل نفس لها دون الوفاء غيره لا بعثت الخلق ربي ما يعاقبها قوم من الحزن حطت خاطري ديره يالله عسى العيد وبله ما يجنبها هلال المطيريP9 |
رد: ¬ غنِي لـٌي :" أحسَاسَكْ " قصَايـﮧـدْ !
حبيبي لا يبكيك الفراق ولا يهد حيلك أخاف الدمع من عينك , يجفف صورتي فـ بالك تعال أحتاج اسولف لك عن الأيام واشكي لك تجيني طيف ياعمري على جنحان شوقي لك أخاف أرمش من عيوني و بعثر صورة وصالك حبيبي لا تجيني قول وين أنت و أنا أجيلك أبيك تقول وين أنت و على عيوني أنا أسعى لك وربي فوق روس الشوك لخلي القلب يمشي لك و أخلي ظلالي يسبقني قبل يحضني منزالك ثواني بس أبتهندم من عيونك وبهدي لك في عينك ضحكةٍ حتى تكحل عين عذالك يقول الناس بغيابي يشب القلب و يضوي لك حنيني و من وهج شوقه يميل القلب لا مالك قضى دمعي من عيوني أبي من عينك أبكي لك أبنثر من ورى عيوني دموع عيون ترحالك وحتى الشوق من صبح الدرايش قام يهديلك عصافير الرضى ترفرف على بيبان مدخالك هنا ترمي صباح الخير قبل لا تروح و ادعيلك و هنا تضوي مساء الخير في عيني من هلالك أنا من الليل يقطفني شعوري لك و غني لك أنا من الصبح يليلني الحزن من لون موالك حرام الليل ماهو ليل أذا ماكنت في ليلك و حرام الصبح ماهو صبح أذا ماكنت بـ ظلالك تروح وقلت أحط روحي على كفي و أنادي لك نزعت العمر من شفت الغلا بالروح نادى لك بربك قول وش سوى الفراق بوجه منديلك ؟ تسيل ألوان طيفي فيه إلى من البكى سالك حبيبي لا يبكيك الفراق و لا يهد حيلك أخاف الدمع من عينك يجفف صورتي ببالك تعال .. تعااال أحتاج أسولف لك عن الأيام و أشكي لك و فض غيم الحزن و أنثر حنين الشوق بقبالك تعال وحط في قلبي هموم الفرقى و أشيلك لان القلب ماهو قلب أذا في نبضه ما شالك قضى دمعي من عيوني أبي من عينك أبكي لك أخاف أبكي على طيفك و ابعثر جيت وصالك كلمات/ سالم السيار |
رد: ¬ غنِي لـٌي :" أحسَاسَكْ " قصَايـﮧـدْ !
هب نسناس الهوى لي من شمال
حاملٍ ريح الخزامى والنفل من فياضٍ ظبيها يلعب دلال لَى لمح ظلّه من النشوة جفل يذبح العشاق صعّاب المنال كم شطيرٍ بالقناصة قد قتل مثل شمس العيد فضّاح الجمال كل نجمٍ لَى ظهر نوره أفل خصّني بمواجه السحر الحلال وأشهد إن السحر في قلبي نزل ضاريٍ بمقابل فحول الرجال وإرتعش قلبي من الفتنه خجل قلت راح العمر من دون الوصال قال لو حاولت يالقاطع حصل قلت لوني طامعٍ لو بالخيال كان بدلّت التوجد بالأمل ياندى الغيمة علَى ورد الجبال ياعبير زهور ريضان السهل إجتمع حسن الحيا بك والجلال ماتبدّل بك مع العالم بدل للامير الشاعر / خالد الفيصل .. |
| الساعة الآن 02:27 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0