قصـتّي انا و الزلزال .. نيوزلندا .. :D :$ / حياكم الله .. - الصفحة 2 - شبكة القناص

روح الشلهوب · 23-11-2010, 01:48 PM

بسمـ الله الرحمن الرحيم ..
السّلام عليكم ورحمة الله و بركاته ..
كيـف حالنا كلنا ؟! > قصدي كيف حالكم
المهم نخُش في القُصّة دغري < مسوي مصـري ..

المهمـ بداية القصة تقول كان يا ما كان في قديم الزمان في واحد اسمه روح الشلهوب فكر بعد الثانوي انه يدرس الجامعه برا السعودية
لما جزم الولد انه يدرس برا و الاهل عطوه الضوء الاخضر راح للمكتب و حجز على نيوزلندا ..
بعد اسبوع من الحجز ودّع الولد اهله و اصحابه و اقاربه و راح يدرس ..
طبعاً الرحلة متعبه بالمـره .. > طبعاً بقولكم القصة حرف حرف < لا يكثر ..
الرحله من الرياض لدبي بعدين انتظار بدبي ساعه ماننزل من الطياره بعدها نمشي لـ سنغفورا ..
طبعاً من دبي لسنغفورا 10 ساعات تقريباً او 9 ساعات و انتظار في سنغفورا 8 ساعات ..
طبعاً مطار سنغفورا من اكبر المطارات في العالم و مطار فخم لابعد درجه ..
وصلنا سنغفورا قلنا بناخذ شقه و ننام نريح ..
خذينا شقه و نمنا و ريحنا ..
قبل الرحله بـ ساعتين تقريباً رحنا للبوابة و جلسنا عندها طبعا قبل نروح للبوابه تغدينا فـ مطعمـ .......< مشفّر عشان ما تقولون اعلان للمطعم ههههههههههه
رحنا و جلسنا عند البوابة و اعلنو عن الرحله ركبنا الطياره طبعا الرحله من سنغفورا لنيوزلندا 10 ساعات < حشى ماصارت رحله .. < لو اني رايح لـ سطح القمر كان وصلت من زماااااان ههههههههههههههه
المهم ركبنا الطياره الا صار جنبي واحد فلبيني < طبعاً قفلت معي ..
انا لله وش السواة ياولد شلون نخلي الفلبيني ينقلع لمكان ثاني عشان اخذ راحتي و انام نوومه ابن امه ماحلم في هالنوومه ..
و يذبحني التفكير , طبعاً في كرسي جنبنا فاضي و اقول براسي يارب يروح هناك عشان يكون لي ثلاث مقاعد و انام ..
و افكر و افكر و افكر و افكر و تطري على بالي فكره قلت ابي اغثه و ادبل تسبده ..
طبعاً انا جالس جمب الدريشة < النافذه هههههههه
وهو بالنص و جنبه فااضي .. و بعدها السيب و بعد السيب كرسي فاضي ..
انا ابيه يروح للكرسي الفاضي عشان اخذ الثلاث كراسي و انام ..
المهم و انا ادبل تسبده كل شوي طالع اذا نام اقومه و اقوله ابي اطلع يقوم هو و اروح اخذ فره بالطياره و ارجع و القاه نايم و اقومه و ارجع مكاني ..
لمان مل الرجال و قالي وش فيك انت رايح راجع قلت له مالك شغل اذا مو معجبك الوضع رح للكرسي الفاضي و بعد اكثر من 7 محاولات يمكن راح للكرسي الفاضي ..
ياسلام الحين ثلاث كراسي لي الحالي و انام ذيك النومه لمان قالولي اربط حزامك نازلين على مطار نيوزلندا قلت ايه هذا الكلام المزبوط ..
المهم عطوني ورقة قالولي عبها كلها اكتب بياناتك ..<طبعاً بما اني ما اعرف انجليزي وقتها قطعت الورقة و رميتها ..
لمان وصلت المطار و دخلت على الجوازات عشان الفيزه قالولي وين الورقه قلت لهم فالطياره قالولي وش عندها في الطياره قلت مدري الظاهر انها مب راضية تنزل معي ؟!!
قالولي حلو وهم يعطوني ورقة ثانيه قالولي عبها قلت ماعرف انجليزي قالي عطني جوازك وهو يعبها لي و يسالني وش معك من اغراض وش مامعك وخلصنا ..
و يعطوني فيزه المهم و ادخل نيوزلندا ..
و اجلس اتمشى و افتر < طبعاً مفلل نوووم في الطياره وصلت نيوزلندا مخمخ ..
المهم اول الحاجات اللي حصلت معي اني جيت بقطع الشارع نسيت انهم عكسنا يعني دركسون السياره يمين و شوارعهم عكسنا ..
المهم جيت بقطع الشارع اطالع يسار مافيه احد و اقطع الشارع الا اسمع صووت البوري يمين و التفت الا السياره جايه و يجيني شي حسيت اني تشنجت مدري شسوي المهم وانا اجيك ركض للرصيف هههه
المهم رحنا تغدينا فـي مطعم هندي قووي بالمرررررررررررره عليهم تشكن برياني تمووت و انت تقوول دلع
المهم بعد الغدا قلت ابي اخذ قيلوله ..
وصلنا البيت رحت للغرفه جيت بنام الا ياولد مدري السرير يهز ؟!! ولا وش السالفه !!!!!!
و افكر ياولد وش السالفه انهبلت انا ولا من الطياره ولا وش السالفه
قلت لا ياولد اكيد من الطياره شكلي مانمت زين
ياولد المهم يوم بغفي الا انا اهتز يمكن ام 10 ثواني ؟!!
و اطلع ياعيال وش السالفه قالو عادي هزّات ارتدادية هاذي عقب الزلزال .!!
ياعيال من جدكم انتم تتكلمون قالو اي والله !!
طبعاً كان الزلزال له شهر و الهزات هاذي ارتداديه .!!
انا لله و يذبحني الوسواس قلت لا خلاص ميت ميت الله لا يعوق بشر
المهم ياولد الا تهز مره ثانيه قلت ياعيال الظاهر مانيب نايم ههههههههههه
قالو لا عادي خفيفات ماهن قوويات مثل اول واحد جاء ..
طبعاً اول واحد جاء قوته 7.1 ..
المهم و اروح للسرير و افكر قلت لو يجي زلزال قوي وش تتوقع يصير و اقلبها بـ راسي مالقيت حل !!
المهم الا ياولد تهز مره ثانيه بس طولت هاذي المره يمكن 20 ثانيه ..
يوم جتني رعشة خووف مب طبيعيه يعني تخيلو اول مره احس بزلزال ..
يا نااس ياهوووووو رعب تحس انك بـ فلم اكشن ..
انا لله وش السواة و قلت مالها محل بنام عند الشباب بالمجلس مانيب نايم بالغرفه ..
المهم و اروح للشباب و انام عندهم و اقوم بالليل مرتاح بس فيه شوي خووف من الهزات ..
و الحمد لله الحين الهزات اللي تجي كلها خفيفه و ان شاء الله انها تخلص اقسم بالله عايشين برعب ..
المهم عسى الله يسهل و يكتب اللي فيه الخير ان شاء الله ..
و اعذروونا اذا طولنا عليكم و اذا اسلوبي كان غبي بالقصة ..
بس حبيت انقلكم قصتي مع الزلزال الله يستر منه ..

