‏)عاطفه(
أنتم ذالحين تتكلمون في إطار العاطفه،،
اش استفيد من كلامك ولا واحد حلل أداء مستوى أو أداء نيفيز،،نيفيز،، عشانة سجل هدف من كوره ثابته صار مستوى ممتاز عندكم،
وش ذا التفكير،،
إذا اللاعب ماقدم أداء من خلال يفتح مساحات لزملائه ويخلص هجمات ودقه تمريرات ويصنع لي فرص مو فرص خلينا نقول انصاف فرص لخط الهجوم،،بيكون ماقدم اما اذا بيسجل لي هدف من كوره ثابته أكيد مارح يقنعني
أنا تكلمت عن نيفيزو ويلي لاتروحون تجيبون اسما لعيبه ثانية وتقولو هم بعد تغير مستواهم ياناس ارحمو عقولنا انا اتكلم عن فتره الانتقالات الشتوية وأنا ادري ان كل من نيفيز و ويلي ماقدم شي بالفتره الاخيره سوا الدوري او آسيا بس أنا اقول ان ويلي له اهمية دور اكثر من البرازيلي تياقو وعللت هالشي بأن ويلي لاعب يلعب بالاطراف وعرضياته خطيره وكلنا نعرف ان كالديرون يعتمد في تكتيكه على العرضيات بس ويلي لاعب كرات ثابته والهجمات تصنع له هو ماشفناه صنع هجمه يلعب خلف الهجوم دايما
وغير ذا ذي وجهة نظري
أنا قلت ان ويلي يحتاج فرصه عنده امكانيات اكثر من تياقو
شكرا على مروركم
احترم ارائكم رغم تحفظي

تحليلك حلو ومنطقي منار واحنا فعلا بحاجة نناقش وضع ويلي ونيفيز في الفريق في هذي المرحلة الفاصلة وقرب فترة الانتقالات .

اتفق معك في الرأي بوضع نيفيز ، ما ادري لو تتابعونه تلاحظون فيه مسحة أنانية تضر الفريق احياناً ، وبرضه يواجه صعوبة في كسر الدفاعات ، دايم دفاع الخصوم يخلص منه الكور بسهولة ، وطبعا ينقطع الامداد بعد كذا على المهاجمين وتتحول هجمات خطرة علينا بسبب اندفاع الفريق للأمام مع الهجمة ، مدري ليه مستواه انحدر بشكل كبير السنه هذي . اعتقد نيفيز يروح لازم ، قدم ماعنده ولا يقدر يفيد الهلال في المرحلة القادمة .

بالنسبة لويلي يجلس ، لكن هو مشكلته في نفسيته ، اعتقد غير مستقرة، ما فيه غنى عنه وخفته وعكسياته ، اذا صار في يومه ، لا يوجد من يمكن يحل محله ، لكن لازم يتم التحدث معه شخصياً عن وضعه والا فالرحيل اريح له ولنا لأنه عنده مشكلة انه ماهو عايش جو المباريات السنة هذي وكأنه مسرّح .

بشكل عام اذا انحدر مستوى الفريق تبرز الأخطاء الفردية للخطوط واللاعبين ، يعني شوفوا خط الدفاع حقنا لما انخفض مستوى الفريق انخفض مستوى الدفاع فبرزت أخطاء هوساوي والمرشدي ، غاب رادوي عن الوسط بينت مشكلة المنطقة بشكل كامل. انخفض مستوى خط الهجوم ، صارت أخطا اللاعبين على حدة في الهجوم واضحة .

ما يقهرك الا انه يجي فريق الأهلي (محطة استراحة الفرق) ونتعادل معه . روح الفريق يبي لها رفع ، دور الإدارة كبير في هالمرحلة .

والله من وجهة نظري
ولي ونيفيز كلهم مبدعين
وماأتمنى يتركوا الهلال
ولاننسى ماقدموه من مستويات رائعه
لكن أذا كان لازم واحد منهم يروح أعتقد نيفيز
مع أنه خساره لكن ولي لالالالالالالالالا
أهم شي رادوي مايروووووووووووووووووووووووح
لبيه يارادوي

والله صدق المفروض نيفيز يروح آنــــآ ضده..
ويبقى ويلي صحيح اللحين كثرة اصاباته بس مستواه حلوو..
عوآفــــــي..

انا مو معصبه .. بالعكس بس انا احب الواحد يتكلم وهو فاهم مثل الاخ مشاري واللي قبله

هههههههههاي

نيفيز ينهي المباراه بأي دقيقه .... ههههههاي

ليش الاخ راس حربه مثلآ.. ينتظر عرضيات ويلي

طيب دام تقولي ان نيفيز صنع هجمات

اوكي جيبيلي مقطع يوتيوب هجمه من صناعه تياقو او حتى كوره قدر يخلصها من قدام المرمى ..( خلال الدوري والبطوله الاسيويه ) .. المباريات الاخيره

موضوعي تحليل فني .. وانتي بعيده عن التحليل الادائي .. تتكلمين عاطفيآ بدون ذكر مبررات لكلامك .. وعلى فكره ترا ويلي مو احسن حال من نيفيز
انا قصدي بالفتره القادمه لويلي دور مهم اكثر من تياقو
بالذات بقدوم كالديرون ...

