جريمــة يوم الافتـتـاح - شبكة القناص

**محمد الجهيم** · 28-03-2006, 07:23 PM

.
.
.
.
.

الموضوع طويل شوي يبيله كاس شاهي ..

شخصيات القصة :-

روبـن هـود :- وحيد عصره وفريد زمانه .. المحقق الاول على مستوى العالم .. استطاع كشف غموض مقتل الرئيس الامريكي كيندي بعد ان بقى سر لسنوات طويلة ..

المزن الهلالي :- مساعدة روبـن هـود وذراعه اليمين .. خبيره في فنون القتال .. واستعمال الاسلحة

بلو :- أغنى امرأه على مستوى العالم .. درست مع روبـن في الجـامعه .. وبعد التخرج عاشت في امريكا وانشأت شركة اتصالات تعد من اكبر الشركات في العالم ..

بن خوري:- رئيس البلدية ..مرتشي .. انتشر الفساد في المدينه بعد ان تسلم رئاسة البلدية

فيصل :- معلم بلو الخاص من يومها صغيره وهو مربيها رسام نفسيته في خشمه وعصبي وضو شابه

شرانيه :- واحده من افضل المطربات في العصر فنانه بمعنى الكلمه .. كان صديقة روبن وبلو في الجامعه ..

ياسر 20 :- شاب طموح مدير قسم التطوير في شركة الاتصالات الي تملكها بلو

رامي السهام :- مفتش الشرطه العتيد .. الصديق المقرب من روبـن .. حالف انه يطارد المجرمين وين ما كانوا ولا تهون الردود الماصله

القصة

جريــمة حفــل الافتتـاح ...

في المكتــب الي يقع في عماره على الطريق العام من المدينه جلس روبـن هـود وهو ماسك الجوال وقاعد يناظر مقاطع البلوتوث الي استقبلها البارح في المقهى .. والمزن الهلالي جالسه تنظف الفرد وتزبطه .. همن التفت على روبـن وقالت ..

المزن :- ودي اصبغ مسدسي وردي

روبـن :- الا وش رايك المشط يصير لو ويست .. والزناد كت .. قسم بالله انك فاضيه

المزن :- وش تبيني اسوي يا اخي طفش .. لنا شهر ما جتنا قضيه ونت تعرفني انا انسانه ما يهنا لي قلبي الا واستعمل المسدس لو مره في اليوم ..

روبـن :- عز الله انك صادقه وربي ما عاد فيها قضايا .. من عقب قضية مقتل امين عام الامم المتحده وحنا نهش الذبان ..
دوك القضايا الي عندي .. وحده تبيني ادور قطوتها انا خلقه يومني بزر وانا لاعنن والدي القطاوه الحين تبيني ادور عليها
واحد يبيني ادور عن اخووه .. يا اخي انت بثر واخوك مالن منك .. الله يلعنك انت واخوك ..
اقول المزن .. شيكتي على البريد اليوم ..

المزن :- الحين باروح اجيبه ..

روبـن :- المزن عندك مقطع بلوتوث جديد

المزن :- كل تبن وكمل الروايه ..

...............................

في الولايات المتحده ... لوس انجلوس وعلى الفله المطله على شواطى ماليبو الذهبيه كانت بلو جالسه على الشرفه المطله على الشاطى وهي تحتسي كأسا من ( الريد واين ) ومستغرقه في التفكيـر ..
وهنا قطع عليها فيصل حبل افكارها

فيصل :- وش تفكيرن فيه ..
بلو :- ابد افكر في رجعتي للديره .. وافتتاحي للمكتب الرئيسي للشركه هناك .. تصدق انه حلم وتحقق
فيصل :- اللهم لك الحمد خلاص كلها الاسبوع الجاي وحنا رايحين ..
بلو :- الا سألت ياسر 20 وش سوا فس قائمة الزوار وهل ارسل لهم الدعوات
فيصل :- ايه انرسلت كل البطاقات الا صحيح بسألك وش عرفك بروبـن هـود
بلو :- وشلون ما اعرفه صديقي من ايام الحامعه .. كنا انا وياه في تفس الجامعه .. والله لو اقولك ذا الادمي فلته ذكاء خارق .. لوا انه ما اتجه للتحقيق .. والا كان خليته يجي معي في الشركه
فيصل :- اها ,, انا اعرف روبـن عن طريق الجرايد واخبر انه حلال جرائم .. حتى انهم شرلوك هولمز العصر
بلو :- ايه نعم .. والله ان ودي اشوفه خصوصا واننا بنجتع انا وهو وشرانيه وكم من واحد من طلاب دفعتنا .. الله يلعن ذا الدنيا الي فرقتنا ..
فيصل :- طيب اجل موعد سفرتنا الاسبوع الجاي والافتتاح يوم الاثنين ..

..............................

المزن :- روبـن عندك رساله من امريكاا شكلها قضية جديدة
روبـن :- خليني اشوف
المزن :- كود فيه قضيه الواحد يغير جو وينبسـط مليت من مقابل وجهك
روبـن :- عطيني الرساله ولا يكثر ..
المزن :- خذ الواحد ما يمزح معك ..
روبـن :- هذا انتوا يا الحريم ما يجي معكم الا العين الحمرا .. تشوفيني ضاق صدري فاضيه تمزحين
لكمــه خطافيه من المزن في وجه روبـن داخ منها ... وهوزت المزن بيدها الثانيه دنق روبـن واستقبلته ركبـه
المـزن :- اقرا الرساله لا أفرشك فيذا ..
روبـن :- هاتيها
روبـن :- يووووه .. الله يذكرك بالخير يا بلو .. اجل بتستقريـن في الديره ..
المـزن :- وش بلو ذي ..
روبـن :- احد ما يعرف بلو .. أغنى امرأه في العالم
المـزن :- الا اعرفها بس انت وش عرفك فيها .. ما دريت ان عندك علاقات قويه ..
روبـن :- اعرفها من يوم اننا في الجامعه قبل ما تغتني وتروح امريكا ..
المـزن :- ايه اخبر انها بتفتح شركتها وبتجي ..
روبـن : عليك نور شفتي البرجين الي على طريق القناص العام
المـزن : هذي الي لها
روبـن :- ايه عليك نور ..

وهنا تلفون المكتب يقطع عليهم المحادثه ..

روبـن :- مكتب روبـن هـود للتحقيقات روبـن معك
بلو :- هلا والله بروبـن يا الله حيه .. من زمان عنك ..
روبـن : هلا والله حي الصوت .. اخباارك عاش من سمع صوتك يالقاطعه
بلو :- عاشت ايامك بس خلها لى ربك تعرف الدنيا ومشاغلها
روبـن :- الا انتي وينك في امريكا والا وصلتي الديره
بلو :- ايه لي يومين واصله .. الا تعال ورا ما سير علينا اليوم
روبـن : والله مهيب مشكله وين تبين نلتقي
بلو : في الشركع انا باكون هناك عشان اشوف وش صار على تنظيم حفل الافتتاح
روبـن : وهو كذلك .. ساعه وانا هناك
بلو :- انا في انتظارك

.............................

روبـن والمـزن يوقفوون عند الشركه ..

المزن :-واااااوك ما طول ذا البرج عجزت اشوف اخره ..
روبـن :- انتي تقولينه ... وانا اطل عليه دخت .. والله مهيب تلعب بلو

وتجيهم مساعدة بلو ..

المساعده :- اهلا انا نور ,, مديرة مكتب الانسه بلو .
روبـن :- هلا والله انا روبـن وهذي المزن مساعدتي ..
المسـاعده :- تفضلوا ..

روبـن :- والله ما شاء لله روعه التصميم ..

المساعده :- ايه نعم طبعا هذا البرح الاول وهو 90 دور وهو يحتوي على مكاتب ... وشركة بلو ماخذه الثلاثين دور الاخيره للشركة الاتصالات والبرج الثاني فناادق .. تفضلو للمصعد هذا عشان نروح قاعة الحفل في الدور الاخيـر

بلو :- هلا والله وغلا حي الله روبـن ..

روبـن :- هلابك اكثر والله يا الله حيها ..

بلو : - الله يحيك .. الله يا الدنيا .. من زمان بس الى الان وانت انت ما تغيرت كأنك ايام الجامعه .. عصل قاضي ..

روبـن :- الا انتي الي تغيرتي .. مره والله والفلوس صرتي تلعبين بها لعب ..

بلو :- يا رجال فلووس وكلش لكن ما تشتري السعاده .. خلها على ربك المهم ما عرفتنا على الاخت ..
روبـن :اووه آسف .. بلو ,,المـزن الهلالـي .. مساعدتي وذراعي اليمين ..

بلو :- هلا والله ,,, الا وش ذا يا روبـن اسمك على كل لسان ,, متابعه اخبارك وقضاياك ما شاء الله عليك .. تصدق اني متوقعها من يومك في الجامعه وانت مثلك الاعلى كونان .. الشباب الي مثلك يعلقون صور بنيات شي وانت كونان ..

روبـن :- اما ايام الجامعه .. ايام يا زينها ..

الا تعال بأوريك شخص تعرفه زين بس الظاهر انك مبطي عنه ..

بلو :- شرانيــه ..
شرانيــه : - هلا هلا .. اووه روبــن هلا والله وينك يا التعبــان وين ايااامك
روبـن :- هلا والله وغلا .. هههههههه انا الي ما انشاف من بعد ما صار اسمك على كل لسان صرتي تتغلين علينا
الا ما تذكرين يا بلوو ايام الجامعه يومها تخاف توقف ي المسرح .. يوم تصيح علينا تقول ما اقدر ..

بلوو :- هههه اذكرها .. شف الحين ولا اطلق شارب يهمها .. الا ما تذكر يومها مخققه على هاني . .

روبـن :- هههههه الا اذكرها .. يوم تجمع صور هيفاء وهبي في الجامعه وتحرقها .. بتسوي مظاهره على ستار اكاديمي

شرانيه :- الله واكبر .. نسيناا يا روبـن .. والا اقول السيلاني

المـزن :- هههههههههههه اما السيلاني والله وانفضحت ..

روبـن :-غيرو الموضوع ..

بلو :- تعال روبـن اعرفك على طاقم الشغل الي معي . .

اول شي اعرفك فيصل .. معلمي من يومي صغيره .. وهو الي مربيني تقريبا ..
روبـن:- هلا والله .. بالعم فيصل ..

فيصل :- ايه طيب ..

روبـن :- شكلك رسام صح .

فيصل :- وش دراك ..
روبـن :- اول شي اثار مسك الريشه على يدك ثاني شي .. كمك الي عليه فحم .. شكلك ما انتبهت له ..

بلو :- روبـن ما تخلي عنك ذا العاده . .
اعرفك على بن خوري .. الي لولا الله ثم هو ما كان قدرنا نبني ذا البرجين ..

بن خوري .. وهو نص رجل .. عقله مهوب معه ..

روبـن : هلا هلا برئيس البلدية ..
بن خوري :- هااااه وش تبي ..

روبـن :- الله من قل الصح يا خالي .. ابد ما قلنا شي

بن خوري :- اقول بلو .. بأنام اليوم في الفندق .. اليوم ..
بلو :- بن خوري ما يصير ما بعد افتتحنا وانت تبي تناام فيه

بن خوري :- اقوول .. ترا باسكر ابرااجك ذي

بلوو :- خلاص انا بأعطيــك الدور التاسع والستين نم فيه جعلك ما تقوم ...

وهنا روبـن بدا يتفحص المكان .. ويناظره و والمزن
.................................

في فجر يوم الاثنين رن الــجوال على روبـن هـود ..