تحيــاتي لكمـ جميعاً
دعواتكم

23-11-2010, 01:48 PM	#1
روح الشلهوب قناص مميــز	قصـتّي انا و الزلزال .. نيوزلندا .. :D :$ / حياكم الله .. بسمـ الله الرحمن الرحيم .. السّلام عليكم ورحمة الله و بركاته .. كيـف حالنا كلنا ؟! > قصدي كيف حالكم المهم نخُش في القُصّة دغري < مسوي مصـري .. المهمـ بداية القصة تقول كان يا ما كان في قديم الزمان في واحد اسمه روح الشلهوب فكر بعد الثانوي انه يدرس الجامعه برا السعودية لما جزم الولد انه يدرس برا و الاهل عطوه الضوء الاخضر راح للمكتب و حجز على نيوزلندا .. بعد اسبوع من الحجز ودّع الولد اهله و اصحابه و اقاربه و راح يدرس .. طبعاً الرحلة متعبه بالمـره .. > طبعاً بقولكم القصة حرف حرف < لا يكثر .. الرحله من الرياض لدبي بعدين انتظار بدبي ساعه ماننزل من الطياره بعدها نمشي لـ سنغفورا .. طبعاً من دبي لسنغفورا 10 ساعات تقريباً او 9 ساعات و انتظار في سنغفورا 8 ساعات .. طبعاً مطار سنغفورا من اكبر المطارات في العالم و مطار فخم لابعد درجه .. وصلنا سنغفورا قلنا بناخذ شقه و ننام نريح .. خذينا شقه و نمنا و ريحنا .. قبل الرحله بـ ساعتين تقريباً رحنا للبوابة و جلسنا عندها طبعا قبل نروح للبوابه تغدينا فـ مطعمـ .......< مشفّر عشان ما تقولون اعلان للمطعم ههههههههههه رحنا و جلسنا عند البوابة و اعلنو عن الرحله ركبنا الطياره طبعا الرحله من سنغفورا لنيوزلندا 10 ساعات < حشى ماصارت رحله .. < لو اني رايح لـ سطح القمر كان وصلت من زماااااان ههههههههههههههه المهم ركبنا الطياره الا صار جنبي واحد فلبيني < طبعاً قفلت معي .. انا لله وش السواة ياولد شلون نخلي الفلبيني ينقلع لمكان ثاني عشان اخذ راحتي و انام نوومه ابن امه ماحلم في هالنوومه .. و يذبحني التفكير , طبعاً في كرسي جنبنا فاضي و اقول براسي يارب يروح هناك عشان يكون لي ثلاث مقاعد و انام .. و افكر و افكر و افكر و افكر و تطري على بالي فكره قلت ابي اغثه و ادبل تسبده .. طبعاً انا جالس جمب الدريشة < النافذه هههههههه وهو بالنص و جنبه فااضي .. و بعدها السيب و بعد السيب كرسي فاضي .. انا ابيه يروح للكرسي الفاضي عشان اخذ الثلاث كراسي و انام .. المهم و انا ادبل تسبده كل شوي طالع اذا نام اقومه و اقوله ابي اطلع يقوم هو و اروح اخذ فره بالطياره و ارجع و القاه نايم و اقومه و ارجع مكاني .. لمان مل الرجال و قالي وش فيك انت رايح راجع قلت له مالك شغل اذا مو معجبك الوضع رح للكرسي الفاضي و بعد اكثر من 7 محاولات يمكن راح للكرسي الفاضي .. ياسلام الحين ثلاث كراسي لي الحالي و انام ذيك النومه لمان قالولي اربط حزامك نازلين على مطار نيوزلندا قلت ايه هذا الكلام المزبوط .. المهم عطوني ورقة قالولي عبها كلها اكتب بياناتك ..