ويمكن اللي يروح لي يونغ بعد


مشكوره على ابداء رايك ..

سبق وان قال صاحب السمو احتمال يرحل احد الاجانب وجلب اخر!!!
ولكن من وجهة نظري حاليآ ان لا يرحل احد بحكم ان الفريق منسجم
ويلعب بكل عطاء وتركيز
طبعآ من مصلحة الهلال ومصلحتنا بقاء كل المحترفين هذا الموسم
والتفكير برحيلهم نهايته
((حقيقة نريد بهذا الأنسجام بطولة تنسينى آسيا))

حبيت اشكرك منار لأنك فتحتي المجال للأعضاء جميعاً للتفاعل ومناقشة الوضع بعيدا عن العاطفة . ومعليش لو ثقلت عليكم شوي، لكن ودي أعقب على ردك السابق بخصوص المجاملات وأقول ان السنة اللي فاتت كنا غرقانين ببطولات ولعب على النهائيات وحالنا كان في العلالي ، عشان كذا ما كان عندنا وقت للانتقاد او التحليل العقلاني ، السنة هذي غير !

بالنسبة لكلامك عن مدرب اللياقة والطبيب والاصابات، وتساؤلك ما إذا كانت الادارة أخطأت . طبعا يا منار أخطأت الادارة أخطاء كبيرة . هؤلا يعتبرون جنود مجهولين، دايماً نتكلم عن المدرب واللاعبين (ونمدح فيهم اذا فزنا وننتقدهم اذا خسرنا) وننسى الطبيب ومدرب اللياقة. اللياقة الممتازة لللاعبين من أهم العوامل اللي تحافظ على الأداء المتوازن للاعب طوال فترة المباراة وهي (بعد الله) من يحافظ على اللاعب من التعرض للاصابات المختلفة.
و نفس الشئ ، الطبيب الممتاز والمتعود على اللاعبين وتاريخهم الطبي يكون له عامل كبير في المحافظة على اللاعبين قبل وأثناء وبعد المباريات وفي أوقات الاصابات ، والطبيب (وليس المدرب) هو من يقرر من يمكنه العودة الى اللعب من اللاعبين المصابين ، ومتى ، وعدد الدقائق اللي يلعبها في أي مباراة . وهذا يحافظ على اللاعب من تفاقم الاصابات على الأمد الطويل ويعطي المدرب التفكير بالبدلاء وتجهيزهم في الوقت المناسب. لكن الادارة الله يهديها ركزت على جيريتس فقط ونست الباقين !

المدرب يتعامل بالنواحي الفنية والتخطيطية والتكتيكية للفريق ، أما العمل الأساسي فهو على مدرب اللياقة وعلى طبيب الفريق ، المدرب يضع خططه على افتراض وجود لاعبين مكتملين اللياقة وجاهزين فنياً للأداء كما يطلب منهم وتحت أي ظروف قد تتطلبها أي مباراة. المدرب يحتاج حوله الى فريق عمل متكامل يكون كله على مستوى عالي ، وبعد كذا الباقي على الله ثم عليه وروح وتفاني اللاعبين .

كلامك يا منار عن وقف المجاملات والمديح وايجاد الأخطاء وحلها هو المطلوب خلال هذه الفترة ، الآن قربنا على منتصف الموسم لدوري المحترفين وقدامنا قريباً البطولات الأخرى ، يعني خلاص لازم شغل جامد -مافيه وقت-

جمهور الهلال متعود على البطولات ، وما يرضى بغير التتويج والمنصات ، ولازم ننسى اللي فات ، و نفكر بما هو آت . وان شاء الله نشوف من الآن ورايح الفرحة (In) والأحزان (Out) .

على فكرة هدف رادوي الروعة اللي في آخر الموضوع ، خلتنا نسهج على الهدف وننسى اللي قريناه ، ونرجع نقرأ واذا خلصنا ،نسهج ثاني مرة عند الهدف وعلى هالحال ....

صدقيني اختي منار الجمهور عاطفي لاتنتظرين منه نظرة عميقة
اللاعب يسجل قول يرفعونه السماء ويضيع يخسفون به القاع
ماتقدرين تلومينهم ..مشاعرهم تجبرهم
حتى انا ما اسوي طالعه منها..يعني لاعب مايقدم وش مقعده بعد؟
::

لكن من رأيي ماحد يروح من الـ4 الاجانب عشان مانخسر التجانس
واذا بيروح احد فهو نيفيز..
ويلي لاعب خرافي صحيح مستواه نازل
بس كل هذا عشان ظروفه
بعدين اكيد اللاعب يمر بحاله هبوط مستوى
مب آله هو..!!
عادي ترى مب عيب يقعد عندنا لاعب اجنبي 5 سنوات

وشكرا على الطرح يالغالية

ياشيخه قالها عبدالرحمن بن مسااعد السعوديه كلها مدربين
الله الاعيبه بس