روبـن :- هلا والله بالمفتش رامي السهام
رامي السهام :- هلا والله المهم ابيك تجي بسرعه للفندق حق بلوو .. بن خـوري انقتـل
روبـن :- وشووووو .. !! اجل شف لا احد يلمس موقع الجريمه الا لين اجي ..
رامي السهام :- اوكي بس تعال بسرعه . . .

روبـن يصحي المـزن : - اصحي بسرعه عندنا قضيه
المزن :- وش الي صار ..
روبـن :- بت خوري انقتل

ويروح روبـن والمزن على وجه السرعه الى الفندق ..

رامي السهام : الله جابك شف شغلك ..
روبـن : ان شاء الله ورا بس الشقه بارده . .

رامي السهام :- قصر على التكييف اذا تبي

بدا روبن يتفحص الجثه .. وقت الوفاة بين الساعه 10 و 11 ليل نتيجة طلقة رصاص في الراس ..

وهنا بدا روبـن يتفحص الموقع ويلقط صور .. وهنا شاف شي اثار استغرابه ..
روبن :- المزن وش ذا الغضاره الي منكسره ..
المزن :- الظاهر انها كانت مع بن خوري وطاحت من يده
روبـن :- لا لا .. ما اظن شوفي وشلون منكسر .. لاحظي منكسره نصين لو انها طاحت من يده كان اخذت اكثر من كسره ..
لكن والله العالم انها زي العلامه للقاتل .. جيبي لي غضاره عشان اوريك
المزن :- وانت شايفني محل مواعين
روبن :- جيبي بس ولا يكثر .
روبـن :- شوفي الحين .باحط الغضاره بالمقلوب وباضرب قاعدتها ..
وانكسرت الغضاره نصين ..
المزن :- صحيح والله اجل معك حق شكلها علامه ..
روبن :- جيبي كيس الادلة .. خلنا نحط الغضاره فيه ..

روبـن :- المفتش رامي السهام تعال ابيك ..

رامي السهام :- هااه بشر وش وصلت له ..

روبـن :- ما فيه شي معين لكن الشكوك تحوم حول اربعه ..

رامي السهام : من .. هم

روبـن :- فيصل ..وبلو .. وشرانيه .. وياسر 20 ..

روبـن : حلو رح استجوبهم وانا باقعد في مسرح الجريمه باكمل بعض التحقيقات اوكي ..

..........................

روبـن : المزن ما تلاحظين شي غريب في الصوره .
المزن : الا والله .. الحين بن خوري مضروب في الراس .. بس انتشار الدم على الجدار غريب .. الدم جاي من تحت والجهة اليسرى ..
والمنطقه الي في الوسط واليمين ما فيها شي ..

روبـن : - يعني

المزن :- يعني كان فيه شي مغطي هالمنطقه
روبـن : يا سلام عليك فيه شي مغطي هالمنطقه وشو ما ادري ..

وهنا يدخل رامي السهاام : هلا روبـن تراي استجوبتهم . .

وكل واحد حجته اقوى من الثانيه ..
بلو كانت في قاعة الحفل .. وموضفينها شهدوا وبرضو ياسر 20 كان معهم وشرانيه كان عتدها حفل تحييه .. وفيصل رجع لشقته وزوحته وحارس عمارته شهدوا انه كان في الشقه في وقت الجريمه ..

روبـن :- اهاا اجل القضيه بتطول شوي .. لكن المجرم بينهم انا متأكد من هذا
رامي السهام :- تبينا نحقق ثاني مره معهم والا تبينا نقول لبلو .. تكنسل الحفله ..
روبـن :- لا لا خل كل شي على حاله .. المجرم بيطلع يوم الحفل واسكر القضيه
رامي السهام : عساك على القوه ..

..........................

يوم الحفله .. حضر روبـن هـود والمزن الهلالي وهم متشيكين آخر شياكه ..

علية المجتمع موجودين .. .

روبـن كان يشغل تفكيره الجريمه .. ومنهو الي كان ورا مقتل بن خوري وهنا قطعنه المزن ..

المزن :- يا ربيه ما اداني ذا الاجواء وربي قرف ..

روبـن : - والله اني مثلك بس وش اسوي لازم اجي عشان بلوو .. وثاني شي عشان المجرم لانه لازم يظهر اليوم

المزن : اجل انا باخذ لي فره باشوف كود القى احد اعرفه ..

روبـن :- الله معك ..

وهنا طفت انوار المسرح .. وجت المساعده تعلن عن بدء الحفل بأغنية من الفنانه العالميه شرانيه . . .
لسماع الاغنيه اسمع ملف الريل بلير <---- قل قسم ..

http://www.alqnas9.com/robben/me/shrshr.ra

وفي هذه الاثناء ... روبـن يسولف مع بلو ويتقدم لهم فيصل

فيصل :- سمي يا بلو هديتي المتواضعه .

بلو :- الله عقد لولو الله يعطيك العافيه تعيش وتعطي يا فيصل

فيصل :- ولو يا بلوو انتي بحسبة بنتي ..

بلو :- عن اذنك روبن باروح القي كلمة الافتتاح .. فيصل تعال معي

روبـن اذنك معك ...

المساعده :- والان مع كلمة الافتتاح مع رئيس مجلس ادارة الشركه بلو ..

وتنفتح الستاره ..

وويصرخ الحضووور .. ويلتفت روبـن ناحية المسرح

الا وبلو... مشنوقه ,, وجثتها معلقه بين السما والارض . .

روبـن يدق على المزن :- المزن سكري المسرح ولا احد يطلع .. وانا بادق على رامي السهام اخليه يجي ..

روبـن :- هلا رامي تعال بسرعه .. بلو انقتلت ..

رامي السهام : - كيــف ..
روبـن :- اقولك بلو انقتلت ..

...............................

هنا بد روبـن يتفحص الجثه .. ويناظرها .. ويلتفت .. الا ويلقى نفس الغضاره مقسومه نصين ..
وش السالفه هل هي جرايم متسلسله .. والخطاف متعلق برقبتها . . .

وش علاقة بن خوري وبلو .. ليش .. القتل فقط في الي أسسو الشركه ,,, وش الدافع وش المشكله ..
هنا .. استدعى روبـن الثلاثه المتبقيـن الي اشتبه فيهم . .

روبـن :- القاتل بينكم يا الثلاثه .. بس من ما ادري,, كل واحد معه دليل يثبت براءته .. بس فdه غلط ...

هنا يجي رامي السهام ويوقف جنب روبن ويطلع دفتر ملاحظاته

وتبدأ الاسئلة والتحقيق والكل ينفي .. والكل معه دليل يثبت براءته ولا فيه دليل يدين المتهم ..

هنا التفت روبـن .. وشاف شي يلمع ..

حبة لولو .. غريبه .. ووبدا يفكر ويشوف ..

في الفتره هذي .. المساعده تكلمت مع رامي السهام

المساعده :- انا اعلمكم من المجرم ..
رامي السهام :- منهو ..

المساعده :- ياسر 20 لانه مختلس من الشركه ملايين الدولارات وكشفته بلو وعرف انه انكشف فأكيد هو الي قاتل ..

رامي السهام :- أهااا .. يا عسكري كلبش ياسر 20 واتهمه بقتل بلوو . . .

ياسر 20 :- اقسم بالله ما قتلتها صحيح اني مختلس وكنت بانحاش اليوم .. بس ما قتلت وربي ما قتلت ..

هنا تدخل روبـن ..

روبـن :- لا مو ياسر 20 الي قتل بلوو .. القاتل هو فيصــل

رامي السهام :- كيف ... بس وشلون ..

فيصل :- ما بقى الا هي وشلون يا عبقري زمانك ..

روبـن :- الغضاره كشفتك يا فيصل .. الغضاره من النوع الي يستخدمه الرسامين اذا جو يطحنون بعض الالوان .. يوم قتلت بن خوري

فيصل :- طيب وشلون انا الي اقتل بن خوري وانا عند اهلي وفي بيتي وقت الجريمه

روبـن :- ومن قالك ان وقت الجريمه من 10 الى 11 انت قتلته قبل هالوقت لكنك رفعت على تبريد التكييف عشان يتأخر وقت انتفاخ الجثه .. والي خلاني اشكك في الوقت هو ارتفاع برودة الشقه
والي خلاني اشك فيك .. انتشار الدم على الجدار واضح ان كان شي مغطيه .. والي مغطيه كان لوحه من رسمك كنت داخل عليه بحجة انك تهديه اللوحه .. لكنك قتلته . .

أما بالنسبه للبلو .. يوم جت تلقي خطابه طاح عقد الولو .. وجيت انت من ورا وعطيت اياه لكن العقد كان مختلف .. لان العقد الي لبسته اياها كان مشبوك بخطاااف .. وخيط بحيث اذا تحركت ستارة المسرح .. تشنقهاا صح والا لأ

فيصل :- طيب والدليل ..

روبـن :- الدليل .. العقد الي على بلو بعد ما شنقتها واضح انه ما سقط منه ولا حبه .. صح .. لكن شف حبة الولو الي معي من وين جت .. وليش هذي الحبه طايحه في المسرح .. فيصل الدليل هو عقد الولو الاصلي صح ومكانه في عصاك

رامي السهام :- فيصل عطني عصااك ..

وفعلا .. وجد عقد الولو الاصلي .. ووجد الدليل .. واثبتت الجريمه على فيصل ..

روبـن :- فيصل هذي اخرتها تقتل بلو الي ربيتها ..

فيصل :- انت ما تدري ان بلو طعتني في الظهر .. شفت الارض الي عليها البرجين هي ارضي لكن بلو خذتها مني غصب بعد ما زور بن خوري عقد الالاض وخلاه باسم بلوو .. حلالي يروح قدامي واسكت ..
كنت ناوي اني اخطط للجريمه بس يوم عرفت انك من ضمن المدعوين خفت لكن قلت باسويها والي فيها فيها

روبـن :- لو كل واحد خذ حقه بطريقتك كان حنا عايشين في غابه ..
المفتش رامي اقبض عليه ..

رامي السهام :- والله وسويتها ياروبـن يا بعدي والله وفكيتنا من الجريمه ..

روبن :- العداله الا وما تاخذ مجرااهاا ..

.................................

روبـن :- المزن .. وش رايك بس بعد ذي القضيه .. انا عازمك على عشا ..

المزن : يلا مشينا وربي ان جايعه ..

روبـن : مشيناا .. الا صح ما عندك مقطع بلوتوث ..

المزن :- خلص روايتك وفكنااا...

.................................

اتمنى اني ما طولت عليكم .. كانت ذي مجرد محاوله ربما تتبعهاا محاولات اخرى ..

تحياتي لكم روبـن هود

**رامي السهام** · 28-03-2006, 08:00 PM

هلا والله بالمحقق العالمي وحيد الجزيرة
حادثة اشغلت الرأي العام حتى استلمت القضية<<<ما يدري وش القضية
يعطيك العافية وبرجع لك ...الموضوع كبير مرة...ويثبت للاهمية القصوى

عاشقة الأخضر · 28-03-2006, 08:16 PM

اخي الكريم لي عودة بأذن الله

**ملك روحي** · 28-03-2006, 08:23 PM

روبن هود والله مبدع ..................مبدع
خليتني اندمج مع القصه كانها فلم امريكي ..............
شكلك تقراء قصص لنبيل فاروق.........................
والله كنت البطل كانك ادهم صبري...........................
اما عاد في امريكا طيب وش هاالهجه والله غطيت على اجاثاكرستي
لو يدري عنك جمس بوند كان طلب منك تالف جزء له.................بس حسافه ماراح يكون البطل
روبن......................
ننتظر سلسله روبن هود........................