<طبعاً بما اني ما اعرف انجليزي وقتها قطعت الورقة و رميتها .. لمان وصلت المطار و دخلت على الجوازات عشان الفيزه قالولي وين الورقه قلت لهم فالطياره قالولي وش عندها في الطياره قلت مدري الظاهر انها مب راضية تنزل معي ؟!! قالولي حلو وهم يعطوني ورقة ثانيه قالولي عبها قلت ماعرف انجليزي قالي عطني جوازك وهو يعبها لي و يسالني وش معك من اغراض وش مامعك وخلصنا .. و يعطوني فيزه المهم و ادخل نيوزلندا .. و اجلس اتمشى و افتر < طبعاً مفلل نوووم في الطياره وصلت نيوزلندا مخمخ .. المهم اول الحاجات اللي حصلت معي اني جيت بقطع الشارع نسيت انهم عكسنا يعني دركسون السياره يمين و شوارعهم عكسنا .. المهم جيت بقطع الشارع اطالع يسار مافيه احد و اقطع الشارع الا اسمع صووت البوري يمين و التفت الا السياره جايه و يجيني شي حسيت اني تشنجت مدري شسوي المهم وانا اجيك ركض للرصيف هههه المهم رحنا تغدينا فـي مطعم هندي قووي بالمرررررررررررره عليهم تشكن برياني تمووت و انت تقوول دلع المهم بعد الغدا قلت ابي اخذ قيلوله .. وصلنا البيت رحت للغرفه جيت بنام الا ياولد مدري السرير يهز ؟!! ولا وش السالفه !!!!!! و افكر ياولد وش السالفه انهبلت انا ولا من الطياره ولا وش السالفه قلت لا ياولد اكيد من الطياره شكلي مانمت زين ياولد المهم يوم بغفي الا انا اهتز يمكن ام 10 ثواني ؟!! و اطلع ياعيال وش السالفه قالو عادي هزّات ارتدادية هاذي عقب الزلزال .!! ياعيال من جدكم انتم تتكلمون قالو اي والله !! طبعاً كان الزلزال له شهر و الهزات هاذي ارتداديه .!! انا لله و يذبحني الوسواس قلت لا خلاص ميت ميت الله لا يعوق بشر المهم ياولد الا تهز مره ثانيه قلت ياعيال الظاهر مانيب نايم ههههههههههه قالو لا عادي خفيفات ماهن قوويات مثل اول واحد جاء .. طبعاً اول واحد جاء قوته 7.1 .. المهم و اروح للسرير و افكر قلت لو يجي زلزال قوي وش تتوقع يصير و اقلبها بـ راسي مالقيت حل !! المهم الا ياولد تهز مره ثانيه بس طولت هاذي المره يمكن 20 ثانيه .. يوم جتني رعشة خووف مب طبيعيه يعني تخيلو اول مره احس بزلزال .. يا نااس ياهوووووو رعب تحس انك بـ فلم اكشن .. انا لله وش السواة و قلت مالها محل بنام عند الشباب بالمجلس مانيب نايم بالغرفه .. المهم و اروح للشباب و انام عندهم و اقوم بالليل مرتاح بس فيه شوي خووف من الهزات .. و الحمد لله الحين الهزات اللي تجي كلها خفيفه و ان شاء الله انها تخلص اقسم بالله عايشين برعب .. المهم عسى الله يسهل و يكتب اللي فيه الخير ان شاء الله .. و اعذروونا اذا طولنا عليكم و اذا اسلوبي كان غبي بالقصة .. بس حبيت انقلكم قصتي مع الزلزال الله يستر منه .. تحيــاتي لكمـ جميعاً دعواتكم التوقيع: 10+10=10 .. < بـ كيفـي