**محمد الجهيم** · 28-03-2006, 11:36 PM

3 ردود .. و53 قرااءه ..

وش دعوااا تبون انزل الموضوع على جزئين

**ملتاعه على الملتاع** · 29-03-2006, 12:25 AM

بصراحه لايق عليك دور ادهم صبري روبن اتمنى تتحفنا بقصص اخرى في القريب العاجل......

**تمنيتكـ باحلامي** · 29-03-2006, 12:44 AM

يعطيك العافيه اخوي روبن هود والله مؤلف وكاتب ومبدع مبدع ولايق عليك دور ادهم صبري بانظار جديدك
تقبل مروري
اخوكـ
فتى الرياض

**المزن الهلالي** · 29-03-2006, 01:09 AM

سعادة المحقق العام :

بعد التحية والسلام

عندك مقطع بلتوث هههههههههه<..... ادمنت

وصـــل مكتب سعادتكم رسالة من بيروت

لدعوتك لاستلام قضية اغتيال الحريري بعد فشل( مليس )ونجاحك الباهر في قضية اغتيال (بلو غيتس ) !!

روبــــــــــــــــن هـــــــــــــود وش سويـــــــــــت !!

وش ذا الموضــــــــــــــــــــــــــــــــوع رهيـــــــــــــــــــــــــــــــــب رهيــــــــــــــــــــــــب رهيــــــــــــب لابعد حد من بدون اي مجاملة موضوع خطيـــــــــــــــــــــــــــــر مثل صاحبه !! !!

مـــــــــــــــــــــــــا انت سهل والله يامليس عليك ذكــــــــــاء وربي الله لايضرك !!

والله عليك قضيــــــــــة ياهيك قضية يابلا وش نبيل فاروق عندك !!

خلك معي بفصفصها حبة حبة بعد ما اتشرف بوضع اختام المجلس عليها بعد اذن المفتش العام رامي السهام اللي تشرف بتثيبته !!

بسم الله

أقتباسالمزن الهلالي :- مساعدة روبـن هـود وذراعه اليمين .. خبيره في فنون القتال .. واستعمال الاسلحة

ههههههه فنون قتــــــــــال والله مانتِ سهلة يالمزن فنون قتـــــــــال يع يو تشع !! رهيبة والله

أقتباسالمزن :- ودي اصبغ مسدسي وردي

روبـن :- الا وش رايك المشط يصير لو ويست .. والزناد كت .. قسم بالله انك فاضيه

ههههههههههههههههههههههههههههههههههههههههههههه ههههههههههههههههههه

يااخي كيفي وش دخلك هذا جزاي ابفتح نفسك للجرائم ..الشرهة مهيب عليك على اللي تشتغل معك ..

أقتباس
المزن :- وش تبيني اسوي يا اخي طفش .. لنا شهر ما جتنا قضيه ونت تعرفني انا انسانه ما يهنا لي قلبي الا واستعمل المسدس لو مره في اليوم ..

هههههههه والله اني في الرواية صادقة فضاوة اما مايهنا قلبي الا بمسدس حاشا مجرمة مو مساعدة محقق !!

أقتباسروبـن :- عز الله انك صادقه وربي ما عاد فيها قضايا .. من عقب قضية مقتل امين عام الامم المتحده وحنا نهش الذبان

ههههههههههههههههه

يؤ يؤ الأمين العام مرة واحدp24 لاتنصب عاد ذي اتوقع اني ماكنت معك فيه <----- روبن ياروح مابعدك روح

p50

الموقع محجوب بكرو الله لايعوق بشرp5 p21

أقتباسروبـن :- هذا انتوا يا الحريم ما يجي معكم الا العين الحمرا .. تشوفيني ضاق صدري فاضيه تمزحين
لكمــه خطافيه من المزن في وجه روبـن داخ منها ... وهوزت المزن بيدها الثانيه دنق روبـن واستقبلته ركبـه
المـزن :- اقرا الرساله لا أفرشك فيذا ..

هههههههههههههههههههههههههه هههههههههههههههههه ياشينك عاد
تستاهل اللي جاك وفي الرواية الثانية يجيك ازود اجل عين حمرا!!

أقتباسروبـن :- اعرفها من يوم اننا في الجامعه قبل ما تغتني وتروح امريكا ..

اه ياروبن جبتها على الجرح اذا اغنتهم بلدهم راحوا لامريكـــــــا
هجرة اموال يا سيدة بلو !!

أقتباسروبـن :- مكتب روبـن هـود للتحقيقات روبـن معك

هههههههههههه سلامات محقق مكتب طول وعرض !!وحال قضية مقتل الامين العام وترد على التليفون بنفسك !!

محقق مغازلجي ولاموظف استعلامات !!

أقتباسبلو :- هلا والله ,,, الا وش ذا يا روبـن اسمك على كل لسان ,, متابعه اخبارك وقضاياك ما شاء الله عليك .. تصدق اني متوقعها من يومك في الجامعه وانت مثلك الاعلى كونان .. الشباب الي مثلك يعلقون صور بنيات شي وانت كونان ..

ههههههههههههههههههههه ياي على الحلم والطموح !!

أقتباسبلوو :- هههه اذكرها .. شف الحين ولا اطلق شارب يهمها .. الا ما تذكر يومها مخققه على هاني . .

روبـن :- هههههه الا اذكرها .. يوم تجمع صور هيفاء وهبي في الجامعه وتحرقها .. بتسوي مظاهره على ستار اكاديمي

ههههههههههههههههه قطعوك ياشرشر مايسوى عليك ذا الهاني اللي مدحتيه !!

أقتباس
شرانيه :- الله واكبر .. نسيناا يا روبـن .. والا اقول السيلاني

المـزن :- هههههههههههه اما السيلاني والله وانفضحت ..

روبـن :-غيرو الموضوع ..

هههههههههههههههههههههههههههههههههههههههههههه وراه غيروه p3

وربي كثر من ذي ياشرانية عطني زود تكفين اشفي غليلي منه !!

أقتباسبن خوري .. وهو نص رجل .. عقله مهوب معه ..

روبـن : هلا هلا برئيس البلدية ..
بن خوري :- هااااه وش تبي ..

روبـن :- الله من قل الصح يا خالي .. ابد ما قلنا شي

ههههههههههه ههههههههههههههههه
رايح فيها ..

أقتباسبدا روبن يتفحص الجثه .. وقت الوفاة بين الساعه 10 و 11 ليل نتيجة طلقة رصاص في الراس ..

وهنا بدا روبـن يتفحص الموقع ويلقط صور .. وهنا شاف شي اثار استغرابه ..
روبن :- المزن وش ذا الغضاره الي منكسره ..
المزن :- الظاهر انها كانت مع بن خوري وطاحت من يده.......................................الخ

عاد هذي جد حبكة ذكية وخطيرة ورائعه جدا ياروبن المستقبل لك ..

أقتباسوهنا طفت انوار المسرح .. وجت المساعده تعلن عن بدء الحفل بأغنية من الفنانه العالميه شرانيه . . .
لسماع الاغنيه اسمع ملف الريل بلير

حركااااااااااااااااااات يا شرانية

أقتباسفيصل :- سمي يا بلو هديتي المتواضعه .

وه وه منه ذا خبيث من تحت الى تحت p3

أقتباسالا وبلو... مشنوقه ,, وجثتها معلقه بين السما والارض

.

يمـــــــــــــــــــــــــــــــــــــــة p50 <------ مساعدة محقق بعد !!

أقتباسياسر 20 :- اقسم بالله ما قتلتها صحيح اني مختلس وكنت بانحاش اليوم .. بس ما قتلت وربي ما قتلت ..

ههههههههههههههههههه برئ برئ ياشيخ بس مختلس بس !p5 !

أقتباس
روبـن :- الغضاره كشفتك يا فيصل .. الغضاره من النوع الي يستخدمه الرسامين اذا جو يطحنون بعض الالوان .. يوم قتلت بن خوري

وتواصل الحبكة الرائعة جدا ياروبن مستقبل روائي عظيم اتمناه لك من قلبي بكل صدق p10 p10 ..

أقتباسروبن :- العداله الا وما تاخذ مجرااهاا ..

ياولــــــــــــــــد !!p10

أقتباسروبـن :- المزن .. وش رايك بس بعد ذي القضيه .. انا عازمك على عشا ..

المزن : يلا مشينا وربي ان جايعه ..

طيب موافقة

وش بتعشيني !! <--- ماصدقت احد يأشرلها !!p5

أقتباسروبـن : مشيناا .. الا صح ما عندك مقطع بلوتوث ..

المزن :- خلص روايتك وفكنااا...

ههههههههههههههههههههههه ههههههههههههههههههه

خلاااااااااااااااااااااااااااااااااص غثيتني خذ جوالي كله ...

أقتباساتمنى اني ما طولت عليكم .. كانت ذي مجرد محاوله ربما تتبعهاا محاولات اخرى ..

تحياتي لكم روبـن هود

ليش ربما الا ان شاء الله انت كريم واحنا نستهاهل ولا باخل علينا ننبسط مثل اليوم !!

.......................

روبن ودي اخلي لك كلمة اخيرة مع انك ماشاء الله ماخليت لنا شي ..

مدري وش اقولك وش اعبرلك عبارات الدنيا تخوني قدام كاتباتك ..

ودي اعطيك قدرك بس عجزت وربي ..

وهذا الراوية قمة قمة والله مو عشاني فيها بس والله حابكها صح وجهدك وذكــــــــــاء ك واضح لنــــــا ياكونان ..

انا ماقدر اقول اكثر من كذا لان شهادتي مجروحة فيــــــــــــــــــــــك ..

بس طلب اخير اذا سمحت ...

لاتحرمنـــــــــــــــــــا من كتاباتك ولو تكتب رواية ثانية بعد صح ماننعطى وجه بس ابداعك اجبرنـــا نقول كذا ..

وشرفــــــــــــــــت المجلس بأحلى واروع اطلالة ..

/

/

تحيتيي وتقديري لك

مساعدتك وذراعك اليمين: ..

المزن الهلالــــــــي

عنـــــــــــــــــدك مقطع بلوتوث

شرانيه · 29-03-2006, 01:35 AM

:

أول شي روبن باللهـي عليك باللهـي عليك
قبل لا تنزل أي موضوع عطنياه عالخاص خل أناظره زيـن
وأدقق وأصحح الغلطاء الأملائيـه
وتصير النسبـه ففتي ففتـي أوتـسي ؟؟ p5

ثانـي ماشاالله ماشاالله أفكر أبخرك عـن عيون بعض الناس إلي
ودهم ينضلونك طبعن هم عارفيـن أنفسهم ولا لااا يا فيصل ؟؟

وثالـث شـي
بـن خوري عظم الله أجرك فيـك خخخ

وراابع شـي
خير ؟؟
ليش كذا ؟ من جد يعنـي من جد ليـه ؟؟
ليه تتافووول علـى سديكتـي بلوو وتموتها ؟؟
وش فيها مثلاً لو موّت فيصل !!
إلا أن كانك بتخليها تحط ورثها لـي مايخالف
بلووو اسم الله حولتس يابعدي

خامس شـي

أنـا حزينـه :(

أقتباسشرانيه :- واحده من افضل المطربات في العصر فنانه بمعنى الكلمه .. كان صديقة روبن وبلو في الجامعه ..

انااا قايلتـه محدن حاس بمواهبـي غيرك
ودك أغنـي وأحط صوتـي هنـا عشان تتأكدون من موهبتـي ؟؟
بس أسكـت لا يسمعك أخوي ثمـن يجيك يمشي مليوون ويكفخك خخخ

أقتباس روبـن :- المزن عندك مقطع بلوتوث جديد

المزن :- كل تبن وكمل الروايه ..

بعدي بالمـزن عليتس بـه p9

أقتباس بلو :- ايه نعم .. والله ان ودي اشوفه خصوصا واننا بنجتع انا وهو وشرانيه وكم من واحد من طلاب دفعتنا .. الله يلعن ذا الدنيا الي فرقتنا ..

الله يقلعتس ويقلع الفلوس إلي جتتس
بلوو أنتـي تلعنيـن ؟؟ مـن متـى بس ؟؟ هذي السعسعه والدجـه إلي تجي من الفلوس الواجده
أخبرك تكرهيـن اللعـن , وتحمقيـن ليـن لعـن أي أحد قدامتس
مااش تغيرتـي << بتشب نار بيننا والسبه روبن خخ

أقتباسروبـن :- هذا انتوا يا الحريم ما يجي معكم الا العين الحمرا .. تشوفيني ضاق صدري فاضيه تمزحين
لكمــه خطافيه من المزن في وجه روبـن داخ منها ... وهوزت المزن بيدها الثانيه دنق روبـن واستقبلته ركبـه

خخخخخخ ياربيه بالله يالمزن أوصفـي لنـا شعورك وأنتي تتدبجينـه ؟؟
تحسيـن بونااسه وقوه صح ؟
أودي أطق أي أحد ( خشه بريئه تناظر روبـن بمكر )

أقتباسبلو : في الشركع

الحيـن اللعـن ومشيناها !
بس الشركـع ذي وشي ؟ وش كنتي شاربه وأنتي تكلميـن ؟
ياحبي له إلي قال الفلوس وصخ دنيـا

أقتباسبلوو :- هههه اذكرها .. شف الحين ولا اطلق شارب يهمها .. الا ما تذكر يومها مخققه على هاني . .

روبـن :- هههههه الا اذكرها .. يوم تجمع صور هيفاء وهبي في الجامعه وتحرقها .. بتسوي مظاهره على ستار اكاديمي

لاااااا تذكرونـي فيهم حسبي الله عليه وعلى هويف كانهم جننونـي
حلت عليهم اللعنـه << والله وصرت ألعـن مثلكم يا أسدكااء السوء

قسم بالله مالكم داعـي تجرحون مشاعري وتتريقون علـي قدامي
مالت عليكم مـن أصحااب :|

أقتباس المزن :- وش الي صار ..
روبـن :- بت خوري انقتل

الله يرحمها , طيب بـن خوري وينـه ؟ << ههه ظريفه
روبـن قسم بالله أحسك تعانـي مع هالكيبورد إلي عندك خخخ

أقتباسروبـن : المزن ما تلاحظين شي غريب في الصوره .
المزن : الا والله .. الحين بن خوري مضروب في الراس .. بس انتشار الدم على الجدار غريب .. الدم جاي من تحت والجهة اليسرى ..
والمنطقه الي في الوسط واليمين ما فيها شي ..

يانذلكم بـس !
راعوا العقول المنلحسـه , الحيـن أنـا وش يفهمنـي حكيكم ؟؟

أقتباسوهنا طفت انوار المسرح .. وجت المساعده تعلن عن بدء الحفل بأغنية من الفنانه العالميه شرانيه . . .
لسماع الاغنيه اسمع ملف الريل بلير <---- قل قسم ..

مع الأسف ياروبـن بقولك شـي بقلبي ماقدرت أكتمه أكثر
منيب محللتك ليووم الديـن
<< تخيلت شكلها مغنيـه

أقتباس وويصرخ الحضووور .. ويلتفت روبـن ناحية المسرح

الا وبلو... مشنوقه ,, وجثتها معلقه بين السما والارض . .

ياتسبدييييييه
بسم الله عليها :(
بلو قبل لا تموتيـن علمينـي عشان أعترف لتس بحووبـي العميـق لتس

أقتباس ياسر 20 :- اقسم بالله ما قتلتها صحيح اني مختلس وكنت بانحاش اليوم .. بس ما قتلت وربي ما قتلت ..

خخخخخخخخخخ
ياسر عشريـن أهنيـك على روح البراائـه والسباهه إلي فيك
رحمتـه واللهـي خخ

أقتباس روبـن :- فيصل هذي اخرتها تقتل بلو الي ربيتها ..

زاد أستغربت من هالحضرمـي انه يعطي البنـت هديـه غاليـه
فيصل أنـا من زمااان أدور عليـك شـي عشااان أحقد من قلب وأخيرآ لقيـت
ياعدو النجاح كذا تقتلها ؟؟
هيّـن إذا فااز هانـي أوريك بـس الحيـن منيب فاضيـه

أقتباسروبـن :- لو كل واحد خذ حقه بطريقتك كان حنا عايشين في غابه ..

أحـس كأنـي سمعـت هالجملـه بـس ويـن مدري ؟؟ p5

روبـن صح عليك يحيااا العدل خخ
والله يا أنت لاعبتن بعقلك سبيـس تون خخخ
ما أوصيك أبيك تقتل فيصل وتعطينـي دمـه عشان أطشه في وجهه
أجل يقتـل بلووو ؟؟

واوتش ياطول ردي طولااااه

معليـش بس أنـا حزينـه راعوا مشاعري

روبـن لو مايجـي من موضوعك إلا أنـي صرت مغنيـه فيه كان يكفـي

أسلوب رهيب والله , بس لا تنسـى وش وصيتك عليه بالبداايه خخخ

برايفـت حزيـن لروبـن :
شفت النذله رولا سعد وش سوت فيني ؟
طلعـت هانـي نومينـي p50

..

صوت الحنين · 29-03-2006, 02:16 AM

سوينا الشاهي وخلص كاس الشاهي وما حسينا

اندمجت مع القصة بالمره

صراحة شي موطبيعي
اسلوبك مره حلووووووو

أنت كذا بتخلينا نخاف ماندخل المنتدى دام فيه محقق زي كذا

إن شا الله المره الجايه اكتب لنا روايه رومانسيه وحطني فيها <<<<<تتشرط بعد

عشان انا اخاف من الروايات اللي كذا <<<<أدري جبانه

روبن هود ألف شكر على الإبداع

ولا تحرمنا من إبداعك

**فيصل** · 29-03-2006, 02:33 AM

*
*
*
هلا روبن
والله موضوع أكــه p10
يعطيك العافيه على القصه
سلامو

خاص لروبن
محجوز
عندي اختبـار الساعه 9
ومتى ماكتب الله رجعت ورديت

ابصفقه اللي بيحذف ردي p50

سلامو

**bty** · 29-03-2006, 04:01 AM

السلام
خخخخخخخخخخخخخ الله يرجك ياشيخ والله موضوعك خطير
بس اعترف وش انك شايف قبل لاتكتب ذا القصه
كاني شايفتها حلقه في كونان
والله جابتها شرانيه يا ان سبيس تون لاعبه بعقلك لعب خخخخخخخخخخخخخخخخخخ
وانت مايعجبك الا ياسر 20 تحس ياقلبي انواع الفهاوه
يعطيك الف عافيه روبن والله قصه روعه
وان شاء الله الجايات اكثر

:: THE - YEN :: · 29-03-2006, 05:16 AM

اخخخخخخخخخخخخخ يا روبن ياطول موضوعك طولاه

لكن وربي شققت بطني من الضحك <<< لاعاد تتحمس يابوp5
.
.
.

أقتباسبن خوري:- رئيس البلدية ..مرتشي .. انتشر الفساد في المدينه بعد ان تسلم رئاسة البلدية

::
خخخخخخخخخخخخخخخخخخ

ياحليلك يابن خوري قسمن بالله انك مظلوووم

.
.

أقتباسياسر 20 :- شاب طموح مدير قسم التطوير في شركة الاتصالات الي تملكها بلو

::
وين طموووح وهو لاهف له 20 مليووونp2 p2
.
.

أقتباسفي المكتــب الي يقع في عماره على الطريق العام من المدينه جلس روبـن هـود وهو ماسك الجوال وقاعد يناظر مقاطع البلوتوث الي استقبلها البارح في المقهى ..

::
::
باقي على هالحاله ياروبن...<<<عندي لك مقاطع بلوتوث يحبها قلبك (وجه يغمز واللعانه طالعه من عيونه)p3
.
.

أقتباسالمزن :- ودي اصبغ مسدسي وردي

::
وش ذي المسكه يالمزن..وردي عاد

.
.

أقتباسروبـن :- المزن عندك مقطع بلوتوث جديد

المزن :- كل تبن وكمل الروايه ..

::
والله انك تكسر الخاطر ياروبن... قلت لك مالك الا "نايت"p9
.
.

أقتباسشرانيه :- الله واكبر .. نسيناا يا روبـن .. والا اقول السيلاني

::
ههههههههههههههههه هذي اخرتها <<ياخوي مادامك انت اللي كاتب الموضوع استر على نفسكp17
.
.

أقتباسبن خوري .. وهو نص رجل .. عقله مهوب معه ..

::
هذا من تاثير "السينير"<< صح على الاسم يا روبن والا غلطp8
.
.

أقتباسروبـن :- لا لا .. ما اظن شوفي وشلون منكسر .. لاحظي منكسره نصين لو انها طاحت من يده كان اخذت اكثر من كسره ..
لكن والله العالم انها زي العلامه للقاتل .. جيبي لي غضاره عشان اوريك

::
امحق علامه<< غظاره عاادp5
.
.

أقتباسروبـن :- لا مو ياسر 20 الي قتل بلوو .. القاتل هو فيصــل

::
اخخخ يافيصل طلعت قاتل << انا من يوم شفتك تتمسكن في التشات وانا داري,,

.
.

أقتباسروبـن :- لو كل واحد خذ حقه بطريقتك كان حنا عايشين في غابه ..

::
ذكرتني بالمرشد الطلابي ايام الابتدائيه..p5
.
.

أقتباسروبـن : مشيناا .. الا صح ما عندك مقطع بلوتوث ..

المزن :- خلص روايتك وفكنااا...

انت باقي على هالسالفه يااخوي..p17
8
8
8
8
اخيرا خلصت روايتك

.
.
روبن قسمن بالله انت كذا برفع الابهام الى اعلى وقبض بقيه الاصابع<<< اقول ورا ماتذلف

"روبن" يعطيك العافيه حبيب قلبي وعشان هالروايه 10 مقاطع بلوتوث مني ...

**Aroma** · 29-03-2006, 08:22 AM

//

p19

يبي له رواقــه ..!!

صبر برجع بعد شوي ..

اذ1 ربكـ اراد

نجمةالمنتدى · 29-03-2006, 02:09 PM

ما أنت من قلم من سماء الى سماء من بستان الى بستان قناديل مضيئه بأحرف من الخيوط العسجديه المنصعه بأسم

روبن هود

اسمحي لي باعتراف
قرأت وكأنني اتفرج على نقلٍ حي لوقائع حياتية واقعية

في هذه الصفحة اصطدمت بكومة من العذوبة والجمال
تبدأ باسمك
وتنتهي الى وصفك

العزيز روبن هود
تتألق بالجديد
رأيت فيك الكاتبة المتألقة

تألق جد وأجتهاد وروعة طرحه سحُب منهمره على أرض الخير بأنامل تعطي ولا تبخل بشوش وقلم ٍ جأوش

عزيزي
اشكرك على كل حرف
ولكِ تحيتي
اختك

نجمةالمنتدى

28-03-2006, 07:23 PM	#1
محمد الجهيم من مؤسسي الموقع	جريمــة يوم الافتـتـاح . . . . . الموضوع طويل شوي يبيله كاس شاهي .. شخصيات القصة :- روبـن هـود :- وحيد عصره وفريد زمانه .. المحقق الاول على مستوى العالم .. استطاع كشف غموض مقتل الرئيس الامريكي كيندي بعد ان بقى سر لسنوات طويلة .. المزن الهلالي :- مساعدة روبـن هـود وذراعه اليمين .. خبيره في فنون القتال .. واستعمال الاسلحة بلو :- أغنى امرأه على مستوى العالم .. درست مع روبـن في الجـامعه .. وبعد التخرج عاشت في امريكا وانشأت شركة اتصالات تعد من اكبر الشركات في العالم .. بن خوري:- رئيس البلدية ..مرتشي .. انتشر الفساد في المدينه بعد ان تسلم رئاسة البلدية فيصل :- معلم بلو الخاص من يومها صغيره وهو مربيها رسام نفسيته في خشمه وعصبي وضو شابه شرانيه :- واحده من افضل المطربات في العصر فنانه بمعنى الكلمه .. كان صديقة روبن وبلو في الجامعه .. ياسر 20 :- شاب طموح مدير قسم التطوير في شركة الاتصالات الي تملكها بلو رامي السهام :- مفتش الشرطه العتيد .. الصديق المقرب من روبـن .. حالف انه يطارد المجرمين وين ما كانوا ولا تهون الردود الماصله القصة جريــمة حفــل الافتتـاح ... في المكتــب الي يقع في عماره على الطريق العام من المدينه جلس روبـن هـود وهو ماسك الجوال وقاعد يناظر مقاطع البلوتوث الي استقبلها البارح في المقهى .. والمزن الهلالي جالسه تنظف الفرد وتزبطه .. همن التفت على روبـن وقالت .. المزن :- ودي اصبغ مسدسي وردي روبـن :- الا وش رايك المشط يصير لو ويست .. والزناد كت .. قسم بالله انك فاضيه المزن :- وش تبيني اسوي يا اخي طفش .. لنا شهر ما جتنا قضيه ونت تعرفني انا انسانه ما يهنا لي قلبي الا واستعمل المسدس لو مره في اليوم .. روبـن :- عز الله انك صادقه وربي ما عاد فيها قضايا .. من عقب قضية مقتل امين عام الامم المتحده وحنا نهش الذبان .. دوك القضايا الي عندي .. وحده تبيني ادور قطوتها انا خلقه يومني بزر وانا لاعنن والدي القطاوه الحين تبيني ادور عليها واحد يبيني ادور عن اخووه .. يا اخي انت بثر واخوك مالن منك .. الله يلعنك انت واخوك .. اقول المزن .. شيكتي على البريد اليوم .. المزن :- الحين باروح اجيبه .. روبـن :- المزن عندك مقطع بلوتوث جديد المزن :- كل تبن وكمل الروايه .. ............................... في الولايات المتحده ... لوس انجلوس وعلى الفله المطله على شواطى ماليبو الذهبيه كانت بلو جالسه على الشرفه المطله على الشاطى وهي تحتسي كأسا من ( الريد واين ) ومستغرقه في التفكيـر .. وهنا قطع عليها فيصل حبل افكارها فيصل :- وش تفكيرن فيه .. بلو :- ابد افكر في رجعتي للديره .. وافتتاحي للمكتب الرئيسي للشركه هناك .. تصدق انه حلم وتحقق فيصل :- اللهم لك الحمد خلاص كلها الاسبوع الجاي وحنا رايحين .. بلو :- الا سألت ياسر 20 وش سوا فس قائمة الزوار وهل ارسل لهم الدعوات فيصل :- ايه انرسلت كل البطاقات الا صحيح بسألك وش عرفك بروبـن هـود بلو :- وشلون ما اعرفه صديقي من ايام الحامعه .. كنا انا وياه في تفس الجامعه .. والله لو اقولك ذا الادمي فلته ذكاء خارق .. لوا انه ما اتجه للتحقيق .. والا كان خليته يجي معي في الشركه فيصل :- اها ,, انا اعرف روبـن عن طريق الجرايد واخبر انه حلال جرائم .. حتى انهم شرلوك هولمز العصر بلو :- ايه نعم .. والله ان ودي اشوفه خصوصا واننا بنجتع انا وهو وشرانيه وكم من واحد من طلاب دفعتنا .. الله يلعن ذا الدنيا الي فرقتنا .. فيصل :- طيب اجل موعد سفرتنا الاسبوع الجاي والافتتاح يوم الاثنين .. .............................. المزن :- روبـن عندك رساله من امريكاا شكلها قضية جديدة روبـن :- خليني اشوف المزن :- كود فيه قضيه الواحد يغير جو وينبسـط مليت من مقابل وجهك روبـن :- عطيني الرساله ولا يكثر .. المزن :- خذ الواحد ما يمزح معك .. روبـن :- هذا انتوا يا الحريم ما يجي معكم الا العين الحمرا .. تشوفيني ضاق صدري فاضيه تمزحين لكمــه خطافيه من المزن في وجه روبـن داخ منها ... وهوزت المزن بيدها الثانيه دنق روبـن واستقبلته ركبـه المـزن :- اقرا الرساله لا أفرشك فيذا .. روبـن :- هاتيها روبـن :- يووووه .. الله يذكرك بالخير يا بلو .. اجل بتستقريـن في الديره .. المـزن :- وش بلو ذي .. روبـن :- احد ما يعرف بلو .. أغنى امرأه في العالم المـزن :- الا اعرفها بس انت وش عرفك فيها .. ما دريت ان عندك علاقات قويه .. روبـن :- اعرفها من يوم اننا في الجامعه قبل ما تغتني وتروح امريكا .. المـزن :- ايه اخبر انها بتفتح شركتها وبتجي .. روبـن : عليك نور شفتي البرجين الي على طريق القناص العام المـزن : هذي الي لها روبـن :- ايه عليك نور .. وهنا تلفون المكتب يقطع عليهم المحادثه .. روبـن :- مكتب روبـن هـود للتحقيقات روبـن معك بلو :- هلا والله بروبـن يا الله حيه .. من زمان عنك .. روبـن : هلا والله حي الصوت .. اخباارك عاش من سمع صوتك يالقاطعه بلو :- عاشت ايامك بس خلها لى ربك تعرف الدنيا ومشاغلها روبـن :- الا انتي وينك في امريكا والا وصلتي الديره بلو :- ايه لي يومين واصله .. الا تعال ورا ما سير علينا اليوم روبـن : والله مهيب مشكله وين تبين نلتقي بلو : في الشركع انا باكون هناك عشان اشوف وش صار على تنظيم حفل الافتتاح روبـن : وهو كذلك .. ساعه وانا هناك بلو :- انا في انتظارك ............................. روبـن والمـزن يوقفوون عند الشركه .. المزن :-واااااوك ما طول ذا البرج عجزت اشوف اخره .. روبـن :- انتي تقولينه ... وانا اطل عليه دخت .. والله مهيب تلعب بلو وتجيهم مساعدة بلو .. المساعده :- اهلا انا نور ,, مديرة مكتب الانسه بلو . روبـن :- هلا والله انا روبـن وهذي المزن مساعدتي .. المسـاعده :- تفضلوا .. روبـن :- والله ما شاء لله روعه التصميم .. المساعده :- ايه نعم طبعا هذا البرح الاول وهو 90 دور وهو يحتوي على مكاتب ... وشركة بلو ماخذه الثلاثين دور الاخيره للشركة الاتصالات والبرج الثاني فناادق .. تفضلو للمصعد هذا عشان نروح قاعة الحفل في الدور الاخيـر بلو :- هلا والله وغلا حي الله روبـن .. روبـن :- هلابك اكثر والله يا الله حيها .. بلو : - الله يحيك .. الله يا الدنيا .. من زمان بس الى الان وانت انت ما تغيرت كأنك ايام الجامعه .. عصل قاضي .. روبـن :- الا انتي الي تغيرتي .. مره والله والفلوس صرتي تلعبين بها لعب .. بلو :- يا رجال فلووس وكلش لكن ما تشتري السعاده .. خلها على ربك المهم ما عرفتنا على الاخت .. روبـن :اووه آسف .. بلو ,,المـزن الهلالـي .. مساعدتي وذراعي اليمين .. بلو :- هلا والله ,,, الا وش ذا يا روبـن اسمك على كل لسان ,, متابعه اخبارك وقضاياك ما شاء الله عليك .. تصدق اني متوقعها من يومك في الجامعه وانت مثلك الاعلى كونان .. الشباب الي مثلك يعلقون صور بنيات شي وانت كونان .. روبـن :- اما ايام الجامعه .. ايام يا زينها .. الا تعال بأوريك شخص تعرفه زين بس الظاهر انك مبطي عنه .. بلو :- شرانيــه .. شرانيــه : - هلا هلا .. اووه روبــن هلا والله وينك يا التعبــان وين ايااامك روبـن :- هلا والله وغلا .. هههههههه انا الي ما انشاف من بعد ما صار اسمك على كل لسان صرتي تتغلين علينا الا ما تذكرين يا بلوو ايام الجامعه يومها تخاف توقف ي المسرح .. يوم تصيح علينا تقول ما اقدر .. بلوو :- هههه اذكرها .. شف الحين ولا اطلق شارب يهمها .. الا ما تذكر يومها مخققه على هاني . . روبـن :- هههههه الا اذكرها .. يوم تجمع صور هيفاء وهبي في الجامعه وتحرقها .. بتسوي مظاهره على ستار اكاديمي شرانيه :- الله واكبر .. نسيناا يا روبـن .. والا اقول السيلاني المـزن :- هههههههههههه اما السيلاني والله وانفضحت .. روبـن :-غيرو الموضوع .. بلو :- تعال روبـن اعرفك على طاقم الشغل الي معي . . اول شي اعرفك فيصل .. معلمي من يومي صغيره .. وهو الي مربيني تقريبا .. روبـن:- هلا والله .. بالعم فيصل .. فيصل :- ايه طيب .. روبـن :- شكلك رسام صح . فيصل :- وش دراك .. روبـن :- اول شي اثار مسك الريشه على يدك ثاني شي .. كمك الي عليه فحم .. شكلك ما انتبهت له .. بلو :- روبـن ما تخلي عنك ذا العاده . . اعرفك على بن خوري .. الي لولا الله ثم هو ما كان قدرنا نبني ذا البرجين .. بن خوري .. وهو نص رجل .. عقله مهوب معه .. روبـن : هلا هلا برئيس البلدية .. بن خوري :- هااااه وش تبي .. روبـن :- الله من قل الصح يا خالي .. ابد ما قلنا شي بن خوري :- اقول بلو .. بأنام اليوم في الفندق .. اليوم .. بلو :- بن خوري ما يصير ما بعد افتتحنا وانت تبي تناام فيه بن خوري :- اقوول .. ترا باسكر ابرااجك ذي بلوو :- خلاص انا بأعطيــك الدور التاسع والستين نم فيه جعلك ما تقوم ... وهنا روبـن بدا يتفحص المكان .. ويناظره و والمزن ................................. في فجر يوم الاثنين رن الــجوال على روبـن هـود .. روبـن :- هلا والله بالمفتش رامي السهام رامي السهام :- هلا والله المهم ابيك تجي بسرعه للفندق حق بلوو .. بن خـوري انقتـل روبـن :- وشووووو .. !! اجل شف لا احد يلمس موقع الجريمه الا لين اجي .. رامي السهام :- اوكي بس تعال بسرعه . . . روبـن يصحي المـزن : - اصحي بسرعه عندنا قضيه المزن :- وش الي صار .. روبـن :- بت خوري انقتل ويروح روبـن والمزن على وجه السرعه الى الفندق .. رامي السهام : الله جابك شف شغلك .. روبـن : ان شاء الله ورا بس الشقه بارده . . رامي السهام :- قصر على التكييف اذا تبي بدا روبن يتفحص الجثه .. وقت الوفاة بين الساعه 10 و 11 ليل نتيجة طلقة رصاص في الراس .. وهنا بدا روبـن يتفحص الموقع ويلقط صور .. وهنا شاف شي اثار استغرابه .. روبن :- المزن وش ذا الغضاره الي منكسره .. المزن :- الظاهر انها كانت مع بن خوري وطاحت من يده روبـن :- لا لا .. ما اظن شوفي وشلون منكسر .. لاحظي منكسره نصين لو انها طاحت من يده كان اخذت اكثر من كسره .. لكن والله العالم انها زي العلامه للقاتل .. جيبي لي غضاره عشان اوريك المزن :- وانت شايفني محل مواعين روبن :- جيبي بس ولا يكثر . روبـن :- شوفي الحين .باحط الغضاره بالمقلوب وباضرب قاعدتها .. وانكسرت الغضاره نصين .. المزن :- صحيح والله اجل معك حق شكلها علامه .. روبن :- جيبي كيس الادلة .. خلنا نحط الغضاره فيه .. روبـن :- المفتش رامي السهام تعال ابيك .. رامي السهام :- هااه بشر وش وصلت له .. روبـن :- ما فيه شي معين لكن الشكوك تحوم حول اربعه .. رامي السهام : من .. هم روبـن :- فيصل ..وبلو .. وشرانيه .. وياسر 20 .. روبـن : حلو رح استجوبهم وانا باقعد في مسرح الجريمه باكمل بعض التحقيقات اوكي .. .......................... روبـن : المزن ما تلاحظين شي غريب في الصوره . المزن : الا والله .. الحين بن خوري مضروب في الراس .. بس انتشار الدم على الجدار غريب .. الدم جاي من تحت والجهة اليسرى .. والمنطقه الي في الوسط واليمين ما فيها شي .. روبـن : - يعني المزن :- يعني كان فيه شي مغطي هالمنطقه روبـن : يا سلام عليك فيه شي مغطي هالمنطقه وشو ما ادري .. وهنا يدخل رامي السهاام : هلا روبـن تراي استجوبتهم . . وكل واحد حجته اقوى من الثانيه .. بلو كانت في قاعة الحفل .. وموضفينها شهدوا وبرضو ياسر 20 كان معهم وشرانيه كان عتدها حفل تحييه .. وفيصل رجع لشقته وزوحته وحارس عمارته شهدوا انه كان في الشقه في وقت الجريمه .. روبـن :- اهاا اجل القضيه بتطول شوي .. لكن المجرم بينهم انا متأكد من هذا رامي السهام :- تبينا نحقق ثاني مره معهم والا تبينا نقول لبلو .. تكنسل الحفله .. روبـن :- لا لا خل كل شي على حاله .. المجرم بيطلع يوم الحفل واسكر القضيه رامي السهام : عساك على القوه .. .......................... يوم الحفله .. حضر روبـن هـود والمزن الهلالي وهم متشيكين آخر شياكه .. علية المجتمع موجودين .. . روبـن كان يشغل تفكيره الجريمه .. ومنهو الي كان ورا مقتل بن خوري وهنا قطعنه المزن .. المزن :- يا ربيه ما اداني ذا الاجواء وربي قرف .. روبـن : - والله اني مثلك بس وش اسوي لازم اجي عشان بلوو .. وثاني شي عشان المجرم لانه لازم يظهر اليوم المزن : اجل انا باخذ لي فره باشوف كود القى احد اعرفه .. روبـن :- الله معك .. وهنا طفت انوار المسرح .. وجت المساعده تعلن عن بدء الحفل بأغنية من الفنانه العالميه شرانيه . . . لسماع الاغنيه اسمع ملف الريل بلير <---- قل قسم .. http://www.alqnas9.com/robben/me/shrshr.ra وفي هذه الاثناء ... روبـن يسولف مع بلو ويتقدم لهم فيصل فيصل :- سمي يا بلو هديتي المتواضعه . بلو :- الله عقد لولو الله يعطيك العافيه تعيش وتعطي يا فيصل فيصل :- ولو يا بلوو انتي بحسبة بنتي .. بلو :- عن اذنك روبن باروح القي كلمة الافتتاح .. فيصل تعال معي روبـن اذنك معك ... المساعده :- والان مع كلمة الافتتاح مع رئيس مجلس ادارة الشركه بلو .. وتنفتح الستاره .. وويصرخ الحضووور .. ويلتفت روبـن ناحية المسرح الا وبلو... مشنوقه ,, وجثتها معلقه بين السما والارض . . روبـن يدق على المزن :- المزن سكري المسرح ولا احد يطلع .. وانا بادق على رامي السهام اخليه يجي .. روبـن :- هلا رامي تعال بسرعه .. بلو انقتلت .. رامي السهام : - كيــف .. روبـن :- اقولك بلو انقتلت .. ............................... هنا بد روبـن يتفحص الجثه .. ويناظرها .. ويلتفت .. الا ويلقى نفس الغضاره مقسومه نصين .. وش السالفه هل هي جرايم متسلسله .. والخطاف متعلق برقبتها . . . وش علاقة بن خوري وبلو .. ليش .. القتل فقط في الي أسسو الشركه ,,, وش الدافع وش المشكله .. هنا .. استدعى روبـن الثلاثه المتبقيـن الي اشتبه فيهم . . روبـن :- القاتل بينكم يا الثلاثه .. بس من ما ادري,, كل واحد معه دليل يثبت براءته .. بس فdه غلط ... هنا يجي رامي السهام ويوقف جنب روبن ويطلع دفتر ملاحظاته وتبدأ الاسئلة والتحقيق والكل ينفي .. والكل معه دليل يثبت براءته ولا فيه دليل يدين المتهم .. هنا التفت روبـن .. وشاف شي يلمع .. حبة لولو .. غريبه .. ووبدا يفكر ويشوف .. في الفتره هذي .. المساعده تكلمت مع رامي السهام المساعده :- انا اعلمكم من المجرم .. رامي السهام :- منهو .. المساعده :- ياسر 20 لانه مختلس من الشركه ملايين الدولارات وكشفته بلو وعرف انه انكشف فأكيد هو الي قاتل .. رامي السهام :- أهااا .. يا عسكري كلبش ياسر 20 واتهمه بقتل بلوو . . . ياسر 20 :- اقسم بالله ما قتلتها صحيح اني مختلس وكنت بانحاش اليوم .. بس ما قتلت وربي ما قتلت .. هنا تدخل روبـن .. روبـن :- لا مو ياسر 20 الي قتل بلوو .. القاتل هو فيصــل رامي السهام :- كيف ... بس وشلون .. فيصل :- ما بقى الا هي وشلون يا عبقري زمانك .. روبـن :- الغضاره كشفتك يا فيصل .. الغضاره من النوع الي يستخدمه الرسامين اذا جو يطحنون بعض الالوان .. يوم قتلت بن خوري فيصل :- طيب وشلون انا الي اقتل بن خوري وانا عند اهلي وفي بيتي وقت الجريمه روبـن :- ومن قالك ان وقت الجريمه من 10 الى 11 انت قتلته قبل هالوقت لكنك رفعت على تبريد التكييف عشان يتأخر وقت انتفاخ الجثه .. والي خلاني اشكك في الوقت هو ارتفاع برودة الشقه والي خلاني اشك فيك .. انتشار الدم على الجدار واضح ان كان شي مغطيه .. والي مغطيه كان لوحه من رسمك كنت داخل عليه بحجة انك تهديه اللوحه .. لكنك قتلته . . أما بالنسبه للبلو .. يوم جت تلقي خطابه طاح عقد الولو .. وجيت انت من ورا وعطيت اياه لكن العقد كان مختلف .. لان العقد الي لبسته اياها كان مشبوك بخطاااف .. وخيط بحيث اذا تحركت ستارة المسرح .. تشنقهاا صح والا لأ فيصل :- طيب والدليل .. روبـن :- الدليل .. العقد الي على بلو بعد ما شنقتها واضح انه ما سقط منه ولا حبه .. صح .. لكن شف حبة الولو الي معي من وين جت .. وليش هذي الحبه طايحه في المسرح .. فيصل الدليل هو عقد الولو الاصلي صح ومكانه في عصاك رامي السهام :- فيصل عطني عصااك .. وفعلا .. وجد عقد الولو الاصلي .. ووجد الدليل .. واثبتت الجريمه على فيصل .. روبـن :- فيصل هذي اخرتها تقتل بلو الي ربيتها .. فيصل :- انت ما تدري ان بلو طعتني في الظهر .. شفت الارض الي عليها البرجين هي ارضي لكن بلو خذتها مني غصب بعد ما زور بن خوري عقد الالاض وخلاه باسم بلوو .. حلالي يروح قدامي واسكت .. كنت ناوي اني اخطط للجريمه بس يوم عرفت انك من ضمن المدعوين خفت لكن قلت باسويها والي فيها فيها روبـن :- لو كل واحد خذ حقه بطريقتك كان حنا عايشين في غابه .. المفتش رامي اقبض عليه .. رامي السهام :- والله وسويتها ياروبـن يا بعدي والله وفكيتنا من الجريمه .. روبن :- العداله الا وما تاخذ مجرااهاا .. ................................. روبـن :- المزن .. وش رايك بس بعد ذي القضيه .. انا عازمك على عشا .. المزن : يلا مشينا وربي ان جايعه .. روبـن : مشيناا .. الا صح ما عندك مقطع بلوتوث .. المزن :- خلص روايتك وفكنااا... ................................. اتمنى اني ما طولت عليكم .. كانت ذي مجرد محاوله ربما تتبعهاا محاولات اخرى .. تحياتي لكم روبـن هود التعديل الأخير تم بواسطة محمد الجهيم ; 28-03-2006 الساعة 07:25 PM

28-03-2006, 08:00 PM	#2
رامي السهام . . : زعيم القناصين : . .	رد : جريمــة يوم الافتـتـاح هلا والله بالمحقق العالمي وحيد الجزيرة حادثة اشغلت الرأي العام حتى استلمت القضية<<<ما يدري وش القضية يعطيك العافية وبرجع لك ...الموضوع كبير مرة...ويثبت للاهمية القصوى التوقيع: وإن غبت ! .. ما غبتوا عن البال !!

28-03-2006, 08:16 PM	#3
عاشقة الأخضر قناص جديد	رد : جريمــة يوم الافتـتـاح اخي الكريم لي عودة بأذن الله

28-03-2006, 08:23 PM	#4
ملك روحي . . : زعيم القناصين : . .	رد : جريمــة يوم الافتـتـاح روبن هود والله مبدع ..................مبدع خليتني اندمج مع القصه كانها فلم امريكي .............. شكلك تقراء قصص لنبيل فاروق......................... والله كنت البطل كانك ادهم صبري........................... اما عاد في امريكا طيب وش هاالهجه والله غطيت على اجاثاكرستي لو يدري عنك جمس بوند كان طلب منك تالف جزء له.................بس حسافه ماراح يكون البطل روبن...................... ننتظر سلسله روبن هود........................

28-03-2006, 11:36 PM	#5
محمد الجهيم من مؤسسي الموقع	رد : جريمــة يوم الافتـتـاح 3 ردود .. و53 قرااءه .. وش دعوااا تبون انزل الموضوع على جزئين

29-03-2006, 12:25 AM	#6
ملتاعه على الملتاع . . : زعيم القناصين : . .	رد : جريمــة يوم الافتـتـاح بصراحه لايق عليك دور ادهم صبري روبن اتمنى تتحفنا بقصص اخرى في القريب العاجل......

29-03-2006, 12:44 AM	#7
تمنيتكـ باحلامي Yasser Media Team وهسيس الوطـن	رد : جريمــة يوم الافتـتـاح يعطيك العافيه اخوي روبن هود والله مؤلف وكاتب ومبدع مبدع ولايق عليك دور ادهم صبري بانظار جديدك تقبل مروري اخوكـ فتى الرياض التوقيع:

29-03-2006, 01:09 AM	#8
المزن الهلالي مراقبة سابقة بشبكة القناص	رد : جريمــة يوم الافتـتـاح سعادة المحقق العام : بعد التحية والسلام عندك مقطع بلتوث هههههههههه<..... ادمنت وصـــل مكتب سعادتكم رسالة من بيروت لدعوتك لاستلام قضية اغتيال الحريري بعد فشل( مليس )ونجاحك الباهر في قضية اغتيال (بلو غيتس ) !! روبــــــــــــــــن هـــــــــــــود وش سويـــــــــــت !! وش ذا الموضــــــــــــــــــــــــــــــــوع رهيـــــــــــــــــــــــــــــــــب رهيــــــــــــــــــــــــب رهيــــــــــــب لابعد حد من بدون اي مجاملة موضوع خطيـــــــــــــــــــــــــــــر مثل صاحبه !! !! مـــــــــــــــــــــــــا انت سهل والله يامليس عليك ذكــــــــــاء وربي الله لايضرك !! والله عليك قضيــــــــــة ياهيك قضية يابلا وش نبيل فاروق عندك !! خلك معي بفصفصها حبة حبة بعد ما اتشرف بوضع اختام المجلس عليها بعد اذن المفتش العام رامي السهام اللي تشرف بتثيبته !! بسم الله أقتباسالمزن الهلالي :- مساعدة روبـن هـود وذراعه اليمين .. خبيره في فنون القتال .. واستعمال الاسلحة ههههههه فنون قتــــــــــال والله مانتِ سهلة يالمزن فنون قتـــــــــال يع يو تشع !! رهيبة والله أقتباسالمزن :- ودي اصبغ مسدسي وردي روبـن :- الا وش رايك المشط يصير لو ويست .. والزناد كت .. قسم بالله انك فاضيه ههههههههههههههههههههههههههههههههههههههههههههه ههههههههههههههههههه يااخي كيفي وش دخلك هذا جزاي ابفتح نفسك للجرائم ..الشرهة مهيب عليك على اللي تشتغل معك .. أقتباس المزن :- وش تبيني اسوي يا اخي طفش .. لنا شهر ما جتنا قضيه ونت تعرفني انا انسانه ما يهنا لي قلبي الا واستعمل المسدس لو مره في اليوم .. هههههههه والله اني في الرواية صادقة فضاوة اما مايهنا قلبي الا بمسدس حاشا مجرمة مو مساعدة محقق !! أقتباسروبـن :- عز الله انك صادقه وربي ما عاد فيها قضايا .. من عقب قضية مقتل امين عام الامم المتحده وحنا نهش الذبان ههههههههههههههههه يؤ يؤ الأمين العام مرة واحدp24 لاتنصب عاد ذي اتوقع اني ماكنت معك فيه <----- روبن ياروح مابعدك روح p50 الموقع محجوب بكرو الله لايعوق بشرp5 p21 أقتباسروبـن :- هذا انتوا يا الحريم ما يجي معكم الا العين الحمرا .. تشوفيني ضاق صدري فاضيه تمزحين لكمــه خطافيه من المزن في وجه روبـن داخ منها ... وهوزت المزن بيدها الثانيه دنق روبـن واستقبلته ركبـه المـزن :- اقرا الرساله لا أفرشك فيذا .. هههههههههههههههههههههههههه هههههههههههههههههه ياشينك عاد تستاهل اللي جاك وفي الرواية الثانية يجيك ازود اجل عين حمرا!! أقتباسروبـن :- اعرفها من يوم اننا في الجامعه قبل ما تغتني وتروح امريكا .. اه ياروبن جبتها على الجرح اذا اغنتهم بلدهم راحوا لامريكـــــــا هجرة اموال يا سيدة بلو !! أقتباسروبـن :- مكتب روبـن هـود للتحقيقات روبـن معك هههههههههههه سلامات محقق مكتب طول وعرض !!وحال قضية مقتل الامين العام وترد على التليفون بنفسك !! محقق مغازلجي ولاموظف استعلامات !! أقتباسبلو :- هلا والله ,,, الا وش ذا يا روبـن اسمك على كل لسان ,, متابعه اخبارك وقضاياك ما شاء الله عليك .. تصدق اني متوقعها من يومك في الجامعه وانت مثلك الاعلى كونان .. الشباب الي مثلك يعلقون صور بنيات شي وانت كونان .. ههههههههههههههههههههه ياي على الحلم والطموح !! أقتباسبلوو :- هههه اذكرها .. شف الحين ولا اطلق شارب يهمها .. الا ما تذكر يومها مخققه على هاني . . روبـن :- هههههه الا اذكرها .. يوم تجمع صور هيفاء وهبي في الجامعه وتحرقها .. بتسوي مظاهره على ستار اكاديمي ههههههههههههههههه قطعوك ياشرشر مايسوى عليك ذا الهاني اللي مدحتيه !! أقتباس شرانيه :- الله واكبر .. نسيناا يا روبـن .. والا اقول السيلاني المـزن :- هههههههههههه اما السيلاني والله وانفضحت .. روبـن :-غيرو الموضوع .. هههههههههههههههههههههههههههههههههههههههههههه وراه غيروه p3 وربي كثر من ذي ياشرانية عطني زود تكفين اشفي غليلي منه !! أقتباسبن خوري .. وهو نص رجل .. عقله مهوب معه .. روبـن : هلا هلا برئيس البلدية .. بن خوري :- هااااه وش تبي .. روبـن :- الله من قل الصح يا خالي .. ابد ما قلنا شي ههههههههههه ههههههههههههههههه رايح فيها .. أقتباسبدا روبن يتفحص الجثه .. وقت الوفاة بين الساعه 10 و 11 ليل نتيجة طلقة رصاص في الراس .. وهنا بدا روبـن يتفحص الموقع ويلقط صور .. وهنا شاف شي اثار استغرابه .. روبن :- المزن وش ذا الغضاره الي منكسره .. المزن :- الظاهر انها كانت مع بن خوري وطاحت من يده.......................................الخ عاد هذي جد حبكة ذكية وخطيرة ورائعه جدا ياروبن المستقبل لك .. أقتباسوهنا طفت انوار المسرح .. وجت المساعده تعلن عن بدء الحفل بأغنية من الفنانه العالميه شرانيه . . . لسماع الاغنيه اسمع ملف الريل بلير حركااااااااااااااااااات يا شرانية أقتباسفيصل :- سمي يا بلو هديتي المتواضعه . وه وه منه ذا خبيث من تحت الى تحت p3 أقتباسالا وبلو... مشنوقه ,, وجثتها معلقه بين السما والارض . يمـــــــــــــــــــــــــــــــــــــــة p50 <------ مساعدة محقق بعد !! أقتباسياسر 20 :- اقسم بالله ما قتلتها صحيح اني مختلس وكنت بانحاش اليوم .. بس ما قتلت وربي ما قتلت .. ههههههههههههههههههه برئ برئ ياشيخ بس مختلس بس !p5 ! أقتباس روبـن :- الغضاره كشفتك يا فيصل .. الغضاره من النوع الي يستخدمه الرسامين اذا جو يطحنون بعض الالوان .. يوم قتلت بن خوري وتواصل الحبكة الرائعة جدا ياروبن مستقبل روائي عظيم اتمناه لك من قلبي بكل صدق p10 p10 .. أقتباسروبن :- العداله الا وما تاخذ مجرااهاا .. ياولــــــــــــــــد !!p10 أقتباسروبـن :- المزن .. وش رايك بس بعد ذي القضيه .. انا عازمك على عشا .. المزن : يلا مشينا وربي ان جايعه .. طيب موافقة وش بتعشيني !! <--- ماصدقت احد يأشرلها !!p5 أقتباسروبـن : مشيناا .. الا صح ما عندك مقطع بلوتوث .. المزن :- خلص روايتك وفكنااا... ههههههههههههههههههههههه ههههههههههههههههههه خلاااااااااااااااااااااااااااااااااص غثيتني خذ جوالي كله ... أقتباساتمنى اني ما طولت عليكم .. كانت ذي مجرد محاوله ربما تتبعهاا محاولات اخرى .. تحياتي لكم روبـن هود ليش ربما الا ان شاء الله انت كريم واحنا نستهاهل ولا باخل علينا ننبسط مثل اليوم !! ....................... روبن ودي اخلي لك كلمة اخيرة مع انك ماشاء الله ماخليت لنا شي .. مدري وش اقولك وش اعبرلك عبارات الدنيا تخوني قدام كاتباتك .. ودي اعطيك قدرك بس عجزت وربي .. وهذا الراوية قمة قمة والله مو عشاني فيها بس والله حابكها صح وجهدك وذكــــــــــاء ك واضح لنــــــا ياكونان .. انا ماقدر اقول اكثر من كذا لان شهادتي مجروحة فيــــــــــــــــــــــك .. بس طلب اخير اذا سمحت ... لاتحرمنـــــــــــــــــــا من كتاباتك ولو تكتب رواية ثانية بعد صح ماننعطى وجه بس ابداعك اجبرنـــا نقول كذا .. وشرفــــــــــــــــت المجلس بأحلى واروع اطلالة .. / / تحيتيي وتقديري لك مساعدتك وذراعك اليمين: .. المزن الهلالــــــــي عنـــــــــــــــــدك مقطع بلوتوث التعديل الأخير تم بواسطة المزن الهلالي ; 29-03-2006 الساعة 01:15 AM

29-03-2006, 01:35 AM	#9
شرانيه من كبار المجلس	رد : جريمــة يوم الافتـتـاح : أول شي روبن باللهـي عليك باللهـي عليك قبل لا تنزل أي موضوع عطنياه عالخاص خل أناظره زيـن وأدقق وأصحح الغلطاء الأملائيـه وتصير النسبـه ففتي ففتـي أوتـسي ؟؟ p5 ثانـي ماشاالله ماشاالله أفكر أبخرك عـن عيون بعض الناس إلي ودهم ينضلونك طبعن هم عارفيـن أنفسهم ولا لااا يا فيصل ؟؟ وثالـث شـي بـن خوري عظم الله أجرك فيـك خخخ وراابع شـي خير ؟؟ ليش كذا ؟ من جد يعنـي من جد ليـه ؟؟ ليه تتافووول علـى سديكتـي بلوو وتموتها ؟؟ وش فيها مثلاً لو موّت فيصل !! إلا أن كانك بتخليها تحط ورثها لـي مايخالف بلووو اسم الله حولتس يابعدي خامس شـي أنـا حزينـه :( أقتباسشرانيه :- واحده من افضل المطربات في العصر فنانه بمعنى الكلمه .. كان صديقة روبن وبلو في الجامعه .. انااا قايلتـه محدن حاس بمواهبـي غيرك ودك أغنـي وأحط صوتـي هنـا عشان تتأكدون من موهبتـي ؟؟ بس أسكـت لا يسمعك أخوي ثمـن يجيك يمشي مليوون ويكفخك خخخ أقتباس روبـن :- المزن عندك مقطع بلوتوث جديد المزن :- كل تبن وكمل الروايه .. بعدي بالمـزن عليتس بـه p9 أقتباس بلو :- ايه نعم .. والله ان ودي اشوفه خصوصا واننا بنجتع انا وهو وشرانيه وكم من واحد من طلاب دفعتنا .. الله يلعن ذا الدنيا الي فرقتنا .. الله يقلعتس ويقلع الفلوس إلي جتتس بلوو أنتـي تلعنيـن ؟؟ مـن متـى بس ؟؟ هذي السعسعه والدجـه إلي تجي من الفلوس الواجده أخبرك تكرهيـن اللعـن , وتحمقيـن ليـن لعـن أي أحد قدامتس مااش تغيرتـي << بتشب نار بيننا والسبه روبن خخ أقتباسروبـن :- هذا انتوا يا الحريم ما يجي معكم الا العين الحمرا .. تشوفيني ضاق صدري فاضيه تمزحين لكمــه خطافيه من المزن في وجه روبـن داخ منها ... وهوزت المزن بيدها الثانيه دنق روبـن واستقبلته ركبـه خخخخخخ ياربيه بالله يالمزن أوصفـي لنـا شعورك وأنتي تتدبجينـه ؟؟ تحسيـن بونااسه وقوه صح ؟ أودي أطق أي أحد ( خشه بريئه تناظر روبـن بمكر ) أقتباسبلو : في الشركع الحيـن اللعـن ومشيناها ! بس الشركـع ذي وشي ؟ وش كنتي شاربه وأنتي تكلميـن ؟ ياحبي له إلي قال الفلوس وصخ دنيـا أقتباسبلوو :- هههه اذكرها .. شف الحين ولا اطلق شارب يهمها .. الا ما تذكر يومها مخققه على هاني . . روبـن :- هههههه الا اذكرها .. يوم تجمع صور هيفاء وهبي في الجامعه وتحرقها .. بتسوي مظاهره على ستار اكاديمي لاااااا تذكرونـي فيهم حسبي الله عليه وعلى هويف كانهم جننونـي حلت عليهم اللعنـه << والله وصرت ألعـن مثلكم يا أسدكااء السوء قسم بالله مالكم داعـي تجرحون مشاعري وتتريقون علـي قدامي مالت عليكم مـن أصحااب :\| أقتباس المزن :- وش الي صار .. روبـن :- بت خوري انقتل الله يرحمها , طيب بـن خوري وينـه ؟ << ههه ظريفه روبـن قسم بالله أحسك تعانـي مع هالكيبورد إلي عندك خخخ أقتباسروبـن : المزن ما تلاحظين شي غريب في الصوره . المزن : الا والله .. الحين بن خوري مضروب في الراس .. بس انتشار الدم على الجدار غريب .. الدم جاي من تحت والجهة اليسرى .. والمنطقه الي في الوسط واليمين ما فيها شي .. يانذلكم بـس ! راعوا العقول المنلحسـه , الحيـن أنـا وش يفهمنـي حكيكم ؟؟ أقتباسوهنا طفت انوار المسرح .. وجت المساعده تعلن عن بدء الحفل بأغنية من الفنانه العالميه شرانيه . . . لسماع الاغنيه اسمع ملف الريل بلير <---- قل قسم .. مع الأسف ياروبـن بقولك شـي بقلبي ماقدرت أكتمه أكثر منيب محللتك ليووم الديـن << تخيلت شكلها مغنيـه أقتباس وويصرخ الحضووور .. ويلتفت روبـن ناحية المسرح الا وبلو... مشنوقه ,, وجثتها معلقه بين السما والارض . . ياتسبدييييييه بسم الله عليها :( بلو قبل لا تموتيـن علمينـي عشان أعترف لتس بحووبـي العميـق لتس أقتباس ياسر 20 :- اقسم بالله ما قتلتها صحيح اني مختلس وكنت بانحاش اليوم .. بس ما قتلت وربي ما قتلت .. خخخخخخخخخخ ياسر عشريـن أهنيـك على روح البراائـه والسباهه إلي فيك رحمتـه واللهـي خخ أقتباس روبـن :- فيصل هذي اخرتها تقتل بلو الي ربيتها .. زاد أستغربت من هالحضرمـي انه يعطي البنـت هديـه غاليـه فيصل أنـا من زمااان أدور عليـك شـي عشااان أحقد من قلب وأخيرآ لقيـت ياعدو النجاح كذا تقتلها ؟؟ هيّـن إذا فااز هانـي أوريك بـس الحيـن منيب فاضيـه أقتباسروبـن :- لو كل واحد خذ حقه بطريقتك كان حنا عايشين في غابه .. أحـس كأنـي سمعـت هالجملـه بـس ويـن مدري ؟؟ p5 روبـن صح عليك يحيااا العدل خخ والله يا أنت لاعبتن بعقلك سبيـس تون خخخ ما أوصيك أبيك تقتل فيصل وتعطينـي دمـه عشان أطشه في وجهه أجل يقتـل بلووو ؟؟ واوتش ياطول ردي طولااااه معليـش بس أنـا حزينـه راعوا مشاعري روبـن لو مايجـي من موضوعك إلا أنـي صرت مغنيـه فيه كان يكفـي أسلوب رهيب والله , بس لا تنسـى وش وصيتك عليه بالبداايه خخخ برايفـت حزيـن لروبـن : شفت النذله رولا سعد وش سوت فيني ؟ طلعـت هانـي نومينـي p50 ..

29-03-2006, 02:16 AM	#10
صوت الحنين قنــاص فعــال	رد : جريمــة يوم الافتـتـاح سوينا الشاهي وخلص كاس الشاهي وما حسينا اندمجت مع القصة بالمره صراحة شي موطبيعي اسلوبك مره حلووووووو أنت كذا بتخلينا نخاف ماندخل المنتدى دام فيه محقق زي كذا إن شا الله المره الجايه اكتب لنا روايه رومانسيه وحطني فيها <<<<<تتشرط بعد عشان انا اخاف من الروايات اللي كذا <<<<أدري جبانه روبن هود ألف شكر على الإبداع ولا تحرمنا من إبداعك

29-03-2006, 02:33 AM	#11
فيصل عضو مؤسس للموقع	رد : جريمــة يوم الافتـتـاح * * * هلا روبن والله موضوع أكــه p10 يعطيك العافيه على القصه سلامو خاص لروبن محجوز عندي اختبـار الساعه 9 ومتى ماكتب الله رجعت ورديت ابصفقه اللي بيحذف ردي p50 سلامو التوقيع: صفحتي ع التويتر- اتشرف بتواجدكم https://twitter.com/#!/Fai9al15 لِـ / أحْلَامُنَا بَقَايّا لَنْ تكْتَمِل إلاّ فِيّ [ ,’ الجَنّه ,’]

29-03-2006, 04:01 AM	#12
bty قنــاص مبــدع	رد : جريمــة يوم الافتـتـاح السلام خخخخخخخخخخخخخ الله يرجك ياشيخ والله موضوعك خطير بس اعترف وش انك شايف قبل لاتكتب ذا القصه كاني شايفتها حلقه في كونان والله جابتها شرانيه يا ان سبيس تون لاعبه بعقلك لعب خخخخخخخخخخخخخخخخخخ وانت مايعجبك الا ياسر 20 تحس ياقلبي انواع الفهاوه يعطيك الف عافيه روبن والله قصه روعه وان شاء الله الجايات اكثر التوقيع: سبحان الله وبحمده سبحان الله العظيم

29-03-2006, 05:16 AM	#13
:: THE - YEN :: قنــاص مبــدع	رد : جريمــة يوم الافتـتـاح اخخخخخخخخخخخخخ يا روبن ياطول موضوعك طولاه لكن وربي شققت بطني من الضحك <<< لاعاد تتحمس يابوp5 . . . أقتباسبن خوري:- رئيس البلدية ..مرتشي .. انتشر الفساد في المدينه بعد ان تسلم رئاسة البلدية :: خخخخخخخخخخخخخخخخخخ ياحليلك يابن خوري قسمن بالله انك مظلوووم . . أقتباسياسر 20 :- شاب طموح مدير قسم التطوير في شركة الاتصالات الي تملكها بلو :: وين طموووح وهو لاهف له 20 مليووونp2 p2 . . أقتباسفي المكتــب الي يقع في عماره على الطريق العام من المدينه جلس روبـن هـود وهو ماسك الجوال وقاعد يناظر مقاطع البلوتوث الي استقبلها البارح في المقهى .. :: :: باقي على هالحاله ياروبن...<<<عندي لك مقاطع بلوتوث يحبها قلبك (وجه يغمز واللعانه طالعه من عيونه)p3 . . أقتباسالمزن :- ودي اصبغ مسدسي وردي :: وش ذي المسكه يالمزن..وردي عاد . . أقتباسروبـن :- المزن عندك مقطع بلوتوث جديد المزن :- كل تبن وكمل الروايه .. :: والله انك تكسر الخاطر ياروبن... قلت لك مالك الا "نايت"p9 . . أقتباسشرانيه :- الله واكبر .. نسيناا يا روبـن .. والا اقول السيلاني :: ههههههههههههههههه هذي اخرتها <<ياخوي مادامك انت اللي كاتب الموضوع استر على نفسكp17 . . أقتباسبن خوري .. وهو نص رجل .. عقله مهوب معه .. :: هذا من تاثير "السينير"<< صح على الاسم يا روبن والا غلطp8 . . أقتباسروبـن :- لا لا .. ما اظن شوفي وشلون منكسر .. لاحظي منكسره نصين لو انها طاحت من يده كان اخذت اكثر من كسره .. لكن والله العالم انها زي العلامه للقاتل .. جيبي لي غضاره عشان اوريك :: امحق علامه<< غظاره عاادp5 . . أقتباسروبـن :- لا مو ياسر 20 الي قتل بلوو .. القاتل هو فيصــل :: اخخخ يافيصل طلعت قاتل << انا من يوم شفتك تتمسكن في التشات وانا داري,, . . أقتباسروبـن :- لو كل واحد خذ حقه بطريقتك كان حنا عايشين في غابه .. :: ذكرتني بالمرشد الطلابي ايام الابتدائيه..p5 . . أقتباسروبـن : مشيناا .. الا صح ما عندك مقطع بلوتوث .. المزن :- خلص روايتك وفكنااا... انت باقي على هالسالفه يااخوي..p17 8 8 8 8 اخيرا خلصت روايتك . . روبن قسمن بالله انت كذا برفع الابهام الى اعلى وقبض بقيه الاصابع<<< اقول ورا ماتذلف "روبن" يعطيك العافيه حبيب قلبي وعشان هالروايه 10 مقاطع بلوتوث مني ... التوقيع:

29-03-2006, 08:22 AM	#14
Aroma . . : زعيم القناصين : . .	رد : جريمــة يوم الافتـتـاح // p19 يبي له رواقــه ..!! صبر برجع بعد شوي .. اذ1 ربكـ اراد

29-03-2006, 02:09 PM	#15
نجمةالمنتدى قنــاص فعــال	رد : جريمــة يوم الافتـتـاح ما أنت من قلم من سماء الى سماء من بستان الى بستان قناديل مضيئه بأحرف من الخيوط العسجديه المنصعه بأسم روبن هود اسمحي لي باعتراف قرأت وكأنني اتفرج على نقلٍ حي لوقائع حياتية واقعية في هذه الصفحة اصطدمت بكومة من العذوبة والجمال تبدأ باسمك وتنتهي الى وصفك العزيز روبن هود تتألق بالجديد رأيت فيك الكاتبة المتألقة تألق جد وأجتهاد وروعة طرحه سحُب منهمره على أرض الخير بأنامل تعطي ولا تبخل بشوش وقلم ٍ جأوش عزيزي اشكرك على كل حرف ولكِ تحيتي اختك نجمةالمنتدى